الخميس، 28 مايو، 2009

حواديت ابو شادوف



انا زعلان

زعلان قوى

نعم ؟؟؟؟

ليه زعلان ؟؟؟

ازاى يعنى ؟؟؟

هو كدة

زعلان وخلاص

انا ميزان

يعنى محدش يسألنى ليه

هو كدة

وعلشان كدة

حبيت اضحك شويه

اصلى من النوع اللى لما يزعل يضحك
ولما يفرح يعيط

هاهاهاهاهاهاهاهاهاهاااااااااااااااااااااااااااااااااااااى

وعليه ,
رحت لمكتبتى حبيبه قلبى ,
وبعد الفحص والمحص فى ارشيف المكتبه العامرة ,
لاقيت الكتاب العسل دة ,
الكتاب عبارة عن رسم صور ساخرة ( وان مستمدة من وقائع ) معروضه باسلوب هزلى ,
يعنى زى مؤلفات احمد رجب كدة ,
بس الجديد بقى ان اللى كاتب الكتاب دة شيخ ازهرى ,
ومش من زماننا ,
دة من اكتر من 350 سنه ,
يعنى فى منتصف القرن السابع عشر , يعنى سنه الف وستمايه وى , مش الف وسبعمايه , ها , واخدينلى بالكم ؟؟؟

الكتاب بيتكلم عن شخصيه اهل الريف فى العصر العثمانى , طبعا انا اعتذر عن اسلوب الكاتب ( الحراق ) قوى , واقول انى لا اقصد اى اهانه لاى شخص نشأ فى قريه او عايش فى الارياف ...

يعنى ياريت ناخد الموضوع بصدر مفتوح وروح مرحه ومش عايز قفش ..
انا بقولكم اهو , انا مش ناقص عكننه , واللى هيقفش هكسر دماغه بطافيه الحريق اللى جنبى دى ...

هتقروا وهتضحكوا كمان , اة , واللى مش هيضحك هجيبه واعلقه على الفلكه من صوابعينه هنا على باب المدونه ...
ونا عندى عداد بيبين مين اللى بيضحك ومين اللى بيكشر ...
يعنى هجيييييييبك هجيييبك .....

ملحوسه : فيه الفاظ قبيحه , ومش هشيلها لانها جزء لا يتجزأ من المضمون , انا قلت من اولها اهو , وقد اعطس من بربر ...

مؤلف كتابنا اسمه الشيخ الشربينى , او بمعنى ادق يوسف ابن محمد ابن عبد الجواد بن خضر الشربينى , والكتاب انكتب سنه 1074 هجريه ...

اسم الكتاب : هز القحوف فى شرح قصيدة ابى شادوف ...

ومن اول المقدمه واضح ان مؤلفنا كان سليط اللسان ومحدش بيسلم من تريقته , حتى هو نفسه مكنش عاتق روحه , حتى مقدمه كتابه عملها عبارة عن تريقه ونقد وسب للكتاب نفسه !!!!!!!!!!!!!!!!!!!

نلاقيه مثلا بيقول فى المقدمه :
كأنه عمل من حديد ورص فى قحوف الجريد , اضع عليه شرحا كريش الفراخ وزابع السباخ يحل الفاظه السخيمه ويبين معانيه الذميمه , واتحفه بشرح لغات الارياف التى هى فى معنى ظراط النمل بلا خلاف , وذكر نسائهم عند الهراش وملاعبتهن فى الفراش التى هى اشبه بنط القرود او بربرة الهنود , وسأورد بول كلام المتن بمعنى انك اذا ذقته ايها السامع فكأنه طعم البول واذا قطفت من يانع ثمار لفظه فكانك قد قطفت زبل الغول , اشعارة كانها رص القلقيل واذا تاملت عفاشه كلامه فكانك تلوك زبل الخيل !!!!
فياله من شرح لو وضع على الجبل لتدكدك ولو نقش على عامود الصوارى لتحرك ولو مس به حجر لانشطر ولو القى فى اليم لتكدر , فهو شرح عديم النظير فى الكثافه لكونه فى وصف اهل الريافه وقد سميته بهز القحوف فى شرح قصيدة ابى شادوف , واطلب من القريحه الفاسدة والفكرة الكاسدة الاعانه على كلام اعرفه واسطرة على الاوراق ....

والغريب انه بيعترف ان كلامه ابعد مايكون عن البلاغه او الحرفيه اللغويه وبيقول ان لابد من الترفيه عن النفس بالفكاهه بين الحين والاخر لدرجه انه قال :
فطورا ترانى عالما ومدرسا - - - وطورا ترانى فاسقا فلفوسا ..
وطورا ترانى فى المزامر عاكفا - - - وطورا ترانى سيدا ورئيسا..

ولنشرع الان فيما به وعدنا والشخص يغلب عليه علمه وفنه والزامر لا يخبى دقنه , فنذكر ما وقع لعوام بعض اهل الريف ووصف طبعهم الكثيف واخلاقهم الرذيله وذواتهم الهبيله واسمائهم المقلبه وقحوفهم المشقلبه وقمصانهم المشرمطه واشعارهم الملخبطه ونسائهم المزعجات ومالهم من الدواهى والبليات ...

فهم لا يخرجون من طور القحافه لملازمتهم المحراث والجرافه , وهز قحوفهم حول الاجران وطردهم فى الملق والغيطان , ودورانهم حول الزرع ونطهم فى الحصيدة والقلع , ودوسهم فى الجله والطين وعدم اكتراثهم بالصلاة والدين , الواحد منهم لا يعرف غير الساقيه والفرقله وشيل الطين والجله , والحدوة خلف قفاة , ومزراقه وهز رداة , اذ كلهم فى الظاهر مسلمون بينما القتل عندهم مثل الديون , ان عاملتهم اكلوك وان نصحت لهم ابغضوك , العالم عندهم حقير , والظالم عندهم كبير ..

اذا اقاموا الافراح فلا تكون الا بالعياط والصراخ والصياح وشدة الاضطراب والكرب وربما وقع فيها البطح والضرب اما اكرامهم للضيوف فهو الجلوس على المساطب ونفش اللحى والشوارب ولو مكث الشخص منهم فى مصر او دمياط لم يكتسب من اللطافه قيراط , وبعض اكابرهم المشار اليه اذا طلع مصر لمقابله الامير او قضاء حاجه من الوزير ترى عليه لبس محبوب ومع ذلك يمشى حافيا بلا مركوب , احوالهم شياط وعياط ووردهم عند الاسحار التفكر فى الغنم والابقار وتسبيحهم فى الظلام هات النبوت والحزام كما قال الشاعر :
لا تسكن الارياف ان رمت العلا --- ان المذله فى القرى ميراث ..
تسبيحهم هات الكلف حط العلف - - - علق لطورك جالك المحراث ..

لا يرحمون صغيرا ولا يوقرون كبيرا , عوراتهم عند الاستنجاء على الفساقى مكشوفه وثيابهم بالنجاسه مكفوفه , يجتمعون لحساب المال فى المساجد وليس فيهم راكع ولا ساجد, اولادهم دائما عريانين وتراهم فى صورة المجانين , الرحمه فيهم قليله والرأفه متروكه رذيله فالواحد منهم يكتب لطرد النمل : ارحل ايها النمل كما رحلت الرحمه من قلوب شيوخ القرى .

فالساكن فى الريف معدوم اللذات لانه دائما فى انقباض وجرى وكر وفر وحبس وضرب ولعن وسب وهوان وشجار وشيل تراب وفحر ابار وخروج للعونه على جهه السخرة وتعب شديد بلا اجرة ...

فالحق عندهم مضاع والباطل عندهم مشاع وحكم الله ليس له اندفاع .

اما اسماؤهم فانها كاسماء العفاريت او رقع الشلاليت فيسمون حنيجل وجليجل و عفر و دعموم وزعيط ومعيط وقسيط وشلاطه ولهاطه وشقليط ومقليط وسمنتوت وبرغوت والعفش والنبش وكُسبَر وقفندر ..

وقد يسمون اولادهم بالفال , فقد حكى ان احدهم ولد له غلام فسمع رجلا يقول لاخر يا اعمش العين , فقال نسميه عمّوش , ولدت زوجه اخر انثى فسمع زوجها رجلا يقول لاخر هات الزبل , فقال نسميها زبيله !!!!!

اما عن كنيتهم ( الالقاب يعنى ) :
ابو شعرة وابو معرة وابو دعموم وابو شادوف وابو جاروف وابو مشكاح وابو رمّاح وابو بطاح وابو بقر وابو مطر وابو ضلام وابو شقر وابو قشقوش وابو جريدة وابو طعيمه وابو بليله وابو زغلول وابو سيسى وابو فصاله وابو زباله وابو زعيط وابو معيط وابو شعيشع وابو طرطر وابو عوكل ( اهو , الاسم من زمان , يعنى مش نوارة اللى مخترعاة ) وابو عريش وابو دشيش وابو قلّوط وبربور الهبله ولهاط الزبله ومشالى الجله ....

ومن اسماء نساؤهم : حويطه ودعيكه ومعيكه ودكيكه وشبارة وهديه وبليه وفيوة وخريوة وام شواهى وام دواهى ...

وقد اتفق ان احدهم نادى زوجته فقال : ياداهيه , فردت عليه : تجيلك من الحيط ..

وعاد احدهم الى البيت فوجد امراته عند الجيران فناداها : ياداهيه ياداهيه
فقالت له : تجيلك من الحيط
فقال : تعالى اتعشى
فردت : ابنك بيخرى , كُل انت !!!

اما نساؤهم عند الجماع فهم فى حكم الضباع اذ يدخلن الافران ويضرمن فيها النيران حتى يعبق عليهم الدخان وتظهر لهم روايح وياكلون العدس والبيصار حتى يصير الشخص منهم كالحمار , ثم يضم زوجته اليه وهى تتشقلب عليه , فيظهر من بين الاثنين روايح الجله والطين ويطرحها على جنبها فتستغيث بربها وتقول :
احييييييه .... احبك ياداهيه , احبك جتك مصيبه !!!
فدلعها بليّه وجماعها رزيّه ....

اما افراحهم فهى مثل قيام الغارات او تعفير الكلاب فى الحارات , فالكلاب تنبح والشعرا تمدح والطبل يضرب والمشاة حوله تلعب والجدعان تخبط بالنبابيت والاولاد تنط بالشلاليت , ثم يفرشون للعريس جنب الجورة ويأتوا له بالعروس كأنها فحل جاموس , منقوشه بالجير والهباب وقدامها الشاعر بالرباب ويغنون لها :
ياعروسه يام غالى , انجلى ولا تبالى , انجلى ياوجه بومه , زاعقه وسط الليالى , وجهك بالنقش يشبه , وجه ضبعه فى الرمالى ....

ويحكى ان راجل مسن تزعم اهل قريته وراح فى وفد علشان يقابل احد امراء المماليك , واللى كان ملتزم هذة القريه ( راجع نظام الالتزام )
ولما الامير وجدة راجل مسن اكرمه واجلسه بجوارة وصار الامير ينصح الناس بسداد المال اللى عليهم ويراعوا ارضهم وزرعهم , وهنا قام الراجل العجوز وقال للامير انه يريد ينصحه نصيحه ويدله على شىء لو عمله الناس تفوق لزرعها وتسدد الديون اللى عليها فقال له الامير :
تكلم ياشيخ فأنه ليس فيهم من هو اكبر منك سنا ولا اعلى قدرا .
فقال الشيخ :
ان كان مرادك النصيحه , اهدم دا الجامع اللى فى وسط البلد فانهم كل يوم يجتمعوا فيه للصلاة اللى يقولوا عليها الناس ويتركوا مصالحهم , فان انهدم الجامع فاقوا للزرع وسددوا مال السلطان , ونا طول عمرى مااعرف دى الصلا اللى يقولوا عليها ولا دخلت دا الجامع ابدا !!!!!

وقد حكى ان واحد من اهل الارياف اشترى بُردة صوف فقابله صديقه وقال له :
- دى بردتك ؟؟
فاجابه : عبدك وجاريتك
- بكام اشتريتها ؟؟
فاجابه : بداهيه كبيرة
- تلفك وتلف عيالك فى الشتا !!!

وحكى ان احدهم دخل عليه ابنه وهو يبكى وقال له : يابويا فحل الفراخ مات ..
فقال الرجل : لاحول ولا قوة الا بالله العام الماضى ديك والعام دا ديك , احنا ياولدى اصحاب الرزايا والمصائب , وصار اصحابه يعزوة كانه مات له ميت !!!

وعطس رجلا منهم فقال له فقى من اهل الريف : يرحمك اللى عطسك ولو شاء لغطسك واخرج العطسه من قبر قراقير اللى خلفك ..
فقال له الفلاح : يافقى لا تنسانا من دى السورة , تقراها علينا فى المسا والصباح واعطيك اربع بطيخات وتقرا دى السورة لام معيكه وتهديها لابو زعبل فانه مات من مدة شهرين !!!!!

وجلس جماعه منهم يتحادثون فى احوال الزمان فقام رجل منهم اسمه ابو عفرة وقال لهم : ياشيوخ الكفر زمن الفرح ولّى وراح ولا بقى فى الدنيا خير , فقالوله : الله عليك يابو عفرة احكيلنا على زمان الفرح اللى شفته ..
فقال لهم : رحت يوم عيد الله اكبر ( يقصد احد العيدين ) انا وابو معيكه وابو دعموم وكان عندى ابنى فرقع الليل ولد صغير , واحنا نجرى مثل الكلاب السعرانه ونا نافش عليا رداء من محار الكتان ولبدة اخدتها بعثمانى ( عمله ) , ونبوت كنت سرقته ايام الشطارة ومركوب احمر كيف وجوهكم ياشيوخ الكفر كانت ام زعبل سرقته من واحد حضرى ( من اهل المدينه ) كان داخل دارنا علشان يشترى بيض .
وكنا ماشيين على الطريق اللى يطلع من الكفر ونرمح عليها كيف كلاب الغنم , ولاقينا واحد دابح جدى فوقفت قدامه وهو عمال يسلخ فيه فقال لى ايش تطلب ياشيخ الكفر انت واصحابك ؟؟
فقلت له اسمع ياعر* ياراس الدقماق , وحياة ام زعبل ان مكنتش تكرمنى اليوم وتتوصى بيا ماعدت تدبح جدى ولا كلب , فقال لى ياشيخ الكفر تطلب من اللحم ولا السقط ؟؟ فقلت له اطلب السقط وتقسمه بينى وبين صحابى , وقسمناه لكل واحد التلت , ولكن واحد من صحابى غار واخد رجل زيادة ونا سرقت ودن من ودان العجل واخدت سنه من سنانه اعلقها لابنى على راسه علشان تمنع عنه النظرة , واخدت حصتى فى طرف ردايه ( يقصد الجلابيه ) وكل واحد مش شركاتى اخد حصته وبقينا نجرى ونعفر والكلاب تجرى ورانا من ريحه اللحم , وكان حزقنى شخاخى وحياة الحاكم , ومن خوفى من الكلاب لياخدوا منى السقط , كنت اشخ فى ردايا حتى غرقته شخاخ , ولما دخلت البيت لاقيت مراتى كيف كلبه المشد ( وظيفه المسئول عن الامن وتنفيذ تعليمات الحكومه فى القريه ) قاعدة تعمل الجله , فدخلت عليها بدقن كيف دقن التيس وشوارب مطرطرة كل من شافهم خرا على روحه , فقامت ام زعبل ومسحت ايديها من الجلّه ولاقتنى بالحضن وعملت معاها كيف ماتعمل الرجاله مع النسوان , يعنى ديك القضيه , وانتم تعرفوا انى حدق وشاطر ومايطلع من حنكى العيب , ونا فصيح قوى وتعلمت الغنا من ابويا وجدى , فقامت مراتى قالتلى وحياة شاربك اللى كيف شارب الكلب لا تغنيلى لأن وحشنا غناك , فغنيت وقامت ام عفرة من الفرحه رقصت هى وابنها عفرة وسمعونا الجيران وقالوا لى بكرة يسمع بك نصرانى البلد ويقربك وتبقى تجلس حداة ويعطيك كيله شعير وقدح قمح , وقامت هى تطبخ السقط ولاقينا فى كرش الجدى شويه فول صحيح فاخدته ام عفرة وفركته حتى بقى مثل البيصار ( البصارة ) والجدعان حوليا يغنوا ويخبطوا بالنبابيت , وفرقت عليهم ام عفرة الطعام فاكلوا وفرحوا ولعبوا ورقصوا وكان يوم ماعاد ييجى مثله !!!!!!

