الخميس، 19 فبراير، 2009

نوفل بيلعب بالكبريته



ارحمنا يا نوفل وكن شويه بقى
انتا مش كنت قاعد تلعب فى الجله وتبلبط فى الترعه امبارح
مالك بقى ومال الزمالك ؟؟؟

احضرونا يا جماعه
الواد نوفل متبنى قضيه نادى الزمالك

طبعا ماهو لما الزمالك اتوكس , جمهورة جاله استبحس
وسرت شائعات بتقول ان النادى مستهدف من الحاج عوكل ذاته
لانه اهلاوى وبيكرة الزمالك

بطلوا عته بقى , هو الراجل هيفضى للكورة ولا لحسابات سويسرا

المهم قام طالع الواد نوفل كالعادة متبنى الزمالك
لان جمهورة اصبح اقليه اليومين دول
وهو شاطر فى موضوع الاقليات دة

من اول شهر العسل ما بينه وبين جماعه انصار السنه
لن اقول الجماعه ولكن ساقول السادة المحترمين زعماء الجماعه
وكذلك نقابه الاشراف اللى ملهاش اى لازمه اساسا
ثم السادة كبار الانتهازيين من مشايخ الطرق والكبارى اللى فضايحهم ماليه الجرايد والتلفزيون اليومين دول
ثم تنطيطه عمال على بطال كل يوم فى احتفالات الاقباط , وهات يا زن فى ودانهم , انا حلو , انا كويس, انا هعملكم كيت وكيت....
مرورا بزياراته الهبله للصعيد ولاسبوع الجامعات( يلا خلى الشباب يضحكوا شويه بدل كبت المحاضرين)
واخرتها المحلسه فى الزمالك

الله يلعن ابو الكورة وسنينها
ياااارب الاتحاد المصرى لكرة القدم يولع بلعيبته بمدربينه بزلانطحيته بحراميينه
قادر يا كريم
يمكن الناس تفوق شويه لنفسها

يا واد كن بقى
هو اونكل موافى معلمكش حاجه فى مجاميع التقويه اللى عاملهالك؟؟؟؟؟
ايه؟
هو اللى قالك تعمل كدة؟؟؟؟

شكله فى الاخر هيعملها معاك ويصورلك فيلم انت راخر
ماهو اصل الزمار يموت و...................
ههههههههههه
ابقى خلى بالك بقى

وروح كدة واسأله
وقوله يا اونكل موافى
هوة اللى بيلعب بالكبريت بالليل بيجراله ايه؟؟؟؟؟؟؟؟