الأربعاء، 29 أبريل، 2009

كفى نااااااااااااااااااااافسك





كفّى ناااااااااااااااافسك , انا عودت تموعى متمسحهاش الا عونااااااايا
كفى ناااااااااااااااافسك , انا اتعودت اشم صوابع رجليييييييييييييا

المفروض ان دى اغنيه
D:

اة بجد
اركب اى وسيله مواصلات الاقى السواق مشغلها ومعلى الشوند شستم العرة بتاعه على الاخر , يعنى مش كفايه التلوث الفنى اللى هيحصلنا من جاعورة المطنب المفضل بتاع سيادته , لا وكمان تلوث ضوضائى من سماعات وارد وكاله البلح ومكتوب عليها ( بيونيييير ) واوكلايزر من ابو خمسه وتلاتين جنيه !!!!!
وطبعا صاحبنا مستمخ على الاخر ومستكنيص من الاغنيه , ويتحرق الناس اللى معاة !!!!

تعدى من جنب ورشه ولا محل سمكرى ولا ميكانيكى تلاقى برضه نفس الاغنيه شغاله

لا والظاهرة الجديدة فى البلد
كل واحد يمشى فى الشارع ماسك الموبايل ( الصينى ) بتاعه ومشغل اغنيه ومااااشى يعمل دماغ ( اغانى شعبى ) !
فى كل حته نفس ام الاغنيه دى شغاله ولو فكرت تسأل حد عن السبب اللى مخليه يسمع الاغنيه ( الاميبيّه ) دى يبقى انت مش بتفهم وملكش فى ( الفن ) ومش بتعرف تتذوق الكلمات ( هى ( لكمات ) الصراحه ) ....

- طيب , اخوانا بتوع علم الاجتماع اللى بيعملوا ابحاث , اعتقد ان النوعيات دى ممكن يعملوا عليها دراسات هايله وهيطلعوا بنتايج مدهشه ....
هناخد بصه سريعه على الفن فى مصر , مش من باب الفذلكه , انما لاننا علشان ندرك الواقع صح لازم نقارنه باوضاع تانيه , عشان نعرف الفرق والاسباب والنتايج كمان ...
الفن الشعبى فى مصر زماااااااااااااان كان مقتصر على السير الشعبيه اللى بتمجد قيم البطوله والشهامه وهما كانوا على ما اذكر حوالى سته او سبعه تقريبا اشهرهم ابو زيد الهلالى , اما الغناء فكان مقتصر على اغانى تراثيه متداوله من قديم الزمن لايُعرف لها صاحب , زى اغنيه الحنه مثلا , وكنتيجه لبعض الاحداث الاجتماعيه فى مصر , اذكر اغنيه قديمه بتقول : البلبل جانى وقاللى - اسمحلى بوصلك يا دللى , ( يادلّى ) هنا المقصود بها فئه من عساكر الجيش العثمانى اللى كانوا موجودين فى شوارع مصر بكثافه , وواضح طبعا ان اللى عملت الاغنيه عالمه او مومس بقصد امتاع البهوات حمر الوجوة , الا انها استمرت فى الوجدان المصرى حتى اوائل القرن العشرين .
وطبعا كتير كانت الاغانى دى لا تخلوا من تلميحات واسقاطات قبيحه , لا مجال لذكرها الان ...
كمان كان موجود الفن الشعبى فى الاقاليم ودة فضل محافظ على نفسه بشكل اكبر ولا تزال هناك بعض الاغانى التى يرددها اهل القرى وترجع لمئات السنين , وكذلك اهل الصعيد , واهل النوبه كمان ....

- فى بدايه القرن العشرين بدأ الحال يتغير بظهور فئه من المطربين يسمون بالفنانين الشعبيين , طبعا هما موجودين من زمان , ولكن اقصد بالظهور هو خروجهم برة وسطهم ونشر فنهم فى الاوساط الاخرى واكتسابهم لقدر عالى من الاحترام فى المجتمع المصرى , ودة حصل لما ابتدوا فى طباعه الاسطوانات , الرائد فى دة فنان محترم جدا اسمه ( محمد العربى ) اكتسب شهرة واسعه فى العشرينيات كنموذج للفنان الشعبى بجلبابه وعنقه الغليظ وطربوشه الشيك وشنبه اللى يقف عليه الرخ ..

- وجه بعد منه سيد درويش الطنطاوى ( اللى كان بيغنى فى فيلم رصيف نمرة خمسه ) وجه بعدة كمان المطرب اللى كل الناس تعرفه ( محمد طه ) ودول مشوا على نفس الاسلوب من كلمات تعالج قيم الوفاء والشهامه وكمان الحكم والامثال والارتجال والتلاعب اللفظى من خلال المواويل ...

الاسلوب دة كان انعكاس لشخصيه الطبقات الدنيا فى المجتمع المصرى اياميها من حيث انتشار قيم الوفاء والشهامه والنخوة ( اللى اختفت حاليا ) يعنى فن كان بيعبر عن الناس ...

- ولن اعزف على وتر ان زمان مكانش فيه اسفاف ولا ابتزال , لا طبعا كل عصر وله اسفافه وابتزاله , انما الميزة زمان ان الفساد الفنى كان محصور فى وسط معين وله نطاق محدد لا يخرج عنه , يعنى كان عارف حدودة , ودة اللى مش موجود دلوقت ...
بمعنى :
زى مافيه دلوقت هايفه ونجلا , زمان برضه كان فيه نبويه شخلع وستوته عزت , الا ان اخر اتنين دول كانوا فى حيز ضيق جدا لم يخرجوا عنه بعكس ( طنط ) هايفه , وباقى اللسته ...

يعنى المشكله مش فى الاسفاف , لان الاسفاف لااااازم يكون موجود عشان المعادله تنظبط , المشكله فى خروج هذا الاسفاف عن حدودة وطغيانه على الباقى بحيث يكون هو القاعدة وغيرة استثناء ( ودة اللى حصل دلوقت ) وان زمان الاسفاف كان يقتصر على الكلمات واسلوب الالقاء ( الموحى ) ولم يمتد الى اللحن او الفرقه الموسيقيه , بعكس الوضع الحالى برضه ....

نيجى للمصيبه الكبرى , فاكرين لما قلت ان الفن الشعبى انعكاس لفئه معينه فى المجتمع وان الفن زمان كان يمجد الرجوله والشهامه اللى كانت موجودة فعلا , كان مجرد محاوله تحرش فى الشارع كفيله بهبد صاحبها علقه موت تخليه يكيح فى المستشفى كام شهر وقد يخرج منها على الترب مباشرة ....

دلوقت الفن الشعبى ( مجازا يعنى واعزرونى فى الكلمه ) بيتكلم عن ايه ؟
- بيتكلم عن النفاق والانتهازيه , واللى بيمجدها بدورة وبيسميها فهلوة وشطارة !!!
- احتقار المرأة والحط منها واختصارها فى مجرد جسد , وان فكر فى منافشه عقلها فلا يتم الحديث عنه الا بكونه عقل ( لمومس ).....
- الانعرة والنفخه الكدابه , وانا انا الواد الصايع الشبّيح اللى محدش يقدر عليا ( راجع اغنيه المدعو سعيد الهوا كنموذج ( بتاع عملت واحد امباليه ادانى اتنين فرقعه فى الشكمان ورا ) )...
- البانجو والحشيش والكُلّه هما الاصل ولااازمن كلنا نصطبح ونوستكيف , ودة مش عيب , بل انه هو الاساس والقاعدة , واللى مش بيعمل كدة هما الناس المكلكعين الوحشين ..
- كل ما كانت جاعورتك اعلى وصوتك محشرج كل ماكانت شهرتك اكبر , لذلك فيجب عليك كمطرب شعبى ان يكون دمك مستودع لاكبر كميه من المخدرات والبرشام وكذلك صدرك لكى تصل للمستوى المطلوب من الحشرجه الصوتيه ( اتباعا لقاعدة التسليك قبل الفتح )
- ماتخافش , كل ما تتمسك فى كمين بحرز مخدرات كل ما هتنشهر اكتر والناس تحبك .....
- تجنب اى غنا فرايحى , خليك فى الحزن والكأبه والنكد والنواح ( الناس عايزة كدة ) ....
- البس لبس غبى وغير متناسق بالوان فاقعه وسخيفه وبكرة هتطلع موضه عند الطبقه المذكورة ...
- الغنا فى افراح الحظ هو السلم اللى هيوصلك الى الشهرة , طبعا اللى حضرالنوعيه دى من الافراح عارف كويس بيحصل فيها ايه !!!
- لما تيجى تتكلم عن الجنس فاخبط الكلام علطول وبشكل سخيف ومافيش داعى للتلميح او التلاعب اللفظى زى الناس زمان ماكانت بتعمل , يااعم احنا فينا عقل ولا دماغ نلمح , ولا احنا عندنا قدرة استخدام للغه اصلا ؟؟؟
___

اما الانشاد الدينى , كان عندنا زماااان فن للانشاد يتزعمه عمالقه من امثال الشيخ اسماعيل سكر وابراهيم الفران وعلى محمود واخرهم الشيخ رفعت وبعدة النقشبندى ..
اغانى الموالد وتواشيح الصوفيه ( برغم بعض المأخذ ) الا انها كانت ذات مضمون جدير بالاستماع وايقاعات والحان تأخذك لعالم اخر ...

دلوقت احنا فى زمن ( المولد ) اللى ظهر موضه فى سنه 2003 , ولما انشهر اصبح عندنا طوفان شرايط يبدأ اسمها بكلمه ( المولد ) ومش مشكله مولد سيدى ابو صباع ولا مولد كفر الشنشلمون ولا العربى فرحان , ايقاع واحد ثااابت يدل على فقر فنى كبيييير , ونشر لقيم السلبيه والدروشه الفارغه والمطوحه يمين وشمال مع ترديد الفاظ جوفاء ليس لها اى معنى او مدلول ( راجع اغانى المدعو محمود الليثى )!!!
____

اللى يدقق كويس فى النقط اللى فاتت دى يلاحظ انها فعلا مرايه لأوضاع المجتمع المصرى بوجه عام والطبقات الدنيا بوجه خاص , بتعكس التغيرات السلبيه فيها بمنتهى الوضوح , كما ان طغيان هذا النوع وزحفه على اوساط اجتماعيه اكثر رقيا يعكس بوضوح اتساع الطبقه الدنيا فى المجتمع وتمددها على حساب الطبقه الوسطى .
وان الصوت العالى دايما فى الاغانى دى وكمان فى اللى بيشغلها ( لاحظ ان اى سواق ولا سمكرى لما يشغل دول لاااااازم يعلى الصوت على الاخر ) ودة ما هوا الا محاوله لاثبات الذات , احنا اهو , احنا قادمين , تجاهلونا زى ما انتوا عايزين , بس احنا هنثبت نفسنا بالحل الاسهل , اللى هوا الصوت العالى وهنفرض نفسنا عليكوا بالصوت العالى , المستقبل لينا , دوله عماد بعرور وسعيد الهوا قااااادمه غصب عنكوا .....

الموضوع محتاج اكتر من بوست الصراحه ,
عشان كدة انا ناوى اعمل اكتر من بوست عن الموضوع دة وهاذكر نماذج من الاغانى دى , طبعا لن اجرؤ على عرض الاغنيه ولكن هذكر النص بس , وهحكى كمان عن تجربتى مع كذا فرح من افراح الحظ ....
_______

ملحوظه اولى : ونا بكتب دلوقت لسه معدى توك توك فى الشارع مشغل اغنيه ( كفى نفسك ) المذكورة , وطبعا معلى الصوت على الاخر ...:D

ملحوظه تانيه : الصورة الاولى للمطرب الشعبى القديم محمد العربى , اما التانيه فدى لسخس منزّل ( البون ) من انتاج شركه ( جحش فون ) والصورة جايبها من اعلان منشور على النت ومكتوب تحته انه ( البون ) جااااااااامد ( كيك ) !!!!

ملحوظه تالته : الاغنيه اللى شغاله دى لنموذج من الاسفاف الفنى فى اغانى زمان ( العشرينيات ) اتمنى انكوا متكونوش قفلتوها ....

ملحوظه اخيرة : ............ سلاموووووووووووووزززززززز

الثلاثاء، 28 أبريل، 2009

15- مقتل الاب توما



الاب توما ولد فى ايطاليا عام 1780 ودخل فى الرهبنه ثم سافر الى دمشق بعد ان تعلم فنون الطب والصيدله ومكث فيها 30سنه يعالج الناس خصوصا التطعيمات التى مهر فيها , وفى مساء يوم 15فبراير عام 1840طلبه بعض اعيان اليهود بقصد تطعيم طفل فى حارتهم فلبى الدعوة فى الحال , ولما الراهب شاف ان الطفل حالته لا تستدعى التطعيم رجع للدير تانى , وهو فى السكه مر على بيت داود هرارى وكان الراجل دة من اكابر اليهود ومعدود من اتقى يهود الشام كله وكان النصارى والمسلمين بيحترموة ويوقروة ...
الراجل دة كان صديق مقرب للاب توما , فلما شافه معدى قدام بيته دعاة للدخول , فدخل الراجل بحسن نيه لقى جوة البيت اتنين اخوات داود وعمه واتنين تانيين , ففلما دخل اتقفل الباب من جوة وعينك ماتشوف الا النووووور..
تفتكروا ايه اللى حصل جوة البيييييييييييت؟؟؟؟؟؟

تعالوا نشوف الفيلم مع بعض , قصدى نشوف نصوص التحقيق كما وردت فى ملفات القضيه :
-- انه فى يوم الجمعه 4ذى الحجه سنه 1255هجريه , حضر الخواجه بودن ترجمان قنصولاتو دوله فرنسا بدمشق الى ديوان الوالى العمومى وقرر انه فى يوم الاربعاء الجارى خرج الاب توما بعد العصر على حسب عادته وتوجه نحو حارة اليهود لاجل ان يلصق على باب الكنيسه اعلانا يفيد حصول مزاد فى منزل احد الاهالى , ولما رأى خادمه ابراهيم عمار ان سيدة لم يرجع ذهب ليبحث عنه فى الحارة المذكورة فلم يرجع هو ايضا , وفى المساء ذهب الخواجه سانتى الاجزجى ( حلوة الاجزجى دى , يارب الاجزجيه يكونوا سامعين ) باسبتاليه دمشق الى الدير وطرق الباب مدة طويله فلم يفتح له احد وكان يريد ان يرد كتابا اخذة من الاب , ولما لم يجدة ورجع الى الرهبان اجزموا بأنه تأخر عند احد المرضى ولم يرتابوا فى ذلك .

وفى يوم الخميس حضر جمله الاشخاص الذين لهم عادة الحضور للدير لسماع قداس الاب ولما رأوا الباب مغلقا بخلاف العادة رجعوا ولم يتمكنوا من الدخول وظن بعضهم انه قد حضر قبل الاوان وان القسيس مازال نائما بينما ظن البعض الاخر ان القداس قد انتهى وقفل القس بابه ..

وزاد الخواجه بودن فى تقريرة انه كان مدعو فى ذات اليوم مع باقى الرهبان عند الدكتور مسارى عند الظهر ولما تاخر عليهم الاب استولى عليهم القلق والانزعاج , فساروا الى قنصولاتو دوله فرنسا واخبروة بالموضوع , فلما توجه جناب القنصل الى الدير وجد الشارع مزدحما بالناس الذين قالوا ان الاب قد توجه امس لحارة اليهود هو وخادمه ولاشك فى انهما فقدا هناك ...

وعندها امر جناب القنصل احد الحاضرين ان يتسلق على بيت احد الجيران بواسطه السلم الى ان استطاع دخول الدير وفتح الباب الذى وجدة مغلقا من الداخل بالسقاطه فقط لا بالكيلون والقفل , وعند دخول المطبخ وجد اكل الاب توما وخادمه بجوار الكانون , فاستنتج من هذا انهما كانا يقصدان الرجوع الى الدير وانهما قد يكونا قتلا خارجه وان هذا بالطبع لم يحدث طمعا فى اموالهم , خاصه ان متعلقاتهم داخل الدير وجدت مرتبه كما هى ولم يفقد منها شىء , وقويت الشبهه عندما اكد الكثير من الشهود رؤيته هو وخادمه داخلين الى حارة اليهود حيث دخل هو بعد العصر ثم تبعه خادمه بعد الغروب , بينما لم يرهما احد خارجين من الحارة بعد ذلك , على ان القس المذكور اشهر من نار على علم ويسكن هذة البلاد من ثلاثين عاما تقريبا , فلو كان خرج من الحارة لكان نظرة بعض الشهود على الاقل ..

امر جناب قنصل فرنسا بارسال هذا التقرير الى سعادة شريف باشا والى دمشق لاجل ان تجرى الحكومه اللازم فى التفتيش عن الاب توما وخادمه وتكشف كيفيه فقدهما ..

وبناء عليه امر سعادة شريف باشا فورا ان تتخذ الاجرائات الكامله الموصله لظهور الحقيقه وامر التفتشجى باشا ان يذهب الى حارة اليهود وسلمه امر بتفتيش جميع الاماكن المشتبه بها ولكن كل ذلك كان بدون فائدة , غير انه فى اثناء ذلك حضر شخصان يونانيان احدهما يسمى ميخائيل كساب والاخر نماح كلام , حيث قررا انهما مرا فى حارة اليهود يوم الاربعاء الذى غاب فيه الاب توما , وعند وصولهما الى اول الحارة بالقرب من شارع ( طالح القبه ) نظرا قبل غروب الشمس بربع ساعه خادم الاب توما داخلا الى الحارة بغايه السرعه فسألاة الى اين تذهب ؟
فأجابهما انه يفتش عن سيدة الذى دخل حارة اليهود ولم يرجع , فبعد سماع هذة الروايه تأكد ان الاب وخادمه فقدا فى حارة اليهود , ونظرا لعدم الاستدلال على شىء بعد تفتيش بعض المنازل , تقرر معاينه الاعلانات التى اخذها الاب معه عند خروجه من الدير ولصقها فى عدة اماكن , فثبت من التحقيق انه قبل يوم الجمعه لم يكن يوجد شىء منها على باب الكنيس , وبعد مرور يومين من ذلك التاريخ وجد احد الاعلانات ملصقا على دكان حلاق اسرائيلى يدعى سليمان كان ساكنا بالقرب من الكنيس , فتم ظبطه لحصر الشبهه فيه , واجتهد الوالى فى الحصول على اعتراف من هذا الرجل الا انه اقتصر فى دفاعه عن نفسه ان الاب قد وضع هذا الاعلان ومضى , ولما سئل عن كيفيه الصاق هذة الورقه بباب دكانه اجاب انها ملصقه بواسطه برشانات , فسئل عن لونها فاجاب بان احدها احمر والثانيه لون الليلك ( الا هو ايه الليلك دة ؟؟ ) , وسئل بعد ذلك عن كيفيه معرفته بهذة الالوان مع ان البرشانات موضوعه تحت الورق ( هههىىىى شايفين شغل المباحث الصح , اهو من 160 سنه , مش بتوع الطوارىء والمختلين عقليا ) وسئل ايضا عن سبب ارتفاع الاعلان عن الارض ارتفاعا زائدا فاجاب بأن المارين كانوا يمسون الاعلان ويلعبون به فخاف عليه من الضياع فأخذه من محله الاصلى ولصقه فى المكان الذى وجد عليه , وبالاطلاع على الاعلان المذكور وجد فعلا انه ملصق ببرشانتين احداهما حمراء والاخرى بلون الليليك , وبعد الاطلاع على باقى الاعلانات المعلقه على الكنائس الفرنساويه وجدت ملصقه بأربع قربانات من القربان المستعمل عند الرهبان لانهم كانوا لا يستعملون البرشان الاعتيادى ...