وحكى ان احدهم طلع للمدينه يورد مالا لاستاذة ( احد الامراء المماليك ) وانزله الامير فى احد الاماكن ليبات به ليلته , وتصادف ان كان بها فتحه مطله على حريم الامير ( الحرملك ) فقال الفلاح فى نفسه ياترى يابو معيكه هما الامرا لما يختلوا بنسوانهم كيف يعملوا ؟؟
انضر كيف يعمل استاذك مع امرأته ولما تروح الكفر احكى لام معيكه وتعمل معاك دى العمله كيف ماتعمل الامرا وتبقى انت كيف الامرا ومراتك كيف مرات الامير .
ثم قال انه صبر الى الليل ثم نظر فوجد الامير جالسا على سرير وعليه فرش بيلمع وجلست زوجته على سرير مثله وصار الامير يلاطفها ويحاكيها بكلام ما يعرف بيقولوا ايه كيف شردم برم وكلام بالتركى , وبعدين اخد من جنبه وردة ورماها بيها فجت له بحسنها وجمالها على احسن حال وعملوا داك العمله وكل واحد منهم رجع ينام على سريرة ..
وبعدين صاحبنا روح على الكفر تانى يوم الصبح وراح لمراته ولما سألته عن احوال الامرا وعيشيتهم فقال لها :
ومرات استاذنا عليها حلقان ملاح كيف نوار الفول , وفى ايديها اساور صفرا الله اعلم انها من سباط النخيل , ولابسه قميص احمر كيف الزكيبه اللى بنعبى فيها الفول الاخضر , ولابسه شال اخضر والله اعلم زى ماتكون صبغته ببرسيم !!!
وعلشان خاطرى يام معيكه تعملى معايا دا العمله مثلها علشان يقولوا الناس ومشايخ الكفر انى انا وانتى بقينا مثل الامرا , فسألته عن اللى شافه , فحكى لها انه شاف الاستاذ قاعد على خشبه سودا ( يقصد السرير ) مربوطه بشراميط ولها اربع رجلين , ومراته قاعدة على خشبه مثلها كيف جرافه الغيط , وقعد يكلمها بكلام الجنادى ( يقصد العساكر الاتراك ) ويقول لها شلضم بلضم وهى تقوله شقلب مقلب لحد لما اشتهى يعمل معاها ديك العمله فراح حادفها بنوارة حمرا كيف نوار ابو النوم لحد ما جت عندة ..
فقالت له ام معيكه وحياة شواربك اللى كيف شوارب التيس لاعمل معاك مثل عمله الامرا واخليك تتنفش على مشايخ الكفر .
فصبر لغايه لما جه الليل وقال لها اقعدى فى مذود الحمارة ( المكان اللى بيتحط فيه الاكل للحمار ) ونا اقعد فى مذود البقرة قصادك , فقعدت وعليها اثار الجله والشخاخ وصار هو يناديها بكلام مثل نبح الكلاب وسؤالات عن البقرة والعجله والطور والجله وغير ذلك , ولما اراد ان يرميها بشىء كما فعل الامير فحط يدة على المذود فرأى قالب طوب محروق فاخدة وحدفها به فوقع فى وسط رأسها , ففلقها وسال الدم فصرخت باعلى صوتها واقبل الجيران والمشايخ ووصل الامر للحاكم وسال عن القضيه فعرف القصه وضرب الرجل ضربا موجعا واحضر طيببا للمراة واخذ يعالجها شهرا كاملا ....

وذات مرة اراد ثلاثه من قحوف الريف الطلوع الى المدينه , فساروا حتى قربوا منها , فقال كبيرهم وصاحب الرأى فيهم : اعلموا ان مدينه مصر كلها جنادى وعسكر يقطعوا الروس وحنا فلاحين وان لم نعمل مثلهم ونرطن عليهم بالتركى والا قطعوا روسنا , فقالوا له : احنا مانعرف شىء بالتركى ولا غيرة فقال لهم انا تعلمت التركى من زمان ايام ما كنت اقعد حدا المشد والنصرانى حتى تعلمته منهم , فقال له اصحابه طب علمنا , فقال لهم : اذا طلعنا المدينه نروح الحمام اللى يقولوا عليه نعيم الدنيا , نستحمى فيه ونغسل جلودنا , ويقولوا ان فيه نقرة غويطه يشخوا ويخروا فيها , وبعد مانخرج منه اقول لكم ( قرداش محمد ) تقولوا ( ها نوارا ) اقوم قايل لكم ( معاكم شى برمنقار ) تقولولى ( يوق يوق ) فيخاف صاحب الحمام ويقول لعقله دول جنادى غرب يقطعوا الروس ويخلينا نخرج من غير فلوس , وتهابنا الناس ونبقى زى الامرا , ويشيع خبرنا فى الكفر فيخافوا منا المشايخ ولا يبقى لهم علينا كلام .
فقالوله صحابه ( دى مشورة صواب ) , وساروا حتى وصلوا مصر وسألوا عن الحمام فدلوهم عليه , ولما دخلوا شلحوا الزعابيط ورموا البرد والشلاتيت وصاروا عريانين مثل ما يفعلوا فى البرك والابيار , فقال لهم صاحب الحمام ( استروا انفسكم ) ورمى لهم فوط قديمه من رجيع الحمام فربطوها على عوراتهم غصبا عنهم , ودخلوا الحمام مثل فحول الجاموس او الماعز والتيوس , وغسلوا ما عليهم من الوسخ والسخام وغطسوا فى المغاطس مثل الثيران والجديان , الى ان خرجوا مع بعضهم البعض وقد تزلزلت منهم الارض , وهم فى حاله الاثوار وصور الابقار , ولبسوا الظعابيط وتلفعوا بالشلاتيت وسحبوا النبابيت على الاكتاف وارادو الخروج بلا خلاف , فصاح فيهم صاحب الحمام قائلا ( هاتوا الاجرة يا ع*صات ) فالتفت اليهم كبيرهم وقال لاصحابه ( قرداش محمد ) فقالوا ( هاة نوار ) فقال لهم ( معاكم شى برمنقار ؟ ) فقالوا ( يوق يوق ما معانا شى ) !!!!
فقال لهم صاحب الحمام ( من اى وقت ياتيوس تعلمتم التركى المعكوس وبقيتم امرا ؟
وما هذا التركى الذى يشبه الخرا ؟
اقسم بالله لا يخرج منكم ع*ص واحد حتى يحط الاجرة وبزيادة , ثم امر رجاله بصكهم وضربهم واخذ البرد منهم , وخرجوا من عندة بعد ان تداركوا الاجرة وقد اقترضوها من اهالى الكفر ..........




كدة اول جزء خلص

اكمل ؟؟؟

ولا بلاااااااااااش ؟؟؟

الثلاثاء، 26 مايو، 2009

PREMONITION



المكان : مرتفع عال فى منطقه ما بمصر .
الزمان : الصباح الباكر لاحد الايام .

الصورة : جو غائم لا تظهر فيه الشمس مع انه لا توجد اى سحب فى السماء , هدوء شديد وريح ساكن والناس تستعد لممارسه حياتها اليوميه , وعلى الرغم من كل هذا الا انه كان هناك احساس مقبض وغامض لدى بطل هذة القصه .

- ذلك الشخص بقف على المرتفع ويشعر بانقباض عظيم فى صدرة , يرقب الافق فى توتر , فهو يشعر ان هناك شىء ما قادم , لا يدرك كنهه , لا يعرف عنه شىء , الا انه يشعر به بداخله , ويدرك حجمه ...
ينظر تارة للافق ثم ينظر اخرى للناس فى الاسفل ,
هل هناك من يشعر بما يشعر به؟؟
هل هناك من يستعد للهول القادم ؟؟؟
هل هناك على الاقل من يشاركه توترة ؟؟؟

للاسف لايوجد

الكل يعيش حياته الطبيعيه ولا يدرك انه على شفا الهلاك , او يدرك ويتجاهل .
لقد اثار هذا الموقف توترة اكثر بكثير مما يثيرة ذلك ( القادم ) , فهو لا يجد مبررا لتلك التصرفات ,
لماذا لا يفعل اى احد اى شىء ؟؟!!
لما لا يستمع اى شخص لصرخاته وتحذيراته ؟؟!!!
ام ان الكل يستمع ويتجاهل ؟؟!!!!

- اثنان يستمتعان بحديث ما من احاديث التفاهه !
- عريس وعروسه يستمتعان بعرسهما بلا مبالاة !
- اشخاص يبنون قصورا ضخمه من الرمال ويتفننون فى تزيينها !!

كلما مر الوقت عليه خف توترة من ذلك ( القادم ) بينما يتصاعد حنقه وغيظه ممن هم بالاسفل ..
يشعر باهتزاز الارض تحت منه , يزداد الاهتزاز بالتدريج , ينظر للاسفل ,
هل يشعر الاخرون بتلك ( الرجفه ) ؟؟

كلا

لا يشعر احد , فالكل يمشى فى هدوء , كأن شيئا لا يحدث ..

يسمع دوى هائل قادم من الافق , ان ( القادم ) قد اقترب ...
يرى فى الافق البعيد , كتله سوداء هائله الحجم , تسد الافق كله , من مشرقه لمغربه , ارتفاعها عشرات الامتار , تكتسح كل ما امامها فيختفى سريعا تحت سوادها , تقترب بسرعه هائله , وتظهر معالمها تدريجيا , فما ذلك ( القادم )

انه ماء !!!!

او بالاحرى انه طوفان , طوفان هائل لم يرى مثله من قبل , ولا فى اشد الافلام الامريكيه رهبه وسوداويه .

طوفان غريب لا ينتمى لعالمنا , يبدو انه قادم من عالم اخر , عالم لا يعرف الهزل , يبدوانه ليس طوفانا عاديا , بل كيان كامل يشعر ويحس , بداخله كميه غير محدودة من الكراهيه والعنف , لا يرحم من يناله , فهو لا يتسم بالعشوائيه بل يبدو انه ينفذ خطه وبرنامج مرسوم له , او بالاحرى ينفذ ( مهمه ) وبالطبع فلا احد قادر على الابتعاد من متناول ( امواجه ) ..

مياة سوداء اللون !!!!!

امواج يصعد بعضها فوق بعض , فتبدو كمسابقه لمن يصل لأعلى ارتفاع , تصعد موجه عشرة او عشرون مترا ثم تمتطيها التاليه لها فتزيد عليها عشرون مترا اخرى ( فوق السابقه ) فالامواج هنا لا تنحسر ولا تهبط , انما الموجه التى تصل لارتفاعها المطلوب تثبت عليه منتظرة اختها التاليه كى تمتطيها فتعلو اكثر واكثر ...

لا يعرف هذا ( الشخص ) سبب ذلك الاحساس بالسكينه والهدوء , الا انه سرعان ما نظر لمن هم اسفل , نادى , صاح , صرخ فيهم , ادركوا انفسكم , احتموا من الهلاك , افعلوا اى شىء , والا فانتم هالكون شر هلكه ....

لا احد يسمعه

لا احد ينظر اليه

الكل يتحرك ( كالروبوت ) بل انك تكاد تشعر انهم ( مركبات او عربات ) وليسوا كيانات حيه تشعر وتحس !!

لقد اقترب الهول , وتناثر رزاز الماء القادم من الامواج العاليه , تناثر من ارتفاعات شاهقه , فتساقط فوق رأس ذلك الشخص كأنه المطر ...

بحث عن شىء يتشبث به , يقبض عليه , وسرعان ما وجد ( ضالته ) فتشبث بقبضه يديه واغمض عينيه .....
وما هى الا لحظات حتى غمرة الماء وارتفع فوقه كثيرا , احس بالضغط الهائل فوقه كأنه يوشك ان يُسحَق , فهو كشخص القى به فى اعماق المحيط تحت ضغط اطنان من المياة .

فتح عينيه

نظر حوله

لم يجد شيئا غير الماء

كل شىء غطاة الماء

التيار شديد للغايه ويكاد يجرفه معه ..
يديه لا تتحملان الجذب الهائل للتيار وتوشك قبضته على الانفلات .
يتدارك نفسه ويحكم يديه.
الغريب انه لم يشعر بالاختناق ,
او الغرق ,
بل كان تحت الماء كأنه سمكه ,
واذا تحرينا الدقه سمكه لها رئه وذراعان وقدمان , سمكه لا تعرف العوم وتتشبث حتى لا تنجرف مع التيار ..

لا يعرف لماذا يشعر ان تلك التيارات المائيه الهائله لها كيان !!
فكلما ازداد تمسكه كلما ازدادت سرعتها من حوله محاوِله جرفه معها فى عناد واصرار !!!

ولكن بعد فترة ,
انحسر الماء ,
واختفى ذلك ( الهول ) القادم ولم يعثر له على اثر !!
اللهم الا بقيه بقع صغيرة من الماء فى الشوارع وعلى اسطح البيوت , كانها بقايا ليله ممطرة ...

نظر حوله

الاضرار بسيطه

تصدعات صغيرة وشروخ فى بعض المنازل المحيطه

لا يوجد غرقى

او بالاصح لم يشاهد غريق..

ولكن العجيب ,

ان الموجودن بالاسفل
ينهضون
يمارسون حياتهم بكل تلقائيه
يكمل كل منهم السير فى طريقه
بشكل آلى مستفز
لا احد يتكلم
لا احد يصرخ
لا احد سأل عن كنه ذلك ( القادم ) ...!!!!!

ولكن لحظه .........
فذلك الشخص يرى شيئا الان ,
بل يشعر به ,
ان ذلك ( القادم ) ما هو الا رسول لما سيأتى بعدة ,
طفل صغير من اطفاله ,
رسول وتلميذ من تلامذته ,
هو بجوارة كلعبه الاطفال!!!
وما حدث لا يعدو الا مجرد ( بروفه ) للعرض الكبير , او قل ( تحذير )...

نظر فى الافق ثانيا

هاهو يراة

شىء لا يمكن وصفه

وتعجز اللغه عن الافصاح عنه

هذا القادم لن ينفع معه تشبث
ولن يصمد امامه شىء
بشرا كان ام جمادا
الكل سيخضع لطغيان امواجه الرهيبه
لا يوجد وقت للصراخ او التحذير
فقد جرب هؤلاء الحمقى بالاسفل كثيرا
ولن يجدى معهم نصح .
بالاضافه الى انه لا وقت للنصح اصلا , فهذا ( القادم الكبير ) يبدو فى عجله من امرة وفى صراع مع الزمن لانجاز مهمته المحددة ...

