الاثنين، 2 مارس، 2009

7- شبتاى لاوى ( ابو لمعه الصهيونى )



شبتاى لاوى ,
يرجع اصله ليهود اسبانيا الذين فروا منها واستقروا فى تركيا , يطلق عليهم يهود الدونمه , اسلم معظمهم فى الظاهر وكانوا معول الهدم الاساسى فى تدمير الدوله العثمانيه , ووصلوا لاكبر المراكز فى الدوله , حتى منصب الصدر الاعظم نفسه ......

الزبون دة اتولد فى ( ازمير ) سنه 1626 فى بيئه يهوديه تلموديه متزمته , ابوة كان شغال وكيل شركه انجليزيه ..
- اتربى شبتاى على كتاب ( الزوهر ) او الاشراق , كتاب الصفوة اليهوديه ( اعلى من التلمود ) ودستور القباله السري , واتعلق بشخصيه المسيح المنتظر اللى هيجى علشان يحرر اليهود ويخليهم ملوك العالم كله ( دا حسب اعتقادهم ) , وابتدى فعلا يغوص فى اسرار القباله , واصبح يعذب نفسه ( بدعوى التطهير ) ويعوم فى البحر فى عز الشتاء , ويسهر بالليل يغنى اشعار القباله بالعبريه , وكان شكله مرموق , وله حضور طاغى ......

- سافر المعلم شبتاى على فلسطين وقعد هناك سنتين واتعرف بحاخام كبير اسمه ( ناثان غزة ) , وكالعادة ظهرت بنت يهوديه اوروبيه اسمها سارة كانت اتنصرت وعاشت فى دير وبعدين هربت منه وارتدت تانى الى اليهوديه واتجوزت الزبون!

- بدا شبتاى يلف فى كل مكان ويدعى انه المسيح المنتظر محرر اليهود , وبالفعل لقى قبول جارف من اليهود فى العالم كله باستثناء لندن , لدرجه ان المؤرخين بيقولوا ان مافيش يهودى فى التاريخ لاقى التعظيم اللى لاقاة شبتاى , ولا تيودور هرتزل نفسه !!! , وانتشرت اخبار شبتاى فى العالم كله , واتوزعت على كل اليهود منشورات بقدوم المسيح المحرر , وانقطع الكثير من اليهود عن العمل حتى ان المصالح التجاريه توقفت فى بعض الاماكن , وتبرع كبار التجار اليهود فى اوروبا من المسيطرين على حركه التجارة بشحن الذخيرة والاطعمه الى فلسطين , وقدم له رأسماليين كبار كانت توقيعاتهم امضى من القوانين عرائض يأكدوا فيها انهم على اتم الاستعداد لتأييدة وتقديم كل معونه ممكنه , وصار اليهود يرقصون فرحا فى المعابد لقدوم المسيح ......

- سخن المعلم شبتاى وساق فيها وقسم العالم كله الى 38 مملكه , وعين من اتباعه ملك على كل قسم , واصبحت الصلوات فى المعابد اليهوديه تفتتح ب (يا سيدنا ومولانا , ملكنا المقدس التقى شبتاى لاوى مسيح رب اسرائيل )!! ...
واصبح المعلم بيوقع على المنشورات بتوقيع ( شبتاى ابن داود وسليمان ).....

