الثلاثاء، 3 مارس، 2009

بروجى......اضرب نوبه تهزيق.



عمى؟؟؟؟؟
انت يابا؟
انت صاحى؟؟؟
شايفنى طيب؟؟؟؟؟؟
طب دول كام؟؟؟؟؟؟
نعم...
خمستاشر
خمستاشر ازاى يعنى , هو انا عندى كام صباع فى ايدى
انت شارب ؟؟؟؟
طب ضارب ايه طيب؟؟؟
ماقلتلك ميت مرة بلاش تقضى من عند ميمى
بيطحن برشام على العجينه
وبتبقى استفه منيله بنيله
انت مبسوط؟
طب عايز ايه طيب؟؟
طب انت طالب نمرة كام ؟
مين؟؟
طب هو مين اتصل امتى؟؟
انت يا عم ؟
ايوة انا بكلمك بميتين اهلك....
انت جبله ؟
مبتحسش ؟
ساكت ليه ,
ومتكوم جنب الحيطه ؟
ايه؟
خايف؟
ايه خايف؟
طب خايف على ايه؟
هوانت فاضل عندك حاجه تخاف عليها ؟
طب ابوك وكان خايف على الزير وحلتين النحاس
قلنا ماشى
انت بقى يا متعوس حيلتك ايه تخاف عليه ؟
رد يا منيل

مين؟

خيارات؟؟
ماعدش فيه خيارات اصلا علشان تقولى الخيارات بقت صعبه
ولا حتى اتات ولا فجلات.....
طب امتى يعنى ؟
علشان ابقى عارف
واجى ارش عليك ترتر
وازغرط
واقول الزحلفه الدكر اتحركت ياعيال
خايف على عيالك
طب معلش بالعقل كدة
دا لو كان فاضل عندك منه حاجه
انا سخس فاشل فى الفيزيا
ومش بحب الكميا ( المادة الدراسيه وليس الاقراص والحقن )
والساقط الوحيد فى المدرسه فى رياضه واحد
ومش بعرف اعمل القسمه المطوله بتاع ابتدائى
يعنى متخلف
مش زيك يا متعلم يا بتاع المدارس
مش محتاجه فقاقه يعنى