نظر مرة ثانيه للافق

رباة

كيف اكتسح كل تلك المسافات الشاسعه؟؟!!

الم يكن بعيدا بالافق منذ لحظات ؟؟؟!!!!

كيف صار بهذا القرب فى تلك اللحظات القصيرة ؟؟؟؟!!!!!

لا يوجد وقت للصراخ
فالقوم لن يوقظهم من غفلتهم شىء سوى الموت والهلاك نفسه ...
فلتنجو بنفسك
فلتذهب بعيدا
بعيدا عن نطاق ( مهمته )
فانه قادم من اجل هؤلاء القوم , هم فقط , ولا احد غيرهم ...
فلا تضع راسك بين فكى الاسد ......

اهرب

انقذ نفسك

فهو لا يتفاهم

ولا وقت عندة للنقاش

يعدو بعيدا وهو يصيح ,
ربنا اخرجنا من هذة القريه الظالم اهلها .....

لا يعرف كيف اصبح يجرى بهذة السرعه الهائله ,
يشعر بان الارض تطوى تحت قدميه طيا !!

يبدأ رزاز الماء فى التساقط من اعلى فوق رؤوس القوم

يحسبه الجميع مطرا

يتصايح الاطفال فى سعادة

يامطرة رخى رخى

بينما هو يبتعد ,
يبتعد كثيرا ,
ويخفت صوته ويذهب بعيدا ......

ربنا اخرجنا من هذة القريه الظالم اهلها
ربنا اخرجنا من هذة القريه الظالم اهلها
ربنا اخرجنا من هذة القريه الظالم اهلها

يسمع صوت دوى هائل يطغى على صوت ندائه ,

الا انه لا يجروء على النظر للوراء ,
فقد تعلم ان هناك اشياء مجرد سماعها يغنيك عن النظر اليها !!

يستمر فى الجرى ,
بينما يتصاعد الدوى

فهذا ( القادم ) يؤدى عمله ببراعه منقطعه النظير .......

وما ربك بظلام للعبيد ...........

انتهى

الخميس، 21 مايو، 2009

كرومبووووو يتحدى الملل !!!!

المفتش كورومبو فى لحظه تجلى



اللى بالى بالك


تارااان تارااارران تاران تن
كرومبو
كرومبو
كوروووومبوووووووووو

انا بحب اشجع اللعبه الحلوة
ايوة بجد
مع ان حكومتنا دى تتعاطى منقوع الغباء بشكل يومى مما ينضح على ادائها العام , بس برضه ليهم حركات انما ايه , ااااااااخر حرفنه ....

شفتوا هشام طلعت مصطفى ؟؟؟
اخد اعدام هو والسكرى ( بيبى فيس ) !!!!!!!
طب اعدام السكرى كان شىء متوقع طبعا
انما الغريب هو اعدام هشام طلعت مصطفى
مش علشان رجل اعمال ولا من الشله
عموما يعنى بالنظر فى القضيه
مش شايفين ان حكم الاعدام على هشام مبالغ فيه شويه ؟؟؟

يعنى المعتاد فى النوعيه دى من الجرائم ان الفاعل بياخد اعدام والمشارك بياخد تأبيدة او اقل شويه ..
خصوصا لما يكون محرض بس , ومش مشارك فعليا فى الجريمه ...
هو اى نعم شريك ومتضامن مع المجرم , بس برضه مش هنجيب اللى قتل ودبح زى اللى حرض وقعد مستنى التليفون ...

انا مش متضامن مع هشام لاسمح الله , هما الاتنين يستاهلوا الحرق بجاز , بس انا بتكلم على المعتاد فى المحاكم المصريه ( المحترمه جدا ) بتاعتنا , وقضائنا ( الغير مُسيس على الاطلاق ) , وقضاتنا ( المحترمين قوى واللى عمرهم ما بيتقفشوا فى قضايا رشوة ولا حتى بيتمسكوا فى الامارات متلبسين بدعارة ورشوة جنسيه ولا حاجه من دى خاااالص ) ...

يعنى الحكم مريب ومش مريح ....

طيب نفصص الموضوع من الاول , وباختصار شدييييد جدا :
1- اونكل هشام بعد القصه اياها حب ينتقم من البنيه وبعت ( السفاح ) يقتلها ..

2- السفاح اتعكش من قفاة فى الامارات والموضوع اتعرف ..

3- الاعلام ( الشبه معارض ) فى مصر ابتدى يتكلم عن الموضوع , قام النظام اضافه للمنطقه فيما وراء ( الخط الاحمر ) وصدرت تعليمات حازمه حاسمه من ( حاجب الحجاب ) باوامر من اسيادة بحظر النشر , وكمان اتصادرت النسخ اللى نشرت ...

4 - يعنى نفهم من كدة ان الاتجاة الاول كان للتعتيم على الموضوع وتلبيس ( العمه ) للسكرى ويشيل هو الليله ويبقى مواطن ( متفوتر ) على حبل المشنقه ...

5- الامارات قالت لاااااااااااا , شغل الوساخه بتاعكم دة ميلزمناش وطالما ان الجريمه حصلت على ارضنا فلزمن وحتمن ولابد من كل بد تسلموا لينا المتهماااااااااااااااان , علشان نحط السيخ المحمى فى صرصور ودنهم ...

6- الحكومه اتحايلت على الامارات يلموا الموضوع وهما ابداااااااااا , طبعا كلنا عرفين ان السادة مشايخ الامارات قد ايه اديهم ( سخيه ومبحبحه ) قوى على النظام المصرى ( المتسول ) ولاسيما منظمات وجمعيات ( الست ) ...
- يعنى من الاخر كلمتهم لا ترد , والمثل بيقول اطعم الفم تستحى العين ...

7- حظك وحش ياطلعت ومعلش بقى , مش بادينا والله , احنا حاولنا نسلكك منها بس انت اللى وش فقر , سورى ياطلعوطه , بيزنس از بيزنس , ارفع حظر النشر ياجدع , واللى عايز ينشر ينشر , وطبعا لازمن تأكدوا على النظام المصرى ( النزيه المحترم ) والقضاء ( العادل ) فلا احد فوق القانون وان كان احد اعمدة النظام , من اخطأ يحاااااااااااسب , وادى الدليل قدامكم اهو , طلعت مصطفى , والدليل قالوله , واحسن مش الشرف مافيش , ورقصنى ياجدع ,
ترااا تراا تااااااارن ترراتا تاااااااارن تارارارراراررن تااااااااااااااااارن تاتو تاتى ترابتاتاتاتى ..

8 - فى يوم من الايام وهشام قاعد فى الزنزانه السوبر لوكس بتاعه بيفكر وبيعمل فلاش باك على حياته وبيلعن ابو اليوم اللى حط ايدة فى ايد ( الاوغاد ) فلم يرقب فيهم ألاً ولا ذمه , جه المتحدث الرسمى باسم يهود بنى النضير, اونكل عزو بزو , وطلب يقعد قعدة ( على انفراد ) مع هشام , وواضح انه كان بيفاوضه على حاجه ( نيابه عن النظام طبعا ) والموجودين سمعوا هشام بيزعق ويقول لأ لأ ابدا , وكان عصبى جداااااااا ....

9- واضح جدا ان عز مكانش بيتكلم بلسانه بل انه جه كمندوب عن ( يهود بنى النضير ) يعرض صفقه على هشام , وواضح انها كانت مستفزة جدا ومجحفه لدرجه ان هشام ثار وقعد يزعق ...

10- طيب بديهيا كدة , ايه الصفقه اللى ممكن تتعرض على واحد فى وضع هشام طلعت مصطفى ؟؟؟

11- اكيد فيها جانب بتضمن تسليكه من القضيه كالشعرة من العجين بحيله معينه بحيث بهوات الامارات ميزعلوش , او اضعف الايمان انه ياخد حكم مخفف , ومش بعيد يطلع من السجن على بيتهم او على بلاد برة , مع انه لسه مخلصش المدة , ومازال اسمه مقيد بدفتر احوال السجن , انه ( موجود ) زى ما حصل مع ناس تانيه !!!!!!!

12- طب المقابل اييييه ؟ اكيد انه يتنازل عن شىء معين , بس واضح انه شىء كبير واستفز هشام جداااااا ...

13- هشام فضل مزرجن , طييييييييييييييب , يامسرور ؟؟ هات السيف والنطع , قام القاضى ( المحترم ) هابد هشام حكم الاعدام , من باب الهت والتخويف , علشان ينخ ويسمع الكلام ...

14- غالبا فى الايام الجايه , هشام هيراجع نفسه وهيعقل وهيلطع الكريمه كمان وهينخ ويسمع كلام ( عمو ) , هو العمر بعزقه ياعم ؟؟؟؟

15- باقى السيناريو معروف , استئناف للحكم , وبعدين الحكم يتلغى وتتعاد المحاكمه , وياخد براءة , او حكم مخفف , ويخلع على برة مع خالو ممدوح اسماعين قرصان البحر الاحمر الشهير ب ( ذو اللحيه الحمراء ) .....


عرفتوا مين الجانى ؟؟؟

ياترى حمبوزوا لاوى بوزوا ولا سنيه شخلله ولا المعلم هوهو الكلابجى ؟؟؟؟؟

وسلملى على القضاء العادل ومخلل الكرنب ومحشى الكوسه والبتنجان ..

وهز ياوز هز ياوز هز ياوزززززززززززززززززززز ........

الاثنين، 18 مايو، 2009

هلوسه صيفيه



تيييييييييييييييييييييييييييييييييييت .......... تيييييييييييييييييييييييييييييييييييييت
- الو
- سلامو عليكوا , ايوة ياعمو مصطفى , اكلم احمد والنبى ؟
- لا الرقم غلط
- انا مجدى اة , قوله مجدى ..
- الرقم غلطططط ...
- اة الرقم غلط , انا اسف جدا , اسف للازعاج , حضرتك مش احمد ؟؟؟
- لا , الرقم غلط
- طب اول ما احمد يجى تقوله ان مجدى كلمه , ممكن ؟؟
_________________

تيييييييييييييييييييييييييييت .......... تييييييييييييييييييييييييييييييت
- الو
- ايوة ياهبه بقولك ايه , قولى لسوسن عادل عملها على روحه خلاص , عيان قوى وعامل اسهال طول النهار .
- مين معايا ؟
- انا عادل .
- لا , النمرة غلط يااستاذ عادل .
- طب هو احمد اتاخر ولا ايه ؟؟
- النمرة غلط
- طب هيرجع الساعه كام ؟
- النمرة غلط
- طب هوا مصطفى متاخر ؟
- النمرة غلط
- اة هى اصلا النمرة غلط ؟
- اة
- انا اسف معلش , طب هو مصطفى هييجى امتى ؟
- النمرة غلط
- اة هى النمرة دى كام ؟ مش دى سته تمانيه حضرتك ؟
- ........
- اة طب هى سعاد لسه مجاتش ؟؟
- ........
- احمد مجاش , هه ؟
__________________

طبعا انتوا قريتوا البوست اللى فات , انا افترض كدا يعنى ...
طيب
فهمتوا اكيد انا قصدى ايه , صح ؟

ما داهيه لاتكونوا مفهمتوش .
لا لا , اكيد فخمتوا , امال انا بلت واعجن وارغى فى ايه
وبكرر الفكرة واعيد فيها مرة واتنين وعشرة , واعرضها بكذا اسلوب علشان ايه ؟؟
ماهو اكيد علشان محدش يفهمنى غلط ...
اصلى موتى وسمى اللى يفهمنى غلط
ميفهمنيش خالص , احسن له واحسن لى ...

طيب , كويث خاااااااااالث ماااااااااالث
يعنى مش من المنطقى ولا من المبربر خاااااااالص انى الاقى ( بونى ادم ) بيعلق على هذوها البوست بهذوها الاسلوب وبتلك التريكه :

غير معرف يقول...
قال الامام علي : لا تقيسوا الحق بالرجال، ولكن قيسوا الرجال بالحق
كما قال : اعرف الحق تعرف اهله
واذا كانت قولة ماركس الشهيرة : الدين افيون الشعوب ....... فانا اتسال عن الماركسية ذاتها الم تكن افيونا للشعوب ايضا بكل اطروحاتها الواهية الساذجة القائمة علي تقليب الطبقات ودغدغة احلام الفقراء والشباب الثائر عن جهل .... والتبشير بواحة الشيوعية البدائية وتلاشي السلطة المركزية واندثار الملكية الخاصة....... الخ.
اما مظاهر التشدد او الاعتدال والعقلانية او الغيبية فهو حال البشر في كل الملل والنحل وليست حكرا لا علي المسلمين ولا علي العرب ....... واذا كنت تستنكر بعض اقوال المجتهدين العرب ... فلتلقي نظرة بسيطة علي المذاهب العبثية والميتافزيقية التي يغرق فيها الغرب حتي اذانه... ولكن كل ميزتها انها غير خارجة من رحم الدين الذي يروق للكثرين مهاجمته بسبب وبدون سبب ...... ويحب كثيرا من الجاهلين عن قصد او بدون قصد ان يخلطوا بين الحركات السياسية التي تستخدم الدين كوسيلة وبين جوهر الدين ذاته
وشكراااااااااااااا
____

حد فاهم حاجه ؟؟
طب يابنى ونا انكرت ؟؟
طب هو انا بدافع عن الماركسيه ؟؟؟
اكونش شيوعى ونا مش واخد بالى ؟؟
طب هو انا هاجمت الدين ؟؟؟
وبعدين ( مجتهدين ) مين دول اللى انا استنكرت اقوالهم ؟؟؟

بصراحه انا دماغى لفّت , خصوصا ان التعليق دة جالى فى وقت قاتل , يعنى الواحد كان بيسقّط وبيستعد انه يخش يتخمد ...
بس قلت لااااااا , اعقل ياواد , لحسن يبلفك زى ما بلف الشعب .
وعنها و( تداركت ) نفسى , حلوة تداركت دى , وقولت ياواد ياحكشه شمر عن ساقيك واستعد لنوبه التشليت والرفص المفاجىء اللى جايه .

مش عارف ليه جه فى دماغى ساعتها مشهد نجيب الريحانى فى الفيلم لما قابل الباشا سليمان نجيب علشان يدرس لليلى مراد بنته , ومكانش يعرف انه الباشا وافتكرة الجناينى ..
محدش يسألنى ليه
هو المشهد جه فى راسى كدة .

وبالتالى فقد كان الرد على البيه المعلق كما يلى :
ههههههههههه
- حضرتك بتفهم عربى ؟؟؟؟؟؟؟
يعنى بتعرف تقرا لغه عربيه ؟؟؟
ضليع فى قواعد اللغه العربيه ؟؟؟

قووووووووووووووم الباشا مكدبش خبر وقام رااااادد تانى فى ( التو واللحظه ) وقال :
غير معرف يقول...
اذا كان هذا ردك فهذا ايضا ردي
حضرتك بتفهم عربى ؟؟؟؟؟؟؟
يعنى بتعرف تقرا لغه عربيه ؟؟؟
ضليع فى قواعد اللغه العربيه ؟؟؟
هههههههههههههههههههههههههههههههههههه

الجميل ان الاستاذ متعبش نفسه فى الرد ونقل الرد بتاعى كوبى بيست تاااااااااااانى .
لا , بس الشهادة لله , هو طوّل ال ( ههههههههه ) شويه , يعنى , ممكن امعانا فى السخريه من شخصى الغير محترم .

