الاثنين، 9 مارس 2009

عفريت العلبه



خبر فى الجرنال , انما ايييييه , قوشطه :
مؤتمر صحفى معمول فى احد البواخر النيليه ( مؤتمر ايه دة ياخويا اللى بيتعمل فى مركب عالنيل , ما داهيه لتكون كوين بوت ) ,

والناس قاعدة فى امان الله ( بيأتمروا ) , اذا بيهم يستفوجؤا بمين طالع فى النص زى الشمروخ الاسوانى ؟؟؟


المش تشار ( شاطر الكندى ) , فاكرينه؟؟؟ ,
اييييوة هو دة ......

وطالع يجعرعالعادة , برىىىىىىىىىىىء مظلوووووووووم ,
قال ايه كان مترشح شيخ من....قصدى وزير , واعداء النجاح
( عارفينهم طبعا , بتوع الرقابه الاداريه ومباحث الاموال العامه )
ايوة هم الوحشين دول , لزقوله تهمه علشان يشقلطوة
( طبعا , دا على اساس ان الحكومه بتاعتنا مبتحبش الحراميه )
ورموة فى السجن غصب وأتضرب....

المشكله ان جوجو قارفنى فى عيشتى منين ما اروح , افتح الفسفسيون الاقيلك البورنامج بتاع الوليه الشلق دى اللى اسمه عالعريان باين ولا مش عارف ايه , وصاحبك طالع يجعجع : يبيع ولادة علشان اكله كباب؟؟
يبيع ولاااااااادة علشان اكله كباااااااااااب ,
اولا يا جوجو انا مش عارف مين بتاع الكباب اللى انت بتتكلم عليه دة , بس بصراحه , الكباب غلى قوى اساسا , انتا عارف الكيلو بكام دلوقتى؟؟؟
ثانيا يا جوجو , هههههع , بالنوسبه لصاحبك المفجوع دة , اكيد دا من تلامذتك يامعلم , اخوك الصغير حلاوة , اكيد مش جايب حكايه الكباب دى من برة , ولا من عادل امام طبعا , افتكر كدة كويس , ارجع بذاكرتك ورا ,
عشرييييييييين سنه ورا ,
اكيد هتلاقيه حسن الهل......قصدى اكيد هتلاقيه كان شغال معاك فى الطابو....يوووة , قصدى فى الموحافظه ......

اجيب ابو قرعه الغتيت بتاع برنامج المريخ اليوم , الاقيك برضه ؟!!!!!!!
سبحان الله ,
تطير وهى ميته ,
يتواجد فى اكثر من مكان فى نفس الوقت , دا احنا المفروض نعملك ضريح ياراجل ( بعد عمر قصير ان شاء الله ) ......

افتح الجورنال الاقيك برضه فى وشى؟؟؟؟؟؟؟

طب على كدة بقى , مش بعيد لو دخلت الحمام , الاقيك طالعلى من الكنيف بتصرخ , مظلوووووووم برىىىىىىء , منك لله يابدرااااااااان .......

اة منتا بقيت عامل زى عفريت العلبه دلوقتى.....

ارحمنا واهمد شويه يا جوجو ,
بجد مايصحش كدة ,
يعنى انتا بتفكرنا بيك علشان نرجع ندعى عليك تانى؟؟؟
يا راجل يخرب بيت بجاحتك بجد , ياجدع كفايه تاريخك الاسود لما كنت مش تشار
وبعدها الغربيه اللى خربتها وسرقتها انتا والعصابه بتاعك ,
وبعدين الجيزة ,
ارررحم ربنا يرحمنا منك ,
ايه ؟؟؟ , زعلان علشان كام سنه قضيتهم فى مصيف رجال الاعمال ( قصدى سجن المزرعه )
دا انا لو حسبت اليوم عليك بعشر تلاف جنيه هتطلع كسبان برضه ,
لا وقال ايه بورتضى زرزور اللى دفعلك الكفاله ولا ابصر ايه , ههههههههههههه ,
اهلا ,
انت اتلميت عليه ؟؟؟؟
ماجمع الا اما وفق , واتلم تنتون على تنتن , وماسخن من سيدى

وياعينى قال ايه مفلس وممعاكش ولا مليم ,
وبعت البلبطوز اللى حيلتك ,
ورهنت التروسيكل اللى كنت واخدة مكافئه نهايه الخدمه علشان تدفع ايجار القص....قصدى العشة اللى انت متاوى فيها دلوقتى , و...........................اوففففففففف انا ضغطى على.....
غور من هنا يلا ياض , علشان هنرش ميه
فين جمعيه الرفق بالاوغاد؟
وفين وزارة الصحه؟
ومسؤلين عربيات الرش؟
وفين طيارات رش الدى دى تى؟

نصيحه لكل الجماهير
ياجماعه اللى ينزل الشارع ياخد معاة مضرب دبان او ازازة بيروسول ,
بيروسول مش فليت ,
ايوة بتاع الحشرات الزاحفه دة , تحسبا لاى عفريت علبه يطلعلك فى الشارع فجأتا من اى بلاعه .........
جوجو ...........زرزور.....................
بقولك ايه , انت وصاحبك ,
اتهدوا بقى , جتكوا نيله مليتوا البلد ,

اقولكوا على حاجه حلوة , اركب انت وصاحبك العربيه , واطلع فوق المقطم , وبعدييييييييين دوس بنزين عالاخر وغمض عنيك وقول احححححححححححححححح

ياترى ياولاد ممكن نفتح عنينا فى يوم منلاقيش جوجو ولا زرزور ؟؟؟؟؟؟؟؟
يارب ياخويا يارب..........