فاقوال الحلاق والفرق فى كيفيه تعليق الاعلان الموجود بحارة اليهود وباقى الاعلانات التى وجدت على كنائس الافرنج , كل ذلك قوى الشبهه وحصرها فى سليمان الحلاق , وتأكد لدى المحقق انه يعرف الحقيقه ويخفيها , ولذلك امر بضربه بالكرباج ( بركاتك ياحبقه بيه ) واستجوب بالكيفيه الاتيه :

يوم الجمعه 11ذى الحجه -
سئل الحلاق بعدما كلف ان يقول الحق فصمم على الانكار فصدر الامر بضربه بالكرباج فاعترف بعد الضرب بأنه راى القسيس مع الحاخامات موسى بخوريودا وموسى ابى العافيه وداود هرارى واخويه اسحاق وهارون هرارى ويوسف ليونودة داخلين جميعا فى شارع التلاج بين الظهر والعصر فى يوم الاربعاء المذكور ومعهم الاب توما , كما اضاف الحلاق على اقواله بانه يمكن للباشا ان يستحضرهم وانه على استعداد للاعتراف امامهم , وانه قد مر به اسحاق بتشوتو وسأله ان كان قد اعترف بشىء , ولما اجابه بالنفى قال له بأنه سوف يتوسط لخلاصه واطلاق سراحه ثم تركه ومضى , وانه لو كان يعلم قبل ضربه ان مواعيد اسحاق المذكور مواعيد عرقوبيه ( مضروبه يعنى ) لكان اعترف قبل الضرب , وعندئذ استحضر الاشخاص المذكورون وسئل كل منهم بالانفراد فيما يختص باعتراف الحلاق , فكانت اجوبتهم كالتالى :
- يوسف ليونودة : كنت فى منزلى ولم اخرج الا يوم الخميس قرب الظهر لان لى ابنه توفيت منذ 15يوم وعادتنا الا نخرج من منازلنا مدة 7ايام عند وفاة احد اقاربنا , وبناء على هذا فأنى لا اعلم شيئا فيما اسأل عنه ..
- اسحق هراراى : ليس لى معلومات البته فى هذة المسأله وانى تاجر مشغول بمسائل تجارتى وحاشا ان ارتكب فعلا مثل هذا ...
- داود هرارى : لم ار الاب توما منذ شهرين او ثلاثه وليس لى عادة بالاختلاط بهؤلاء الخواجات واعترف ان منزلى موجود فى شارع التلاج ولكنى اجهل اجتماع هذة الجمعيه هناك من عدمه ...
- يوسف هرارى : ان منزلى فى شارع التلاج وبسبب تقدمى فى السن لا اخرج الا قليلا ولم اتقابل مع الاب توما منذ 3شهور وانى قد ربيت ما بين المسيحيين وينامون عندى وانام عندهم ..
- الحاخام موسى ابى العافيه : انى متعود ان ادخل منزلى المغرب عند عودتى من السوق بواسطه المرور على شارع الخراطليه اما الشارع الاخر فأنى لا امر فيه الا مرة كل اسبوع ولم اختلط بأفراد هذة الجمعيه واتذكر انى لم اقابل احدا منهم منذ 6شهور , ولكن حيث ان الحلاق يؤكد انه قد رأنا معا فمن المحتمل ان نكون قد تقابلنا مرة ثم افترقنا وكل منا ذهب الى منزله , غير انى لا اتذكر ذلك والانسان مطبوع على النسيان , واما بخصوص الاب توما فأنى لم ارة منذ شهر ونصف ام شهرين , وانى اجهل ان كان باقى المتهمين قد اجتمعوا عليه ام لا ...
- هارون هرارى : ان منزلى مجاور لقنصلاتو انكلترا ولا اذهب عند اخوتى الا نادرا وقبل هذة الواقعه لم اتقابل مع الحلاق منذ 8 ايام وانى من الاشخاص ذوى السلوك الحميد اترك السوق قرب المغرب , ولا يعقل ان نجتمع نحن السبعه قرب المغرب فى هذة الجمعيه , وان هذة التهمه ملفقه ضدنا ولربما قال الحلاق ذلك مخافه من الضرب , على انه اذا كان ذلك حدث حقيقه لكنت قلت انى وجدت فى هذا الاجتماع وانى نظرت كيت وكيت ولكن لم يحصل شىء من ذلك...
- استحضر الحلاق وتمت مواجهته مع باقى المتهمين فصمم على كلامه فوجه كل منهم الكلام اليه قائلين : كيف رأيتنا يا صاحبى وهل يمكنك ان تصمم على ذلك ؟؟ الاوفق ان تطلب من الله ان ينقذك مما انت فيه ..
وقال يوسف ليونودة : عندى ما يثبت وفاة ابنتى ويشهد بذلك يسى مكحول ومتى كبرين اللذين كانا عندى مساء الاربعاء ..
وصمم باقى المتهمين على ان اقوال الحلاق سليمان كاذبه وانهم لا يعودون من اشغالهم فى الساعه التى ذكرها ولكن قبل المغرب ...
ثم اجاب موسى بخوريودا الحاخام على الاسئله التى توجهت اليه بأنه ليس لديه معلومات بالكليه فى هذة المسأله وانه لم يوجد مع باقى المتهمين ولا يعلم انهم اجتمعوا معا ام لا وانه لا يعود الى منزله الا من الساعه العاشرة والنصف الى الساعه احدى عشر عربيه ( يعنى من اربعه ونصف الى خمسه عصرا ) وانه لم يقابل الاب توما فى هذا اليوم ولم يظهر من التحقيقات التى حصلت شىء يعول عليه ...
ولكون التهمه لم تزل محصورة فى المتهمين من خلال اقوال الحلاق , تقرر بلزوم استمرار حبسهم على ذمه القضيه لاجل اظهار الحقيقه....
- يوم الاحد 13 ذى الحجه
بالنسبه الى الشبهه المحصورة فى الحلاق وما كان يظن من انه كتم الحقيقه فقد صدر الامر بتعذيبه بالكرباج ولكنه لما سمع الامر التمس ان يعافى من الضرب وهو سيقول الحق , ولما صرح له بذلك قال:
ان المتهمين السبعه الذين قلت عنهم ادخلوا الاب توما فى منزل داود هرارى واحضرونى بعد الغروب بنصف ساعه وقالوا لى قم فاذبح هذا القسيس , ووجدت الاب توما مربوط الذراعين فقلت لهم لا اقدر على ذبحه فوعدونى بانهم سيعطونى دراهم فأخبرتهم بأن ذلك لا يهمنى فسلمونى الاعلان الصغير وامرونى ان اعلقه على دكانى والذى اعطاة لى هو هارون هرارى , وقابلنى داود هرارى بعد ضبطى عندما كنت منقادا الى سراى الحكومه فسألنى ان كنت قد اعترفت بشىء ولما اجبته بالسلب شجعنى ووعدنى بأعطائى نقودا , وان الذى احضرنى من الدكان هو مراد الفتال خادم داود هرارى ..
ومن هنا امر باستحضار مراد الفتال..
س- الى الحلاق - قلت امس كل هذا واليوم اعدته , انما يظهر انك اتهمت باقى الاشخاص الذين قلت عنهم لانك ضربت , فقل لنا الحق لانه ليس القصد من التحقيق انك تتهم اشخاصا بالزور , فان كان لديك اقوال اخرى فأبدها بدون خوف ( فين بتوع التلفيق ييجوا يتعلموا )
ج- الحق هو الذى قلته واصمم عليه امامهم .
س- هل كان يوجد معهم نساء فى المنزل ؟
ج- لا , لم يوجد الا هؤلاء السبعه والخادم كان خارج المنزل.
س- من فتح الباب؟
ج- داود هرارى .
س- بعدما امرك بقتل القسيس , هل بقيت هناك ام انصرفت ؟
ج- لم ابق هناك بل رجعت لقفل حانوتى ثم دخلت منزلى .
س- هل كان يمكن سماع صراخ القسيس اذا صرخ وهو فى الاودة التى كان فيها ؟
ج- المنزل محاط من كل جهه بمنازل اليهود ولا يمكن ان يسمع صراخه من الخارج مع انهم كانوا يمنعونه من ان يصرخ .
س- هل كان خادمه معه ؟
ج- لا لم يكن معه انما الخادم قتل فى محل اخر والذين قتلوة كانوا متفقين فى هذا الامر مع من قتلوا الاب توما ..
- وحين حضر مراد الفتال سئل فاجاب :ان سيدى ارسلنى عند الحلاق سليمان بعد المغرب , فقلت له اذهب الى منزلنا لان سيدى يدعوك , وتركته بعد ذلك ودخلت بيتى...
س- من كان عند سيدك ؟
ج- لم ار احدا عندة وكان مصابا بنزله فى خدة ولم يخرج.
- ثم استحضر داود هرارى وتليت عليه الاجابات السابقه فصمم على الانكار وسئل عن محل وجودة يوم الاربعاء فاجاب : اننى كنت موجودا فى السوق ثم توجهت الى الجمرك لاستلام جانب من الجوخ , ثم توجهت عند جرجس عنحورى وبقيت فى السوق الى الساعه الحاديه عشر عربى ( خمسه المغرب ) ...
- استحضر جرجس المذكور وسئل عما ادعاة المتهم السابق فقال:
حضر عندى داود هرارى يوم الخميس لا يوم الاربعاء بعد العصر وقال لى ان المسيحيين يتهمونهم بقتل الاب توما فهل تصدق عنا ذلك ؟ فقلت له انهم يزعمون ذلك...
- كتبت افادة الى مصلحه الجمارك للاستفهام عن حقيقه ماجاء باقوال المتهم , فورد الرد من رئيس المصلحه بأن داود هرارى لم يحضر الى المصلحه البته يوم الاربعاء , بل حضر مخزنجى من طرفه واستلم جانبا من الجوخ .
يوم الثلاثاء 15 ذى الحجه
- حضر الخواجه بودين الى سراى الوالى وسأل الحلاق ثانيه فأجابه بأن الاعلان الذى وجد على حانوته قد اعطاة له هارون هرارى يوم الاربعاء عندما كان عندة وكذلك البرشان وانه علقه فجر يوم الخميس ولم يرة احد وهو يعلقه وانه وعدة باعطاؤة نقود نظير كتمه السر ووعدوة كلهم بالانفاق على عائلته لما حبس لكنهم لم ينفذوا ذلك ...
يوم الاربعاء 16 ذى الحجه
- سئل مراد الفتال :
س- اين كان سيدك عندما ارسلك لاستدعاء الحلاق ؟
ج- كنت راجعا من السوق وعند مرورى امام باب المنزل وجدت سيدى جالسا على عتبه الباب وقال لى ادع الحلاق , فذهبت اليه واخبرته بذلك وذهبت الى منزلى..
س- سيدك انكر ارسالك الى الحلاق فما قولك؟
ج- انا صناعتى الخدمه فصدعت بما امرت واعترفت بما حصل .
س- اذا كان قد امرك بهذا فلماذا ينكر؟
ج- يمكن ان الحلاق اتهمه بشىء فى هذة القضيه وهو خائف ان يعترف خلوصا من المخاطرة بنفسه .
س- لا يعقل ان يكون جالسا على عتبه البيت وقت ارسالك الى الحلاق لانه كان مريضا ولا يمكن ان يعرض نفسه للهواء فقل لنا على الحقيقه ولا تخف لانك خادم مأمور وليس لك دخل فى هذة القضيه .
ج- نعم انا سأقول الحق الان وكل ما قلته لا يعول عليه لأن الخوف الجأنى الى تلفيقه , اما سيدى فلم يرسلنى الى الحلاق وانا لم ارسل الحلاق اليه وكل ذلك لم يحصل , وحينئذ امر بضرب المتهم بالكرباج فضرب ثم سئل فقال : انتم استجوبتمونى امام المعلم رفائيل فارحى فخفت منه لأنه زغر لى بعينه فعدلت عن اقوالى الاولى ..
س- كيف تخاف رفائيل اكثر منى ؟
ج- لاشك انى اخاف من رفائيل اكثر لانه قادر ان يقتلنى فى الحارة اذا اعترفت اما سعادتكم فغايه ما فى الامر انكم تضربوننى ثم تخلون سبيلى بعد ذلك...
يوم الجمعه 18 ذى الحجه
- وجد قنصل فرنسا فى بيت سرازيتوم اليهودى جاريه سوداء اسمها كيتا ولما سألها بعض اسئله ولم تجبه بطريقه معقوله ارسلها الى السرايه لاجل استجوابها ولكن ظهر ان بها خللا فى قواها العقليه فأعيدت الى سيدها ..
يوم الجمعه 25 ذى الحجه
- حيث ان الشبهه قويه ضد الحلاق ويظهر انه يخفى الحقيقه فى مقتل الاب توما وان باقى المتهمون مصممون على الانكار , رؤى انه من الضرورى التضييق عليه فى الاسئله وانه يسامح من العقاب اذا قال الحق فى مسئله القتل , وبعد ان ابدى عددا من الحجج الباطله اعترف فى النهايه فقال :
ان داود هرارى ارسل بعد المغرب بنصف ساعه خادمه ليحضرة عندة فلما حضر وجد هارون واسحاق ويوسف هرارى ويوسف ليونودة والحاخام موسى ابى العافيه والحاخام موسى بخوريودا وداود هرارى صاحب المنزل والاب توما مربوطا , فقال لى داود واخوة هارون قم فاذبح هذا القسيس فقلت لهما لا اقدر , فقالا لى اصبر وقاما فأحضرا السكين والقيته انا على الارض وامسكته مع البقيه ووضعت رقبته على طشت كبير , واخذ داود السكين الكبير وذبحه واجهز عليه هارون واخوة وحافظا على عدم سقوط نقطه من دمه خارج الطشت , ثم جررناة من الاودة التى ذبحناة فيها والتى فيها الخشب ونزعنا ثيابه ثم احرقوها ثم حضر الخادم مراد الفتال ونظرة عريانا فى المربع الذى فيه الخشب فقال السبعه المذكورون لى وللخادم قطعا القسيس اربا اربا , ولما سألناهم اين ترمونه ؟ فقالوا ارموة فى المصرف , فصرنا نقطعه اربا ونضعه فى الكيس مرة بعد اخرى ونحمله الى المصرف الذى عند اول حارة اليهود وبعد انتهاء المأموريه امروا الخادم بكتم السر ووعدوة بانهم يزوجونه من مالهم ووعدونى بأنهم سوف يعطوننى دراهم .
س- ماذا عملتم بعظامه ؟
ج- كسرناها بيد الهاون .
س- ورأسه ؟
ج- كسرناها بيد الهاون ايضا .
س- هل دفعوا لك شيئا من النقود ؟
ج- وعدونى بذلك ان كتمت السر , اما اذا بحت به فسوف يتهموننى بالقتل .
س- كيف كان الكيس وما لونه وهل كان واحدا ام اثنين ؟
ج- الكيس كان من القماش المستخدم لتحزيم البضائع وهو مثل اكياس البن ولونه سنجابى وكان كيسا واحدا احمله انا والخادم بمساعدة بعضنا .
س- كيف ؟
ج- تارة نحمله معا وتارة يحمله كل منا بمفردة .
س- وماذا فعلتم بالكيس بعد نقل الجثه ؟
ج- تركناة عند داود هرارى .
س- من تقريرك ظهر انكم عندما ذبحتموة وضعتم دمه فى طشت فهل خرج منه دم وانتم تقطعونه ؟
ج- بسبب اضطرابى لم انتبه لذلك .
س- المربع الذى قطعتوة فيه هل كان مفروش مثلا ام مبلط ام لا ؟
ج- المربع خرب وفيه تراب وخشب فقط .
س- ماذا صنعتم باحشاؤة ؟
ج- قطعناها ايضا واخذناها فى الكيس .
س- هل كانت المواد تنقط من داخل الكيس ؟
ج- لا لان اكياس البن عندما تكون مبلوله لا ينقط منها شىء .
س- كم عدد الذين قطعوة وكم سكين كان معكم وما اجناسها ؟
ج- كنت انا والخادم نقطعه والسبعه يعلموننا كيف نقطعه وكان معنا سكين واحد كنا نقطع بها انا والخادم وكلما تعب احدنا استلمها الاخر , وهى من نوعيه السكاكين التى يستخدمها الجزارون .
س- وماذا فعلتم بالسكين؟
ج- تركناة فى المنزل .
س- وعلى اى بلاطه كسرتم العظام ؟
ج- على بلاطه موجودة بين المربعين
س- هل المحل بين الاودتين مغطى ؟
ج- انه مكشوف .
س- لما كسرتم الرأس بالطبع يكون قد خرج المخ فماذا فعلتم به ؟
ج- نقلناة مع العظام .
س- هل حضر الخادم الذبح , وان كان حضر بعدة فمن الذى فتح له الباب ؟
ج- لم يكن حاضرا وقت الذبح وانما حضر وقت نقل الاب الى المربع الثانى ونزع ملابسه والذى فتح له الباب احد المتهمين .
س- هل كان يوجد فى المنزل غير المتهمين كالنساء او خلافهن ؟
ج- لم ار غير هؤلاء السبعه والخادم .
س- متى حصل القتل بالتقريب وفى كم من الوقت استغرق تصفى الدم ومتى نقلتموة الى المربع الثانى ومتى رجع الخادم وماذا فعلتم بعد اخذ الدم ؟
ج- القتل حصل فى العشاء او بعدة بقليل وتصفى الدم فى نصف ساعه او ثلثى ساعه ثم نقلناة الى المربع الثانى بعد حوالى ساعه ونصف من العشاء وحضر الخادم لما كانت الجثه فى الاودة التى فيها الخشب وفى الساعه الثامنه تقريبا تم كل شىء , اما الدم فأنه بقى فى الطشت ولا اعلم ما صنعوا به وعند خروجى تركت الخادم معهم فى المنزل .
س -اين نزعت الملابس ومن الذى نزعها ؟
ج- فى المربع الذى حصل فيه التقطيع والذين نزعوها هم باقى الحاضرين .
س- ماذا كان لون الملابس وما لون ونوع الحزام ؟
ج- الملابس سوداء والحزام حبل ابيض كالعادة .
س- هل كان المصرف مغطى ام مكشوف وان كان مغطى فماذا فعلتم لكشفه ؟
ج- كان مغطى بحجر فرفعناة والقينا الجثه فيه .
ملحوظه : بعد استجواب الحلاق ارسل الى حبس منفرد , واستحضر مراد الفتال ووعد ان ينال العفو ان هو قال الحق فأجاب نفس اجابات الحلاق واضاف عليها عند سؤاله :
س- هل خرج من الجثه دم اثناء التقطيع فى المربع الثانى ؟
ج- نعم وبل الارض حينئذ .
س- وماذا فعلوا بعد ذلك ؟
ج- ذهبت الى منزلى لانام بعد ان قدمت لهم نارجيلات ملأنه من التنباك ( ياعينى على الروقان )
س- من قنصل فرنسا - ما منفعه الدم عندهم ؟
ج- يستعملونه فى الفطير
س- كيف تعلم ذلك ؟
ج- سمعت منهم ان الدم يستعمل للفطير .
ملحوظه : من الاميرلاى حسن بك - حيث ان اعتراف المتهمين لا يوجد به اختلاف , فلنذهب مع الخواجه بودين والدكتور مسارى لمعاينه المحل المذكور ولنأخذ معنا المتهمين ليدلونا على هذة المحلات كلا منهم على حدة , ولنبحث فى اماكن تحويل المياة الجاريه فى هذا المصرف عن مجراها الاصلى حتى يمكننا ان نجد البقايا التى رميت فيه .
بناء على ذلك تم التوجه للمحل المذكور صحبه سليمان الحلاق وسئل :
س- فى اى محل ذبحتموة ؟
ج- فى هذة الاودة المفروشه حيث كان مسطحا فى وسطها ووضع الطشت تحت رقبته وذبح .
س- واين صار تقطيعه ؟
ج- فى هذا المربع الخرب ( شوهد اثار دم على حائط المربع المذكور )
س- واين صار تكسير العظام ؟
ج- فى هذا المحل بين الاودتين امام الليوان ( وجد بلاط منخفض فى تلك الجهه عن البلاط الموجود فى باقى الاودة )
ثم صار استحضار يد الهاون التى تعرف عليها المتهم , ثم طلبت السكاكين فأحضرت ثلاثه منها , حيث قال المتهم ان السكين المستخدم ليس من بينها لانه اكبر واحسن , فطلبت سكاكين اخرى فقيل انه لم يوجد غير ما استحضر .
وبعد ذلك حبس الحلاق فى الاودة التى جرى فيها القتل , واستحضر الخادم حيث عين نفس المحلات التى عينها الحلاق , وكذا نعرف على الهاون وانكر السكين , واشار الى موقع المصرف الذى القى فيه الجثه , ففتح وعثر فيه على جمله قطع لحم و( فلكه الركبه ) وقطع من الجمجمه وبعض عظام وقطع من طاقيه القسيس وجمع ذلك فى سله وارسل الى قنصل فرنسا لتوقيع الكشف عليه بواسطه الاطباء , ثم وصل جواب من قنصل فرنسا مرفق بالاوراق الاتيه :
شهادة من قنصل فرنسا مؤرخه بتاريخ 3مارس
تقرير من اربع اطباء اورباويين
تقرير سته من الاطباء المسلمين ومعهم طبيب مسيحى من اهل البلدة
شهادة من حلاق الاب توما والذى اعتاد الحلاقه عندة
- تم استحضار داود هرارى وسئل عن سبب القتل فأجاب:
ج- احضرناة باتفاقنا معا وقتلناة لأخذ دمه ثم وضعنا الدم فى قنينه وارسلناة الى الحاخام موسى ابى العافيه حيث ان الدم ضرورى لاتمام فروض ديانتنا .
س- مالون الزجاجه ؟
ج- كانت بيضاء
س- من سلمها للحاخام موسى ابى العافيه ؟
ج- الحاخام موسى سلونكى .
س- فيم يستعمل الدم فى ديانتكم ؟
ج- لاجل خبز الفطير
س- هل يوزع على جميع اليهود ؟
ج- ان ذلك غير ضرورى بل يحفظ عند الحاخام الكبير
س- ماذا فعلتم لاستحضار الاب توما ؟
ج- الحاخام موسى سلونكى ( بخوريودا ) والحاخام موسى ابى العافيه هما اللذين دبرا هذة الحيله .
- وبسؤاله عن تفاصيل القتل اجاب بنفس اجابات الحلاق والخادم واضاف عند سؤاله :
س- هل كان احد من الحريم فى المنزل ؟
ج- اظن انهن كن حاضرات فى الاودة البحريه ولكنى لم ارهن .
س- كيف اتفقتم على احضارة ؟
ج- استحضرة موسى ابى العافيه وموسى سلونكى بحجه انه يطعم لهما طفلا بالجدرى واحضرناة بهذة الحيله الى منزل موسى ابى العافيه ثم استحضرناة عند اخى داود هرارى وذبحناة .
س- عندما اخذ الحاخام موسى ابى العافيه الزجاجه , هل وضعها فى علبه او فى شىء اخر ؟
ج- كلا بل اخفاها تحت جبته وخرج بها .
يوم السبت 26 ذى الحجه
- جرى استحضار الحاخام موسى ابى العافيه وسئل عن مكان الدم فأجاب :
ج- بقى عند داود هرارى
س- هل رأيته بعينك ؟
ج- نعم
س- وهل هارون هرارى على علم بذلك ؟
ج- نعم لان الدم عندة حاليا
-ولما استحضر هارون هرارى وسئل بخصوص الدم اجاب:
ج- موسى ابى العافيه اخذة عندة
س- فى اى شىء؟
ج- فى زجاجه بيضاء
س- هل كان موسى سلونكى معكم ؟
ج- نعم وكنا نحن السبعه
- ولما استحضر موسى ابى العافيه عما يختص بموسى سلونكى فقال :
ج- كان معنا
س- الى هارون هرارى - وماذا تم فى الدم ؟
ج- اخذة موسى سلونكى وسلمه بالفعل الى موسى ابى العافيه
س- الى داود هرارى - اين دم الاب؟
ج- سلمه موسى سلونكى الى موسى ابى العافيه داخل زجاجه بيضاء
س- ولماذا لم تحفظ الدم عندك ؟
ج- لان العادة توجب وجود الدم عند الحاخام
س- هل موسى سلونكى كان معكم اثناء الذبح ؟
ج- بعم كان معنا
- سئل موسى سلونكى عن الدم فقال :
ج- لا اعلم شيئا بخصوص ذلك ولا سمعت عنه
س- الى اسحاق هرارى - اين زجاجه الدم ؟
ج- عند موسى ابى العافيه
س- ولماذا ينكر اخوتك ذلك ؟
ج- مخافه الضرب او القتل
س- الستم انتم السبعه قتلتم الاب توما ؟
ج- نعم قتلناة معا
س- مثبوت ان القتل حصل اذن , ولكن قل لنا اين الدم ؟
ج- عند موسى ابى العافيه وسلمه اليه موسى سلونكى داخل زجاجه .
يوم الاثنين 28 ذى الحجه
س- الى الحاخام موسى ابى العافيه - قال اسحق وهارون ان موسى سلونكى اعطاك الدم فما قولك ؟
ج- الحاخام يعقوب العنتابى كان قد اتفق مع عائله هرارى وغيرهم لاجل الحصول على دم بشرى له وكان الهراريون قد وعدوة بالحصول على ذلك الدم وان كلفهم ذلك مائه كيس , ثم مررت على منزل داود هرارى فاخبرونى انهم قد استحضروا شخصا لقتله واخذ دمه , وقالوا لى خذ هذا الدم وسلمه الى الحاخام يعقوب العنتابى لانك اعقلنا , فقلت لهم كلفوا موسى سلونكى بهذه المأموريه فأبوا واعطونى الدم لانى الاعقل .
س- لماذا يستخدم الدم وهل يوضع فى الفطير وهل يعطى لكل اليهود ؟
ج- يستخدم لوضعه فى الفطير ولا يمنح عادة الا للاتقياء من اليهود , حيث كان يرسل بعض اليهود دقيقا الى الحاخام يعقوب العنتابى وهو يعجنه ويضع فيه الدم بنفسه ثم يرد الفطير لكل من ارسلوا له الدقيق .
س- هل سألت الحاخام يعقوب ان كان يبقيه لاهل الشام فقط ام يرسله لاخرين ؟
ج- قال لى انه ملزوم ان يرسل من هذا الدم الى بغداد.
س- هل جائت كتابات من بغداد بطلب هذا الفطير ؟
ج- الحاخام يعقوب العنتابى اخبرنى انه قد وردت له كتابات بذلك .
س- احقيق ان الحلاق كان قابضا على الاب توما عند ذبحه ؟
ج- لقد رأيتهم كلهم حول الاب توما وعندما صار ذبحه كانوا مسرورين لانهم يتممون فرضا دينيا .
س- هل تعلم من ذبح خادمه ابراهيم عمار ؟
ج- لا اعرف سوى ما يختص بمسأله الاب توما .
س- اقتل الاب وخادمه فى نفس المنزل ؟
ج- نعم ولكنهم ذبحوا الاب اولا ووجدت شخصا غيرة مربوطا فى اودة اخرى اظن انه هو الخادم .
س- ايمكنك تعيين مكان وجود الخادم ؟
ج- مسأله اخفاء الجثث كلف بها الخدام اما انا فلا اعرف شيئا بخصوصها .
س- لماذا قلت ان الدم عندك ولما لم نجدة اعترفت بانك قد سلمته للحاخام يعقوب العنتابى ؟
ج- كنت خائفا من اليهود وقصدى ان اتوجه اثناء التفتيش الى الحارة لاريهم مدى ذلتى وانحطاطى حتى يعذرونى اذا اعرفت بالحقيقه فى المسأله المختصه بالدين , لانى ما كنت اقدر اعترف بشىء من هذا الامر حيث ان الاعتراف فى مثل هذه الاحوال خطيئه عظيمه .
- سئل هارون هرارى عن دم الاب ومكان اخفاء جثه الخادم فقال :
ج- الدم عند موسى ابى العافيه اما الخادم فلا اعلم محل وجود جثته .
_____