اقوم انا اسكت ؟؟؟؟
لااااااااااااااااااااااااااااا , وعنها وقمت فااااقع الرد دة :
- ماهو طالما سيادتك متعبتش نفسك تكمل قرايه البوست او حتى تحاول تفهمه ..
فبالتالى انا مش هتعب نفسى فى مناقشتك او حتى الرد عليك ...

قااااااااااااااااااااااااام رادد فى عدد واحد كومنت عرضحال دمغه , وماضى عليه اتنين موظفين درجه سادسه , ومختوم بختم المصلحه وش وقفا .... قصدى وش وضهر :
لقد تمت قراءته .......
واساسا منطلق البوست ذاته اساسا خاطئ ....ان تخلط مابين الحركة السياسية للدولة الاسلامية ... وما بين دور الدين في ارتفاع او انحسار تلك الدولة ..... لاغيا كل الظروف الاخري ...... كمن يربط بين سلطة الكنيسة في الغرب ودورها في تردي احوال اوروبا في عصور الظلام ... وكان الدين هو وحده فقط المسئول عن التقدم او التاخر .......
ان تخلط بين ثبات الامام احمد كفقيه علي مايراه صحيحا في مسالة فقهيه وهي مسالة القران ...... وبين انه من الثائرين وله موقف سياسي هذا ما رايته في كلامك .... واذا لم يعجبك رايي فلتلقي به في البحر
واذا كان الامام الشافعي قد قال : انا لم اري صوفيا عاقلا فانا بدوري اقول : انا لم اري مدونا هادئا
وشكرااااااااااااا

وكان ناقص يقولى تم اعلام المذكور اعلاة , وان لم يتم دفع الكمبيالات فى ظرف اتنين وتلاتين ساعه , فسوف يتم الحجز على مدونه الخنزئور الخرسيس المذكور اوطاة ...

اقوم انا اسكت ؟؟؟
لاااااااااااااااااا , ودى تيجى برضه , دا انا مخى مافيش اصغر منه غير راس الدبوس .

قووووووووووووووووووووووووووووم ااااااااااااااااااااااااااااااااااااانى اييييييييييييييييييييييييييييييييييه ؟؟؟
قمت رادد تااااااااانى :
- هو انت شويه تتكلم فى الشرق وشويه تتكلم فى الغرب ؟؟؟؟
وهو طالما موضوع خلق القران كان موضوع فقهى خالص , امال الامام احمد اتحبس واتجلد بسببه ليه ؟؟؟؟
يعنى مش كفايه ان الخليفه بنفسه يتبنى مبدأ معين ويفرضه على الناس , وبعدين تيجى تقولى مبدأ فقهى بحت ؟؟؟!!!!!!
وبعدين انت مستغرب انى بربط بين عصور الظلام فى اوروبا وسلطه الكنيسه ؟؟؟
امال مين كان السبب فى التخلف دة , ذبابه الفاكهه ؟؟؟؟؟؟؟
وبعدين مين بقى العلماء ( المجتهدين ) اللى حضرتك زعلان قوى ومتنحرر انى بهاجمهم ؟؟؟؟؟؟؟؟؟

وكمان رد :
- وبعدين انت بتتكلم عن الماركسيه ليه اصلا ؟؟؟؟؟؟؟؟؟
هو انت شايف من كلامى انى بدافع عنها ؟؟؟؟

امااااااااااااااااااال , هو احنا بنولعب ؟؟؟

قام هو كمان قايل :
غير معرف يقول...
خليني معاك ان الكنيسة سبب تاخر اوروبا في العصور المظلمة ......
مين بقي كان سبب انهيار الامبراطورية الرومانية ..... الانبا توما صاحب مذهب السيفين .... ولا المذهب الجريجوري .
واضح انك لا تحسن الظن بالناس .... وفاكرني متشدد دينيا ومحسوب علي تيار معين وداخل ادافع عنه .... ودا مش صحيح ..... ورايك ياعم علي عيني وراسي .... وانا فعلا ما بفهمش عربي
احب اقولك معلومة ..... اني دخلت علي مدونتك صدفة لاني كنت بدور علي حاجة بنفس الاسم ... عنبر العقلاء ... وطلعتلي مدونتك حضرتك ...... والمدونه بنفس الاسم برضه ..... مع اختلاف شاسع في المضمون ........ عموما اعتبرني من سكان عنبر الخطرين ...... واسفين علي الازعاج ....... دوس يا معلم وماحدش ها يقولك لا ........ لا صوفي ولا حتي خروفي اما كلامي عن الماركسية .... كنت اقصد ان الشعوب هيا اللي طالبه معاه دايما انها تتسطل .... بس كل عصر وله دماغه ..... ياعني لا بدافع عن الرفيق انجلز .... ولا بهاجم سماحة السيد خرشوف
و شكرااااااااااااا

قمت انا رادد :
- العفو ياسيدى
احسنت عرض وجهه نظرك
ونورت المحكمه
_________

لا ونا مش خانقنى حاجه , قد كلمه ( وشكراااااااااااا ) اللى فى اخر كل كومنت دى
اعتقد ان كلمه ( مرسل للعلم , وبرجاء اتخاذ اللازم ) كانت هتبقى الذ , الذذذ , الذذذذذذذذ .....

الموضوع دة مش اول مرة على فكرة
وبيحصل لمدونين كتييييير جدا
طب هل دة مثلا مرض ؟؟
ولا انخفاض مستوى فكرى ؟؟؟
بصراحه انا معتقدش , ليييييييييه , قولولى ليه ؟
اقولكم ليه , لان اغلب ان لم يكن كل الناس اللى بتعمل الحركات دى بيكونوا انونيموس !!!!!
مش غريبه شويه ؟؟؟
ماهو اصل اكيد يعنى ربنا ماداش العقل للمدونين فقط وحرم منه الانونيموسين والانونيموسات ..
وبعدين اصل كلنا كنا انونيموس لفترة من الوقت ,
يعنى الواحد متولدش مدون
انا المدونه دى فاتحها يادوب من 3 شهور عُمى ....

الله
يعنى الموضوع قصد بقى
اصلى من عشاق نظريه المنورة ..قصدى المؤامرة , زى نوارة كدة , تقريبا شميت منها ..

اة هو كدة
الناس دى بتستقصدنا علشان تحرق دمنا وتخلينا نبطل تموين....قصدى تدوين ..
ومش بعيد يكونوا عايزين يشلونا او ينقطونا , علشان يجيلنا ( الفالج ) ومنعرفش نكتب على الكيبورد تانى ...

طب دا ممكن كمان يكون جهاز املى هو اللى مسلطهم علينا
اة
انا بقالى فترة بلاقى ناس غريبه واقفه تحت البيت
اة , هو كدة , امبارح كان فيه واحد واقف تحت البلكونه ولابس جلابيه وفوقيها بالطو اصفر وحاطط تحت باطه عصايه خرزان وماسك جرنال ( المقطم ) وعامل نفسه بيقرا ...
واول لما نزلت قرب منى وقال لى : تسسسسسسسسمح تولعلى صوبااااع كوفته ؟؟؟
وحيث انى مش مدخن خااااالص ( بشم كُله بس ) فخبطت صباعى فى ايدى الشمال وولعتله فى ديل الجلابيه ...

طب وبعدين ؟؟

ماهو اونكل حسين رياض مش هيفضل مخبينى فى بيته كدا للابد , وبعدين الواد رشدى اباظه رخم ودمه تقيل وكل شويه يطب على غفله , ونا سايب المطبعه اللى بطبع عليها البوستات فى بدروم البيت القديم , ولازمن اروح اخبيها قبل ما القلم السياسى يعمل كبسه على البيت , اة , محمود المليجى شرانى وتعلب كبير , والبت بنته صايعه ودايرة على حل شعرها ...

طب وبعدين ؟؟؟

اروح انفذ عمليه فى ( الكنال ) واخلص ؟؟؟؟
والناس تمشى ورايا ويقولوا : عاشور الناجى اسم الله عليه , اسم الله عليه اسم الله عليه ....
ولا ارش بودرة على حرف المدونه من فوق ؟؟؟
طب هو النمل بيدخل منين بالظبط ؟؟؟؟
ولا هو صحيح ان ريتشارد قلب الاسد بيتعشى خروفين ويبلّع بعشر بيضات نعام ؟؟
ولا فيرجينيا فخر الدين صحيح وقع عليها عمود نور وهى رايحه لخيمه القائد ؟؟؟
اصلهم بيقولوا ان البلديه كانت شغاله فى معسكر الصليبيين ..
ولا نجمه ابراهيم خطفتها هى واختها وسرقوا سيغتها وقتلوها وعبد العال راح دفنها فى ترب الغفير ؟؟؟
وبعدين هوا حنظله ريحته راحت ليه ؟؟؟؟
اكيد فى اِن ..
وبعدين ولدنا حبظلم كان مسافر امريكا ليه ؟
وهو صحيح سنقر الكلبى مسك على الزيبق اللى ولع فى عمارة وسط البلد ومجلس الانس ؟؟؟
بيقولو انه كان عضو فى خليه حزب الله .
بل يقولون انهو من اتباع الديّن الجدييييييد ....
من الاخر كدة
انا عايز فلوس العمليه ,
وحق اللانش....
وبعدين انا امبارح شفت حلم غريب قوى
خير اللهم اجعله خير
صحيت من النوم على جرس الباب
فتحت لقيت محصل الكهربا
اخدت منه الفاتورة لقيت الاتى :
10 جنيه استهلاك
8 جنيه زباله
20 جنيه رسوم
30 جنيه صاعقه ومظلات ودعم للمجهود الحربى
120 جنيه دعم للمشروع النووى السلمى المصرى !!!!!

فيه حاجه فى الجو ؟؟؟
اكييييييييييييييد فى حاجه فى الجو
دى مؤامرة
مؤاااااااااااااااااامرة
خوووووووووووووووننننننننننننننننااااااااااااااااااااااااااااة
اندهولى الدباغ فوراً
قولوله يلم العيال دى باقصى سرعه
ويرميهم فى حفرة
ويردم عليهم بالجير الحى
والميت كمان
علشان يموتوا بسررررعه
ويعملوا تسسسسسسسسسسسسس
وفششششششششششش

وارموا معاهم ممدوح عبد العليم
والبت ليلى مقصوفه الرقبه
بتوع انا حمص حمص وحلاوة
علشان سرقوا اللحن القومى العظيم
بتاع الفنان الوطنى حسن كامى
انا وطنى وطنى وبطنطن

ومتنسوش ترمو معاهم الراجل الاخرس اللى اسمه شارلى
بتاع البيانولا
علشان نخفى اى اثار للجريمه

يلا

بلا قله ادب

الخميس، 14 مايو، 2009

عندما يصبح الدين افيوناً !!!








































( الدين افيون الشعوب )

لا ادرى لماذا تقفز هذة العبارة الى ذهنى دائما كلما امعنت النظر فى حال العرب والمسلمين هذة الايام بوجه عام وعلى حال ( الدعاة ) بوجه خاص ....
الاصل ان هذة الكلمه حسبما اعلم انه قد قالها كارل ماركس لدعم فكرة هدم العقيدة وعدم الاعتراف بالغيبيات والتى ستقوم عليها دوله البلاشفه فيما بعد ...
الا انى سمعت ايضا انه قد اخذ هذة الكلمه عن قس انجليزى سبقه بها , حيث قصد منها محاربه سلطه الكنيسه المطلقه فى انحاء اوروبا والتى كثيرا ما هاجمت العقل والعلم ودعت الى العنف والتخلف ....

العبارة واحدة والمضمون واحد الا ان الاختلاف والفارق شاسع بين كلا الاتجاهين ..
احدهما استخدمها لتدمير مبدأ العقيدة بوجه عام , بينما استخدمها الاخر لفضح طغيان المتاجرين والمستغلين للعقيدة...
انا شخصيا وعن نفسى اعتبر الدين بوجه عام دافعا للانسان , فالفكرة والمبدأ والعقيدة فى حد ذاتها تمثل وقودا لا ينفذ يدفع الانسان لاختراق افاق لا قِبَل له بها , قد تدفعه ايجابيا وقد تدفعه سلبيا , هى فقط تعطيه الطاقه , اما الاتجاة فهو مسؤليه العقل نفسه , هو الذى يحدد ان كان تحركه هذا للامام ام للخلف ...
اذن فالعيب ليس فى الدين بل فيمن يتحدث باسمه , القصور ليس فى النظريه بل فى النظرة والتطبيق اللاحق لها .
وارى ايضا ان الانسان لا يستطيع العيش بدون فكر او مبدأ يؤمن به ويعتنقه , لانه فى هذة الحاله سينهار امام اول صدمه او ازمه تواجهه , وما اكثر الازمات ..
فالانسان بطبعه جزء يحن الى الانضمام لكل اكبر منه , ويستغرق فيه ويتبنى افكارة , يحيا لها ويدافع عنها ...
ولست بصدد التحدث عن الديانات ككل هنا بل ساركز على الدين الاسلامى بصفتى شخص مسلم وباعتبارة دين الاغلبيه فى هذا الوطن الذى احيا فيه ...

لو عدنا للوراء فسنجد ان الدين الاسلامى لم يطبق بشكل كامل وسليم الا فى عهد سيدنا محمد عليه افضل الصلاة والسلام ومن بعدة الخلفاء الراشدين , ولو حذفنا عهود الفتن والقلاقل فسنجد ان المجتمع المسلم لم يعيش بصفه نموذجيه الا فى عهد ابى بكر وعمر رضوان الله عليهما , وان كان عهد ابى بكر قد شهد فتنه الردة , فالمجتمع اذن لم يعش فى استقرار ومثاليه كامله الا فى عهد سيدنا محمد عليه الصلاة والسلام ومن بعدة عهد عمر ابن الخطاب عليه رضوان الله ...
وسرعان ما انقلب الحال وانحرفت البوصله ابتداء من عهد بنى اميه وشهدنا وصلات شبه مستمرة من الظلم وسفك الدماء والدكتاتوريه والطغيان ..
باستثناء فترات متقطعه وقصيرة للغايه , فقد ظل الحال على هذة الهيئه منذ عهد ( يزيد ) الى يومنا هذا ..

- ولكن هناك نقطه بسيطه
فى تلك العصور الاولى وبرغم ذلك الانحراف ( النسبى ) عن العقيدة , الا ان المجمل بشكل عام كان جيدا , فالفتوح متواصله ورقعه الدوله تزداد والحضارة الاسلاميه تنموا والدوله يشتد ساعدها ويزداد قوة على قوة ..
فبرغم انحراف العصبه الحاكمه عن المحور الاساسى للاسلام ( الا من رحم ربك ) الا ان هذة الامه لم تعدم ( ائمه ودعاة ) يعيدون الناس الى الطريق القويم ويكونون شوكه فى حلق اولئك الطغاة , اينعم كانوا يُسامون سوء العذاب ومختلف انواع الاهانات , الا انهم دائما ما كانوا يُعَد لهم الف حساب ....
فها هو الامام احمد ابن حنبل قد القى فى غياهب السجن حوالى سته عشر عاما مقابل كلمه واحدة قالها , وكان يجلد ويعذب كل يوم حتى تساقط لحمه واشفق عليه جلادوة عديمى الرحمه , مع انه كان يستطيع ان يعود لمكانته ولبيته ووضعه السابق , بل وافضل منه مقابل كلمه واحدة يقولها , كلمه واحدة فقط , الا انه ابى حتى فك الله اسرة وقُضى الامر ...