- وصل شبتاى الى استنبول , وهنا ادعى اليهود انه اتقتل , لكن الكلام دة نفته الموسوعات العالميه , والثابت انه رجع استنبول علشان يجمع اليهود ويرجع بيهم الى فلسطين , وطبعا اتكشف امرة للسلطات العثمانيه واتقبض عليه واتقدم للمحاكمه , ولما كان شبتاى باشا مش بيتكلم تركى , فجابوله مترجم علشان ينقل الحوار ما بينه وبين هيئه المحكمه التركيه , المترجم دة اسمه مصطفى حياتى , طبيب يهودى من يهود الدونمه , اعتنق الاسلام ظاهرا , الا انه طبعا كان بيلعب لعب تانى على كبير ......
رئيس المحكمه قاله , انت بتدعى انك مسيح وقادر على المعجزات , صح؟؟
- ايوة
- طيب طالما انت كدة ورينا الدليل على انك مسيح وصاحب معجزات , هنجيب 8 من رماة السهام ونخليهم ينشنوا عليك ولو مأثرتش السهام فيك يبقى كلامك صح ومحدش له هندك حاجه.....
انهار المعلم وقعد يعيط وقال لا , الكلام دة مش مظبوط , دا اعدائى من اليهود اللى مطلعين عنى الاوشاعات دى , ودى وشايه منهم .....
- قعد المترجم يتكلم معاة بالعبرى بعد ما فهم المحكمه انه بيقنعه بالتوبه , بينما فى الحقيقه كان بيقنعه انه يتظاهر بالتوبه ويعتنق الاسلام زيه علشان يعرف يشتغل براحته بعد كدة , طبعا دا كله قدام هيئه المحكمه الطراطير...
- واسلم شبتاى واطلق عليه محمد افندى , ولبس الجبه والعمه , وكمااااااااااان اتخصصله راتب شهرى من قصر السلطان !!!!!!!!!!!!!!!!!!!!!!!!!!!!!!!!!!!!!!!!!!!!!
صبااااااااااااااااح العبط....

- اتباع شبتاى لما شافوا كدة نشروا ان ( شخص شبتاى عرج الى السماء وحل محله بامر الله مسيح يرتدى ثوب مسلم ) ....
وفى الوقت دة ادعى الاخ ناثان غزة النبوة ( وممكن يكون ناثان تانى , الا ان الثابت ان اسمه ناثان ) وقعد يلف على اليهود ويطلب منهم الا يحتاروا فى امر شبتاى , فشبتاى شبتاى كما هو ....
- وقعد شبتاى يشتغل براحته ولف على اليهود وفهمهم ان اسلامه مجرد خدعه واقنعهم يعملوا زيه , وفعلا استجابوا ليه واسلم معظم يهود الدونمه وابتدوا يخربوا البلد على اقل من راحتهم , ومكتفاش شبتاى بكدة , دا كمان كتب منشورات بالعبريه لليهود فى كل مكان يدعوهم فيها للتلون بدين الدوله اللى عايشين فيها , وفى مرة ظبطه الصدر الاعظم وهو بيكتب المنشورات وقاله انت بتكتب ايييييه يا محمد افندى؟؟؟؟
فقاله , دا انا بادعوا بقيه اليهود علشان اهديهم للاسلام!!!!!!!
وصدقه طبعااا...

- الى ان اتقفش الزبون متلبس وهو بيحرض اليهود فى احد المعابد , وطبعا لبسته التهمه المرة دى ومقدرش ينكر واتحكم عليه بالاعدام , الا ان اللوبى الخفى والاشباح المستترة فى قصر السلطان اقنعته هو وشيخ الاسلام ان قتل شبتاى هيقوى دعوته وينشرها وانه من الافضل انهم ينفوة....
- وفعلا اتنفى شبتاى الى ( سلانيك ) واختفت سارة ماحدش يعرف راحت فين , بينما اتجوز شبتاى هناك واحدة يهوديه تانيه , وفى سلانيك اشتغل شبتاى بروقااااااااان ومارس هوايته لمدة طويله بشكل مستتر وفى غفله عن اعين السلطات واستمر فى تحريض اليهود على التوغل فى المجتمع التركى وغزوة (بالعمه والجبه ) .....

- طبعا كتير من التفاصيل دى ماتكشفتش الا فى اوائل القرن العشرين على يد ظابط مخابرات تركى اسمه جواد رفعت كان بيعمل فى فلسطين اثناء الحرب العالميه الاولى وقابل جواسيس كتير وظباط من المخابرات الانجليزيه واكتشف الكثير من التفاصيل والوثائق عن هذة الاحداث , واكتر منها كمان , وعمل كتاب اسمه الصهيونيه وبروتوكولاتها نقل فيه ادق التفاصيل حتى انه ذكر الصيغه العبريه والاسبانيه بالحرف للصلوات والطقوس اللى اليهود كانوا بيمارسوها فى سريه تامه داخل معابدهم فى تركيا لاوقات قريبه جدا , كما انه زار مصر ايام عبد الناصر واسس حزب سياسى فى تركيا .....