4صفر سنه 1256هجريه
- جواب من جناب قنصل فرنسا الى شريف باشا تحت نمرة 28
دمشق فى 22ابريل سنه 1840
اخبرت دولتكم بانه جاى دسائس خفيه بخصوص اليهود المحبوسين وقد علمت اليوم ان اثنين يهوديين احدهما يدعى الياهو ناحمد من حلب والاخر يدعى اسحاق بتشوتو , انهما قد وعدا خليل صيدناوى وكيل السيد محمد التلى ان يعطيانه مبلغا مقابل ان يقول اقوال مخالفه لحقيقه ماجاء فى اقوال المتهمين حيث وعدوة ببضع الاف من الريالات وحمايه قنصليه ...
الامضاء
الكونت دى راتى مانتون
- افادة اخرى من جناب القنصل
من الواجب ان اضيف على ما ذكرته بما يتعلق بمداخلات اليهود ودسائسهم بأنه قد طلب احد المنتمين الى دوله اخرى غير الدوله الفرنساويه اجتماعا مع شبلى افندى للتداول فى قضيه مهمه , فصرحت بهذا الاجتماع حبا فى معرفه سببه , فقدم اليهود من خلاله هذة الطلبات الاربع :
اولا - التوقف عن ترجمه الكتب العبريه لأن ذلك مخل بحقوق الامه اليهوديه .
ثانيا - عدم وضع هذة الترجمه او اى شىء اخر يختص باليهود فى دوسيه بل يلزم اعدام واتلاف كل ماعترف به اليهود وخصوصا موسى ابى العافيه.
ثالثا - التوسط لدى دولتكم للافراج عن احد المتهمين وهو المعلم روفائيل فارحى .
رابعا - اجراء الوسائط لاستبدال جزاء الاعدام المحكوم به على المتهمين لاى عقوبه اخرى .
وبعد الانتهاء مما تقدم يصير دفع خمسمائه الف قرش منها مائه وخمسون الفا وقت التصريح بالموافقه والباقى عند نهايه القضيه , وان يكون شبلى افندى مفوضا فى توزيع المبلغ حسبما يراة .
وفى ثانى يوم ذهب هذا اليهودى وتقابل مع شبلى ومعه كيس داخله نقود مرسله من عائله ماهر فارحى , وقال حامل هذة النقود انه لا يعرف الغرض من ارسالها , وانها تبلغ خمسه الاف لدولتكم فى حينه من اجل ان يساعدة شبلى افندى فى المسأله التى كان مهتما بها .
وقد وضع الكيس بصفه امانه لغايه صدور امر جديد بخصوصه , ولما سئل الخواجه شبلى ذلك اليهودى عن كيفيه تحصله على مبلغ الخمسمائه الف قرش ومن هم الاشخاص المشتركون فى دفعها , فاجابه بانهم بعض الحاخامات وتحصيلجى صندوق الامه قد قرروا اخذ هذا المبلغ من صندوق الفقراء ..
- اما هذة الطلبات فقد رفضت بالطبع
- ثم ان احد النصارى المعتبرين جاء فعرض على الخواجه بودين من قبل اليهود مبلغ 150 الف قرش مقابل ان يمنع بقدر الامكان عن الطائفه اليهوديه التهمه الموجهه ضدها وان لم يكفى المبلغ امكن زيادته ..
وهذة هى الوقائع التى امكننى الوقوف عليها الى الان ..
الامضاء
الكونت دى راتى مانتون
______

- اما بالنسبه لما حدث بشأن مقتل الخادم ابراهيم عمار , فقد جرت التحقيقات فى مقتله على التوازى مع تحقيقات مقتل الاب توما , وان كنت قد اختصرت قليلا فى تحقيقات الاب توما نظرا لطولها المفرط , فقد وجدت انه لا داعى لاعادة ذكر نصوص تحقيقات مقتل ابراهيم عمار لانها مثلها فى الطول , كما ان المادة واحدة , يعنى نفس الاسلوب , انكروا فى الاول , ومع زيادة التفاصيل بدأ يظهر تضارب الاقوال ومع شويه ضرب على شويه تهديد على شويه وعود بالعفو اعترف المتهمون بقتل الخادم , بل ثبت تورط اشخاص اخرين فى قتل الخادم بل عدة بيوت , يعنى الجريمه كانت على نطاق واسع وشاركت فيها عدة بيوتات وعدد كبير من الافراد , هحكى جانب من التحقيق يتمثل فى عدة اسئله وهى الل توضح ما جرى فى مقتل الخادم , لذلك هذكر الكام سين وجيم دول بس , ومتستغربوش لانكم هتقابلوا اسماء جديدة :
جاء فى احد اجابات الخادم الاتى ذكرة:
ج- ان سيدى ارسلنى الى ماهر فارحى ومراد فارحى وهارون اسلامبولى لاخبرهم بمراقبه خادم الاب توما من اجل القبض عليه ..
واننى سمعت ماهر فارحى يوم الخميس يقول للاشخاص الذين كانوا مجتمعين عند سيدى انه رأى الخادم يسأل عن سيدة وانه كان واقفا على باب منزله مع هارون اسلامبولى ومراد فارحى واصلان ابن روفائيل واسحق بتشوتو فتقدم نحوهم الخادم وسأل عن سيدة فأجابوة انه داخل المنزل يطعم طفلا ودعوة للدخول فدخل وانهم ذبحوة كسيدة والقوا الجثه فى مرحاض الحوش الموصل الى المصرف ..
س- وكيف عرف سيدك ان الخادم سيحضر الى الحارة ؟
ج- هو قال ان عادة الاب توما ان يخبر خادمه بالمحلات التى فى عزمه الذهاب اليها , وانه يظن بناء على ذلك ان الخادم سيحضر لاجل التفتيش على مخدومه ...
وجاء ايضا فى اعترافات الخادم :
اننى لما رجعت عند معلمى سألنى هل اعطيت علما عن الخادم فأجبته نعم , فقال لى اذهب حالا وانظر اذا كانوا مسكوة فتوجهت عند ماهر فارحى فوجدت الباب مقفلا فطرقته واذا بالمعلم جاء ففتح لى وقال لى مسكناة , هل تريد ان تدخل ام تذهب , فقلت له اريد ان ادخل لأتفرج , ولما دخلت وجدت اسحق بتشوتو وهارون اسلامبولى يربطان يدى الخادم ابراهيم خلفه بمنديل بعد ان سدا فمه بقطعه قماش ابيض وكان فى المقعد الصغير الذى فى الحوش الموجودة فيه المراحيض , وكان الحاضرون قد اغلقوا الباب ووضعوا خلفه قطعه من الخشب , فلما انتهوا من ربط يديه اخذة ماهر ومراد وطرحاة على الارض , وساعدهما عليه الحاضرون وهم هارون اسلامبولى واسحق بتشوتو واصلان فارحى ويعقوب ابى العافيه ويوسف مناحم , ثم احضروا طشت نحاس مبيض ومراد فارحى وضع رقبته عليه وذبحه وكنت انا ومراد ماسكين رأسه واصلان واسحاق كانا جالسين على رجليه وهارون والباقين كانوا ماسكينه جيدا كى لا يتحرك , وبقى الحال هكذا حتى تصفى الدم وبقيت انا نحو ربع ساعه حتى مات ورجعت فأخبرت معلمى ...
- ودخل فى التحقيق بعد كدة اسماء كتير وستات كمان , وثبت انهم عملوا بالجثه بالظبط زى ما عملوا مع جثه الاب توما , الا انهم القوها فى المراحيض الموصله الى المصرف , اما الدم فقد جمع فى زجاجه كالعادة انبعت فى مستودعات الحاخامات الفطيريه اياها ....

_____________________________________________________
الحكم على القتله :
- انه اتهم سته عشر شخصا بقتل الاب توما وخادمه ابراهيم عمار , واثناء التحقيق توفى اثنان من المتهمين هم يوسف هرارى ويوسف ليونودة , بينما نال اربعه العفو لانهم قالوا الحقيقه ( دا بجد بقى , تصدقوا كنت فاكرهم بيشتغلوهم ) وهم موسى ابى العافيه المسمى الان محمد افندى ( هههه , واخدينلى بالكم ) واصلان فارحى وسليمان الحلاق ومراد الفتال والعشرة الباقون حكم عليهم بالاعدام...
فكر قنصل فرنسا انه يعرض الحكم على ابراهيم باشا للتصديق عليه , ودة اعطى وقت لليهود انهم يتصرفوا , راح اتنين منهم وهما كراميو وموسى مونتفيورى ( فاكرينه ؟؟ ) الى محمد على بصفتهم مندوبين عن ( الاتحاد الاسرائيلى ) وقدما دعوى الى محمد على باشا ( حرقه الله ) يلتمسان اعادة النظر فى الدعوى , ونظرا للظروف السياسيه الحرجه لمحمد على وقتها , وغضب بريطانيا عليه , وجواب التوصيه اللى جاله من الملكه فكتوريا , قالهم اونكل محمد على :
انى افعل معكما احسن من ذلك , وهو انى اخلى سبيل المحبوسين وامر بعودة الهاربين الى اوطانهم , واظن ان ذلك افضل من اعادة النظر فى القضيه مما يتسبب عنها فى استمرار الضغائن بين المسيحيين واليهود ( يااااسلام ) وهذا امر لا اودة , وسأخبر القناصل بارادتى وارسل اوامرى الليله الى شريف باشا , وانى احب اليهود لانهم شعب مطيع يحب الشغل , وانى سأظهر لكم ما يفيد ميلى اليه بكل ممنونيه , وسلمهما فرمان الى شريف باشا مكتوب فيه , اعف عن المتهمين , فأظهر المندوبان تأثرهما من كلمه اعف , لانها تثبت الذنب على المتهمين مع انهم ابرياء مما نسب اليهم ( احييييييييييييه , صحيح اللى اختشوا ماتوا ) , فامر بحذفها وسلمهم فرمان اخر هذا نصه :
- انه من التقرير المرفوع لدينا من الخواجات موسى مونتفيورى وكراميو اللذين اتيا لطرفنا مرسلين من قبل عموم الاوربيين التابعين لشريعه موسى , اتضح لنا انهم يرغبون فى الحريه والامان للذين صار سجنهم من اليهود , وللذين ولو الادبار هربا من تهمه حادثه الاب توما ( واخدين بالكم من حادثه دى ) الذى اختفى فى دمشق الشام فى شهر ذى الحجه سنه 1255 للهجرة مع خادمه ابراهيم عمار , وبما انه بالنظر لعدد هذا الشعب الوفير لا يوافق رفض طلبهما فنحن نأمر بالافراج عن المسجونين والامان للهاربين من القصاص عند رجوعهم , ويترك اصحاب الصنائع فى اشغالهم والتجار فى تجارتهم , بحيث ان كل انسان يشتغل فى حرفته الاعتياديه , وعليكم ان تتخذوا كل الطرق المؤديه لعدم تعدى احد عليهم اينما كانوا ( كمااااان ) وليتركوا وشأنهم من كل الوجوة
هذة هى ارادتنا
بصمه ختم محمد على

- وعند وصول هذا الفرمان الى شريف باشا اخلى سبيل المتهمين فى 5 سبتمبر سنه 1840 ...

الفاتحه لمحمد على !!!!
شالووووووووووم عليكوا

الثلاثاء، 21 أبريل، 2009

قطوف الادب من كلام العرب

طبعا بعد الخنقه وكرشه النفس اللى حصلتلى من البوست المهبب بتاع امبارح , كان حتمن ولازمن ولابد من كل بد انى افش غلى فى اللى كان السبب...

وبناءً عليه ,
قررنا نحن البربرى , رئيس نيابه بير الحمص , وشيخ مشايخ طريق المطار الاتى ذكرة بعد :
فش الغل ببوست محترم من العيار التقيل ( زنه 50 طن )

ولما كان الغل اللى جوايا ميكفيهوش قاموس الشتايم البذيئه اللى اتعلمتها فى مقلب الزباله اللى كنت فيها اثناء المرحله الاعداديه والشهيرة بالمدرسه ,
فقد قررت الاستعانه بامهات الكتب والتراث العربى فى السب والهجاء , حيث جائت النتيجه كالاتى :


رفعت الفتنه اجيادها , وجمعت للشر اجنادها , واطالت سواعدها واعلت قواعدها , اصبح نجمها قادحا وجذعها قارحا , فنيران الفتنه تشتعل اشتعالا , ورايات الهرج تخفق يمينا وشمالا , النهار ليل بالدخان والليل نهار بالنيران , لم يبقى من رسوم الاسلام الا شهادة الايمان واقامه الاذان , فشا فيهم ضنك وبلاء , ونار مضطرمه وفتنه محتدمه , فأصبحوا كالغنم السارحه لا راعى لها , والابل السائمه لا سائق معها , فالمملكه شاهرة وافواة الفتنه فاغرة , فتحولت الرؤس اذنابا والعبيد اربابا والغنم ذئابا , فاصبحت البلاد قَنا تشظّى ونار تلظى وناس يأكل بعضهم بعضا , هاجت الرعاع وتحزَّبت الاشياع وتأمر الاذناب والاتباع .......





ظلمه صريح , وجوره فسيح , واعتداؤة قبيح , ظالم تراكمت مظالمه وظُلَمُه , واتصلت غمائمه وغُمَمُه , بسط يدة فى المظالم يحتَقِبُها , والمحارم يرتكبها , املاك مغصوبه ومنهوبه , ورعايا مأكوله ومشروبَه , وضرائب ضَرَبت الاموال بالتمحيق , والبضائع بالتمزيق , الحرم مُنتهَكه , والرعيه مُحْتَنِكه , اداَّهم الغلاء الى البلاء , والبلاء الى الجلاء , والاِضاقه الى الفقر والفاقه , امراؤهم عجزة قَعَدة , وكتابهم خونه مَرَقه , فالاعراض بينهم منهوكه والاستار مهتوكه , والدماء مسفوكه , والاموال مُجتاحه والديار مُستباحه , غُذى رضيعهم بالعدوان حتى دب , وصبيهم رُبى بالطغيان حتى شب , وشابهم تدرب بالظلم والفسوق حتى شاب , وشيخهم اعتاد الاثم والفسوق حتى افترش التراب , بلاد معالم الحق فيها قد دُرِسَتْ , والْسِنه العدل بينها خُرِست , ما الذئب فى الغنم بالقياس اليهم الا من الصالحين , والسوس فى الصوف فى الصيف الا كبعض المحسنين , وما الحجاج مع اهل العراق بالنسبه اليهم الا كأول العادلين , وفرعون فى بنى اسرائيل اذا قارنته بهم الا من الملائكه المقربين , فما ترك الظالم منهم لرعيته فضه الا فضها , ولا ذهبا الا ذهب به , ولا عقارا الا عقرة , ولا ضيعه الا اضاعها , ولا غله الا غلها , ولا مالا الا مال عليه , ولا عِرضا الا تعرض له , ولا فرسا الا افترسه , ولا جليلا الا اجتَلّه , ولا دقيقا الا دقّه .....








وجهه كهول المطلع , اذى للروح وقذى للعين , وجهه كأنه تَبرْقَع بالحنادس واكتسى قشور الخنافس , كأن النحس يَطلُع من جبهته والخل يَقْطُر من وجنته , خلقه الشيطان وعقل الصبيان , له من الدينار قصرة ومن الورد صفرته ومن السحاب ظُلمته ومن الاسد ( العفانه ) نكهته ...
ثقيل الطلعه بغيض التفاصيل والجُمله , خرج عن حد الاعتدال وذهب ذات اليمين وذات الشمال , لا ادرى كيف لم تحمل الامانه ارضاً حملته ! وكيف اجتاحت الى الجبال بعدما اقَلته , وجهه المصائب وليالى النوائب , قربه فقد الحبائب وسوء العواقب , ثقيل السكون بغيض الحركه , كثير الشؤم قليل البركه , هو بين الجفن والعين قذاة , وبين النعل والقدم حصاة , اثقل من خراج بلا غله ودواء بلا عِله .....









جهله كثيف وعقله سخيف , قالب جهل مستور بثوب , اخرق متخلف واهوج متعجرف , يمد يد المجون فيعرُك بها اذن الحَزمْ , ويفتح جراب السُخف فيصفع بها قفا العقل , من الاباء للابناء تتوارد نوادر جهله وخَرَقه ونتائج سَخَفه وحَمَقِه , فلا يعرف الطول من العرض , ولا السنه من الفرض ....





أُثرى فبغى واستغنى فطغى , مازالت الايام تكشف عن مساويه وغلط رأينا فيه , اقام على الغى الذى هو له مَوْضِع , والبغى الذى هو فيه مُوضِع , حلف على الموالاة فحنث , وعهِد فى المصافاة فنكث , ركب المركب الذى لابد ان يترجل راكبه , بل يتخذل فارسه , شرب كأس الجهاله , وستوطأ مركب الضلاله , ايقظ نائم الفتنه , واوقد نار الحرب








بَيّض لحيته ليُسَوّد صحيفته , واظهر ورعه ليخفى طمعه , تغشى محرابه ليملأ جرابه , يحمل الامانه على متنه ليأكل النار فى بطنه , هو كالسوس الذى يقع على صوف الايتام , وكالجراد الذى لا يسقط الا على الزرع الحرام , جبان لا يُغير الا على الضعاف , وكاللص الذى لا يسرق الا خزانه الاوقاف , اذا وقع اليتيم لديه فقد وقع بين مخالب الاسود وأنياب الحيات السود ......