دى اسهل من مربع ارسطو
خايف على مستقبل عيالك؟؟؟
طب انت متوقع بروح اهلك ان عيالك بالنظام دة هيكون ليهم مستقبل اصلا ؟؟؟؟!!!!!
معلش يعنى
انا راجل بحاول اكون محترم ومؤدب
بس مالكش عندى غير رد واحد صراحتا
اسلوب تعجب سماعى وليس قياسى
يتمثل فى صوت تيار هوائى مندفع داخل الفم مقترن باحتكاك منتظم زمنيا بين مؤخرة اللسان ومؤخرة سقف الحلق....
الراجل فى الزريبه بيلبسك ولا مؤاخذة ازازة بيبس فى التيلمانه !!!!!
ويصورك بالموبيل
ايه
صابعك مطالش عينه علشان يخزقها؟؟؟؟؟
طب مستنى ايه تانى
على كدة بقى لو جاب سيف يدبحك بيه مش هتنطق
والحاجه تقول دى قزازة بلاستيك مافيهاش حاجه يعنى
ياسلاااااااااااام......
يعنى لو كانت مثلا رجل كرسى ولا موله سرير تبقى مشكله؟؟؟؟؟
تصدق بالله.
معاة حق يلبسهالك
ونا لو شفته
هقوله المرة الجاية يجرب فرع صبار من فصيله ( الساغوارو ) , او فرخ صنفرة بولندى مبروم , او منشار حدادى......
علشان تستاهل
والله ما حد بيظلمك
انت اللى بتظلم نفسك
خليك
اتكيف واستمتع
ما هو انت اصلك طول عمرك كدة
وبعدين ايه حكايه الاضرابات دى
امبارح المحامين
واول السواقين
وبكرة الاداريين
ايه شغل القطاعى دة
انت مرحتش بورسعيد قبل كدة؟؟؟؟
ايه طيب
يعنى مثلا هو احنا عايشين فى اتحاد فيدرالى؟؟؟؟
ولايه المحامين
بجوارها ولايه السواقين
ويعلوها ولايه الاداريين
يحدها جنوبا ولايه موظفى الضرائب العقاريه
ولكل ولايه قانونها
ويجمعهم جيش موحد؟؟؟؟
ولا ايه ؟
ولا انتوا ملكوش دعوة ببعض ؟
وكل بهيم يشيل نفسه
كتك نيله
كتك ستين نيله
وبعدين خد ياض
هو انت فاكر بروح اهلك ان ربنا جابك الدنيا علشان تاكل وتشرب وتعشر وتنام ؟!
وتروح تصلى التراويح فى رمضان
وتشغل الشيخ حسان فى التاكس قبل الفطار وبعدين محمود الليثى والمولد قبل السحور
وتدعى على الظلمه
مستنى الملايكه تيجى تولع فيهم , مش كدة بروح اهلك؟؟؟؟؟
هو البعيد معندوش دراع
معندوش مخ؟؟؟
معندكش رجلين؟؟؟
طب معندكش ايه طيب ؟؟؟؟؟
معلش يعنى كلمه الخلافه دى لما ربنا قال انى جاعل فى الارض خليفه
ايه جوهر الخلافه
العبادة؟؟؟؟
طب ماهو الجماد والحيوان والنبات بيعبد ربنا وبيذكرة اكتر منك.....
لما انت تكون خليفه الله على الارض
مش معناها انه كلفك بيها
واصبحت مسئول عنها
هو ربنا مش بيقيم العدل والميزان
وانت خليفته
يعنى مكلف من قبل ربك انك تعدل ميزان المكان اللى ربنا كلفك بيه وحملك مسئوليته , اللى هو الدنيا...
مش كدة برضه؟؟؟
محتاجه فقاقه؟
وانت يا عم الامور مش عارف ان الله لا يغير ما بقوم حتى يغيروا ما بأنفسهم
طب روح كدة بص على منظرك فى المرايه
انا واثق انك بقالك كتير قوى ما بصيتش فيها
وريحتك المعفنه من قله الحما , طبعا ماعدتش بتشمها لانك اخدت عليها
بس الشارع كله سادد مناخيرة منك ومن ارفك...
ونازل انت واخواتك تلطيش فى بعض
انت مسلم ارهابى , لا انت مسيحى مشرك , لا انت اللى صوفى مبتدع......
طب وبعدين
واخرتها يعنى
كتكوا نيله
كتكوا ستييييين نيله
هو ميتين ام المليون كيلو مترمربع , خلاص هيطرشقوا؟؟
مش هيستحملوكوا مع بعض؟؟؟؟
هو انتوا لو مافقتوش من الهبل اللى انتوا فيه دة دلوقتى , امال هتفوقوا امتى؟؟؟؟؟
كتك الارف انت واخواتك......
لالالالاااااااااااااااااا
ماتقوليش انك غلبان
ما فيش حاجه اسمها غلبان
لا يكلف الله نفس الا وسعها
ربنا مش ظالم
علشان يكلفك بما لا تطيق
الامتحان كله من المنهج
ومن محتوى المقرر
انت اللى مهمل
وجبان
وكسول
وغبى
بص انا عارف اصلا ان الكلام مش بيحوق فى جتتك المنحسه
خلاص
ماااااشى
خليك كدة براحتك
ولو ماتحركتش النهاردة هتتحرك بكرة غصب عن عينك
والجرعه كل يوم هتزيد
لحد ماتتحرك غصب عنك
وحبايبك هيكيفوك على الاخر
النهاردة قلم
بكرة شلوت
بعدة...........
لحد ما تقول حقى برقبتى
براحتك عالاخر
بس متشتكيش بعد كدة
اوعى تفتح بقك
وتقول مظلوم
محدش بيظلمك
انت اللى بتظلم نفسك
وطالما متكيف اوى كدة
يبقى تنسك قلم عباسى وتلطع الكريمه وانت ساكت
متقولش بم
معلش
اصلى حبيت اهزقك شويه قبل ماانام
وحشنى قفاك
اة ياقفا ياقفا
تصبح على سحله
ولا اقولك
تصبح على عوكل ونوفل وموافى
ههههههههههههههههه
هما لو مكبسوش على نفس اهلك هيكبسوا على مين؟؟؟؟
انت اولى البشر بيهم
بصراحه لايقين قوى على بعض
والمثل بيقول
اللى يلاقى حمار ولا يركبوش يبقى احمر منه
وطالما انك رضيت انك تكون حمار
يبقى متشتكيش لما تتركب
على فكرة
انا احترت بين الصورتين اللى فوق
هما بصراحه لايقين عليك
علشان كدة نزلت الاتنين
يلا ياحمار
كفايه عليك كدة النهاردة
ااااااااانصراف