الامثله فى هذة الامه عديدة ولم تعدم امه محمد امثال هؤلاء الرجال , الا ان المنحنى قد اخذ فى الهبوط ابتداء من فترة ما بعد الحملات الصليبيه , فبعد التوهج الاخير لشخصيات من نوعيه الامام العز بن عبد السلام ( الذى باع سلاطين المماليك فى سوق الرقيق ) والامام ابن تيميه ( بغض النظر عن بعض الانتقادات لفكرة , فان فكرة كان له مبرراته حينها ) الا اننا لم نجد بعد ذلك شخصيات لها نفس الثقل الذى يوازن بل ويرجح امام كفّه الجاة والملك والسلطان , وظهر شيئا فشيئا فئه من انصاف الرجال ومحدودى العقول الذين انحرفوا ببوصله الاسلام بشكل كامل وفضلوا مهادنه السلطان حيث اتخذوة ( خيارا استراتيجيا ) الا من رحم ربك ...

حتى استطيع ايصال وجهه نظرى كامله فلابد من عرض مجمل للتيارت الدينيه الرئيسيه , والتى قسمتها لاربعه اقسام حيث اجدها كالتالى :
اولا : - التيار الصوفى : وهو تيار قديم نشأ فى صدر الدوله اعاد البعض نشأته للعصر الاموى بينما رجح البعض الاخر قيامه فى العصر العباسى , وبغض النظر عن كل الاراء نجد انه من المسلم به ان انتشار هذا التيار واتساعه كان فى العصر العباسى الاول ولهذا عدة اسباب اولها انه كان مقابلا للحياة الناعمه المترفه التى تميز بها هذا العصر فلابد اذن من وجود تيار يدعو للزهد والتقشف والرجوع ( للاصل ) وان اختلف تفسير مصطلح الزهد فبينما فسرة البعض على انه المعيشه فى الجبال والصحارى الا ان البعض الاخر فسرة بانه شىء ( معنوى ) فما معنى ان ابتعد عن الترف والشهوات بينما قلبى معلق بها , وما معنى ان ابتعد عن الدنيا بينما حقيقه الامر ان الدنيا هى التى تركتنى ( مجبر اخاك لا بطل ) , فنجد احد الصالحين يقول لتلميذة ناصحا : يابنى , برّد الماء فانه ادعى للشكر ..
اى انك عندما تشرب الماء باردا وانت عطشان فان ذلك يجعل قلبك يوافق لسانك بالحمد , وفعلك يوافقهما بالشكر ..
ونجد هنا نقطه التماس بين هذا الفكر وبين مقوله فيلسوف رومانى قديم يدعى ( سنيكا ) حين قال انه ليس من الشجاعه ان تهرب من الثروة بل الشجاعه ان تواجه الدنيا والثراء والجاة وتتغلب عليه فى النهايه , فالشجاعه ليست فى الهروب بل فى المواجهه , مما يصل بنا للنقطه الثانيه هى انه مع الاتساع الهائل والسريع للدوله كان ولابد من ايجاد مرتكزات عدة لهذا البناء الشامخ وهذة الركائز هى : العقيدة وهى محور الدوله , الادب , العلم , الفلسفه , القوة العسكريه ..
اما عن الادب فهوا مابرع فيه العرب حتى من قبل الاسلام , والقوة العسكريه نشأت مع الدوله جنبا الى جنب اما العقيدة فهى موجودة ايضا , فيبقى شيئان هما العلم والفلسفه , اما العلم فسيجىء تدريجيا مع اتساع رقعه الدوله واما الفلسفه فهناك الفلسفه القديمه للحضارة اليونانيه المنهارة والحضارة الرومانيه التى توشك على الاضمحلال , ولما كنا نعلم ان الحضارات لا تُستَحدَث من العدم وانما تقوم على انقاض حضارات سابقه , فقد تم اتخاذ الفلسفه الاغريقيه كركيزة انطلاق نحو مفهوم الفلسفه الاسلاميه , وبالفعل تم تشكيل مضمون جديد اكثر تطورا وتعقيدا للفلسفه الاسلاميه والذى يختلف كل الاختلاف عن المصادر التى استقى منها بداياته وصار عندنا فكر وفلسفه اسلاميه من اكثر الافكار والفلسفات تعقيدا ورُقيّا فى التاريخ ...

وسرعان ما انضوت الفلسفه تحت عبائه التصوف الاسلامى واصبحت لب التصوف ذاته ويظهر ذلك جليا فى كتابات المتصوفين الاوائل والزهاد امثال ابن عطاء الله وابراهيم ابن ادهم وشعر بن الفارض وغيرهم ....

اى ان التصوف الاسلامى قديما كان يشمل على نهضه فكريه عظيمه , والكثير من الامور المبهمه التى مازال الصوفيون والسلفيون ( المحدثون ) يتبادلان الشد والجذب بخصوصها الى الان ( ككتابات ابن عربى والحلاج ) , وان كنت ارجح ان يستمر هذا النزاع طويلا حيث ان هذا المختلَف عليه يمكن تفسيرة بعشرات الاوجه ,
بالاضافه الى نقاط اخرى سلبيه يرفضها الجميع حاليا ...

اى ان الصوفيه قديما كانت لها ايجابيات وسلبيات وانا شخصيا ارى ان ايجابياتها اكثر من سلبياتها , وانها صارت جزء لا يتجزأ من الفكر الاسلامى ومن الغباء المطلق محاوله اجتثاثها واستئصالها من هذا الفكر ...

وكما صار المنحنى لاسفل بعد الحروب الصليبيه فى كل النواحى , فقد انحنى ايضا التيار الصوفى بعد ذلك فانعدم الفكر والفلسفه والاضافه , وظهرت بالتدريج ثقافه النقل والشرح واغلاق العقل وابتداع الخرافات وانحصر الفكر الصوفى فى بعض الاشعار السقيمه والعشرات من الطرق التى لا تكاد تختلف من حيث الصراخ والتفقير والدروشه الفارغه والسلبيه المطلقه وتمجيد وتعظيم البلهاء والمجانين ( من منكم لا يعرف مقام لشخص ظن الناس فيه الولايه بينما هو فى حقيقه الامر مجرد مجنون ؟؟ ) فقط كان الحرص على الاختلاف فى الازياء الغريبه والاعلام والبيارق لكى تتميز كل طريقه عن اختها .

راجع كتابات الصوفيه ابتداء من القرن السابع عشر فصاعدا ...

الى ان وصلنا للزمن الحاضر فاصبحت الصورة كما يلى :
تيارات سقيمه لا تقدم مضمون فكرى جديد ولا تشارك باى شكل ايجابى فى المجتمع بل واصبحت اداة والعوبه فى ايدى الاجهزة الامنيه لاستغلال تلك الوليمه الضخمه من ملايين الاتباع معصوبى الاعين والعقول وتوجيهها حيثما يشاء النظام , نشاط اكتفى بطباعه الاوراد والاذكار والترحم بذكر الاقدمين والدعاء على الظلمه والمفسدين بالهلاك وممارسه ( الحضرة ) بشكل منتظم , فهى عماد اى طريقه صوفيه حاليا ..
اى ان التيار الصوفى حاليا اصبح عبارة عن كتله ضخمه من السلبيات والنقائص والصراع على المناصب والتقرب الى النظام ( الا من رحم ربك ) اى انه ليس له اى دور فعلى يذكر على الساحه الان وان وجد فهو دور تدميرى ( راجع نشاط الشيخ صالح ابو خليل فى محافظه الشرقيه ويمكنك الدخول على موقع الشيخ على النت )..


ثانيا التيار ( المعتدل ) :
وهذا التيار الذى اقصدة ليس له من اسمه اى نصيب , وانما اعنى به فئه من رجال الدين ضعاف النفوس الذين اتخذوا من دينهم سلم ومطيه للوصول لمعيشه رغدة وللتقرب لكرسى الحاكم , وهذة الفئه موجودة منذ عهد الامويون الا انها كانت تعلن عن نفسها على استحياء ولا تجد اى مساندة تذكر او احترام من المواطن العادى فسرعان ما تُلقى ذكراهم فى مزبله التاريخ ..

الا ان هذا التيار اخذ فى النمو والتسلط بعد تضاؤل ( الرجال ) الذين حموا العقيدة وقد تكلمت عنهم اول البوست , فهؤلاء هم من كانوا يقفون لمشايخ السلطان بالمرصاد ويلزموهم حدودهم التى لاتتجاوز ابواب القصر , وبالتالى كان طبيعيا بعد انتهاء تلك الطبقه ان تاخذ هذة الفئه الفاسدة فى النمو والانتشار والتوغل , بل والسيطرة على مختلف قطاعات الامه , الى ان ظهرت سيطرتها جليه وواضحه فى مصر فى الفترة التى سبقت الاحتلال الفرنسى , وظهرت ايضا فى اجلى صورة متمثله فى ( الشيخ الشرقاوى ) والذى دانت له الزعامه الدينيه فى مصر حيث كان يعد اكبر علماء مصر حينها وشيخ الازهر ايضا , والزعامه السياسه حيث كان احترام امراء المماليك له فائقا وكلمته لديهم نافذة لا ترد , وطبعا استغل كل ذلك فى تضخيم ثروته وتوسيع رقعه الاراضى الزراعيه الشاسعه التى امتلكها حتى انه كان لديه جنود وحرس وكثيرا ما كان يُحضر الفلاحين ومن يعمل عندة الى بيته ويجلدهم بالكرباج ويضعهم على الفلكه كى يستخلص منهم الاموال والضرائب المقررة عليهم , حتى قيل ان بيته اصبح كبيت صاحب الشرطه , تخشى الناس المرور من جوارة ( راجع ترجمه الجبرتى للشيخ الشرقاوى ) ..
وكان من الضرورى بالطبع ان يفقد تلك السلطه سريعا حيث انه تنازل عن مصداقيته وزعامته للناس وهما يشكلان المصدر الفعلى لقوة وتاثير اى داعيه ورجل دين , وزاد الطين بله مهادنته للفرنسيين خوفا من الموت وطمعا فى مزيد من المكاسب , حين نظر اليهم المواطن المصرى على انهم ( صليبين اعداء للدين ) ففقد بذلك البقيه الباقيه من الاحترام , ولما كانت الثورة قائمه لا محاله فلم ينتظر رجل الشارع من الشيخ الشرقاوى وامثاله ان يأتوا ويتقدموا الصفوف , بل سرعان ما افرز المجتمع المصرى قادة جدد من رجال الدين ( رجال الصف التانى ) والذين كانوا غير معروفين سابقا , حيث تقدموا الصفوف وتزعموا الثورة على ( اعداء الدين ) ولم يبالى الناس بعد ذلك بفتاوى الشيخ الشرقاوى وامثاله والتى تحرض على الاستسلام وترى ان المقاومه ( خروج عن الشرعيه ) ( والقاء بالنفس الى التهلكه ) وتطور الامر حين اتى الشيخ الشرقاوى للثوار كمندوب عن الفرنسيين كى يفاوض الثوار على الاستسلام ( حيث كان الفرنسيين عندهم اعتقاد انه مازال يمتلك نفس قدرة التاثير السابقه ) فتطور الموقف بالاهالى الى ان اتهموة بالكفر والزندقه وضربوة ضربا مبرحا حتى كادوا ان يقتلوة والقوا عمامته على الارض ( القاء العمامه كان يمثل منتهى الاهانه حينها ولاسيما لرجل الدين ) هذا الرجل الذى كان امراء البلد يقفون له اجلالا واحتراما فى يوم من الايام ..

فما الذى غير الحال بهذا الشكل البشع ؟؟

الاجابه بسيطه , وهى ان رجل الدين يستمد نفوذة من قدرته على التاثير على الشارع , ولهذا فمن الطبيعى ان يجله الحكام كى يامنوة ويضمنوا بسط سلطانهم على الرعيه من خلاله , ولما كان رجل الدين يعمل على استغلال هذا الوضع فى تنميه مصالحه الماديه الخاصه , فبالتالى بدأ فى فقدان نفوذة واحترامه تدريجيا لدى رجل الشارع , ففقد محل قوته وبالتالى فقد الدافع الذى احترمه الحكام من اجله واغدقوا عليه الاموال فاصبح من الطبيعى بل ومن المحتم نزع الدعم عنه والتخلص منه حيث اصبح عبئا على النظام نفسه ...

لماذا حرصت على ذكر قصه الشيخ الشرقاوى بينما زمننا الحاضر غنى بامثله من هذا النوع ؟؟؟

السبب هو ان قصه الشرقاوى تمت وكملت واصبحت جاهزة لاستخلاص العبرة بينما قصص عصرنا الحالى لم تنتهى بعد ( وان كانت قد شارفت على النهايه ) ..

وابتداء من عهد محمد على شهدت مصر فيضانا من مشايخ السلطان الذين لا هم لهم الا دعم ضغيان الحاكم ولى عنق الحقيقه ومازال هذا الطوفان مستمرا حتى يومنا هذا ( باستثناء قله قليله ممن خرقوا القاعدة ), ومن اجلى الصور والامثله فى عصرنا الحالى عن هذة النوعيه الفاسدة الشيخ سيد كفته شيخ البلاط الاشهر ...
وتلك الفئه جعلت الدين شىء مبتذل بلا طعم ولا لون ولا رائحه , فهم اشبه بالظل الذى تراة ولكن لا يمكنك الشعور به ابدا , اللهم الا بتاثيرهم السلبى الفظيع على الدين وعلى المجتمع ككل ....

ثالثا التيار السلفى ( المُحدَث ) :
فلنعد بالاصل لكلمه ( سلفى ) , من الواضح ان الكلمه تعنى الانتماء للسلف وتبنى افكارهم , ومن هم السلف هنا ؟؟
انهم صحابه رسول الله عليه افضل الصلاة والسلام والتابعين لهم وتابعى التابعين ...
ومن المسلم به ايضا ان سلوك هؤلاء القوم وتفكيرهم كان قمه فى الفهم والاستيعاب لروح هذا الدين والاسلوب الامثل لتطبيقه وعلى اكتاف هؤلاء نشأت الدوله والحضارة الاسلاميه فى ابهى صورها ...
والان فلنمعن النظر فى التيار السلفى المعاصر ( فى هذة الايام ) ولنقارن بينه وبين هؤلاء السلف ..
الاصل فى الاسلام انه شقين اولهما علاقه العبد بربه وثانيهما هو الشق العملى الفعلى الذى يبنى الدوله ويشكل الحضارة , وهذا الشق كثيرا ما اكد عليه رب العزة ورسوله فهو صلب الدين واصله حيث لا دين بلا مجتمع او دوله ...

الملاَحظ حاليا ان التيار السلفى ( فى مصر والخليج العربى ) يدعوا الى شىء واحد , الا وهو الشق الاول , فكثيرا ما نشاهد كبار الدعاة السلفيون فى الفضائيات يدعمون العلاقه بين العبد وربه ويصرفون النظر كليه عن الشق الثانى والاكبر والاهم الا وهو الامه نفسها ...

بالله عليكم ماذا تقولون عن عالِم يرى امه تباد باكملها وتعانى من الظلم والهوان والطغيان الداخلى والخارجى ما لم يُذكر له مثيل فى التاريخ , بينما يكتفى هو ( بمحاربه اهل البدع ) والتاكيد على اهميه اللحيه والجلباب وفضل قيام الليل ووجوب اكرام الجار والعطف على اليتيم والدخول فى جدل عقيم لا طائل من خلفه حول مشتبهات مُختلَف عليها من الف وربعمائه عام ؟؟؟
بصراحه
ان احسنّا الظن به فهو غبى او ساذج , وان اسئنا الظن فهو خائن او منافق او جبان او كلهم ....