عُصارة لؤم فى قارورة خُبث , ألأم من مهجه , واَسقط من جُثه , حديث النعمه خبيث الطُعمه , هو كالكمأة لا اصل ثابت ولا فرع نابت , يكاد لؤمه يُعدى من يجلس الى جانبه او تَسمى بأسمه , رضع بلبن اللؤم ورُبى فى حجر الشر والشؤم , طلق الكرم ثلاثا ولم ينطق فيه استثناء , واعتق المجد بتاتا لم يستوجب عليه ولاء , صغير القَدر قاصِر القِدر ضيق الصدر , لو قذف الليل بلؤمِه لطمس انوار نجومه .....











الخَرَس احسن من كلامه والعَى ابلغ من بيانه , خاطرة ينبو وقلمه يكبو , يسهو ويغلط ويُخطىء ويسقط , هو فى الادب دَعى النسب , ضيق مضطرب سىء المُنقلَب , ...









كلامه تَنبو عن قبوله الطباع , وتتجافى عن اِستماعه الاسماع , كلامه لا يرفع السمع له حجابا ولا يَفتح القلب له بابا , كلامه يُصدى الريان ويُصدىء الاذهان , طبعه جاسى ولفظه قاسى , كلامه بمثله يتسلى الاخرس عن بَكمه ويُفرِح الاصم بصممه , كلامه اثقل من الجندل وامر من الحنظل , لفظه اخلاط لا يدركه استنباط ولا يُفسرة سقراط , كلامه رَث ومعناة غث ....









طويته مَعْلوله وعقيدته مَدْخُوله , صديق العيان عدو المغيب , ما أكذب سراب اخلاقه وأكثر اسراب نفاقه , ينتهز الفرصه لينشر اجنحه الاحتيال ويُعْمِل اسلحه الاغتيال , خبيث النيه فاسد الطويه , عند الرجاء موجود وعند البلاء مفقود , يبث حبائل الزور وينصب أشراك الغرور , يدّعى ضروب الباطل ويتحلى بما هو منه عاطل , يبدى وجهه المطابق الموافق ويخفى نظر المنافق , ضميرة خَبُث ويمينه حِنْث وعهدة نَكث ....






خطه مضطرِب الحروف , متضاعف الضعف والتحريف , خط مُمجْج ولفظ مُلجلج , خط سقيم وخاطر عقيم , خط مجنون لا يدرى ألف ام نون , خط يُقذى العين ويُشجى الصدر , خط مُنحط كأرجل البط على الشط , وأنامل السرطان على الحيطان , قلمه كالولد العاق اذا أدرته استطال واذا قومته مال واذا بعثته وقف واذا اوقفته انحرف ..










لا يُدرى أَفَسَا ام تنفسا , وأَحْدَثْ ام حَدّثَ , مدخل اكله اخبث من مَخرج ثُقله , لا فرق بين مَجْشاة ومفساة , انتن من غراب ميت مُكفّن فى جورب عفن , لسانه مِقْراض , للاعراض , يأكل خبزة بلحوم الناس , عرضه دنىء وفمه بذىء , مقصور الهمه على ما يُسْتَهجن ذكرة , لسهام الغائبين مُستَهدِف ولعصى الفاسقين مُتَلَقِّف , ابغى من ابر الخياطين ومحابر الوراقين ....

الاثنين، 20 أبريل، 2009

اكيد دا من تأثير الفنكووووووش



- اقنعه نصر الله سقطت بين الجميع فى السعوديه ..........
انا عايز اعرف يعنى , هو الهبل اللى طالع من السعوديه دة اتجاة عام زى منا شايف كدة ولا قله بس صوتها عالى ؟؟؟ ياريت اى اخ من السعوديه يفيدنى فى الموضوع دة .... بس ميكونش من القله اللى صوتها عالى ...

- حسن نصر الله يحرف القرأن ............
لأ ونسيتو كمان تقولوا حسن نصر الله يهدد بتفجير الحرم المكى ...

- حسن نصر الله يسب الصحابه ...........
ايوة انا عارف البق الحمضان دة جاى منين , من الغجر بتوع الاعلام التافه بتاع صورة الواد اللى فتحوا قبرة لقوة شعرة شايب واتضح فى الاخر انها صورة بنت ماتت محروقه , وصورة الجنى المزعوم اللى اتضح انها ماكت فى المانيا زى برضه فيلم البنت اللى مزقت المصحف واتسخطتت وبعدين اتضح برضه انها صورة ماكيت , ايون انا عارفهم بتوع الارض ثابته والقول بدورانها يخرج من المله , كنوا بقى الله يقرفكم ...

- حسن نصر الله يستحق الموت ...........
امال حكامنا يستحقوا ايه ؟؟؟
والله كلنا هنموت , مش مهم بس المهم نهايتنا هتبقى ازاى ...

- كذب حسن نصر الله ..............
ياريت تزود عليها الوعد الصادق للملك عبد بوش وعوكل الذى اذا قال صدق واذا وعد اوفى !!!!

- حسن نصر الله مجرم حرب ...........
مش عارف اعلق على دى الصراحه غير بكلمه واحدة بس ( a7a )

- رساله من هيفاء وهبى لحسن نصر الله ..........
وياترى كانت بتقول فيها ايه ؟؟؟؟ هههههههههه

- كلمه السر حسن نصر الله ............
والقرع لما استوى قال للخيار يالوبيا , والطشت قالى الطشت قالى , وقالوا القمر فى السما وايش دلدله عالحيط ....

- خطيئه حسن نصر الله ...........
والنظر الثاقب لزعماء الانبطاح , مش كدة ؟؟؟؟؟؟؟؟؟؟

- شيخ الازهر : مافعله حسن نصر الله تخريب واعتداء على السيادة ...........
حتى الشيخ كفته كمان طلعله حس وبقى بيتكلم , والله انا مستخسر فيه الشتيمه , كفايه عليه ان البرنامج العقيم بتاعه اللى كان اسمه حديث الروح قبل ما يبدأ كانت مصر كلها بتغير القناة ....

- حسن نصر الله وخلاياة ...........
على الاقل خلايا حميدة مش خلايا سرطانيه زى بتاع الاعلام المصرى والسعودى والاردنى ...

- حسن نصر الله الشيخ قرد ..............
انا مش هرد , انا عايز الاول اعرف مين اللى قال الكلمه دى , وهمسك بقى واقفل القاموس اللى ماتفتحش من 12 سنه لحد لما اعرفه ..

- حسن نصر الله واستغلاله للقضيه الفلسطينيه لنشر التشيع .............
هههههههههه , من امتى قلبهم على الدين كدة , طيب استغلوا القضيه وهربولهم سلاح عشان تنشروا المذهب السنى , طالما عندكم غيرة كدة , دا اذا كان عندكم دم اصلا ....

- عمرو اديب يرد على حسن نصر الله ..........
عمرو اظيط دة يستحق لقب اراجوز النظام المصرى بلا منازع .

- حسن نصر الله يحتضر والاستخبارات المصريه ستصل اليه ..........
كانوا اتشطروا على اللى عمل جريمه بنى مزار , ولا عصابات المافيا الدوليه اللى سارحه فى مصر , ولا الجواسيس اللى مغرقين البلد ومحدش يقدر يفتح بقه معاهم ....

- حسن نصر الله العميل رقم واحد ............
سؤال برىء , طيب عميل لمين ؟ ومين العميل رقم 2 و3 و4 ؟؟؟؟

- معا على طريق ( الجنه ) حسن نصر الله والحماقه ...............
دا انت كدة طلعت على الدائرى , انصحك بقى ترمى نفسك من فوق عشان نستريح من الاشكال اللى زيك ...


- حسن نصر الله يستحق الموت .........
تااااااانى ....

- لماذا يدافع الاخوان عن حسن نصر الله ..........
اة ماهى بقت تهمه ومعرة دلوقت ...

- ليله القبض على حسن نصر الله .............
دا على نظام ليله القبض على فاطمه كدة ؟؟؟؟

- السقوط الاخير لميلشيات حسن نصر الله ..............
ههههه دا بعيد عن حلمه ودنك ..

- ياحسن نصر الله : ان لم يبق صوتك عاليا فأن فسادك لم يعد خافيا ............
والنبى شوفوا مين اللى بيتكلم دة ؟؟؟؟

-ادخل لتشاهد حسن نصر الله على حقيقته................
يارااااااااااجل ؟؟؟؟؟

- حسن نصر الله كمان وكمان .................
اة كمان وكمان واللى مش عاجبه يتفلق ...

- حسن نصر الله فى دائرة الاتهام .............
دا الفيلم دة فى مترو ولا اوديون ؟؟؟

- هجوم حسن نصر الله على ( مصر ) ............
لا دا شغل تلقيح الجتت دة اسلوب مومسات فعلا ...

- نور الكنيف يجسد شخصيه حسن نصر الله فى مسلسل تلفزيونى ............
عم نور , مش ناوى بقى ترحمنا من سماجتك اللى ملهاش مثيل وتموت ؟؟

- حسن نصر الله عميل لكوريا الشماليه .........
اة والله مكتوبه كدة , مش من تأليفى ....

- حسن نصر الله يغتال الديموقراطيه فى لبنان.............
ههههههههههه , اة , دا بقى التحالف بين مومسات لبنان ومومسات مصر ...

- اذاله اللبس والغمه عن المدعو حسن نصر الله ............
ياشيخ روح اتلهى على عينك واتعلم الكتابه قبل ما تعيش دور العالم , ياجعر , ( ازاله ) بالزين مش بالذال ...

- احذروا حسن نصر الله وشيعته ............
وزود كمان , الدواء فيه سم قااااااتل ...

- حسن نصر الله والصدر وجهان لعمله ايرانيه واحدة .........
نسيتوا تضيفوا شافيز ورجب اردوغان .

- حسن نصر الله يهىء للجيش المصرى اجواء الانقلاب ............
ههههههه , لا ماهو البركه فى المخابرات الحربيه اللى موراهاش شغلانه غير شنبرة الظباط ...

- العميل حسن نصر الله .....
دة زى مستر اكس كدة ؟؟؟؟

- حسن نصر الله وحماقاته .........
والله لو كان الجهاد حماقه يبقى ربنا يوعدنا , ويكفينا شر الحكمه بتاعتكوا اللى ماسحه بينا الارض ....

- حسن نصر الله يدافع عن غزة حتى اخر مصرى ..........
وعوكل يدافع عن اسرائيل حتى اخر مصرى برضه ....

- الارعن الضئيل حسن نصر الله .............
امال مين العمالقه , عبد الله وحسنى ؟؟؟ هو انتوا بتحسبوا العملقه بالكروش ولا ايه ؟؟؟

- حسن نصر الله حل عنا ..........
حلوا انتوا عننا الله يحرقكم ...

- حسن نصر الله خائن العرب والعروبه ...........
نوووووووووووو كومنت

- مسلسل باب الحارة يسرق جمهور حسن نصر الله ...........
ههههههههه , اة ما انتوا خليتوا الجهاد مسلسلات وافلام فاكسه زيكم ...

____________


طقت فى دماغى انى اعمل سيرش على اسم ( حسن نصر الله )

اللى فوق دا نتيجه 30 صفحه فقط من مجموع 25400 صفحه فى البحث !!!

ها

كفايه كدة ولا اكمل ؟؟؟؟؟

اعتقد كفايه

بس هما كان ناقص يقولوا انه هو المسئول عن قنبله هيروشيما وفشل مشروع حرب النجوم

وان ميليشياته هى السبب فى فيضان تسونامى وانفجار بركان فيزوف قبل الميلاد

فعلا

اذا لم تستحى فافعل ما شئت

وحيث ان المستوى الخطابى وصل للدرجه دى

فأنا لن ارتفع عنه

وسأنزل لمستواة

ومن الاخر بقى

جزمه حسن نصر الله فوق دماغ اى كلب يعيب فيه ايا كان

والمدونه دى مدونه ديكتاتوريه من الطراز الاول

واللى هيعيب فى السيد حسن نصر الله

هشلفله

وهكب عليه كمان ميه وسخه

عالماشى

أمة السيد حسن نصر الله هي أمة السادة، وهي عنوان المقاومة، وآية الصدق والوعد النافذ، فقد حول السيد حسن حزب الله إلى أمة بذاتها، أمة من لحم ودم وعصب عربي خالص، أمة من رجال الله الذين لا يرهبون عدوا، ويستعينون بالصبر وحس الشهادة وحسن الاستعداد إلى حد الكمال الإنساني، ويقهرون الجيش الذي قيل أنه لا يقهر، ليس مرة واحدة بل مرتين، والثالثة تأتي، ونفخ في ريح أمة العرب المغلوبة على أمرها، والمنكوبة بحكامها وغاصبي سلطانها، وكان أول السطر في مقاومة عربية فريدة بزمانها ومكانها، مقاومة تبدأ بثقافة الاستشهاد، وتطور تكنولوجيا ملائمة، ولا تنتهي إلى هزيمة في ميادين النار، بل تستنزف طاقة العدو، وتحطمه في المعني والمبني، وتضع أنفه في الركام، وتحول قوة إسرائيل المهولة المفزعة إلى بيت عنكبوت، فلم تهزم المقاومة الجديدة أبدا، لا في لبنان ولا في فلسطين ولا في العراق، ولم تستخف بعقل أحد، ولا لجأت إلى مظاهر زيف، وكان حديث الصادق العظيم حسن نصر الله المتلفز إلى الشعب المصري مقنعا مئة بالمئة، فهو لم يرد شرا بأمن مصر كبلد عظيم، ولا بشعبه الصابر المظلوم، بل أراد ـ بمخاطرة رجاله ـ تقديم العون اللوجيستي للمقاومة الفلسطينية المحاصرة في غزة، وهذه ليست جريمة كما يتقول الصغار، بل شرف وواجب قومي وديني وإنساني ينهض إليه الكبار.

أما أمة السيد حسني مبارك فحدث عن خزيها بلا حرج، وهي ليست الشعب المصري طبعا، بل فئة باغية تسلطت على الشعب المصري، واغتصبت اسم مصر لها المجد في العالمين، وسامت أهلها العذاب وسرقتهم وأذلتهم، وهي فئة حكم عائلية في السياسة وإحتكارية ناهبة في الاقتصاد، وتبدو معلقة على خازوق أمني متضخم متورم، وحشدت لقتال الشعب المصري قوة أمن داخلي يزيد حجمها على ثلاثة أمثال حجم الجيش، وانتهت إلى وضع الجريمة المزمنة، وإلى جعل أمنها من أمن إسرائيل

والذي يراقب حملة النظام المصري ضد حزب الله، قد تصدمه ـ لأول وهلة ـ سوقيتها المزرية، فهي تصف حسن نصر الله بأنه عميل إيران، وكأن إيران هي الخطر الداهم على مصر، وبينها وبين مصر جغرافيا عشر دول على الأقل، بينما إسرائيل هي الخطر الملاصق لمصر، والساكن في قمة رأس نظامها الحاكم، وهو يصور حزب الله كما لو كان خطط لقتل مصريين، بينما لم يقتل حزب الله مصريا واحدا، لا في مصر ولا في خارجها، ولا أصاب مصريا بجرح، ولا خدش إصبع مصري واحد، ونظام مبارك هو الذي قتل عشرات الآلاف من المصريين، في القطارات المحترقة والعبارات الغارقة، وفي المظاهرات وطوابير الخبز وفي أقبية التعذيب، وفي الحرب البيولوجية التي انتهت بملايين المصريين إلى الهم والغم والسرطانات والفشل الكلوي والتهاب الكبد الوبائي، حزب الله لم يعتد على مصر، ولم يستهن بقيمتها الرمزية الكبرى، بينما نظام مبارك هو الذي أهان مصر، واختصر حجمها إلى رأس دبوس، وانتهى بها إلى وضع قزمي في حساب التاريخ، فقد واصل سكة تجريف دور مصر الموروثة عن سلفه السادات، وكانت المحصلة على النحو التالي، كانت مصر حتى حرب 1973 رأسا برأس مع كوريا الجنوبية في معدلات التنمية والتقدم والاختراق التكنولوجي، وبعد أكثر من 35 سنة، نزلت مصر من حالق إلى الفالق، وصارت تنافس ' بوركينافاسو ' على مؤشر الفساد الدولي، وقد كان المفكر الليبرالي الراحل د. سعيد النجار نافذ البصيرة، فقد تقابل بمحض المصادفة مع نجل مبارك قبل عشر سنوات، وقال له وقتها 'قل لأبيك أنكم تحكمون بلدا لا تعرفون قيمته'، وقد كان ماجرى مفزعا ومؤسيا، فقد نزلت قيمة مصر الكبرى إلى وزن العائلة الصغرى، وصرنا بلدا يستجدي اللقمة ويتسول الدور .

ثم أن حديث نظام مبارك عن 'السيادة المصرية ' يبدو مثيرا للسخرية، ويبعث ـ بصراحة ـ على عظيم القرف، وكأن دخول مقاوم من حزب الله يمس شرف مصر (!)، وكأن عشرات المصريين المتهمين ـ حتى إن صحت الاتهامات ـ بالتدريب على السلاح، ونقل العتاد للمقاومة الفلسطينية المحاصرة، كأن ذلك ـ ومثله ـ جريمة وانتهاك لسيادة مصر، رغم أن مصر كانت دائما ـ تحت الحكم الوطني ـ تدرب الفلسطينيين والعرب، وتزودهم بالسلاح، وتكنيكات الخروج والدخول إلى أي بلد وصولا للميدان، بل وكانت تنقل رجالا وعتادا إلى أراضي دول أخرى، وبدون علم سلطاتها، وتنفذ عمليات ضد إسرائيل من أراضي دول أخرى، وكما جرى في عملية إيلات الشهيرة، وهو نفس ما ينسب لحزب الله الآن، ودون أن يمس مصريا بسوء، وحتى قبل ثورة 1952، كانت المقاومة شرفا لا يحاكم بقانون العقوبات ولا بالإجراءت الجنائية، ففي قضية عربة الجيب الشهيرة، وقد ضبطت محملة بأسلحة وذخائر ومفرقعات، واعتقل المتهمون فيها، وقدموا اعترافات كاملة، كان حكم القضاء المصري الشامخ هو البراءة التامة، وتأسيسا على نبل الغاية الذي يبيح وسائلها كافة، وبصرف النظر عن علم السلطات أو غفلتها، وإجلالا لسمو مبدأ المقاومة، والذي لا يعلى عليه، ولا يقاس بأي اعتبار جنائي مما يتخرصون .

ثم من الذي انتهك سيادة مصر حقا ؟، أو الذي جعلها بلا سيادة وطنية، وفي وضع البلد المحتل سياسيا منذ ثلاثين سنة مضت، فقد أفضت ملاحق معاهدة كامب ديفيد إلى إهدار الإستقلال والسيادة الوطنية، وعادت سيناء إلى مصر على طريقة الذي أعادوا له قدما وأخذوا عينيه، فقد جرى نزع سيادة السلاح إلى مدى 150 كيلو متر في عمق الأراضي المصرية، ثم جاءت المعونة الأمريكية الضامنة، ونزعت ـ بمضاعفاتها ـ سيادة قرار السياسة والاقتصاد في القاهرة، ثم توالت غارات النهب العام ـ العائلي الإحتكاري ـ التي دمرت وجرفت كل عناصر القوة المصرية، ووضعتها تحت حد السلاح الإسرائيلي، وانتهت بمبارك إلى وضع رئيس شرم الشيخ، فهو يقيم غالبا هناك، وحيث السلاح المصري منزوع بالكامل، وحيث لاتعلو كلمة فوق صوت السلاح الإسرائيلي، وحيث قتلت إسرائيل ـ في السنوات الأخيرة ـ عشرات المصريين بلا تعقيب ولاتثريب، وحيث لا يجرؤ مبارك أن يرفع إصبعا، ولا أن يمضي قرارا فيه شبهة مصلحة مصرية ، ولعلها مشهورة قصة الجسر البري فوق خليج العقبة، والذي اتفقت الحكومتان المصرية والسعودية على إقامتة تسهيلا لحركة الناس والبضائع، وتعهد الحكم السعودي بتحمل عبء التكاليف، وعند لحظة التنفيذ تراجع مبارك، ولحس المتفق عليه مع السعوديين، فقد أصدرت إسرئيل أمرها وخضع مبارك، فهل هذا نظام يحق له الحديث ـ مجرد الحديث ـ عن سيادة مصر؟، اللهم إلا إذا كان يقصد الحديث عن 'سيادته' الرهينة لخدمة إسرائيل، وهو ما يجعل من وجود سيادته ـ في ذاته ـ أعظم انتهاك لسيادة مصر .

