الاثنين، 9 فبراير، 2009

استفتاح


بسم الله

نبتدى ان شاء الله

استفتاحكو عسل بالصلاتو على النبى

وصباحنا مانجه بأذن واحد احد

يلا كدة يا جماعه كل واحد يشوفله كرسى وبلاش تتخانقو على اللى يقعد قدام

كله هيشوف اقعد فى اى حته

احب اقولوكو كدة بالصلاتو على النبى ان المدونه مازالت تحت الانشاء

فا محدش يزعل من الديكور السىء علشان لسه بنخفق وبعدين هنخش على اول وش بويه

معلش استحملونا شويه على اعتبار ان دى التجربه الاولى للعبد لله فى البلوجات وكمان فى الكتابه بوجه عام

فرجاء تقدير مدى حساسيه الموقف وسامحونا على فقر المادة فى الاول علشان الاهتمام الرئيسى دلوقتى على الشكل العام للمطرح ولا مؤاخذة وياريت تقدرو معاناه مواطن من العصر الحجرى امام الاعدادت المعقده للبلوج

طلاسم وحياتكم

معلش اصبرو علينا شويه لحد البليه ماتجرى

وهنخش عالتقيل

واعذرونا لو حصل اى دربكه ومخمطه فى نشر التعليقات او فى النظام العام

لسه بنروق المطرح عقبال عندكو

لو حد عندة اى اقتراح انا اتشرف انى اسمعه

يلا استئذنكو بقى علشان بنركب الشبابيك