- فماذا تقول فى رجل يلهيك عن اصلاح الكليات الفاسدة اصلا ويدعوك للاهتمام بشكليات وفرعيات لا يمكن اصلاحها فعليا طالما ان الكليات فاسدة ؟
- ماذا تقول عن رجل يمعن فى ذكر عقوبه كانز الذهب والفضه بينما كل المستمعين اليه لا يكادون يجدون قوت يومهم ؟؟
- ماذا تقول عن رجل ينيّم الناس ويُنسيهم ان هناك من سلبهم حقوقهم وسرقهم واذلهم بدعوى ان كل هذا حدث بارادة الله ولن يتغير الا بمشيئه الله ( لاحظ كلمه الحق التى يراد بها باطل ) ويدعوهم للصبر والسكون والخضوع انتظارا للجنه والنعيم فى الاخرة ( راجع شريط (اسباب الهم ) لمحمد حسين يعقوب ) ؟؟؟
- ماذا تقول فى رجل يزعم ان الخروج على الحاكم الظالم حرام ولا يرضى الله , والخضوع له طاعه لله ودرء للفتنه ؟؟؟؟
- ماذا تقول فى رجل يقول ان إمامه المدخن فى الصلاة واردة بينما إمامه حالق لحيته غير واردة حيث ان حالق اللحيه قائم على المعصيه بحلقه لحيته بينما المدخن غير قائم على المعصيه حيث انها وقتيه !!!!
- ماذا تقول فى رجل يعدة الكثيرون من اكابر العلماء , بل ويعتبرة البعض ( مجدد ) القرن , كان قد نشر من بضع سنوات كتابا يقول فيه ان الارض منبسطه والقول بكرويتها يخرج من الملّه !!!
- ماذا تقول فى قوم حرموا الترنج , والنظارات , والكراسى , والتهادى بالورود , بحكم انها بدعه لم يرد فيها نص وان هذا تشبه بالكفار !!!!

وحتى لا يكون هناك لبس فى كلامى , فانا اتحدث عن نوعان من السلفيه , يتواجدان تحديدا فى المملكه العربيه السعوديه ومصر على وجه الخصوص ..
اولهما واشدهما تطرفا النوع السعودى والذى يحلو للبعض تسميته ( بالتيار الوهابى ) مع انه يختلف كثيرا عن تيار محمد بن عبد الوهاب فى القرن الثامن والتاسع عشر , ولا داعى للدخول فى متاهات تاريخيه .
الا ان هذا التيار يعتمد على دعامتان اساسيتان , كلاهما مع الاسف له اكبر اثر مدمر على هذة الامه حاضرا ومستقبلا .
اولهما كونه لا يلتفت مطلقا للوضع السياسى للامه الاسلاميه , وان عالجه فانه يعالجه بشكل سطحى وسخيف ومنفصل كليه عن الواقع , بل انه فى مجمله يعظم من شخصيه الحاكم ويجعل الخروج عليه ضربا من ضروب الفسق والكفر , مما يجعل بعض الانظمه وخصوصا النظام السعودى يدعم هذا التيار بشدة .
ثانيهما هو المعالجه السطحيه للعقيدة مما يجعلها كيان مصمت صلب غير قابل للتطبيق اطلاقا على ارض الواقع , فكل شىء حرام ومكروة وكفر , مما يعطى التيار المضاد خدمه كبيرة بمساعدته على اثبات ان الاسلام دين متطرف ويحقر من العقل وغير قابل للتطبيق ويدعو للتخلف والتأخر ...
وهذا بالطبع غير احتقار الاخر لمجرد انه ذو فكر مختلف , والاقتناع بانه عدو ( رغم انفه ) يجب القضاء عليه , بل والانكى ان الامر اخذ بعدا عنصريا يظهر كاوضح ما يكون فى اسلوب معامله العماله الوافدة فى تلك الدول .
هذا غير انه يعمل على خلق عدائات وهميه غير منظورة لإلهاء المواطن فيها وشغله عن العدو الخارجى والداخلى الحقيقى , فنجد مسميات مثل :
الروافض والنواصب والمبتدعه والزنادقه ( والمتفشلخه ) ....
فهذا التيار يعطى اسوأ صورة ممكنه عن الاسلام ويخدم اعداء هذة الامه خدمات جليله , كما يعمل على تدمير المجتمع بشكل بطىء واخراج جيل من البشر مستنسخ كله من بعضه وقد استبدل عقله ( بفردة حذاء )...

اما الاتجاة الثانى فهو اكثر اعتدالا من الاول ونشأ فى مصر على وجه التحديد , الا انه سرعان ما فر منها , كنتيجه للسياسات ( الحكيمه ) للنظام المصرى , فبدلا من تبنيهم واعتبارهم وسائل للدعايه والبسط الثقل اقليميا , تم ( تطفيشهم ) للخارج ببراعه منقطعه النظير , وبالطبع تلاقهم التيار ( الوهابى السابق ذكرة ) بالاحضان وبسط عبائته عليهم وافرد لهم فضائياته وقنواته , وبالطبع كان ولابد من تطبعهم ولو على الاقل ببعض من افكار هذا التيار , فاصبح اولئك القوم بعد ان كانوا يشكلون جناحا ايجابيا فى مصر ( ولو بشكل نسبى بسيط ) , فقد صاروا الان نسخه ممن احتضنهم , اينعم مازال هناك لديهم بعض اليسر ( النسبى ) فى امور العقيدة مقارنه بمشايخ هذة البلاد , الا انهم تطبعوا بسلبيتهم بشكل كلى مع الاسف , فهل يقدر الشيخ فلان مثلا على انتقاد الاسرة الحاكمه فى السعوديه على الرغم من مصائبها التى لا تعد ولا تحصى ؟؟؟

فهل مهمه الامام والداعيه ان يجلس تحت التكييف وامام الكاميرات يدعو المسلمين لاخراج الزكاة وبر الوالدين بينما يباد شعب مسلم باكمله فى مذبحه مروعه يشارك فيها بشكل خفى حاكم الدوله الموجود هو بها , بينما يكتفى هو ب ( الاكلشيه ) المعتاد بالدعاء على الظلمه واليهود ان يخسف الله بهم الارض ؟؟؟؟!!!!!!

فلبئس الامامه ولبئس الدعوة , فمن يدعوا للباطل معروف وصريح ومباشر , اما المشكله ففى من يلوى عنق الحقيقه ولا يكذبها , بل يحورها عن هدفها الطبيعى فيخدم الباطل بكلمه الحق , ويضع الشىء فى غير موضعه , ويخلط للمسلمين اولوياتهم بحيث يصور الشىء المهم على انه غير وارد بينما يضخم امامهم الشىء الاقل اهميه ,
فهذا هو الخطر كله ..

الموضوع يكمن فى نظام فاقد للاهليه يحاول تبنى مذهب فكرى معين ونشرة بحيث يظهر هو كمتبنى فعلى لهذا الفكر ويدفعه للامام ( باموال النفط ) لاختراق البناء الفكرى للشعوب المجاورة بحيث انه عندما يتمكن من عقولهم ويستقر فيها فلن يكون وحدة بالطبع , بل معه جناب فخامه ( خادم الحرمين ) بصفته حامى حمى الاسلام ( الحق ) والزعيم الاسلامى الاوحد , وكل من يعاديه فهو بالضرورة ( عدو المله والدين ) وشيعى وخارج ورافض وناصب ورافع وزنديق وهرطيق و.................باقى الصيغ المتداوله بخصوص هذا الشأن .

ولم لا اليس هو حامل ( توكيل ) الاسلام على الارض ؟؟ اذن فكل من اختلف معه كافر ومرتد ....

اذن فليحيا حامى حمى الاسلام وخادم الاراضى المقدسه هو وعائلته ( التى فوق مستوى الشبهات ) طالما انه يكسى اعمدة الحرم بالذهب ويرصفه بالرخام ويغسل الكعبه الشريفه بيدة كل عام , ولا يهم بعد ذلك ان كان يدعم الصهاينه او يعادى من يقاومهم !!!!

بالله عليك ادخل على اى موقع سعودى ( غير محجوب ) وانظر لكميه التفاهه والخرافات والترهات التى يغرقون بها الزوار , بدايه من الفتاوى ( المهلبيه ) اياها , مرورا باكاذيب الفتاة التى مسخها الله والشاب الذى فتحوا عليه قبرة والجنى داخل الكهف , وغيرها من الاكاذيب التى برع فيها اطفال ومراهقون ( مصابين بعته مغولى ) حيث تصوروا انهم يخدمون الاسلام بترويجهم لهذة الاكاذيب , انتهاء ( بطوفان ) السب والتكفير فى الشيعه والمتصوفه وكليبات الخطيب الشيعى الذى سقطت عليه المروحه والاخر الذى ابتلعته الارض ..
بينما لا تجد شيئا يكاد يذكر عن اى مخططات فعليه لاصلاح المجتمع ( المنهار اصلا ) او لرفع مستوى الثقافه او حتى لفت النظر للعدو الحقيقى لهذة الامه ...
ملحوظه : وجدت كليب اسماة صاحبه بالكليب الذى افزع اليهود , وعندما فتحته وجدت عددا من الجنود يرقصون ( بشكل غير سوى ) بينما يمسكون بالبنادق فى ايديهم , وتحته كميه من التعليقات تنم عن الاعجاب والتقدير ( الهائل ) للجيش السعودى الباسل , الذى سوف يرقص العام القادم بأذن الله فوق ( جثث اليهود ) !!!!!

ولا يوجد مجال للزيادة هنا فهذة النقطه لا تتسع لها كتب كامله ...

ومع الاسف فهذا الفكر نجح بشكل ملحوظ فى التوغل فى العقليه المصريه , نظرا لحاله ( الاستسهال ) والفراغ الناجمه عن سعى النظام المصرى الحثيث لافراغ المجتمع بشكل كامل من اى كوادر دينيه او ثقافيه او سياسيه ( حقيقيه ) مما جعل المصرى فريسه لاى فكر خارجى ايا كان , لاسيما ان كان شكليا وسهلا ....

ثم هناك نقطه اخرى , بالله عليكم , متى اصبح الدين ( سبوبه ) ومصدر للتكسب و( اكل العيش ) ؟؟؟؟
نعم كان هناك قديما وظائف مثل القاضى والان مثل المفتى , يتم اخذ مرتب شهرى عليها , الا انها تعد وظيفه لا غنى عنها للدوله , انا اتكلم عن الدعوة بحد ذاتها ...
مثلا ,
الشيخ محمد حسان , حسبما اعلم انه تربى فى قريه مصريه , اى ان اهله كانوا بسطاء , لم يكونوا من البشوات او الاقطاعيين او اصحاب المصانع , والان , هل حاله نفس الحال ؟ ام يمتلك على الاقل مسكن فاخر وسيارة فاخرة ؟؟
من اين اتى بهم ؟؟؟
من التجارة ؟؟
ام من حرفه احترفها ؟؟؟
كلا بل من التكسب بالدعوة , فبالله عليكم متى اصبحت الدعوة مصدر للرزق ؟ انا لا اقول ان ماله حرام , ولكن ان كان التكسب بالدعوة امر مباح لكان صحابه رسول الله اولى الناس به , فهم الاكثر علما بالدين , ولكانوا يمتلكون القصور والضياع , فهل كانوا كذلك ؟؟؟
كلا , بل ان منهم من احترف التجارة والصناعه والنجارة , ولم نسمع عن واحد منهم صعد المنبر ليخطب او جلس ليعطى درسا للعلم مقابل اجر مادى ....

لا اريد من يقول لى اّتترك تجار المخدرات والدعارة وتاتى لتتهم المشايخ , كلا سيدى , انا لا اتهم احدا , اما تجار المخدرات وامثالهم فمعروف امرهم ولا يحتاج للنقاش , اما الدين فليس مصدر للرزق , والا فما الفارق بينك وبين المقرىء الذى يحاسب الناس على القرأن ( بالربع ) , اذهب فاحترف حرفه او صنعه تتكسب منها , ولتكن دعوتك لوجه الله , وان كان ولابد من الاجر فلتنفقه كله فى سبيل الله , اما الدين فهو ليس مصدرا للكسب ...
الدين مهوش سبوبه ........


التيار الرابع والاخير :
- وهو التيار الذى تبنى فكرة التغيير وهو ما يحاربه الغرب والانظمه العربيه بشراسه وضراوة منذ نشأته , ويتمثل فى جماعه الاخوان المسلمين فى بداياتها على عهد حسن البنا ( بغض النظر عن مخالفات بعض اتباعه ) وان كانت الجماعه قد انحرفت نسبيا عن ثوابتها القديمه هذة الايام , او تحديدا منذ عهد السادات ...
- وايضا كل حركات التحرر الاسلاميه فى العالم من البوسنه الى كوسوفو الى الشيشان وكشمير وافغانستان وغيرهم .

وهم وان كان عندهم بعض الاخطاء , فان هذا مرجعه للجهل وبعدهم عن العالم الاسلامى وتجاهله القديم لهم , وليس بالطبع مرجعه سوء نيه مسبقه منهم ....

فهؤلاء هم اولى المسلمين بالاسلام فهم وان حادوا احيانا فى بعض النقاط , الا انهم التزموا بلب الاسلام والشق الاكبر والاهم منه , وعليه فهم اصح التيارات كلها ( حسب وجهه نظرى الشخصيه ) ...

ملحوظه : انا لست اخوانيا ولا انتمى لاى جماعه دينيه او تيار سياسى .....
____________

قد يسر بعض الاخوة ( اللبراليين ) نظرا لانتقادى للتيار السلفى , وانا اعلم ان هذا البوست سوف يغضب الكثيرين منى , الا انى ارفض ان اغادر قبل ان اُغضب الجميع فاقول :
اخطأ من ظن انى ضد دخول الدين فى السياسه , فانا بشكل كلى اقول ان الدين فى كل شىء سواء سياسه او اقتصاد او فن ..

الدين اتى ليقيم مجتمعا نموذجيا , لا ليكمن فى اروقه المساجد وبين ثنايا الكتب , واقول انه لن تقوم لهذة الامه قائمه بدون ان يسود الاسلام فيها على كافه مناحى الحياة , ولكن اى اسلام اقصد ؟؟؟؟

- الاسلام الذى اتكلم عنه دين لا يفرق بين مسلم ومسيحى او حتى بهائى او بوذى , فلكل انسان مطلق الحريه فى تبنى العقيدة التى يريدها , بشكل يضمن له ممارسه شعائرة بحريه ( مالم تتعدى حريه الاخر ) وايضا يضمن كفاله حقه فى ممارسه حياته بشكل عادى كمواطن من الدرجه ( الاولى ) وليس كمواطن من الدرجه الثانيه , بل يضمن له معامله سويه كاى شخص اخر على جميع المستويات سواء اجتماعيا او سياسيا او مهنيا , ويكفل له ممارسه حقوقه السياسيه بشكل كامل ...

- الاسلام الذى اتكلم عنه يصلح حال الامه ويقيم ميزان العداله الاجتماعيه ويجعل افراد المجتمع بناء واحد لا تجد فيه من يموت جوعا او يتسول فى الطرقات , نظام يفرض قبضه حديديه على جشع التجار والمنتجين ويضمن حقوق العمال والصغار امام الاقوياء ( انا هنا لا اتحدث عن نظام اشتراكى ولا شيوعى ولا بلا ازرق ) بل اتكلم عن نظام اسلامى صرف يتميز بمرونه كبيرة تلائم كافه العصور ويفى بجميع ما يُطلَب منه ...