ودعك من حديث السفالات ضد السيد حسن نصر الله وحزبه، فهذه قمة الثقافة المتاحة في صحافة وسخافة الجندرما الأمنية، لكن ما يلفت النظر حقا هو الهوى الإسرائيلي الظاهر في حملة النظام المصري الإعلامية، فالمفرادات التي تستخدمها هي نفس مفردات الدعاية الإسرائيلية، ومن نوع وصف نصر الله بأنه عميل إيران وحكم الملالي، ووصف حزب الله بأنه منظمة إرهابية، ونقل تقارير إعلامية وأمنية إسرائيلية تبدي عظيم الارتياح لدور الأمن المصري، وتطلب المزيد من التنسيق الأمني، ووصل الأمر إلى حد السفور العميل لإسرائيل، فقد اتهم رئيس تحرير ' الأهرام' ـ الرسمية ـ حسن نصر الله وحزبه بأنه 'يريد الوقيعة بين مصر وإسرائيل' (!)، وفي يوم واحد كانت الإيقاعات تتوافق على نحو مدهش، إسرائيل كاتزمان ـ وزير النقل في حكومة نتنياهو ـ يطالب باغتيال حسن نصر الله، ومجالس الأنس (الشورى والشعب) في مصر تطالب باعتقال حسن نصر الله، بل وتنفيذ 'عمليات نوعية' ضد أهداف تابعة لحزب الله، إلى هذا الحد وصل التوافق بين حكم عائلة مبارك وأهداف حكومة إسرائيل، وهو أمر قد لايصح أن يصدم أحدا، فمصر التي جرى تقزيمها لا تجد دورا يخصها، وتلتحق بخدمة الدور الإسرئيلي والقوة الإسرائيلية، ويراد لأجهزة أمنها أن تلتحق بخدمة الأمن الإسرائيلي، وأن يتحول الإعلام المصري إلى نسخة عربية مترجمة من العبرية، وهذه أفدح جرائم أمة السيد حسني.
دة نص المقاله بتاع الدكتور عبد الحليم قنديل
انا كنت قلت ان مافيش فى البلد دى غير واحد بس اللى بحترمه
الاستاذ مجدى حسين
دلوقت
بقوا اتنين

الأحد، 19 أبريل، 2009

هنا العباسيه



من اول السطر
النهاردة قريت مقاله عمى ابراهيم عيسى
ويااااااالهول الصااااااااااعقه
على رأى عمنا يوسف بيه ابن مدير عموم الرى فى بر المحروسه
عمنا ابراهيم حب يمسك العصايه من النص
يطاطى للموجه ولا يستفز النظام وفى نفس الوقت يتكلم بالمنطق ( او هكذا يظن )

قام قال ان غايه حزب الله شريفه وكويسه , بس الوسيله كان فيها شطط وخرجت من نطاق الجرأة للتجرؤ , تعالوا سوا نشوف عمنا ابراهيم هبِل وقال ايه :

- لاشك ان حزب الله اخطأ خطأ كبيرا , وان ما اقدم عليه بهذة الخطوة انحراف فى منهجه يستدعى النقد والرفض والتقويم !!!
طبعا اتبع الكلام دة بانى بحب سماحه السيد وكنت مقدر دورة ومش عارف ايه .

- لقد خرج حزب الله عن منهجه فى تحديد ارض المعركه وهى الجنوب اللبنانى.

- لماذا لم يذهب للاراضى السوريه لكى ينطلق منها ....الخ .
وبعدين اتبع كلامه ب: حربه الطاهرة والرائعه ضد اسرائيل ......الخ

- ولكنها عندما تنتهك ارض اخرى بدون التعاون والتنسيق والموافقه او التوافق مع النظام الحاكم ففى هذا تجاوز يضر بالعمل النبيل ..
وبعدين اتبع كلامه بانه يعارض الاسلوب المصرى فى معالجه الازمه وان النظام المصرى تورط وليس تواطأ مع الصهاينه !!!!!

نيجى بقى على اجمد بق بريحه البصل والتوم طلع من عمنا فض فوة :
- النظام المصرى مهما عارضناة فهو نظام وطنى ولا يمكن ان نتهمه فى وطنيته وليس من حقنا ذلك اصلا !!!!!!!!!!!!!!!!!!!!!!!!!!!!!!!!!!!!!!

- ( عن خطاب السيد حسن نصر الله ) اتصور انه يحمل فعلا شىء من التناقض بين عزم على عدم المخاصمه بينما يهاجم موقف نظام مصر بعنف ولكنى افهمه على نحو اخر , هو انه ( حسن نصر الله ) يبدى تراجعا ومراجعه تستحق الالتفات والتنبه !!!!!
وبعدين دش ولك لك لك .............

من التعيقات اللى الناس علقتها على المقاله تعليق واحد عجبنى قوى , التعليق بيقول :
اذا كان المرء يخشى التبعات , يستحسن له السكوت , هذا اذا كانت النيه حسنه ..
بصراحه التعليق دة جاب من الاخر....

الاستاذ ابراهيم عيسى
- ايه الغلط اللى غلطه حزب الله , انه بيدعم المقاومه من مصر ؟؟؟ طب على كدة احنا كنا مجرمين لما نفذنا عمليات فى الاردن من ورا الملك الخاين حسين الله يحرقه ....
وكذلك فى غيرها كتير ....

- يعنى ايه ان حزب الله خرج عن منهجه فى تحديد ارض المعركه , بالله عليك بص فى الخريطه قبل ما تتكلم , عيب عليك راجل شعر راسك ابيض وبتردد الكلام الاهبل بتاع لماذا لا ينطلق من الاراضى السوريه ,
ومين قالك اساسا انه مش موجود وشغال فى سوريا ؟؟
, ماهم ماليين سوريا ,
وبعدين هى غزة حدودها منين ؟
من مصر ولا من سوريه ؟؟؟
هيساندوها ازاى يعنى , من خلال اسرائيل ؟؟؟؟
, لو سمحت يا نتن افندى تعديلنا الكام حته سلاح دول لحد غزة عشان نقتلكم بيهم ؟؟؟؟؟
مش فاهم ,
مش ممكن ,
دى فرة وطاحت فى البلد , واكيد الميكروب وصلك , انصحك تحلل عينه بول يا سيدى الفاضل ....

- وبعدين بقى البق الجامد بتاع , انتهاك السيادة المصريه وان اى عمل لااااازمن وحتمن يتم بموافقتها , طب اديك شايف , يعنى مين بالهبل والسذاجه يتوقع من النظام المصرى انه يدعم , ولا حتى يتصرف فى سينا كانها ارض محايدة , يعنى انا مش شايف حاجه , والله الوضع دلوقت انها اصبحت ارض عدو , يعنى اللى بيتمسك بتهمه التفكير حتى فى دعم غزة , يهود خيبر بيشنبروة وبيشحنوة ب330 فولت كمان , منين بقى بتقول ان اى دعم بدون التنسيق مع عوكل يبقى تجاوز ؟؟؟
طب على كدة عبناصر تجاوز عشان مباسش ضوافر رجلين الملك حسين ويستاهل تلطيش سداغه على عملته المنيله !!!!!!
فكر فى الكلام قبل ما تقوله يا اخ ابراهيم لو سمحت ...

- بقى انت بتقول ان النظام المصرى نظام وطنى مهما عارضناة ,
يعنى ايه مش فاهم ,
وطنى ازى يعنى ؟؟؟
ميد ان ايجيبت يعنى ولا ايه , ماداهيه ليكون مفهومك عن النظام الوطنى اللى هوة عكس الاحتلال الاجنبى ,
ياباشا ,
ياعمى ,
النظام الوطنى هوة اللى بيحقق مصالح الوطن والشعب ,
اما لو فرط فى دة يبقى نظام غير وطنى , اظن دى مفهومه ومش محتاجه شرح ..
وبعدين تعالى هنا , يعنى ايه ( لايمكن ان نتهمه فى وطنيته ولا يحق لنا ذلك اصلا ) امال مين اللى يحق ليه ؟؟؟
هو مين اللى المفروض انه بيحاسب النظام ؟؟؟
مين يعنى اللى يحق ليه انه يقول ؟ المواطن التنزانى مثلا ؟؟؟
هو اذا مكناش احنا نقيمه , هنجيب مين يقيمهولنا , خبير من البنك الدولى ؟؟؟
طب كنت قول لا يمكن ان ( اتهمه ) ولا يحق ( لى ) ذلك اصلا ,
يعنى صيغه المفرد كانت ممكن تبقى مبلوعه شويه , على اساس انك مش ( انا الشعب ) وانك مجرد فرد , انما البق اللى انت قلته دة ........ , بلاش اكمل ..

- وبعدين الاستاذ الجهبز شايف ان خطاب السيد حسن نصر الله يحمل تراجعا ومراجعه !!!!!!!!!!
لا فعلا.........., لا فض فوك
دا نت جبت اللى محدش جابه , فعلا طول عمرك متميز , لا معارضه ولا حكومه قالت اللى انت قلته , ولا اخترقت الحجب وسبقت عصرها وطلعت بالنظريه النسبيه الجديدة دى ...
ياااااسلام سلم الزلعه بتتكلم , بجد بجد .........جديدة , وحلوة برضه ....

واضح ان استاذنا , استاذنا ايه بقى , واضح ان الاخ ابراهيم حب يمسك العصايه من النص فيظهر بمظهر العاقل الرزين وفى نفس الوقت يحافظ على مصداقيته وفى نفس ذات الوقت برضه يبعد عن العصايه وهى نازله ...
بس مع الاسف , بالشكل دة هيخسر التلاته ....

الاستاذ ابراهيم عيسى
فيه حاجات مينفعش فيها اللون الرمادى , يابيض ياسود , وكان اكرملك الف مرة انك تحط لسانك جوا بقك وتسكت

ياااااااااااااااااااااااااااة
بس فعلا خير
اة بجد والله , الاقنعه سقطت والكل انكشف على حقيقته , والرموز الوهميه بان وجهها القبيح , ولسانها بيتكلم بينما عنيها معلقه بالعصا المرفوعه ( انا مقصدش الاستاذ ابراهيم طبعا , اعتقد انه لسه موصلش للمرحله المتأخرة دى , بس الاعراض بدأت تظهر عليه ) ...
فعلا , كلمه واحد قالهالى من زمان وكنت فاكرة بيبالغ , ان الشريف فى البلد دى مالوش غير مكانين اما السجن او القبر , وان لم يكن فى احدهما فهو فى الطريق اليه .......

بس كويس
اللى عايز يعمل لنفسه مرجعيه دلوقت انصحه ينسى اى انسان فى البلد المنكوبه دى ...
فلتكن مرجعيتك هى ذاتك ومبادئك نابعه من داخلك , حتى لا تنهار عندما تكتشف ان الرمز المحبوب اياة ما هو الا طرنش ضارب يحسبه الظمأن ماء ....

فعلا البلد دى مافيهاش جريدة واحدة محترمه , احسنهم ممكن نعتبرها على افضل الاحوال ( مراوغه )
عشان كدة جرنال الشعب اتقفل , بينما ماتقفلش الدستور لحد الان ...

الرجل الوحيد اللى حاسس فعلا انه انسان شريف وصفحه ناصعه البياض هو ابى الاستاذ مجدى حسين ربنا يفك اسرة ويجازيه خير عن اللى بيعمله للبلد دى ....

اتمنى من الاستاذ ابراهيم انها تكون مجرد ذله وتعدى , مش صفحه جديدة فى حياتك , ولا انت حنيت تانى لروز اليوسف ولا ايه حكايتك بالظبط ؟؟؟؟؟؟؟

نصيحه للجميع , الفرة نزلت الكفر والكزاز طايح فى البلد وبينتشر عن طريق الزرايب ... اقصد الجرايد ووسائل الاعلام , ايا كانت , فلا تخلو صحيفه واحدة فى مصر او برنامج من شخص ( معرص ) او على اضعف الاحتمالات جبان ....
نداء من احمد سعيد لابناء المحروسه
لا تفتح القناة اللى فى دماغك
لا تشترى الجرنال الذى ارسلت ابنتك فى طلبه
الريموت فيه سم قاتل
الجريدة فيها سم زعاف

بئس السواد اللى احنا عايشين فيه , لما يبقى اجدع واشرف واحد هو اللى يقدر يسكت , مصر اجدع واحد فيها شيطان اخرس , والله عمار يامصر ,
يااااااااااارب انا وغيرى كتير زهقوا من حال البلد دى , ونفسنا تتغير , ولو هنفضل كدة ومش هنغيرها , ولو كان التغيير دة مش هييجى الا من فوق , يارب لو كان حلها خسف ,
يبقى اخسف بيها الارض يااارب طالما مش نافع معانا الا كدة ....

بجد بجد , انا احتقر كونى مصرى , واحتقر جنسيتى , واحتقر اهل بلدى , فعلا احتقرهم , ليس كلهم و لكن الاغلبيه , مع شديد الاسف , فلم ار غباء وتخلف وجبن وانتهازيه كما فى المواطن المصرى الان ....

انا وصلت لمرحله عدم الاندهاش , يعنى مش هستغرب من اى حاجه ايا كانت , يعنى مثلا لو صحيت بكرة ونزلت وركبت تاكسى ولقيت السواق بيقولى :
انا باخد فيها , انتا بتاخد فيها ؟
مش هستغرب
ولو لقيت الناس فى الشارع بتقولى :
احنا بناخد فيها , انت بتاخد فيها ؟
مش هستغرب خالص
ولو لاقيت البلد كلها اتلمت وقالت :
كلناااااااااا بنااااخد فيييييييهااااااااااااا
برضه مش هتعجب نوهااااائى

بس انا ولله الحمد
مش باخد فيها
واتمنى انى ماخدش فيها .....
انتوا بقى
اخباركم ايه ؟؟؟؟؟؟؟؟؟؟؟؟؟؟؟؟؟

الثلاثاء، 14 أبريل، 2009

التربنوخ التربنووووووخ



بقالى يومين عايز اكتب ومش عارف
اولا لان المواضيع اللى عايز اتكلم فيها كتيييييييييير قوى ..
ثانيا لانى مش عارف اكتب !!
مش من الخنقه والاكتئاب كالعادة , لا من كتر الضحك والتهييس اللى انا فيه .....

بصراحه مش عارف اقول ايه
اولا كدة موضوع اعتزالى
طبيعى جدا ان اى انسان بيمر بمراحل ضيق وخنقه الدنيا بتسود فى وشه ساعتها
ودة مش شرط يكون لسبب معين
هو ممكن يكون تراكمى , بس بتبقى دايما فيه قشه بتقصم ظهر البعير , مش لانها تقيله , طبعا لا ...
بس لانها هى اللى جت بعد الحد الاقصى للاحتمال ...
مش اكتر

وطبيعى برضه ( دا مع الانسان الطبيعى طبعا ) ان الحاله دى تنتهى ونكمل طريقنا
اينعم مش بنبقى مبتسمين وشايفين الدنيا بمبى ( لانها فعلا مش بمبى خاااالص ) بس بنكمل وبيفضل عندنا ايمان بالله وامل فى المستقبل ...
اللى مش طبيعى هو مراجيح المولد اللى حصلت فى كومنتات البوست اللى فات !!!!!

هو انا اجرمت انى بعبر عن رأيى ؟؟
اجرمت انى بتكلم ؟؟؟
مقدرش اتكلم عن موضوع مهم وخطير وابقى عايز اجيب قرارة فى سطر ونص!!!
مش تلغراف هو
( ارجع فورا لاستلام العزبه , جدك الباشا مات )....
الموضوع مش كدة...

لما اتكلم عن موضوع هايف او حتى بسيط ممكن اتكلم عليه فى سطرين تلاته
انما لما اتكلم عن مشكله اجتماعيه او سياسيه اعتقد ان شغل السطرين دة يبقى تهريج
الا لو كان شريط اخر الاخبار الاحمر اللى فى الجزيرة

شغل التيك اواى انا ببغضه جدا
ومش عندى
وبأذن الله مش هيكون
انا مش سطحى ولا تافه
ممكن اكون معقد ومكلكع
ودى وان ضايقت ناس
الا انها تشرفنى واعتز بيها....
التفاهه والعبط ليها مدوناتها
والفكاهه ليها مدونينها
والخواطر والاشعار ليها ناسها
والسياسه ليها برضه مدوناتها

انا ولا واحد من دول
او ممكن اكون كل دول
بكتب اللى يجى فى دماغى , بس مش اكتر
فى اى موضوع وفى اى اتجاة
ولما دماغى تتغير يبقى اسلوبى يتغير تبعا ليها

انما كونى اتغير علشان خاطر حد
او لان ( الزبون عايز كدة ) وغنى ياوحيد !!!
مع احترامى الشديد لكل الناس
ولكل واحد تعب نفسه وضغط الماوس على بلوجى
هذا لن يكون
ولو الدنيا كلها مشيت يمين وانا كنت شايف ان الشمال هو الصح
همشى شمال
ومش اول مرة اعملها , ولا هتكون اخر مرة ....

انا انسان انفعالى
مانكرش
بنفعل كتير وغالبا اسلوبى بيبقى حاد
بس بروق بسرعه ومش بشيل من حد
وباندم على حدتى و اعتذر عنها
مش عيب
وانا اسف لاى حد احتديت عليه فى مرة او هو اعتقد كدة
بس دة طبعى ياجماعه
ممكن احاول اقومه
انما دماغى وتفكيرى
مش هغيرهم علشان خاطر حد .........

__________

وما الدنيا الا مسرح كبييييييييييييييييييير
كلمه اتقالت من زمااااان
يوسف بيه وهبى باين , مش كدة ؟؟؟؟

صراحه , الواقع اللى انا شايفه دلوقت لا تنطبق عليه هذة الجمله مطلقا
ممكن نقول , وما الدنيا الا مرحاض كبير
مقلب زباله كبير

شوفتوا الخليه الارهابيه التنظيميه الرديكاليه الشيعيه البتنجانيه اللى نازلين دش عليها فى الاعلام المصرى ؟؟؟
معلش ياجماعه
الموضوع مش محتاج كلام
ومش محتاج تحليل , هو محتاج هبل , تريقه , انما تحليل ؟؟؟؟
معتقدش لانه اوضح وابسط من كدة ....
انا شخصيا امتنعت تماما عن مطالعه اى نوع من الجرايد او نشرات الاخبار , عدا الجزيرة ودة نادرا يعنى لما بفتحها دلوقت , يمكن متابع وكاله انباء نوارة هانم , الشهيرة بجبهه التهييص الشعبيه ...

موضوع الخليه دة بصراحه ههههههههههههههههههه , حاجه مسخرة , مش قادر ابطل ضوحك من كام يوم , بس لما بحس ان قلبى هيقف اغمض عينى واسد ودانى , ولما اخد نفسى واحب اضحك تانى اشوف اخر الاخبار ..

موافى شغااااااااال طحن ودش
ولا زكى رستم فى زمانه
ياعينى عليك يامعلمه , تربيه صلاح نصر صحيح , والله العلام جاب نتيجه ياولاد , وبارات وسط البلد طلعت اساتذة ....
دا زكى رستم يتعلم منك ياراجل
تخيلوا كدة موافى واقف فى فيلم ابيض واسود على سلم القصر وبيصرخ ويقول :
مررررررررراتى انا , الطاهرة العفيفه , بعد ستين سنه جوااااز , يغوووويها الشيطان , وتهههههههرب مع عشيقها ........
نفس النظام :
مصصصصصصصصصر صخرة تتحطم عليييييها مطامع الطامعييييين , ومكااااائد الكائدين , ومفاسد الفاسدين ...

هييييييييييييييييييييييييييه , عظمه على عظمه ياست
اعد ....

من الاخر انا شايف ان الموضوع دة لن يزيد حزب الله الا شعبيه
لان مصر دلوقت نوعين من الناس
الاولانى اللى لابس دماغه فى رجله ( اللى هو من نوعيه الصورة اللى فوق دى )
بتوع : الريس بتاعنا لابدلهم فى الدرة ومستنيلهم على غلطه , واذا تكلمت مصر فلابد ان تنصت اسرائيل , ان اولمرت مش بيخاف الا من مبارك ...
دا على اعتبار انه مش بيتكشف على رجاله ( اخاف واكش من دا الوش ) .....
بف بف بف ......يافضحتى ... راااااااااجل !!!!!!!!!
وانهم موقفوش الحرب على غزة الا لما هددناهم اننا هنوقف دخول المبيدات المسرطنه لمصر , فالراجل يعينى بنطلونه اتبل من الرعب ..

طبعا دول لن يزدادوا الا عتها على عته , ودول لا اعتبار ليهم اساسا لانهم مفقود فيهم الامل .....
__

والنوع التانى اللى شايف وحاسس بالوكسه اللى احنا فيها
والمس خرة اللى بتحصل فى سينا , كتكرار لسيناريو الفيلم الشهير :
- صباااااااح الخييييييييييير يا أمييييييييينه .
- يوة , صباح الخير ياسى السيد .
- مااااااااالك يا أمينه , مش على بعضك النهاردة ...
- ولا حاجه ياسى السيد , اصلى واخدة شويه برد ...
- لاااااااااااااا يا اميييييييييييييينه , انننننننننتى بتكدبى عليااااااااا , اوعى يكون فيه سلاح دخل من على الحدوووووووود يا امييييييييييينه ؟؟؟
- يوة , سلاح مين ياخوووويا , فشر , امال انا قاعدة بلعب ..
- أمال ماااااااال رجلك متجبسه ليييييييييييه ؟؟
- دنا اتزحلقت من على السللللللللللم قامت رجلى منتنيه تحت منى , اة , انتنت تحت منى ...
- اهااااااااا , يعنى مافيش سلاح دخل من على الحدووووود يا اميييييييييينه ؟؟؟
- ابدا ياخوووويا , دا اللى بيهوب هناك بقطع رجله , سلاح ؟؟ , قال سلاح قاااال ...
- ولا اكل يا اميييييييينه ؟؟
- ولا اكل ياخوووووويا ,, دنا حتى ببيع الخرفان اللى بمسكها فى المزاد , اكل ؟ , قال اكل قال , وحياتك عندى ياسى السيد دا انا بموووووتهم من الجوع ....
- هااااااااااااا , بس جاتلى اخبار من اهل الحته ان فيه ناس بيضحكوا عليييييييكى يا امييينه ويدخلوا اكللللل من وراااااكى ....
- ناس مين ياخوووويا دول ؟ قطع لسان اللى يقول كدة , دنا بعت وزارة الاندر كلها هناك ياخووويا , ووحياتك عندى , الا ما فيه نمله بتخش , امااااال , غليوم وطايح فييييييهم ...
- انننننننتى بتكدبى عليييييا يا امييييينه , قوووومى امشى انجرى لمى هدومك وروحى على بيت اهلك , وورقتك هتوصلك هنااااااااك ..
- ابوس رجلك ياسى السيد , انا فى عرضك ياسى السيد , دا انا جاريتك يا سى الس.....
- قلللللللللت امشى اطلعى برررررة , البيت دة معادلكيش عيييييش فيه بعد كدة ...

