الجمعة، 20 فبراير، 2009

هو فيه ايييييه؟؟؟؟؟؟


سؤال برىء
ياريت يا جماعه حد يجاوبنى عليه

فيه مدون اسمه ( ضياء الدين جاد )
الراجل دة النداهه خطفته من كام يوم
وماحدش عارفله طريق جرة
والدبان الازرق دااااااااااايخ عليه

انا بصراحه كنت فاكرة عضو فى تنظيم القاعدة ولا فى ميليشيات ابو التحش الجعر....
ولا حتى متصور جنب لاسلكى من بتوع حماس
زى احمد دومه كدة

بس بالصدفه دخلت مدونته النهاردة( اسمها صوت غاضب)
استفوجأ بأن المونه بقالها يااااادوب شهر ونص
والاقبال عليها مش قد كدة يعنى
ييجى ربعميت نفر من يوم ما فتحت
تقريبا محدش عارفها
بالاضافه لان الاخبار عاديه
يعنى بتعرض مجرد اخبار
مش اراء ولا حاجه
يعنى ماطلعش مثلا بيحرض على ثورة يوم مش عارف ايه
والواد شكله غلبان يعنى
وشغله كله فردى

طب ليييييه؟

طب معلش , مثلا الاخ وائل عباس , نازل شتيمه ولعن فى سلسفيل ام الحكومه بقاله كام سنه
ومدونته مش هقول معروفه فى مصر
لا دى معروفه على المستوى الدولى
والراااااجل كمان ناشط , يعنى مش بتاع كلام زى حالاتنا
دة غير كليبات البلاوى والفضايح بتاعه صراصير البلاعات, قصدى ظباط الاقسام

امال محدش بيجى ناحيته ليييييييه؟؟

والله سؤال برىء بجد , مش قصدى حاجه وحشه يعنى....
بس بجد عايز اعرف
ايه سر الحصانه على الاخ وائل
عبرنا يا عم وائل
يمكن نتعلم منك

ولا يمكن علشان الواد ضياء سايب صورته
واسمه ورقم تليفونه؟؟؟؟
فاضرب المربوط

يااااااجماعه
يا بتوع امن الدوله
يا بتوع تقارير المدونات
هى مااااااشيه ازاى بالظبط؟؟؟؟؟؟؟!!!!!!!!!

بجد يعنى
علشان الواحد يعرف مناخيرة من رجليه

ايه الفكرة يعنى
بجد علشان انا هتلحس خلاص

طب ايمن نور ومجدى حسين
وعارفين ظروفهم ايييه
وليه الاولانى طلع والتانى دخل

بس المدونات يعنى ولا مؤاخذة
ايييييه النظام؟؟؟؟؟؟؟

معلش نورونا برضه؟؟؟؟؟

اصلى لسه جديد فى الصنف.........