- نظام الاولويه فيه للعقل , ولا سلطان فيه لرجل الدين , فالله لم يعطى توكيلا لاحد كى يكفر خلقه ويزدريهم ويهينهم , فالسلطه للامه ككل , ولا عصمه لاحد الا لكلام الله عز وجل ( مالم يساء تفسيرة ) ولحديث رسوله الكريم ( اذا ما ثبت بالفعل صحه نسبه اليه ) اما كل من هو دون ذلك فليس فوق النقد , كما قيل : كل يُؤخَذ منه ويُرَد عليه الا صاحب هذا المقام ...

- نظام يؤمن بالعلم والاجتهاد ويشجع روح العمل والابداع ويهتم بالجوهر اكثر من الاهتمام بالمظهر , نظام الكل فيه راع والكل مسئول عن رعيته ولا احتكار سلطه لاسرة او عائله , ولا ظلم ولا قتل ولا تشريد ولا نفى , فالفكر يقابل بالفكر والحجه تقرع بالمنطق والحجه , لا بالسيف والكرباج , نظام يعلى من شأن المنطق ويعرف شيئا اسمه ( اولويات ) ....

- نظام ينتمى اليه الجميع حتى وان خالفوة وعارضوة , فلا يشعر احد بالغربه فيه , اسلاما يبنى فكرا وعقيدة , وفكرا وعقيدة يبنيان انسانا نموذجيا , وانسان نموذجى يبنى مجتمعا صالحا , ومجتمع يصنع امه وامه تصنع عالما يحقق كلمه الله ويصدق به وعدة ( راجع بوست فلحسه فلسفيه ) ...

- نظاما لا فضل فيه لعنصر على اخر ولا لمسلم على غير مسلم , فالكل سواسيه امام العداله وامام الحق وامام المجتمع .....

- اسلامى دين يُقام به الحق ويَزهق الباطل , الحق بمعناة المطلق والباطل بمعناة المطلق , لا كما يحلوا للبعض تفسيرهما حسب رؤى شخصيه نابعه من فكر عقيم او مصلحه ماديه او حتى معنويه ...

هذا هو اسلامى , فبالله عليكم , اى النظم السابقه تشمل هذة الشروط ؟؟؟؟؟

قد يسخر البعض ويزعم ان ما اتحدث عنه مجرد وهْم وشىء من المستحيل تطبيقه على ارض الواقع ,
الا انى اقول لكم ,
وعزة الله وجلاله , انه لآت ,
وانى على يقين من ذلك كما اننى على يقين من انى سأموت يوما ...

الأحد، 10 مايو، 2009

( خصخصنى ) فى التيلمانى

























بصراحه انا بقالى فترة متردد ما بين 3 بوستات واجعين دماغى وعايز اكتبهم من ضمنهم بوست بفكر فيه بقالى اكتر من شهر بس كل شويه أأجلهم ....
لانى نفسى اديهم حقهم صح ( من الرغى يعنى )
وفى وسط صداع الافكار دة اتصدمت بخبر غريب جداااااااا ....
تصدقوا ان لسه فيه الى الان ناس في مصر فرحانه ( بالخصخصه ) وشايفه انها مشروع ناجح ونفع البلد !!!!!!!
ايوة ناس عاديين زينا كدة ومش من الحكومه ولا حاجه , يعنى مش اصحاب مصالح .
بصراحه انا بحاول اجيبها يمين شمال مش راكبه خااااااااالص..

طيب ناخد فلاش باك لورا نشوف اصل الحكايه ايه
من كام سنه جه حبيب القلب قال ياجماعه فيه شركات قطاع عام بتخسر جامد ومشكله وعامله عبء على الدوله وان الحل الامثل اننا نبيعها للقطاع الخاص علشان يجدد حيويتها وبكدة القطاع الخاص بتستفيد والمواطن بيستفيد مشاريع ناجحه بتتعمل فى بلدة والحكومه بتقبض فلوس تزود الميزانيه ( المخرومه ) ...

طيب لغايه كدة كويس قوى ..

اياميها الناس انقسمت بين مؤيد ومعارض , افتكر اياميها ابويا فرح وشجع الموضوع بينما العبد لله قال انه شامم ريحه مش ولا بد ( شفتوا , من ايام ابتدائى ونا بشم الريحه الوحشه ) ....

طب نرجع لورا اكتر علشان نعرف ايه سبب المشكله.
ايام عبناصر لما عمل النظام الاشتراكى الفحلقى المصرى كانت الدوله مسيطرة تماما على الاقتصاد وكل المؤسسات , ودة وان كان اضر كثيرا باصحاب رؤس الاموال الا انه نفع العمال والموظفين جداااااا ...

طيب مثلا لما نقول شركه بتبيع اداوت منزليه والشركه دى ملك الحكومه , دة معناة ايه ؟؟؟
معناة ان اللى شغالين فيها موظفين
يعنى التعيين مش على اساس الكفاءة
يعنى الموظف عارف انه كدة كدة هيقبض اول الشهر سواء اشتغل ولا مشتغلش
يعنى الموظف مش خايف من فقدان الوظيفه ( نسبيا )
يعنى روح التنافس والابداع تقريبا قليله , مش هقول منعدمه لان اياميها كان فيه ضمير برضه ..

طب ازاى الشغل يمشى صح بالرغم من كل العيوب دى ؟؟؟
عن طريق الادارة
طول ما فيه ادارة فاهمه شغلها وعندها ضمير , وحازمه , كل العيوب دى هتنقلب مميزات وحوافز تحفز العمال والموظفين على انهم يشتغلوا احسن ...
مين فينا معندوش فى بيته الى الان تلاجه ولا مروحه ولا سخان ولا حتى تلفزيون من انتاج مصانع زمان ولا ماركه تليمصر ولا الحاجات القديمه دى ؟؟؟؟
يعنى الادارة الحاسمه والواعيه هى صمام الامان لنظام زى دة , وبتحلل الادارة دى النظام دة هينهار بالكاااامل ..

جه اونكل سادات وقلب النظام الاقتصادى ميه وتمانين درجه من الاشتراكيه للرقص ماليه , ودة فى حد ذاته غلط
يعنى كونك تغير البوصله الاقتصاديه لبلدك مرة واحدة فدة بيبوظ الدنيا ايا كان اتجاهك ...
فاللى حصل اشبه ببسترة اقتصاديه , بس دى مش بتعقم زى بسترة اللبن , لا دى بتدمر وتهد .
وبعد اكتوبر 73 وكامب نيله اتفرغ السادات للمصريين الاوغاد علشان يربيهم من اول وجديد , وبدات تظهر فى مصر الحيتان الكبيرة والقطط السمان وانقلبت البلد لعزبه تملكها عيله ( كبير الكفر ) وزوجته ( السيدة الاولى ) وعرفنا حاجات زى ان ابن خاله جوز مرات عم الريس يسرق وينهب بدعم من صلته بالريس , واخوة مش عارف يعمل ايه مين فين , يعنى الفساد ظهر فى البلد , كان قبل كدة واخد طابع استبدادى قمعى عسكرى , فساد سياسى يعنى , انما دة كان مستشرى فى القطاعات الاقتصاديه بشكل اوضح ....
وبدأت نظريه ان اهل الثقه اولى من اهل الكفاءة تثبت نفسها على ارض الواقع بشكل اكبر من زمان , فاصبح عادى ان واحد يمسك منصب كبير لمجرد انه موثوق فيه او انه قريب الريس , مع انه معدوم الكفاءة ...

طب دة علاقته ايه بموضوعنا؟؟؟
علاقته ان بالشكل دة صمام الامان اللى اتكلمت عليه انضرب فى مقتل , فابتدت العيوب اللى قلت عليها تظهر بوضوح اكتر , فبالتالى ابتدا كيرف الانتاج فى المؤسسات الحكوميه ينزل لتحت سنه بسيطه , لان برضه الموضوع دة كان محدود نسبيا ....

راح السادات فى ستين داهيه وجه عووووووكل , الراجل فى اول ايامه مكانش مصدق نفسه وبيبوس ايدة شعر ودقن على الامله اللى بقى فيها , ويبدو كدة والله اعلم انه كان ناوى يصلح , وابتدت تظهر شويه ايجابيات بسيطه وسمعنا عن ناس محترمه فى مناصب كبيرة زى احمد رشدى وحسب الله الكفراوى وغيرهم ....
لكن حصل موقف قلب دماغ الراجل ميه وتمانين درجه ( دا حسب تفسيرى والله اعلم ) الموقف دة هو حادثه تمرد الامن المركزى , ودة وصل لعوكل رساله واضحه من حيتان البلد بيقولوله فيها :
فوق لنفسك , احنا اللى ماسكين البلد مش انت ونقدر نطربقها على دماغ الكل فى ثانيه ...
ابتدينا نلاحظ انتكاسه فى اواخر التمانينيات ادت الى سيطرة مطلقه من الجهاز الامنى على كل كبيرة وصغيرة فى البلد , فبقينا نسمع عن شخص فااااشل ومعتوة يمسك مصنع او شركه ضخمه لمجرد ان تقرير من قمل الدوله شكر فيه , بينما الشخص الكفء يستبعد لانه ( مشكوك فى ولائه )..

كدة بقى الصمام اتشال واتهربد وانحرق بجاز , وبدأ القطاع العام ينهار بشكل فظيع وغير عادى ...
جه الباشمهندس بعد كدة وفقع البقين دول ( اللى قولتهم فى الاول ) , الناس قالت كويس ( ناس طيبين والله ) ...
وابتدا مولد بيع الشركات بتاع القطاع العام وسط خليط من تصريحات من نوعيه ( لا مساس) بالشركات الكبرىىى لان دى امن قومى وبتتحكم فى مقدرات البلد ...

طيب , عظييييييييييم , حاجه حلوة خااالص , ايه بقى اللى حصل بعد كدة ....

فوجئنا بسيل من المستثمرين ( او اللصوص ) الاجانب هجموا على كل حاجه يشتروها بسُعار غريب
اولا الشركات والمؤسسات اتباعت باقل من سعرها بكتييييير جدا ( راجع فضيحه صفقه بيع عمر افندى ) وطبعا الفرق دة على خساب صاخب المخل ( اللى هوة المواطن ) اما البيه البياع ( الحكومه ) والبيه النصاب ( المستثمر ) فشيلنى واشيلك ويابخت من نفع واستنفع .....
كدا عندنا بومبتين الاولى هى غزو اجنبى بيسيطر على البلد تدريجيا ( يعنى رجعنا تااانى لايام الخديوى والامتيازات )
التانيه ان الشركات اتباعت فى صفقات اقل ما يقال عنها انها صفقات خسراااااانه بالثلث والنسخ والرقعه كمان , اتباعت بتراب تراب الفلوس ....

بدأ المستثمرين فى طرد العماله القديمه بدعوى اقتصاد النفقات , يعنى دخلنا فى خراب البيوت وزيادة نسبه البطاله , دا غير الحقد والكرة للبلد اللى هيتولد فى نفوس قطاع كبير جدا من العمال والموظفين ( اظن واضح )....

فوجئنا بان تصريح ( لا مساس ) مدهون بزبدة , وابتدينا نلاقى شركات ضخمه تشكل صلب الامن القومى المصرى بتنباع برضه ( راجع شركات الاسمنت وغيرها ) ...
يعنى البلد اتسلمت تشطيب سوبر وعالمفتاح للمستثمر الحرامى وكمان قالوله ادى رقبه مصر اهى اطبق فى زمارتها براحتك .....

طيب قطاع زى الكهربا , مش اتخصخص باين ؟؟؟؟
يعنى بقى قطاع خاص
طب دلوقتى فيه جهاز امنى اسمه شرطه الكهرباااااء , دة كان تابع للهيئه لما كانت حكوميه , طب الوضع دلوقتى ايه ؟؟؟؟
اصبح عندنا قوات نظاميه من الداخليه بتخدم رسميا وبتتبع قطاع خاص مملوك لفرد او هيئه غير حكوميه , ودى مصيبه ..

وفى الطريق كمان سكك حديد مصر , وبدأ بالفعل نظام مستتر للخصخصه التدريجيه فيها من خلال الكافيتريات كبدايه , وبدانا نسمع دلوقتى عن خصخصه القطار الفاخر , والبقيه تاتى ...

طب فاضل ايه تانى , اظن ما فيش حاجه بعد كدة ( لسه باقى المؤسسات ونختم بقى ببيع الهرم وابو الهول بدعوى ان المستثمر هيعرف يرممه كويس ) , دا كمان بدات خطه تخريب متعمد لاضخم مؤسسات الدوله لاستخدام ذلك فيما بعد كحجه لخصخصتها ( راجع فضايح شركه غزل المحله ومجلس المنصر .. اقصد مجلس الادارة , اللى له حد شغال فيها يسأله )....

- طب انت كدة بعت حاجات مينفعش اساسا انها تتباع , يعنى ممكن البيه ييجى بكرا يقولك كيلووات الكهربا بعشرة جنيه لو مش عاجبك هقطع النور عنك واخبط دماغك فى الحيط ....
- من بكرا شيكارة الاسمنت بالف جنيه واللى مش عاجبه ميشتريش , وقف الانتاج يااااض وعطل المكن , من النهاردة مافيش بنا , مزاج اهلى كدا ...
- وتذكرة القطر بميه جنيه ولو مش عاجبك اركب مواصلات , وشوفوا بقى كام مليون لما يهجموا على مواصلات الاجرة وهل قطاع النقل الخربان اساسا فى بلدنا هيستوعبهم ولا لأ , ولا بقى كل واحد يشتريله حمار ولا جحش ولا ناقه يركبها على اول الزراعى ويشلخخخخخخخخخخخخ .
- ايه دة ؟ الاف العمال دول بيعملوا ايه فى شركه غزل المحله ؟, احنا ناقصين قرف , برررررررررة خرسيس ادب سيس , ويبقى عندنا شبه محافظه كامله من العواطليه , دا غير ان سيادك لازم تلاحظ ان الجيش والداخليه بيعتمدوا كليا على شركه المحله فى انتاج مستلزمات المهمات , يعنى من بكرة هنشوف الدُفعه ماشى بلبوص .....

نيجى بقى لحصيله البيع , فين الفلوس ياحلوييييييييييين ؟؟؟؟
- منييييييييييييييييييييييييييييييييييييييين
- والله ما فيه ولا نكله , اصلكوا مساعير احنا هنلاحق على ايه ولا ايه كتكم مصيبه شعب مفجوع !!!!!
ونبدأ نسمع وصلات من المهازل , يقوم زفت الطين فى مجلس الشعب ويقول احنا بعنا شركات بسبعتاشر مليار , فيقوم وحل البرك التانى يقول انا موصلنيش الا عشرة بس !!!!
يالهوى
يالهوىىىىىىىىىى
يالهوىىىىىىىىىىىىىىى
امال باقى المليارات دى راحت فين الهى يخرب بيوتكوا ؟؟؟
وقعت فى السكه ؟؟
ولا سرقتها الحدايه ؟؟؟
يعنى بعتوا البلد بملاليم وحشيتوا جيوبكم وحتى اللى بعتوا بيه مستخسرين تسيبوة وراسكم والف سيف لتسرقوة برضه !!!!
ويجى واحد فى الموازنه يحطلك فى بند السهو والخطأ عشرة مليار !!!!
هههههههههههههه
سهو وخطأ عشرة مليار ؟؟؟
ياحلوللى , ياحلوللى
انا الارقام دى مش متاكد منها بس هيا عموما بالمليارات , مهندس مصرى عندة الارقام الصح .....
وبعدين يجوا يقولوا خير اللهم اجعله خير البلد فى ازمه ومافيش كاشات واحسبها صح تعيشها صح !!!