وتلم امينه هدومها وهى باصه فى الارض وبتعيط , بينما بيشاهد الموقف فى فزع مجموعه اخرى خارج الباب
يفتح سى السيد الباب فجاءة , فيجرى الجميع فى فزع

- واقفيييييين بتعملوا اييييييييه هنااااااااا ؟؟ اممممممممممشوا غوروا من وشىىىىىىىىىىى, اصلى مخلفتش رجااااااااله , مخلفتش رجااااااله يا امييييييييييييينه ...

وبعد كدة يروح سى السيد علشان يروق مزاجه المتعكر فى عوامه ناديه لطفى ....

اظن واضح مين امينه
ومين سى السيد
ومين ولادة اللى واقفين عالباب
ومين ناديه لطفى اللى بتروق مزاجه (هز ياوز ) ....
__

لمصلحه مين الهبل اللى بيحصل فى سينا ؟؟؟
يعنى انتوا لسه متعلمتوش
المشكله ان الحكومه هما اكتر ناس عارفين ان البدو مش بييجوا بلوى الدراع
اذا كان الجيش مش بيقدر عليهم وبيحاول يراضيهم
يبقى امل الدوله هو الحل ؟؟؟
طب , ماااااشى
خليكوا ولعوها كمان وكمان
واحفروا قبوركم بأديكم
وولعها ولعها , شعللها شعللها
انا بصراحه مشفتش غباء بالشكل دة
يلا
ياريت حكومتنا الموقرة تسد للاخر ومتزعلش من اللى هيحصل , لأن المشهد بقى كدة :
عنتر.. عنتر , اوعى يجيلك عنننننننتر هو المجدع هو السنتر عنتر ..عنتر
- الله الله الله , مييييييييين عنتر ؟
- نعم نعم حدلتك جاى تهزأنى ؟
- ايه ياخويا , الصوت دة جاى منين ؟؟؟ انت صوتك ماله ياعنتر ؟
- دا من يوم العلقه
- عللللقه !!! ولسه جاى قدامى , بقى انت عنتر انت ؟؟
- ايوة انا عنتر
- ونا كمان عنتر , ولافيش عنتر احسن من عنتر
- فتح يابنى فتح , شوف مين بيكلمك , دنا عنتر المفتح بصباعى اخرشمك , انتا تزقنى ؟
- فشر
- انت تهمنى ؟
- فشر
- طبعا فشر وميت فشر , مين زييى غامق فى البشر , وادى عبلتى محبوبتى ستريه جوليه ستريه قمر ...

طبعا معروف مين عنتر ومين عبلته محبوبته ....

او ممكن يطلعلنا عاطف السكرى بالمشهد دة :
- اخلصوا ناولونى الولااااعه , عايز اولع رووووما بحالها , انا مستعجل , عندى اذااااعه , خوطبه عاظيييمه لااازم اقولهاااااا ...
- هتقول ايه يانيرون سمعنا , متعنا بخطبك متعنا ..
- هزززعق زى الغوووووووووووول
- وهجعععععععععععر وهقووووووول
- تعاليلى يابطه
- ونا مالى هه
- وشيليلى الشنطه
- ونا مالى هه
- ونروحوا على طنطا ( او مجلس القمل )
- ونا مالى هه
- بزززززيادة أونطه
- ونا مالى هه

ولا نلاقى شيخ الغفر فى تصريح امنى خطيييييير وطالع يقول :
شفت الارنب ويا القطه راكبين تاكسى وبيقولوا هو ...
هوا يقولها حطه يابطه وهى تقوله نونونو ....

حسبى الله ونعم الوكيل
انا لو لسعت ( دا لو كنت لسه سليم )
ذنبى فى رقبه دول ....

بصراحه اعتذر عن الصورة اللى فوق
بس دى اكتر صورة لقيتها تعبر عن الواقع الصراحه

يلا
جتها نيله اللى عايزة خلف....... اشكال من النوعيه دى

الخميس، 9 أبريل، 2009

كلاكيت , اخر مرة ............

شوفوا كدة الفيديو دة :

http://www.youtube.com/watch?v=idfbdnZCq3g&feature=related


حزر فزر
الجيش اللى ماشى دة موكب ميييييين ؟؟؟؟؟


لا ياخويا مش زفه قطر الندى
ولا موكب خمارويه ولا احمد ابن طولون


دا موكب الرئيس المصرى
او بمعنى ادق ( ركاب ) بمصطلح اهل التخصص .....


عديتوا كام عربيه ؟؟؟؟
انا عادد حوالى 82
دا غير الموتوسيكلات
وعربيات فان الحرب الالكترونيه
اللى بتسقط شبكه الموبايل ....

عايزكم توسعوا خيالكم معايا شويه
او شويتين


دى لمحه بسيطه من الحياة اللى الانسان دة عايشها من 28 سنه !!!!!
لمحه تعبر عن اقل مايمكن
اة , الهيلمان دة كله ابسط شىء فى حياته
تخيلوا واحد عايش 28 سنه بالشكل دة....!!!


لن اتعجب لو اعلن الالوهيه ....


واحفادة الاطفال محترفين سب وقذف للوائات رئاسه الجمهوريه والحرس , اللى بدورهم طبعا بيتقبلوا الشتيمه بضب مفشوخ من كتر السعادة ( حمادة بيه بيشتمنى ) ....!!!!!!!!!!!!!!!!!!!!!!!


دا غير ضباط الحرس الجمهورى اللى مواراهمش شغلانه غير انهم ينضربوا على ( الاظؤظه ) على رأى خيخه من قبل البهوات ولاد علاء بيه ....


وجدهم يتفرج وهاتك ياضحك , ماهو اعز الولد ولد الولد بقى ...
دول الاحفاد فما بالك بالجد؟؟؟؟


انا لم ار او اسمع او اقرأ فى التاريخ عن هرم طغيان بالضخامه اللى موجودة فى مصر دلوقت ....
دا الصحابى نزل من على بغلته ومرمغ وشه فى التراب وقال : عزت على نفسى فأردت ان اؤدبها !!!!!!
عزت عليه نفسه علشان راكب بغله
امال لو ركب موكب زى دة كان عمل ايه ؟؟؟؟؟؟


لن اتعجب ان حكم هذة البلد عمر ابن الفارض وجاب ابراهيم ابن ادهم رئيس وزرا ...
لن اتعجب ان تحول فى سنوات لفرج ابن برقوق او الحجاج ابن يوسف ....


لا توجد نفس قادرة على مقاومه اغراء بمثل هذة الضخامه , الا ان كان نبى ومعصوم ...
لان محدش بيبص لنص الكوب الفارغ
اللى يبص للسادات فى عزة مش بيشوفه وهو مرمى تحت الكراسى وبينداس بالرجلين .....
وغيرة اللى كان الطريق بينفرش ليه من الشام لمصر بشقائق الحرير
محدش عمرة اعتبر بيه وهو مقتول ومرمى للكلاب ....

لا واللى يغيظ ان الناس واقفه على الجنبين بتهلل وتصفر
بتهللوا على ايه
الله يوكسكوا
الله يوكسكوا كمان مرة ...
طب مش بعيد كدة يصدق
اة لازم يصدق


طب فاروق لما كان فى قصرة فى اسكندريه والناس كانت طالعه تهتف ضدة وتؤيد الانقلاب ( او الحركه كما كان يطلق عليها حينها ) قال لقائد حرسه : شايف , الشعب بيهتفلى !!!!
قائد الحرس طلع عندة ذمه وقال لا يامولانا دة بيهتف ضدك وبيقول كذا كذا ....
طب دة هيلاقى منين قائد حرس يقوله كدة , ولا يجرؤ يقوله حاجه غير كله تمام وانما نحن عبيد احساناتكم !!!!


فعلا
هى المعادله كدة :


- حاكم ظالم ومظلوم
ظلم ارضه
ظلم شعبه
ظلم نفسه
ومظلوم لان شعبه ظلمه
ظلمه بانه شجعه على الظلم
واعانه باسبابه

- شعب ظالم ومظلوم
ظلم نفسه بسكوته على الظلم
ومظلوم من وقوع الظلم عليه


- وارض مظلووووووووومه
ارض غاااااليه قوى
مظلومه بحاكم وشعب لا يستحقها كلاهما ......

حكام ظلمه وشعب الاغلبيه الساحقه منه كغثاء السيل او كزبد البحر ( يذهب جفاء )


ياريت محدش يستغرب بعد كدة ويسأل ليه مصر عايشه وصلات من الظلم من خمستلاف سنه فاتت ....
ليه الظالم بيقعد ستين سنه , والعادل مش بيكمل اكتر من سنتين وبتكون نهايته عادة القتل او النفى او السجن ...


اقولكم ليه:
علشان احنا منستاهلوش
احنا حقنا النوع التانى
النوع التانى بس


- اللى انكوى بنار السادات وترهاته وتخاريفه ميزعلش , لان المواطن دة هوة اللى انسحب من الشارع وساب الانتفاضه علشان يروح يتفرج على مدرسه المشاغبين !!!!!!!


- واللى اتلسع فى سجون عبناصر واللى اتقتلوا زى طابور النمل لما ترش عليه فليت فى سينا , ميشتكيش , لانه هوة اللى شاف نجيب بيتشال من عابدين ويترمى فى فيلا المرج 28 سنه ولا اتحركش علشان يدافع عنه ....


- واللى بيلعن فى فاروق وايامه ميزعلش , لانه مكانش كدة , تخلى الناس عنه فى 42 وتقاعص ابطال الوفد والنحاس اللى ظهر انهم ابطال من ورق كل همهم السلطه , هو دة اللى هدة وغيرة 180 درجه وبقى يعرف اصول اللعبه كويس ويراهن على مين ومين لأ ......


- واللى بيقول فؤاد طاغيه ميزعلش برضه , لانه لما شاف بعينه ابوة بينكرش من مصر واخوة توفيق بيزقه هو وابوة زق فى محطه السكه الحديد علشان يخلص منهم بسرعه ويلحق موكب التنصيب بتاعه , دة اللى خلاة يعرف ان العرش اغلى من الاخ والاب , وان الرهان على الانجليز هو الرهان الصح , وان الشعب دة اخرة يهلل او يبكى ..


فعلا اللى بيحصل فى مصر دة منتهى العدااااله
منتهى العدل


بس اتنين مظلومين
الاقليه الشريفه الشجاعه اللى لسه فى البلد
والارض
دول بس اللى مظاليم


لو الاقليه دة تطلع برة المسرح
والارض تنسحب من تحت الرجول
وبعد كدة يهيص الشعب والحكومه فى بعض ....


البلد دى مش محتاجه حكومه
بجد البلد دى محتاجه شعب
اما اننا نستورد شعب
او عايزين كااااااااااااارثه وبلوة مسيحه
تخلق مننا شعب جديد
وتكنس وساخه ستلاف سنه


تفتكروا ممكن ؟؟؟؟؟؟؟؟؟؟؟؟؟؟؟؟


انا اتخنقت
مش هتكلم فى السياسه تانى
واحتمال كمان اقفل المدونه دى قريب


يلا
اياكش تولع !!!!!!!!!!!!!!!

الأربعاء، 8 أبريل، 2009

حدث فى ابريل



بسم الله الرحمن الرحيم

مش عارف حاسس ليه ان البوست دة صعب قوى
مع ان موضوعه واحد الا ان الكلام فيه كتييييييييييير
وانا بصراحه كنت ناوى اعمله سلسله بعد لما اخلص سلسله اليهود اللى فاضل فيها حوالى 3 بوستات
بس وجدت ان الانتظار مش مريح نفسيا
وراسى عماله تودى وتجيب , والافكار شغاله على ودنه
ونا عارف الدماغ دى
لو ممسكتهاش وفرغت اللى فيها فى ساعتها واستنيت
غالبا لما تيجى تحب تكتب عنها بعد كدة
هتلاقى العصفورة طارت
لذلك قلت انه من الافضل انى ابع ( بضم الباء ) دلوقت ....

البوست هيبقى طويل بغباء
فاذا كنت من هواة تصفح السطور الاولى وترك الباقى وتكوين فكرة
فانصحك متكملش البوست
لانك هتوجع دماغك على الفاضى ومش هتفهم حاجه , او هتفهم غلط على احسن تقدير
او هتوجع دماغى انا لو علقت لانك هتتكلم غلط على حاجات انا مقصدهاش ....
اتفقنا ؟؟؟؟

طيب لو انت كملت وقريت ما اكتبه حاليا , يبقى افترض انك مش من النوع دة ,
قبل كل حاجه احب اعتذر مقدما لان الافكار مش هتبقى مترابطه والمواضيع هتخش فى بعضها ,
لانى مافياش دماغ حاليا اجيب ورقه واحدد عناصر مواضيع وارتبها وبعدين اكتب عنها بعد كدة , فمعلش استحملونى وركزوا معايا شويه ...

اضراب 6 ابريل 2009
من الاخر ومن غير زعل وبدون ما نشتغل نفسنا
الاضراب فشل ودة كان متوقع
فيه ناس طبعا كانت شغاله فى هجمه احباط من قبل الاضراب ونازله تثبيط فى الهمم .
كانوا بيقولوا :
مالوش لازمه
الناس هتتبهدل
دى اجندة خارجيه لهدم البلد
لعب عيال
مافيش داعى او حافز زى السنه اللى فاتت
الداخليه اتعلمت ومش هتغلط غلطه المحله
الاحزاب والاخوان هيخلعوا كالعادة
مافيش فايدة , ومبارك قاااعد
طب ما نستناه لما يموت احسن بدل سفك الدم والبهدله
ياعم خلينا ناكل عيش احنا مش قد الداخليه , ازاى شويه بشر هيقاوموا سلاح وقنابل الامن المركزى ....

طيب

اعتقد كدة انى قلت كل الاسباب اللى اتعارض على حسها الاضراب

اوكيشن

باعتبار انى كنت فى المحله السنه اللى فاتت ايام الاضراب وشفت الفيلم الهندى اللى حصل , هحكى السيناريو اللى تم الاول وبعدين اتكلم فى اللى حصل السنادى وأرد على الهرتله اللى فوق دى ...

ابريل 2008
اول ميزة حصلت ان فكرة الاضراب خرجت برة النت
ودة كان اول سبب للنجاح
ليه ؟؟؟
لان اغلب الشعب المصرى مش بيخش على النت
واللى بيخش عليه بيخش علشان السكس او الافلام او الاغانى
باقى فئه قليله , دول اللى بيتعاملوا مع النت لاسباب نافعه
اللى هما فئه المثقفين ( مش شرط قوى يعنى , ممكن نقول اللى مستواهم الثقافى معقول )
وكتير منهم من طلبه الجامعات
طيب

بصراحه كدة
لا دول ولا دول عندهم الكفائه لتغيير النظام
لان المثقفين عادة دورهم التوجيه
وكمان هما قله
ومنتشرين فى كل مكان
وعادة لا درايه لهم باساليب ولا بفلسفه القوى الامنيه
فاقصى حاجه ممكن يعملوها انهم يوجهوا الجماهير
وممكن يتزعموهم , دا ان ماكانوش من اخوانا الكلامنجيه , بتوع بق وبس ( طق حنك يعنى ) ....
وممكن يفرقوهم ويشوشوا عليهم ويقلبوا الحق باطل والباطل حق , لو كانوا من دلاديل فاروق حسنى ولا من خنازير احزاب المعارضه ( اللى بيسموا نفسهم رموز ) وفى الواقع هما احذيه للنظام ...
دول ممكن نطلق عليهم فئه ( علشان ما نعلا ونعلا ونعلا , لازم نطاطى نطاطى نطااااااطى )

جميييييييييييل خالص
نتكلم عن عقليه الفئه الاولى
اللى هما المثقفين المخلصين
دول اما دماغهم بتبقى لاسعه للاسف وتفكيرهم مشوش او خااااطىء , وحتى ان كان صح بيكون غريب جدا وغير مستوعب او مقبول من العقليه المصريه , كما ان تفكيرهم عادة بيكون منفصل تماما عن الواقع , تحس انهم سياح او اجانب او بيتكلموا على شعب تانى , تحس انهم جايين من المريخ , ودة بيفصلهم عن الشارع وبيخسرهم كتيييير جدا , كما ان فئه كبيرة منهم بتنجح امريكا على وجه الخصوص فى استيعابهم وتبنيهم , ودى فى حد ذاتها مش مشكله , بس المشكله فى الاجندة الامريكيه نفسها , ودى هتكلم عنها بعدين ...

الفئه التانيه بتاع المنافقين
دول عادة دماغهم واحدة
وغالبا بتكون حياتهم ماشيه كالاتى
اسرة فقيرة وعلى قد حالها بتنمى فى الاخ عقدة نقص ورغبه فى الصعود للقمه باى وسيله ( طبعا لانه اصلا انسان زباله )
بتبدأ حياته العمليه فى الجامعه
يبدأ فى الاتصال بجهات امنيه وعرض خدماته , او هما بيجندوة متفرقش كتير
وطبعا التقارير فى زمايله الاخوانجيه وغيرهم بتشتغل على ودنه....
الكلام دة من زمااان شغال , من ايام التنظيم الطليعى ( بتاع الجيل الصاااااعد , الى الهاويه يعنى )
طبعا بيرستق نفسه كخادم مطيع للجهاز الامنى اللى هو بيعبر عن النظام , وبيكون المقابل عادة من خلال تسهيلات وظيفيه زى شغلانه كويسه بعد التخرج , او زقه امنيه فى مجال التدريس الجامعى , تمهيدا لان يكون استاذ كلب يعلم تلامذته الجبن والخيانه ويفتن عليهم كمان , ومين عارف ممكن يكون رئيس جامعه , او يلاقى مكان فاضى فى اى تشكيل وزارى فى غفله من الزمن , وبكدة يكون خرج من عنق الزجاجه , وضمن الرفاهيه لثلاثه اجيال من نسله على الاقل ( دا على حسب ظنه )...
والنوعيات دى عادة مفضله جدا للنظام الحالى لتوافر الصفات الاتيه فيه :
- طموحه محدود
- يعنى مش هيتخطى الخطوط الحمراء ويطمع فى الشجرة المحرمه
- جبان
- يعنى يسهل السيطرة عليه ولا خوف منه

من الاخر اشبه بكلب الحراسه المطيع , ودة بيوفر على النظام مشااااكل كتير زى اللى وقع فيها عبد الناصر بسبب مراكز القوى اياها....
يعنى النوعيه دى منبع خصب ونموذجى به شخصيات مستنسخه من بعضها , نفس الاسطنبه
هيبقى خط سيرك كاالاتى :
- تحسبها صح اول لما تخش الجامعه
- تقارير فى زمايلك
- عضويه فى الحزب الوطنى
- تظبيط علاقات مع ظباط الامن ( امن الدوله )
- مافيش مانع من التحرش باعداء النظام داخل الجامعه والهبل بتاع اتحاد الطلاب
- تخرج
- وظيفه محترمه او معيد ثم مدرس بالجامعه
- الخدمات شغاله برضه
- ثم تاتى القفزة المرتقبه للوزارة
او على اضعف تقدير ان فاتتك الوزارة فلا باس من منصب عميد كليه او رئيس جامعه او حتى اى منصب محترم فى مؤسسه حكوميه ( من نوعيه المناصب اللى بتصدق عليها امن الدوله ) ....
- او ممكن تكمل فى الحزب الوطنى وتشق طريقك وتلعب على الحبل وتبقى مهرج كبير فى السيرك , وبرضه هتوصل لنفس الهدف ( ماهو كل الطرق تؤدى الى روما ) ....

كدة اتكلمنا عن المثقفين
نحود على الطلبه
دول لا ينقصهم النيه , صافيه وزى الفل والحمد لله , ومصر هى همهم .... نفوس زى اللبن ....( الاغلبيه )...
كويس
ولكن
قيادة مااااافيييييييييش
زمان كان الوفد بيحرك الطلبه وبينغص على الملك عيشته
وكان الطلبه اقوى قوة فى مصر بجانب العمال
ودول اللى صنعوا عمودى القوة لحزب الوفد ( ايام عزة )
اما طلبه الحاضر
مالهمش قيادة تحركهم , لان النخبه السياسيه المعارضه فاسدة وغبيه وجبانه وفيها كل العبر....
فبيكون تحركهم ذاتى
ودة بينتج عنه عشوائيه واخطاء تفوق الحصر
سذاجه فى التعامل مع النظام , تنتج عن قله الخبرة او انعدامها
صراعات داخليه بسبب بعض الاختلافات , قد تكون سهله او عويصه , الا انها فى الاخر مضرة
فبتكون النتيجه فى الاخر شغل شبه مشوش وضعيف جدا , بس يتدعمه النيه الحسنه والعزيمه والشجاعه ....
نيجى لاكبر مشكله , اللى هيا ان فئه الطلاب فئه محدودة
يعنى مقتصرة على الجامعات
ودول مهما عظم نشاطهم
تبقى الحقيقه المرة
انه يظل خلف الاسوار
وان كام عربيه امل مركزى على كام فنطاس مطافى محمل ميه سخنه او ملونه او حتى مجارى
بالاضافه لمجموعه من البلطجيه
وكلاب النظام من الطلبه الزلنطحيه بتوع الفكر الجديد اللى اتكلمنا عليهم قبل كدة
واشاوس امن الدوله
بالاضافه لغلق الابواب وحصارها بجحافل اللحم او الجراد البشرى ابو افرول اسود
كل دول كفيلين بالسيطرة على الموقف
مهما كبر .... طالما انهم لم ينجحوا فى الخروج من اسوار الجامعه او الكليه ....