نيجى بقى لاخر الكلام
ومن كل اللى قلناة فوق دة
الخصخصه نفعت البلد دى ولا لأ ؟؟؟؟؟
اعتقد ان الاجابه مش محتاجه كلام
لولا انى معنديش ارقام مظبوطه او بيانات صح كنت ذكرت امثله اكتر من كدة بكتير , ياريت اللى عندة حاجه او احصائيه يقولها ..
وماحدش يجى يقولى لا ياعم دا الشركات نضفت وعندك عمر افندى بعد ما كان عامل زى القبر اتنضف واتمنجه واتردت فيه الروح ...
طب وبعدين
نضف واندهن وبقى بيلم زباين
يافرحتى
تقدر تقولى احنا مستفيدين ايه من كدا ؟؟؟
طالما العامل اللى شغال جوة بيقبض ملاليم ومحروم من ادنى حقوقه , والمستثمر حرامى وشيخ منصر وغالبا اجنبى , كما ان المحل مش بيبيع الحاجه بالتقسيط يعنى ولا بينزل البضاعه على بطاقه التموين , يعنى الناس الغلابه بالعكس , يمكن لو كانوا بيروحوا يشتروا منه زمان , فهما دلوقتى لن يجرؤوا على دخوله ...
مصر مليانه ملاعب جولف وحمامات سباحه ومولات ( بالمليارات ) وقرى سياحيه تشرخ القلب الحزين ...
وبعدين
هل تعتقدوا ان دة افاد البلد فى حاجه ؟؟؟؟

- ياسادة احنا عايزين شركات ملابس عالميه تغطى الاحتياجات المحليه وتصدر للخارج وتجيب عمله صعبه وتشغل الناس الغلابه وتحسسهم بالامان والاستقرار...
- عايزين هيئه كهربا حكوميه محترمه يكون هدفها الاول خدمه المواطن ومد شبكه الكهربا لكل مكان وتجديدها مش شويه حراميه كل همهم انهم يبتكروا اساليب شيطانيه جهنميه ( لتقليب ) جيوب الناس ...
- عايزين هيئه اتصالات على مستوى عالى وخدمات نضيفه مش ناس كل همها تنزل كل شهر بنود اضافيه على الفاتورة ....

اة الناس كانت مش بتشتغل فى القطاع العام والشركات كانت بتخسر , بس مش معنى كدة انى ابيعها , طب صلحها يا اخى , جرب تصلحها الاول ..
تخيل مثلا بنطلونك اتقطع فوديته لواحد ترزى يخيطه قام مولع فيه !!!!!

تخيل نفسك عندك عربيه قديمه ومهكعه بس ناشفه واصيله بتروح بيها كل يوم لشغلك البعييييييد جدا ,
وانت مش مراعى عربيتك دى ومهملها مما ادى لظهور اعطال متكررة فيها ( بس اعطال ممكن علاجها ) ..
واحد ميكانيكى جه فى يوم وقام ضاربلك فرد الكاوتش من غير ماتاخد بالك وجرى قعد فى دكانه ,
سيداتك بتدور على ميكانيكى ولا ورشه لاقيت البيه فى وشك
اى خدمه يابيه ؟
- ممكن تصلح فرد الكاوتش دى
عونيا استنانى ثوانى
ياباشا الفِرَد دى خسارة فيها التصليح
- دى قديمه وماركه محترمه واصيله
ياباشا اسمع كلامى وبيعها وانا عندى الزبون
- امرى لله
ياباشا الفرد جابت ربع جنيه !!!
- ايه ؟ ربع جنيه بس ؟
يعنى هو انا هسرقك الفرد دى ملهاش زبون وانا اتحايلت على الراجل لحد لما وافق يشتريها
- طب هات الربع جنيه
لاااااااااااا ما انت هتدينى الفرد الاول وبعدين اروح اجيبلك الفلوس من الراجل ..
- طب امرى لله ..
جه تانى يوم قام مدغدغلك العربيه كلها
رحتله تاااانى , والنبى تصلحلى العربيه دى
ياباشا دى متنفعش بنكله بيعها احسن
- طب واورح الشغل ازاى
اركب مواصلات , مانت هتاخدلك قرشين حلوين برضه ..
وبعت العربيه بتراب الفلوس وجيت تركب المواصله الوحيدة اللى توديك شغلك ففوجئت بالراجل اللى اشترى العربيه بتراب الفلوس مصلحها وشاددها شدة عسل ومشغلها اجرة ومستغل ان مفيش حد غيرة على الخط دة ورافع الاجرة عشر اضعاف واللى مش عاجبه ميركبش !!!
- ازاااااااى دة , دا غلط ومينفعش ( دا انت )
المستثمر ( او المالك الجديد ): انت يااااااض , شكلك مش عاجبنى , يلا غور فى داهيه مانتاش راكب !!!

طب لو حضرتك من الاول شغلت مخك وعرفت ان الميكانيكى دة ضلالى ونصاب ولو كنت اخدت العربيه دى سقطت لها موتور جديد وشديتها صح وظبطتها , اينعم كانت هتتعبك شويه , بس مش كان زمانك دلوقت راكب عربيه اصيله وفى نفس الوقت جامدة وسريعه وزى الفل , والاهم مكنتش هتُذَل وتنهان للاشكال الوسخه اللى زى ( المالك الجديد ) دة ؟؟؟؟؟؟؟؟؟؟؟؟؟؟

صح ولا انا غلطان ؟؟؟؟

النظام الاشتراكى اينعم له مساوئه
الا انه ممكن ببعض الاساليب اننا نعمل منه نظام ناجح وان كان دة صعب بعض الشىء فى الوقت الحالى ..
الا انه لا شك ان النظام الرقص مالى مساوئه اكتر بكتييير جدا من النظام الاشتراكى , خصوصا الرقص ماليه الجديدة فى ثوبها الجديد ( الاستوميك الامريكانى ).....

- وبعدين ليه التطرف يعنى ؟؟ يااما نلغى القطاع الخاص وندبح الناس اللى معاها فلوس , يا اما نبيع البلد بالقطاعى ونفتحها على البحرى وتبقى كلمه صاحب المال اقوى من كلمه الدوله ؟؟؟؟!!!!!

- اما الست تتحبس فى بيتها لغايه لما تموت واما تروح تشتغل فى بيت دعارة ؟؟؟

يعنى مافيش خيارات فى النص؟؟؟
اكيد فيه
ليه مناخدش مميزات كل نظام ونعمل منها نظام جديد؟؟؟
هو كارل ماركس ولا انجلز اشطر مننا فى ايه ؟؟
ولا معندناش اختراع كدة اسمه الاقتصاد الاسلامى ؟؟
ولا احنا معندناش مخ نعمل نظام يتلائم معانا ؟؟؟
لا عندنا مخ
والله عندنا مخ

بس ازاى
نزعل ماما امريكا مننا
واونكل بنك دولى يغضب علينا
ياااااااااااااااااااااااااااااااى

ميصحش طبعا
وحنا قد زعلهم برضه ؟؟!!
تقولوا ايه بس ؟؟
ما هو اصل فعلا , ديل الكلب عمرة ما يتعدل ........

النهار طلع ومش هعرف انام
منها لله اللى كانت السبب
يلا مش مهم
اخد معايا مخدة واروح اكمل نوم على المكتب
ماهو اصله قطاع عام بقى
هع هع هع

خخخخخخ فسسسسسسسس هخخخخخخخخخخ فسسسسسسسسسس هخخخخخخخخخخخخخخخخخخخخخخخخخخخخخخخ
تحديث :
استكمالا لموضوع البوست , ياريت تقروا تعليق مهندس مصرى على الموضوع

الخميس، 7 مايو، 2009

ياعينى على الصياعه



مين اللى بيفرقع بمب ؟؟؟!!!!

ايوة بجد مين اللى بيفرقع بمب دة ؟

كفايه كدة , اعتقد ان الموضوع بوخ قوى وريحته طلعت خااااااالث ....

قال ايه خير اللهم اجعله خير ناس ولاد حلال مطلعين اوشاعه ان مصر بتعمل نووى , او بمعنى ادق مسربين معلومات عن موقف سخيف وعبيط حصل من سنتين ومش كدة وبس , لأ دول كمان محورينه ومضخمينه بشكل لافت للنظر ....

طب واحدة واحدة كدة وبالعقل والمنطق
مين له مصلحه فى فقع ال*** دة ؟؟؟؟؟؟؟
اسرائيل ؟؟؟
اكيد لا , لانها مصلحتها مع النظام المصرى وهما حاليا زى الاسهال على الخرة والصهاينه نفسهم ماكانوش يحلموا ان العلاقه بينهم وبين النظام بتاعنا تتطور من بوس واحضان الى علاقه كامله , لا واوضاع بتتصور بالصوت والصورة كمان ..

نقول امريكا ؟؟؟؟
اكيد لا لان اوباما معتقدش انه بيفكر يتدخل عسكريا تانى فى اى دوله على الاقل حاليا , الراجل كل همه يخرج من الوكسه اللى الولد الخنزئور بوش وقع امريكا فيها هو وحبايبه اليهود اصحاب البنوك ....
وحتى لو فرضنا ان امريكا حبت تتدخل عسكريا فى مصر مستقبلا يعنى , اعتقد ان تلكيكه النووى دى عبيطه جدا وغير منطقيه وخصوصا لما نتكلم عن نظام منبطح ومنجعص زى النظام المصرى , ممكن مثلا يتلككوا بحقوق الانسان والاتتهاك والشيطرة والطرطرة والقمع الامنى , كدا تبقى مبلوعه شويه .....

يعنى لا امريكا ولا اسرائيل ليهم مصلحه لانهم حتى مش محتاجين يبتزوا النظام المصرى لانه مبتز جاهز , وبما ان كل باقى مراكز القوى فى العالم لا تخرج عن ارادة الدولتين دول يبقى مافيش حد من برة له يد فى الموضوع دة ....
يعنى مش انت اللى عطست يا ابو سريع
ولا انت
ولا انت
بيقى اكييييييييييييييييد فيه حد غريييييييييييييب

يبقى نيجى على مصر , هل النظام المصرى له مصلحه فى فقع الاوشاعه دى ؟؟؟؟
طببببببببببببععععععععععاااااااااااااااااااا
لما يسرب خبر زى دة , يقوم البهايم اللى من نوعيه ( التعلب بتاعنا لابدلهم فى الدرة ) هيقولوا هييييييييييه , التعلب بتاعنا بيعمل نووى فى السر علشان يضرب اسرائيل ويخوف امريكا , عمااااااااار ياعوووووكل , فليخسأ الخاسئون وليتفنيخ المتفنيخون ....

صح , اظن كدة تركب , وكمان مافيش داعى بقى حد ينتقد الحكومه ولا يتكلم عن الفساد ولا يعيب فى يهود خيبر , والا يبقى خاين وعميييييييييييييل , ايون عميل للدول اللى سربت الخبر السرىىىىىىىى بتاع النووى , ايه مش مكفيك انك هيبقى عندك نووى ؟؟؟؟
اتكتم بقى واتسجن واتسرق واتسحل وانت ساكت لغااااااايه لما نعمل النووى , ههع هع هععععععععععع .....

وتكمله للمسلسل السخيف يطلع لنا مسئول وينفى نفيا قااااااااااطعا حادا باردا الكلام دة , طبعا يعملوها ويخيلوا , التعلب بتاعنا بيعمل نووى فى السر , وساعه لما حد يتكلم يعمل ميعرفش حاجه , اة يالئيييييييييييم , تعلب وناصح بقى ......

وكمان ممكن بالمرة ندخل فى الليله كام حمار ينهقوا ويقولوا ان ايران هى اللى وزت على مصر علشان بتغير من المشروع النووى الانوى الضخم العملاق بتاعنا ومش عايزة حد فى العرب يبقى عندة نووى غيرها , وبالمرة بقى ندخل كمان حماس وحزب الله ونقول ان سامى شهاب كان بيخطط لعمليه تستهدف نسف مفاعل انشاص الخطير الرهيب العجيب !!!!!!!!!

دا مفاعل انشاص دة مفاعل عقييييييييييييييييييييييييييم جدااااااااااا , ومن عاشر المستحيلات انه يعمل نووى , دا اخرة يطلع شويه كهربا !!!!

انا الخبر مش غايظنى , لانى متعود من المعاتيه بتوعنا على الاخبار الفاكسه العبيطه دى , اللى غايظنى ان لسه فيه ناس عبيطه هتصدق وهتفرح وهتقع فى الخيّه ....

انا شامم ريحه موافى وعمر سلمووووز , ايه ؟؟؟؟ واضح ان البهوات بتوع فرع اعداد الرأى العام شغالين وللللللللعه , كل كام يوم بمبه علشان الناس تتلهى فيها , والصحافه طبعا صحافه بمب تفرقع البمبه وتنساها وتانى يوم تدور على بمبه تانيه ....
طيب
ايه اخر اخبار حادثه بنى مزار , عرفتوا الجانى ولا لسه ؟؟؟
وممدوح اسماعيل , دورتوا عليه وجبتوة ولا لسه ؟؟؟؟
والولد اللى لبس تهمه قتل نادين , اللى انطس اعدام , اخبارة ايه ؟؟؟؟
والسكرى وطلعت مصطفى , مالهم الكل سكت عنهم مرة واحدة لييييييييييييه ؟؟؟؟

وغيرهم وغيرهم وغيرهم كتييييييييييييييييييييييييييييييييييييييييييييييييييييييييييير
افتكروا كدة مع نفسكم وانتوا تكتشفوا حاجات كتير لبست طاقيه الاخفا مرة واحدة واتنست ,
علشان تعرفوا ان الاعلام والصحافه بتاعنا تخصص بمب وبيتحركوا بالريموت كنترول كمااااااااااان
وسلملى على جرايد المعارضه وبرامج الرأى ( الحر ) بتاع دريم والمحور ......


فاكرين قصه صاروخ قاهر والظافر اللى عبناصر دوش الناس بيهم وخلا اسرائيل تعمل بىبى فى الاندر بتاعها خوفا من الصاروخين الفظاع الشناع اللى هيخسفوا الارض بتل ابيب , ودوشونا بيهم فى الاخبار والاهرام كل يوم يفقعونا مانشيت طويل عريض عن الصاروخ الهلامى , وبعدين لما فكروا يستخدموهم فى حرب اكتوبر اكتشفوا انهم حته حديد .....

الفكرة واحدة انما الاسلوب اتغير واصبح اكثر خبثا , زمان مكانش فيه غير الراديو والتلفزيون والجورنال , والحكومه مسيطرة على التلاته , فمن السهل انك تعمل كدبه باسلوب مباشر لان الناس , اغلب الناس مش بتسمع حد غيرك , انما دلوقت فيه حاجات خارج السيطرة ولو جزئيا زى الفضائيات ( الغير مصريه طبعا ) والنت , فمعادش ينفع نكدب كدب مباشر ( ولو انهم لسه بيعملوها ساعات ) , انما ممكن نغير الاسلوب , نفقع اشاعات زى النسوان البطاله , هو دة اللى هما شاطرين فيه , جتهم ستين خيبه على خيبتهم ......

الله يخرب بيتك ياللى فى بالى