نرجع مرجوعنا لاضراب السنه اللى فاتت
واللى تبناة شباب الجامعه ودعوا اليه
وتنبه اليه بعض النبهاء من بهوات المعارضه وركبوا الموجه
بينما تنصل منه الاغلبيه بدافع الخوف او بدافع الغرور والتعالى على ( شويه العيال ) ودول الاغلب ....
طول لما كان الموضوع جوة النت , كانت لسه لحظه الصفر لم تبدأ بعد
بدأت لما الموضوع خرج من النت
ووصل للموبايلات
من الاخر وصل للمواطن ورجل الشارع
اللى هو غير كل الفئات اللى اتكلمت عليها قبل كدة....
اللى هو السواق
والارزقى
والفلاح
والعامل
والعاطل
دول هما الجماهير
دول هما القاعدة الشعبيه
دول الوحيدين اللى عندهم القدرة على التغيير ( دا غير الجيش طبعا )
اى دعوة للتغير دون مشاركه جديه من دول , تبقى مازالت فى النطاق الامن وتحت السيطرة ( من وجهه النظر الامنيه )....

بدأ العداد يشتغل لما دول تلقوا الدعوة
وحفزهم على قبولها الجوع
انعدام اساسيات الحياة اللازمه للحيوان ولن اقول للانسان.....
لان المصرى مع الاسف يقبل ان يعيش اقل من الحيوان , بس المهم يعيش....

ملحوظه : لما اقول المصرى او الشعب او الجمهور يبقى اقصد الفئه دى وحدها , وليس الفئات السابقه بتاع المثقفين والطلبه ....
رغيف العيش وقزازة الزيت وكيس السكر ...

دول كانوا لب المشكله
والشرارة المحركه
وليست الحريه والديموقراطيه والتعدديه والهبل دة ( من المنظور الشعبى ) كما يتوهم سكان المريخ اياهم ...

تصادف اتفاق المصالح وهضم حقوق عمال المحله من قبل مشيخه المنصر المسماة مجازا بمجلس ادارة الشركه , لانها تتعمد تدمير الشركه تمهيدا لتفكيكها وبيعها بزعم انقاذها من الخسارة , واللى هيتتبعه طبعا تسريح العمال .....
اةةةةةةةةةةةةةةةة
عمال شركه غزل المحله
وما ادراك ما عمال شركه غزل المحله
لنا مع شخصيه عامل شركه المحله وقفه
احنا بنتكلم عن فئه من ابناء المزارعين الفقراء
تركت مهنه الزراعه منذ زمن فى محاوله للتاقلم مع ظروف المجتمع الجديدة ...
اصبح البديل امامهم الصناعه
وشركه المحله فاتحه بيوت الناس دى
تقريبا فاتحه بيوت فى محافظه الغربيه كلها
دخلهم مثير للضحك
ممكن تلاقى اللى بيقبض اربعين او سبعين جنيه ...
فى احسن الاحوال , دخل افضلهم لن يكفيه عيش حاف
فبالتالى بيضطر لممارسه عدة مهن لكى يطعم اسرته
يطعمهم فقط , لا شىء اكتر من هذا
اما التربيه فالشارع كفيل بالتربيه
اما التعليم فرفاهيه للقادرين عليه
ممكن تلاقى واحد بيخلص ورديته ويطلع يشتغل سباك
وبعدها يشيل المنشار ويشتغل نجار
وبالليل تلاقيه سواق اجرة
يعنى من الاخر اشبه بالبهلوان اللى بيلعب على الحبل علشان يفتح بيته
ودة طبعا بيعمل ضغط نفسى وبدنى بشع عليه
يعنى بيكون غالبا فى اقصى حالات التوتر والارف
بس بيصبر
وبيخليه فى حاله
علشان خاطر ولادة مش اكتر
لما ييجى النظام بغباؤة وقصر نظرة يحاربه فى لقمه عيشه
يبقى معنى كدة ان النظام حط العمال اما ثلاث خيارات لا رابع لهما :
- الاول انه يقعد جنب مراته وعياله ويشوفهم بيموتوا من الجوع امام عينه
ودة طبعا خيار مش وارد اطلاقا

- الخيار التانى انه ينتحر
ولكن هذا الخيار لن يحل مشكله ولن يضمن الطعام لاطفاله
كما انه مرفوض دينيا

- بقى الخيار الاخير
الصدام المباشر مع النظام
وفى الحاله دى بيكون على اتم الاستعدادا لمد يدة فى فم الاسد بدون اى تردد لاسترداد لقمته ....

يعنى قنبله موقوقته لا قبل للنظام بها
لانه بهذا الشكل اصبح لا يبالى بالموت نفسه...
وطبعا مع العدد الضخم لعمال المحله ( حوالى 27 الف او اكتر ) ....
اظن كدة الصورة وضحت ...

تصادفت فكرة الاضراب مع غضب العمال
ودى تانى شرارة من شرارات النجاح
او تالت شرارة
الاولى انه خرج من النت لرجل الشارع
التانيه الرغيف والزيت والسكر واشاعه الغاء الدعم ( اللى تراجع عنها النظام او اجلها الى حين )
التالته هى العمااااال ...

طيب بديهيا كدة اصبحت البلد على صفيح ساخن واسخن نقطه هى المحله لتوافر عامل لا يوجد فى باقى القطر المصرى , الا وهو عمال الغزل ...
وطبعا الامن كان مدرك النقطه دى كويس ....
نيجى بقى للنظام , كان بيفكر ازاى ...
- النظام معتقد ان الشعب مات من زمان وان المليون ونص عسكرى امن مركزى بالاضافه لاحدث اسلحه القمع وفض الشغب فى العالم وبعض الاسلحه المحرمه دوليا كفيله بالسيطرة على الموقف , كما ان راس النظام بوسوسته المعروفه يخشى تقديم اى استجابه لمطالب الشعب حيث يعتقد انها تنازلات ولوى دراع وهو مش بيحب حد يلوى دراعه ويخاف لو عملها الشعب يسوق فيها ويطلب اكتر , فبيختار العند على طول الخط , يعنى مسئول محبوب , شيلوة , واحد مفسد ومكروة , دة يبقى استمارة نجاح وضمان استمرار ليه , نكايه فى الشعب ....
الخيار التانى امام النظام كان انه يستجيب
ودة اصبح شبه مستحيل
لان الصخرة اخذت فى التدحرج بقوة ناحيه الهاويه , ولن يمكنهم ايقافها ولو ارادوا .
خزينه فاضيه ودوله شبه مفلسه ومرافق مدمرة وديون متلتله وجيش اشبه بالمومياء وفساد حتى النخاع وادارة مخربه وعقيمه ....

يبقى الحل التلقائى لدماغ متخلفه زى دى انهم يرموا الكورة فى ملعب الداخليه ( اللى ملعبها اتملى كور فى الفترة الاخيرة ومبقتش عارفه تشوط ايه ولا ايه ) ويلااااااا , بناقص كورة , واتصرف يا عادلى ...
تماااااااااااااااااااااااااااااام يا افندم ....
طبعا عمك عارف ان دى مسأله حياة او موت بالنسبه ليه , اما انه يخرج من الوزارة بفضيحه ومغضوب عليه , اما انه يضمن استمارة بقاء تااام فى الكرسى حتى النفس الاخير, وهذا هو المطلوب ...
ربنا يكفيكم شر الكرسى وفتنته ....
بالاضافه لانه معاة كارت بلانش باتخاذ ما يلزم من الاجراءات ...!!
وما ادراك ما كلمه ( ما يلزم ) دى
يعنى من الاخر له مطلق الصلاحيه يعمل اى حاجه , اى حاجه , طالما ان الموضوع وصل الى تهديد مباشر لرأس النظام ....
وبالتالى كانت الاوامر اللى وصلت لقوات الامن قبل الموقعه الشهيرة حاااااسمه وقاااسيه ومافيهاش تفاهم , فض الاضراب مقدم على اى شىء , طظ فى الناس وطظ فى اى حاجه ...
اى كلب يفتح بقه اضربوة بالنار ( اتقالت لهم كدة وش ) وطبعا معروف هنا مين هما الكلاب ...

توتر جامد وشحن نفسى فظيع لظباط وجنود الامن , يعنى الموضوع مش زى اى طلعه قبل كدة , واللى زود الطينه بله شخصيه ظابط الامن المركزى , اللى لا يمكن يعصى امر قائدة بالاضافه لانه عندة عيال عايز يربيهم ويخاف موت من السجن والبهدله ومعندوش قناعه بأن الرزق بيد الله , بل انه بيد العادلى ( على حسب ظنه )...

اما عساكر الامن فحدث ولا حرج
نماذج صادمه بالمعنى الحرفى للكلمه
قرى ونجوع لا يعرفها احد , منفصله تماما عن العالم , ناس بعضهم لايزال يجهل ان هناك اختراعا يسمى كهرباء !!!
- ناس فعلا لا تعرف يمناها من يسراها وبدون مبالغه , مناطق حافظ النظام من عهد السادات على فصلها عن العالم كى يضمن ان تظل مورد خصب لا ينفذ لقوات امن اشبه بالربوتات ...
- جندى راسه اشبه بثمرة الجوافه او بورقه بيضاء جاهزة لاستيعاب وقبول اشد الافكار غرابه من اكثر الناس جهلا ( اللى هوة الظابط بتاعه ) ...
- فلما يقوله عن لاجئين المهندسين السودانيين انهم كفار وجايين علشان يحتلوا مصر وبيتعدوا على الستات , يبقى طبيعى تحصل المدبحه اللى حصلت , طبعا حبا فى مصر ودفاعا عن العقيدة , واولا طاعه للقائد الذى لا يجوز عصيانه ...
- لما يتقال له ان الشباب الناشط بتوع كفايه و6 ابريل دول شباب شاذ جنسيا مش ولا بد , وان البنات والستات الناشطات دول ماشيين على حل شعرهم ومحترفات دعارة وعايزين ينشروا الرذيله فى البلد يبقى طبيعى ان الطحن فيهم يشتغل ...
- ولما يتقالهم ان الغزاويه اللى على الحدود دول يهود عايزين يكسروا الباب ويخشوا يحتلوا سينا , وان الضرب اللى شغال فوقهم دة عبارة عن طيران الفلسطينيين بيضرب اليهود وهم عايزين يهربوا منه , يبقى طبيعى ان العسكرى يستقتل على الباب علشان ما ينفتحش ويضربهم بالنار كمان , ماهم يهود بقى , وماحدش هيفهم اكتر من البيه الظابط ..

نقطه تانيه
الانسان المصرى البسيط بطبعه بيبحث عن الزعامه والقيادة
فمن السهل جدا انه ينقاد لاى او لاول شخص يتظاهر امامه بالعلم او يقنعه انه اعلى منه , من الاخر يعنى يكبر فى عينه , وفى الحاله دى بيكون اشبه بالتابع المطيع لسيدة بدافع من الخوف والاحترام والاجلال فى ان واحد , يتبعه كظله وينظر اليه كمثل اعلى , ومن رابع المستحيلات كسر هذا الرابط , ودى عينه العسكرى المصرى البسيط محدود الثقافه ....
ودة عادة بيكون الرابط بين الظابط والجندى فى الجيش او الامن ( طبعا الجنود من الفئه المذكورة مش قصدى باقى الجنود العاديين من متوسطى الثقافه والمثقفين ) ....

كدة الصورة واضحه والفيلم هيبدأ والستارة اترفعت

- مساء خمسه ابريل 2008 :
الشرارة الربعه ( ولا الخامسه ؟؟ )
التصرف الغبى قبل الاخير للداخليه , بيان شديد اللهجه يهدد ويتوعد , نتج عنه الاتى :
دعايه خرافيه للاضراب خلت اللى مش عارف يعرف ...
تخويف الناس فاصبح اللى مش ناوى يشارك يخاف يخرج من البيت تجنبا للمشاكل ( يعنى كدة كدة هيشارك غصب عنه ) ...

- صباح 6 ابريل 2008 :
البلد فاضيه وحركه المرور اقل بكتير كما ان التواجد المكثف والمستفز للامن اخاف الناس اكتر من بيان الداخليه وخلا القله اللى نزلت الشارع تغير رايها وتروح بيوتها ....

- المحله الكبرى :
نفس القصه بالاضافه لروح من التفاؤل عند المواطنين , لانهم متوقعين ان العمال هيعملوا اللى ما يعمل ويجيبولهم حقوقهم ( كالعادة مستنيين غيرهم يجيبلهم حقهم بينما يكتفوا هم بالفرجه والتشجيع )..
المدينه محاصرة بالكامل ومخارجها شبه مغلقه ...
قوات من خمس محافظات متواجدة بالمحله فقط ....
جهابزة امن الدوله توصولوا لانسب حل لفض اضراب الشركه , لان دول اللى يخوفوا اما الناس فى الشارع فمش مهم , قنبلتين غاز على كام عصايه وهيجروا زى الفراخ ( دى نظرة ظابط الامن المركزى للمواطن , بمنتهى الاحتقار , نتيجه عن خبراته السابقه فى مدى جبن المصرى امام العصا )...

الخطوات :
- عناصر من الامن تتواجد بكثافه داخل عنابر المصنع من الليله السابقه
- طبعا العمال مش بييجوا شله واحده , بل بيتسرسبوا ورا بعض واحد ورا التانى
- اللى يدخل المصنع ياخدوة من ايدة ويودوة لحد الماكينه بتاعه , وطبعا مش هيقدر يقول لا , لانه لوحدة
وهكذا .......

تم احباط اضراب العمال قبل ان يبدأ
وطرقع قلم الامن على قفا العمال بشدة
وانتابتهم حاله من السخط واحتقار الذات

- المشهد حاليا الساعه 3 عصر اليوم
طبعا الناس واقفه فى الشارع علشان يتفرجوا على العمال اللى هيجيبوا الديب من ديله
يتفرجوا بس
مش يشاركوا لا سمح الله
يتفرجوا ويصورا بالموبايلات
فرحانين بالتكنولوجيا بقى
طبعا لما عرفوا اللى حصل نالهم نفس الاحباط
اللى تطور الى غيظ شديد
حاسين انهم انضحك عليهم
طيب
كدة كل عوامل الثورة متوفرة
باستثناء حاجه واحدة
ان المدينه متحاصرة
يعنى امل امتداد الاحداث لمدن اخرى غير وارد
طالما امكن التكتم على الحدث فى حينه
فى حينه فقط
مش مهم يتنشر بعد ما يخلص
اهم حاجه ان الناس برة المحله ميعرفوش ايه اللى بيحصل جوا يوم 6 و7
او توصلهم الصورة مشوهه وباهته على افضل تقدير
ودة اللى حصل فعلا
طييييييييييب

قلنا ان عوامل الثورة متوفرة
باقى اهم حاجه
الشرارة اللى هتفجر القنبله
ودى اهم حاجه فى ديناميكيه اى ثورة
ان الشرارة المناسبه تلقى فى الوقت المناسب وفى التوقيت المناسب
مش مهم كبيرة ولا صغيرة
المهم المكان والتوقيت
ممكن عقب سيجارة صغير يصنع حريق عملاق فى مصنع ضخم لو اترمى فى المكان الناسب فى الوقت المناسب
بينما لو فجرت قنبله خطا فى مكان خطأ تكون الاضرار تافهه
اوكيشن ؟؟؟

وهل فيه مكان انسب من المحله ( اسخن بؤرة فى مصر )
وهل هناك توقيت انسب من وقت خروج العمال ( تواجد العمال مع الجماهير فى وقت الذروة بالاضافه لخروج الموظفين والطلبه )
الا ان التدبير هنا كان ربانى بدون تدخل بشرى ,
كأنما اراد الله عز وجل ان ينقلب السحر على الساحر , وان ينقلب مكر دهاة الداخليه على رؤسهم ,
ويمكرون ويمكر الله .....
- ظابط غبى اعتدى على ست مسنه فى اكبر ميدان فى المحله , بالاضافه لانه مكروة فى الاوساط الشعبيه والناس معبيه منه , طبعا ولعت الشرارة والناس عجنته ضرب وأخد علقه موت ..
- الامن المركزى المتوتر اصلا اتشد من الموقف وراح مدور الضرب فى الناس عاطل فى باطل
الناس صبرت شويه ولكن بعد فترة اضطرت ترد
وبدا السيناريو المعروف
على جانبين :
- الاول هو الفقراء من سكان المحله
يعنى حوالى حيين او ثلاثه احياء من المدينه
باقى المدينه كان فى شبه غيبوبه ولا علاقه له بما يحدث
وخصوصا الاماكن الراقيه
نسبه من الشباب والاطفال المشاركين كانوا واخدين الموضوع من باب التسليه والانتقام من ( الحكومه ) والكلمه دى تعنى عندهم قسم الشرطه بظباطه بأمنائه بمخبريه .....
هى دى الحكومه عندهم فقط لا غير , ولا ديموقراطيه ولا صحوة ولا بلا ازرق من بتاع الاخوة المريخيين ...
كلمه التسليه دى تلاقيها واضحه قوى فى طفل صغير بيقترب من جندى امن مركزى , بعد ما الامن هدى اللعب وذخيرته خلصت وابتدا ياخد دور المتفرج بينما نشط رجاله امن الدوله فى الاعتقالات الفرديه ..
الطفل استفزة هدوء العسكرى , راح وقاله بسخريه : ايه , الكنابل اللى عندكم خلصت ولا ايه ؟؟؟
يعنى الموضوع كان محصور فى مدينه المحله , وتسرب لبعض القرى المحيطه بها
حيين او ثلاثه احياء يعنى حوالى نصف المدينه او اقل ...
كل العنف دة كان يعتبر اقل واجب من رجال عشوائيات المحله !!!!
- نقطه الذكاء الوحيدة للامن انه حاول الا يتوسع فى الدخول للحوارى والازقه , لان هناك مينفعش المصفحات اللى بيتحاموا فيها تخش , يعنى لو كانوا عملوها كانوا اتوضبوا احلى توضيب , خصوصا انها اماكن نفوذ معلمين كبار قلبهم ميت ولا يعنيهم حكومه ولا امن دوله ولا دياولو , يعنى كانت هتبقى مدبحه , من طرف واحد طبعا ...
واضح ان الداخليه اتعلمت من درس انتفاضه السادات كويس ...

- الجانب الاخر , الامن المركزى :
تقريبا اغلب قوات الامن فى الدلتا والاسكندريه والقليوبيه توجهت للمحله لقمع المنطقه الصغنونه دى !
علشان تعرفوا ان الشعب لو اتحرك يقدر يعمل ايه
امال لو كانت المحله كلها
امال لو الحافظه , طب لو مصر بالكامل , كان ايه ممكن يحصل ؟؟؟؟

هييجى سخس يتفذلك ويقولى ممكن يدخلوا الجيش , اقوله برضه ليها حلها , والجيش ساعتها مش هيضيف كتير ومن الممكن استيعاب هجومه وتحييدة تماما بمنتهى السهوله ...

المهم الرجاله ذخيرتهم خلصت , والذخيرة اللى جاتلهم هى كمان خلصت , ومافيش صورة توضح كدة اكتر من منظر واحد بيشتكى فى الموبايل لرؤساؤة ان ذخيرته خلصت واخد ذخيرة زميله وخلصت برضه ومش عارفين يعملوا ايه !!!!!

بدا الاضطراب يظهر فى صفوف الجنود اللى ابتدوا يتسكلنوا فيها ويعملوا نفسهم مغمى عليهم علشان يرجعوهم ورا ويطلعوا من الجحيم دة ..
طبعا مش هنتكلم على الظباط لانهم عمرهم ما بيطلعوا فى الصفوف الاولى من الاساس....

- استراتيجيه الامن المركزى :
الف به فض شغب بتديك كام قاعدة رئيسيه لازم جنابك تتبعهم
اولا: اياك واطباق الحصار على الجماهير
يعنى بتحاصرهم من كل الجهات وبتسيب لهم ناحيه مفتوحه علشان يخرجوا منها بحيث تديهم خيار امن للانسحاب لانك لو قفلتها عليهم مش هيبقى امامهم خيار الا المقاومه ودى بالتاكيد هتكون مقاومه يائس ولن تكون فى صالح الامن باى حال من الاحوال , الفتحه دى لازم تكون ضيقه علشان تشتت الجماهير وتفرقهم , لان خطر الجماهير وهما مجتمعين فى كتل كبيرة اما لو اتفتتوا بيتلاشى خطرهم , يعنى الصراع بين الجماهير والامن اشبه بصراع كتل من اللحم البشرى والنصر بيكون للكتله الاكبر حجما والاكثر تنظيما والاعظم ثباتا , مش بالسلاح .

القاعدة التانيه : هى تجنب استفزاز الجماهير والتدرج فى استخدام القوة
يعنى بتبدأ بالميكرفونات من باب الحرب النفسيه ثم تبدا ترش ميه بالمطافى , اللى بتكون مضغوطه بشكل جامد وبتسبب الم كبير للمتظاهرين , وبعدين تخش العساكر بالعصى والزق لورا , ولو ماجابش نتيجه يبقى القنابل المسيله للدموع ثم يبدا اطلاق الرصاص المطاطى ثم الرش ثم اخيرا الذخيرة الحيه ...

- حبايبنا الحلوين المدربين اعلى تدريب نسيوا فجأة القاعدتين دول , يعنى لما حصل موضوع الست الكبيرة دى قفلوها على الناس مع ان الناس كان عددها كبير جدا وكمان حصل اطلاق لذخيرة حيه من اولها كدة , فدة استفز الناس اكتر وخصوصا ان فيه اكتر من طفل رضيع مات , غباء بقى تقولوا ايه ....

نقطه تانيه احب اوضحها :
بالنسبه للقنابل المسيله للدموع , المفروض ان فيه منها انواع كتير , المستخدم منها بيسبب تهييج للاغشيه المخاطيه يعنى من الاخر تقريبا كدة بيجيلك شبه عمى مؤقت بالاضافه للحرقان الرهيب فى عينك والجهاز التنفسى ...
فيه انواع تانيه بتسبب قىء شديد جدا وهبوط حاد فى الدورة الدمويه ودول بيسببوا الوفاة , ودول محرمين دوليا منذ عام 1956 تقريبا , ولما كانت اصابات كتير بل ووفيات تنطبق عليها مواصفات النوع التانى , لذلك فأغلب الظن ان الداخليه استخدمت النوع الاخير المحرم دوليا , واللى انا متاكد بالطبع انه موجود بكميات ضخمه فى مخازنها .....

بالنسبه للرصاص المطاطى , انا معلوماتى انه بيتكون من كرات صغيرة من المطاط المضغوط وبيكون لونه ابيض , ودة يفرق كتير عن الرش ( مش الرش بتاع العصافير ) لان الرش متقسم لرش خفيف ومتوسط وتقيل على ما اذكر , اختلاف الرش عن المطاطى كبير , الرش عبارة عن كورة فى نفس حجم المطاطى الا انها قلبها من مادة الرصاص مغلفة بطبقه من المطاط من الخارج , يعنى بالظبط اشبه بالبليه بتاع الموس القديم , مع اختلاف الحجم طبعا ...

طب ايه الخطر؟؟؟

الخطر ان فيه قاعدة فى علم المقذوفات بتقول ان كل ماكان المقذوف كثافته اعلى كل ما كان اختراقه اشد .
ودة السبب ان مقذوفات الذخيرة بتكون رصاص , ودة اللى خلا اليهود يعملوا اليورانيوم المستنفذ مقذوف للسلاح ( دمدم ) لانه بالطبع اتقل من الرصاص فبيعمل فجوات واسعه جدا فى اجسام الضحايا ...
يعنى الرش مش تهريج , دا رصاص بس عبارة عن بلى صغير ...
- اول حاجه لفتت نظرى ان المقذوفات اللى عثرت عليها فى اماكن الضرب كان لونها بنى , ودى اتقل واعلى درجات الرش ( اسوأها يعنى ) بينما ما شوفتش طلقات حمرا ( الاقل خطرا ) وماشفتش خااااالص طلقات بيضا ( اللى هيا المطاطى ) !!!
يعنى الامن ريح دماغه وجاب من الاخر ....
نقطه كمان , هى ان الرش دة له اسلوب معين فى اطلاقه , لانه مش بينضرب فردى , لا دا بيكون فى هيئه خرطوش وما ادراك ما الخرطوش , يعنى طلقه خرطوش فيها عدد كبير من البلى دة , وشوف انت بقى ...
لما بتنضرب مش بتنضرب على الناس , المفروض سيادتك تضربها فى الارض امام اول صف من الجماهير لسببين الاول انك تخفف من قوة الطلقه شويه علشان الاذيه تقل , والتانى انك تخلى الاصابات كلها فى سيقان المتظاهرين وتتجنب اصابه اى عضو حيوى لان البلى دة استخراجه صعب جدااا ....
- اللى حصل اننا شفنا العشرات عيونهم اتصفت واتصابوا فى وشوشهم , ودة يدل ان البهوات اطلقوا الخرطوش على المتظاهرين مباشرة ودى مخالفه كبيرة وغير مصرح بها فى اى جهاز امنى فى العالم ( عدا مصر طبعا ) ....

دا غير ان السادة الظباط كانوا بيضربوا ذخيرة حيه على المتظاهرين النشطين , فى الخباثه كدة ومن بين الصفوف ..

يعنى اوامر البيه اللى قال اى كلب يفتح بقه اضربوة بالنار , اتنفذت حرفيا ...

طبعا الكلام دة ولا حد يعرفه واندفن مع الاحداث وسلملى على الاعلام المصرى المحترم .....

وانتهى الاضراب بسبب زهق الجماهير ولانهم مكانوش عارفين ايه الخطوة اللى يتخذوها بعد كدة , يعنى عدم وجود قيادة , بعد نكوص المهدى عاكف انسحابه , الوضع المرتبك دة فتت الناس واصابهم بالارتباك وخصوصا بعد دخول مخبرى الامن فى وسطهم , اذكر ان واحد منهم تقدم الصفوف لما الالاف حاصروا قسم اول المحله علشان يطلعوا الاسرى اللى اتمسكوا , ضحك على الناس وخلاهم يقعدوا على الارض ويكتفوا بالصراخ : طلعووووهم , طلعووووهم , وكانت النتيجه ان الامن المركزى والمطافى نجحوا فى فضهم بالتدريج ثم تم ترحيل المعتقلين الى برج العرب فى الثالثه فجرا ...
مع انهم كانوا يقدروا يكسروا القسم كله ويخرجوا المعتقلين فى حينها , وكانوا هيناموا كلهم فى بيوتهم ( دا لو ماكانوش سلموا بطايقهم طبعا ) بس تقول ايه فى الغباء , شوفتوا نفر واحد عمل ايه ؟؟؟؟
متصورة كليب دى على فكرة ...
____________________________

دة اضراب السنه اللى فاتت
نيجى لاضراب السنه دى
- اولا مافيش سبب يحرك الجماهير فعليا
الرغيف والسكر والزيت , اينعم نادرين بس موجودين ( ما اتفقنا ان مطالب المصرى انه يعيش بالحد الادنى من المتطلبات الحيوانيه وليس الادميه )
طبعا موضوع الحريه والديموقراطيه قلنا فككم منه لان الناس دى ماتعرفش الكلام دة , ولو عرفته فهو ميلزمهاش او بمعنى ادق معندهاش استعداد تضحى علشانه , وكذلك السرقه والفساد ...
يعنى باختصار لا يجد مبرر للتحرك طالما انه هناك لقمه تدخل بقه , بس كدة ...
طبعا دة مكانش متوفر السنه دى
اينعم اللقمه فاسدة ومستوردة من اوكرانيا وغير صالحه للاستهلاك الحيوانى , بس اسمها لقمه ..

- الانتشار لم يتحقق لان الموضوع لم يخرج عن النت , طبعا مجهودات الشباب اللى لزقوا مطبوعات ورشوا اسبراى فى الشوارع يشكروا عليه الا انه فى النهايه لم يحقق الانتشار المطلوب وخصوصا ان الداخليه لم ترتكب خطأ البيان الغبى اللى عملته السنه اللى فاتت ...

- واهم حاجه ان الفئه اللازمه لتفجير الاوضاع اللى هما العمال والفلاحين والعواطليه والسواقين والارزقيه , دول مادخلوش فى الليله فاصبح الموضوع اشبه بفتيل مشتعل بدون قنبله , طبعا ولا يعمل حاجه ...

- اخر حاجه ان خنازير المعارضه الوهميه صعب عليهم يفوتهم موجه السنه اللى فاتت فحبوا يركبوا موجه السنه دى املا فى حدوث نصر مماثل ينسب اليهم بالطبع , ودة من الغباء , ودول افقدوا الحركه الكثير من المصداقيه لدى رجل الشارع ( دا اذا كان عارف الموضوع اصلا ) , بالاضافه لان الراجل البسيط بتاع الشارع دة , عارف ان البهايم دول ليسوا فوق مستوى الشبهات ...

لذلك اقدر اقول ان اضراب 2009 فشل قبل ان يبدأ بينما نجح اضراب 2008 قبل ان يبدأ

دا اذا استثنينا طبعا نشاط طلبه الجامعه فى القاهرة واسيوط ( كما سمعت ) بذلوا مجهود يشكروا عليه وان كان لم يحرك الوضع او يغيرة , للمشكل بتاع الطلبه اللى اتكلمت عليه اول البوست ...
____________________

طيب , نفعص شويه فى الوضع الحالى :
ايه اللى هيحصل دلوقت
1- اولا موجه تهكم من النظام والمعارضه المشوهه على شباب سته ابريل من باب تعويض وكسه العام الماضى وسترها ....

2- محاولات من النظام لاستيعاب واحتواء شباب 6 ابريل فكريا , وان لم ينجح فسيسلط عليهم كلاب المعارضه محاولين احتوائهم لكى يمسخوهم فكريا ( يخلوهم زيهم يعنى ) ...

3 - نفخه كدابه من النظام حيث سيصور له غرورة وغباؤة انه فاز وانه الاقوى مما سيدفعه لاتخاذ تصرف قمه فى الغباء فى الفترة المقبله كالعادة , سينتج عنه تفجر جديد لن يكون فى صالح النظام بالتأكيد ....

4- ودى اهم نقطه واللى عايز الشباب دول يستوعبوها , امريكا ليها اجندة فى مصر , يعنى امريكا لن تقبل خروج الوضع فى مصر عن سيطرتها باى حال , وبما ان انهيار النظام الحالى شىء مؤكد للجميع واصبح مسأله وقت لا اكثر , فقد رأى الساسه الامريكان ان الحل الامثل هو ابتزاز النظام المصرى واستهلاكه لاقصى درجه ممكنه قبل ان ينهار , بينما تدعم التيار الليبرالى فى مصر , تدعمه مش تقويه , يعنى تحافظ على التوازن بينه وبين النظام بحيث الا تطلق يد النظام عليه , علشان لما ينهار النظام يكون التيار الليبرالى بديل وطنى جاهز للركوب , ليضيع الفرصه على التيار الاسلامى اللى هوة اكثر جماهيريه بالطبع .....
اى انهم صمام امان , بحيث لما الوضع ينفجر يكون البديل جاهز , والبديل اللى هما عايزينه , اللى يقدر يرضى المواطن فى داخل مصر ويضحك عليه وفى نفس الوقت يحافظ على نفس السياسه الخارجيه المشبوهه اياها ....
وبما ان نجم شباب 6 ابريل بزغ وواضح انهم ابتدوا يحجزوا مكانهم بقوة على الساحه , بل ازاحوا تيارات الليبراليين , فاصبح لابد للامريكان من انهم يدخلوهم تحت عبائتهم مع باقى زمايلهم من الجماعه اياهم , فى القفص الامريكى الذهبى , علشان كله يبقى تحت سيطرة العم سام ....
اظن كدة الصورة واضحه
______________________

ايه الصورة حاليا ؟؟؟؟؟
- الصورة ان الشعب المصرى فيه خلل ازلى رهيب , وهو انه بيعتقد ان المشكله من الحكام مع ان المشكله منه بالاساس , يعنى اواخر ايام فؤاد الناس اعتقدت ان مجىء فاروق هيكون طالع سعد , وقد كان فعلا الا ان الصورة اتغيرت بعد عام 1945 , اواخر ايام فاروق اعتقدت الناس انه لما يغور هتروق وتحلى , وغار فاروق , بس ماراقتش دى اتعكرت اكتر , وكذلك ظن كارهى عبناصر الا ان الوضع اصبح اسوأ من بعدة , ولما جه الممثل الاكبر وانقتل غير مأسوف عليه اعتقدت الناس ان زمن الفراعنه انتهى ولم يحدث , ونفس الحال دلوقت ....
الناس فاكرة ان لما مبارك يمشى البلد حالها هيتصلح , ليه ؟؟؟
طب ايش عرفكم ان اللى جاى مش هيبقى زى اللى سبقوة ؟؟؟
لما بلد بقالها خمستلاف سنه موعودة بكل انواع الظلم والطغيان من قبل مئات الحكام والاف القادة ...
بالله عليكم يبقى العيب من القادة دول ؟؟؟
ولا يبقى من العنصر الوحيد الثابت والمشترك ؟؟؟
اللى هو الشعب ....

- لو اعدل ملوك الارض حكم مصر فسيتحول طاغيه فى بضع سنوات , لان الكرسى له بريق ولو لم يجد الحاكم من يدفعه عن طريق الباطل فسيسقط فيه بكل تأكيد ....

دا ان كان اساسا انسان كويس , فما بالك لما يكون من اسوأ عناصر الشعب ؟؟؟

اربع حاجات قولى انهم تلاشوا من شخصيه المصرى وساعتها لن ابالى بمن يحكم وان كان ستالين ذاته :

- السلبيه وفقدان الامل فى التغيير وكلمه ونا مالى والحركه اللى اختفت من زمان فاصبحت مصر اشبه بمستنقع من المياة الراكدة , ( مع مراعاه بعض البشائر اللى ظهرت حديثا )

- الجبن نفسى يختفى من جوانا ...

- الجهل والسطحيه والتفاهه والسعار المادى والجنسى , يعنى نفسى اشوف مصر اشبه بمدينه الفلاسفه او الحكماء او المتدينين ( التدين العميق وليس الظاهرى ) ايهم , بس المهم ان الروح تاخد حقها ...

- قصر النظر الشديد , يعنى المصرى لا يهتم بالمشكله الا لما تدخل عليه بيته , مش عارف , بس ممكن اتكلم فى النقطه دى كتير , بس علشان اقصر , هقولكم , كان فيه كليب نازل على الموبايلات بيظهر فيه جزار فى السلخانه بيدبح عشرات الجمال فى وقت واحد , محاصرهم فى غرفه واسعه ومعاة سكينه صغيرة جدا ( خنصر ) , واقف فى ناحيه بينما عشرات الجمال فى الجانب الاخر , يقرب من واحد يغزة ويندفع الجمل للجانب الاخر خلف الجزار بينما يتقدم الجمل اللى عليه الدور , منظر مستفز ومستغرب وخصوصا مع علمى ان الجمل حيوان عندة كرامه عاليه جدا بالاضافه لقوة رهيبه , يعنى جمل واحد من دول قادر على قتله فى لحظات , طب ازاى دة حصل ؟؟؟؟
مش عارف , بس دة اكتر مثل اوضح بيه حال الشعب المصرى فى النقطه بتاع قصر النظر دى ..
لو دول انتهوا فوالله لا ابالى بامريكا ولا بالف امريكا ولا اسرائيل ولا قنبله نوويه , ولا عادلى ولا غيرة , لان كدة اصبح الاساس سليم , والافكار والمبادىء السليمه لا تحارب بالقوة كما قال هتلر , بل تحارب بمثلها ...

مشكلتنا اكبر بكتير من مشكله حاكم ظالم , مشكلنا مشكله شعب عايز تربيه واعادة تأهيل من اول وجديد ....

ودة هيتم بشىء من اتنين , الاول هو صدمه شديدة جدا وعنيفه تصحيه من نومه وتفوقه لنفسه , ودى على قد ما هتضرة وتوجعه بس هتشفيه وتفوقه , التانى هو انسان فلته , مبعوث من العنايه الالهيه يلتف الشعب حوله ويقوم هو باعادة ايقاظه من اول وجديد , بس امثال هذا الرجل اندر من الذهب , ولذلك فالاحتمال الاخير صعب جدا , وان كنت لا استكثرة على الله , الا ان الجلوس لانتظارة خطأ طبعا لانه مش مضمون .....
_______________

هرد على الاتهامات اللى كانت متوجهه للاضراب فى اول البوست :

- مالوش لازمه...
- امال ايه اللى ليه لازمه , اينعم الاضراب مش حل الا لو كان شامل ودة محتاج درجه عاليه من الوعى والتنظيم احنا كمصريين لسه مع الاسف موصلنالهاش , بس دة ميمنعش انه خطوة كويسه , وان فشل النهاردة فبكرة ينجح فبلاش نبقى كالاب الاحمق اللى ودا ابنه المدرسه لاول يوم ولما رجع سأله : تقدر تحل اللوغاريتمات دى , ولما اجاب الطفل بالنفى قاله : يبقى تقعد فى البيت بلا علام بلا نيله طالما مش جايب فايدة اهو !!!!!
رجاء بطلوا هبل , ولو مكنتوش بتستهبلوا يبقى بطلوا استعباط ,
اظن واضح ....

- الناس هتتبهدل
- اكيد لازم تبهدل لان حريتك مش هتيجى على طبق من فضه ولو تمنها النهاردة نقطتين دم وحضرتك استكترتهم بكرة هيكونوا عشرة , لان الظلم دايما فى تضخم مستمر طالما مش لاقى اللى يوقفه , فبراحتك , بس لو استكترت التضحيه يبقى تحط لسانك فى بقك وماتشتكيش بعد كدة خاااااالص , ان الله لا يغير ما بقوم حتى يغيروا ما بانفسهم .....

- اجندة خارجيه لتدمير مصر
- اظن ان البلد ليست فى حاجه لاجندة خارجيه لتدميرها لان اللى جوة قايمين بالواجب وزيادة وحققوا اللى ماكانتش تتمناة اعظمها اجندة , كل الكلام العبيط اللى بييجى فى جرايد المعارضه حول المؤامرة الاسرائيليه والامريكيه لتدمير مصر , كل دة هبل , لان اللى جوة هما اكبر مؤامرة لصالح اليهود .....

- لعب عيال
- اظن دة كلام رموز المعارضه الغير محترمين , ياريت اللى بيته من قزاز ميحدفش طوب , والمعيله والنفاق انتم ادرى بيهم والشباب دول يكفيهم انهم اشرف منكم الف مرة , وغوروا من هنا علشان هنرش ميه وسخه ...

- مافيش داعى او حافز
- الدواعى كتير جدا , بس المشكله زى ما قولنا ان الحافز المطلوب لازم يكون اللقمه لان دى الحاجه الوحيدة اللى تحرك المواطن المصرى العبيط والغلبان فى ان واحد .....

- الداخليه اتعلمت ومش هتغلط غلطه السنه اللى فاتت
- اينعم هما اتعلموا بس ماتنسوش ان جينات الغباء الامنى مازالت موجودة , وان الله دائما يوقع المجرمين فى اشر اعمالهم وسرعان ما يحيق بهم مكرهم ويرتد اليهم , بس اعتب على الشباب انهم كانوا لازم يغيروا استراتيجيتهم السنه دى ....

- الاخوان والاحزاب خلعوا
- بالنسبه للاخوان كونهم قبلوا يدخلوا تحت عبائه النظام من ايام السادات فدة خسرهم كتير , ونظام عقد الصفقات مع النظام الحالى اضعفهم جدا وافقدهم كتير من مصداقيتهم فى الشارع , ودة يرجع مع الاسف لسوء تخطيط من قيادات الجماعه وليس لباقى الاعضاء اللى اكن لهم الاحترام والتقدير ...
اما الاحزاب فدول اساسا برة اللعبه والمسنود عليهم مسنود على حيطه مايله , دا ان جاز نقول حيطه اصلا .
يعنى ممكن تعتبروهم مش موجودين من الاساس !
يلا
مصر مافيهاش احزاب ياولاد
عدا الحزب الوطنى طبعا .....

- مافيش فايدة ومبارك قاعد
- اظن اتكلمت على دى فى نقطه العيوب
طب طالما مافيش فايدة , ماتروح تدورلك على تربه تدفن نفسك فيها احسن , مش كدة برضه ؟؟؟

- نستناة لما يموت
- كلنا هنموت , وبعدين ايش عرفك انه هيموت دلوقت , طب ما ممكن يعمر ويكسر الميه سنه , عادى يعنى انتوا جبنا ومستنيين اخرته وربنا رد عليكم بانه طول عمرة كمان وكمان , وبعدين لما مبارك ينزل , طب ما هييجى كتير غيرة يركبوا , طالما الحمار لسه مستسلم , والحمير قليله , وصف الركاب اللى مسنيين دورهم فى الركوب طوييييييييييييل قوى ......
على رأى المثل
اللى يشوف حمار ولا يركبوش , يبقى احمر منه ... مش كدة برضه ؟؟؟؟

- ياعم خلينا ناكل عيش
- طب ماانت كدة مين اللى قالك انك هتلاقى العيش ؟؟؟؟

- محناش قد الداخليه
- اظن ان شرح موقف المحله السنه اللى فاتت وضح خطأ الرأى دة ...
____________________________________

الاعلام المصرى
حد يقولى ايه رايك فى الاعلام المصرى
طيب انا كنت ناوى اتكلم عنه كصحافه وتلفزيون وسينما وغيرة بس صراحه الكلام كدة هيكتر فاحب اعمله بوست لوحدة , هو والموقف الحالى للنظام المصرى على الساحه .....
ابقوا فكرونى
__________________________

كلمه لشباب 6 ابريل :
- بجد انتوا متعرفوش انا فرحان بيكم قد ايه , حسستونى ان لسه فيه شعله امل , اياكم تخافوا , اياكم تصدقوا او تنخدعوا باوهام كلب يدعى العلم والخبرة , واياكم والانضواء تحت عبائات الاحزاب او التيارات او الامريكان , ولا يهمكوا تريقه الهبل والمعاتيه , معلش لازم تتعبوا كدة فى الاول , بس صدقونى هتحصدوا خير فى النهايه ..

الاخ اللى صورته منورة البوست فوق , انت ماتعرفش قد ايه فرحت بالصورة دى , ربنا يبارك فيكم , اخيرا فيه شباب خرجوا سالمين من معصرة المخدرات والسكس والهيافه اللى النظام بيحاول يغرق شباب مصر فيها ...

فعلا مصر ولادة والامل لسه موجود...

الامل فى شباب نضيف زيكم , اينعم اكيد فيكم شباب نص كم , بس انا باتكلم على الوضع العام , انتم والقيادات الشريفه زى اخويا الكبير مجدى احمد حسين ربنا يفك سجنه , هو وامثاله من شرفاء مصر اللى عمرهم ما يحيدوا عن الحق .....

شباب

اتعلموا من اخطائكم , وخلوا الفشل قوة تدفعكم للامام , وغيروا اساليبكم , وصححوا الغلط منها , وشغلوا دماغكم واديكم كويس ينكتب لكم النجاح بأذن الله ...

ياريت اى حد يعرف واحد من الشباب دول يوصله الرساله دى .....
__________________

ملحوظه هااااامه : انا قعدت اكتب البوست دة اربع ساعات , وايديا ورمت , فياريت زى انا ما استخسرتش فيك اربع ساعات من وقتى ووجع ايدى وعصر دماغى , ماتستخسرش انت فيا ربع ساعه قرايه .....

ومتقولش عليا رغاى

لانى اتحدى ان البوست دة اضافلك على الاقل حاجه واحدة ماكنتش تعرفها

اظن كلامى منطقى ؟؟؟؟؟؟

يلا
اسييكم بقى واروح انقع ايديا فى ميه ......

سلااااااااااموووووووووووووززززز