الخميس، 11 يونيو، 2009

يااوبابا روح , امك اصطلحت



تحديث : اللى شغال دة تسجيل صوتى مدبلج بالعربيه لخطاب اوباما بابا
والتصفيق اللى فيه دة للجمهور المصرى ( التلتلاف ... اياهم ) , سامعين صوت سقفه شريف منير ؟
........
مساء اربعه يونيو 2009 :
- هتسمع خطبه اوباما بكرة ؟؟؟
- لأ
- ليه ؟
- وليه اسمعها ؟
- اكيد هيقول كلام جديد يعنى
- ................

يوم النكسه :
- الحق بسرعه اسمع الخطبه
- خطبه مين يابنى ؟
- ياعم انت نايم , اوباما بيخطب دلوقت
- طيب
- طيب ايه ؟ مش هتسمعها ؟
- لا مش هسمعها
- ليه ؟
- مش بحب الخطب , حتى خطبه الجمعه بطلت اسمعها
- ياعم دا بيقول كلام حلو قوى
- امشى غور من هنا يابن التييييييييييت
( صوت ارتطام طفايه حريق زنه 12 كيلو برأس احد الاشخاص يعقبه صوت صراخ : اةةةةة ياراااااااسى )

ايه الارف دة ؟؟
لا بجد يعنى ايه الارف دة ؟؟؟
الواد اوباما دة غبى وعبيط وشرابه خرج على فكرة ..
يااوباما يامنيل على عينك , مين الحمار اللى قالك انك هتضحك على مليار انسان مطحوووون بشويه خطب وكلام معسول ؟؟؟
يعنى مين المتخلف اللى فهمك انك لما تشرد انسان وتقتل اهله وترجع بعد كدة تقوله اى لاف يو , هيموت فى دباديبك ؟؟؟؟؟
اولا انا كنت متاكد من محتوى الخطاب من قبل ما اسمعه , بس بصراحه كنت فاكرة هيبقى محبوك ومسبوك عن كدة .
فعلا انا اقتنعت ان مستشارين الرئيس الامريكى دول كلهم شويه تيوس ولا بيفهموا حاجه , وان شاء الله خراب بلدهم هيكون على اديهم هما ووحل البرك دة ..

يااوباما يامقصوف الرقبه اللى يمشى عندكم فى بلدكم ميمشيش عندنا ,
عندكم ناس عايشه فى رفاهيه اقتصاديه واجتماعيه,
عندنا ناس عايشه فى فقر مدقع وضنك وتفسخ اجتماعى ,
عندكم ناس بتتكيف من الخطب وبتصدقها ,
عندنا ناس بتسمع من هنا وتطلع من هنا والاستماع للخطب بالنسبه لها رفاهيه لا تقدر عليها , دا غير انهم اساسا بطلوا يسمعوا خطب من زمان والبركه فى ( ابراهيم نافع وشركاة ) ....

علشان كدة لما تطلع قدام كام مليون امريكى وتجعر بعلو حسك وتقول :
?CAN WE FUCK OUR SELF
فطبيعى انهم يردوا عليك فى نفس واحد :
YES WE CAN
YAAAAAAAAAAAAAAAAAAAAAA
وسط صرخات مدويه وتصفيق حااااااااااااااااااد !!!

دا الشعب الامريكى

هنا فى مصر حاولوا يعيشوك فى نفس البيئه الطبيعيه , بالظبط كدة زى ما بيجيبوا للدب القطبى فى جونينه الحِيوانات نافورة ميه ساقعه والواح تلج علشان ميحسش بالغربه .

هما برضه جابولك 3000 جعر ومعتوة يقعدوا يسقفوا عمال على بطال ويأوأوا ويعوصوا زى الكلبه العشر , طب والله كنت خايف احسن حد ينسى ويقوم يقول ( المنحه ياريس ) بحكم التعود يعنى ...

بجد كان ناقص فيروز تطلع من بين الصفوف وتصرخ وتقول : انت اوبابا وانت اوماما وانت كل شىء فى حيااااتى .

النقطه بقى يا اوباما بيه ان التلاتلاف جعر دول لا يمثلوا المليار انسان اللى انت فاكر انك هتشتغلهم وتضحك عليهم بأيات من القرأن الكريم وبشويه الكلام المِعَسْول بتاعك , دول ناس جايين بتصاريح امنيه والحكومه اللى منقياهم عالفرازة علشان سيادتك تتنفخ وتستكنيص وتفتكر انك ابن بارم ديله وانك ضحكت على البشريه وبلفت الخلق كلهموا ....

على الرغم من ان الساسه الامريكيين شاطرين قوى فى الافساد والتخريب , الا ان المتتبع ليهم يكتشف انهم بجد متخلفين عقليا ومعاتيه وعلى الرغم من شوال الشهادات اللى هما شايلينه ودكطوراهات فى مش عارف ايه , الا انهم بيستمدوا كل خبراتهم من كلام ناس معاتيه زيهم , ولا بيفهموا حاجه ولا بيعرفوا الناس بتفكر ازاى ( برة امريكا طبعا ) ودة يبان بوضوح فى سياسات الادارة الامريكيه الخارجيه ايام بورش بوش ووحل البرك اوبابا ..

امريكا بالاساس وضع تاريخى متفرد وظاهرة عجيبه جديرة بالدراسه , من حيث نشاتها وتطورها بعد كدة ومن حيث العقيدة او المحور الفكرى اللى الدوله دى مرتكزة عليه .
انا محصليش القرف انى رحت الولايات قبل كدة , بس حسب معلوماتى يعنى انها كوكتيل بونيأدمين ومتحف اجناس مفتوح , وعلى كل لون يا باتيسته , وبما انه اى امبراطوريه لابد لها من فكرة وعقيدة تتخذها حجر اساس لها , زى هتلر مثلا ما اخد نظريه تفوق العرق الارى , فلابد لبلد زى امريكا من محور فكرى علشان تطلع عليه ..
طيب نرجع كدة فلاش باك لورا , ايام ما اكتشفوا الامريكتين بالتدريج ( لانهم اكتشفوا على مراحل ) اياميها كانت النظريه تتلخص فى ارض جديدة بكر وعالم جديد اشبه بالجنه , وطبعا ربنا يستخلف عليها ( الرجل الابيض ) علشان يعمرها ويحضر ويمدن الهنود الهمج الوحشين .

طبعا مهمه نبيله !!!!!!!

وبعد شويه اكتشف الرجل الابيض ان الرجل الاحمر مش نازله من زور ووحش وكوخه وموش بيستحمى كمان , بالاضافه لانه واخد اراضى كتير زيادة عن اللزوم , وانا بقى كرجل ابيض بحب افرد رجلى فى غرب القارة علشان عندى خشونه فى المفاصل ...
وساعتها ابتدت السيناريوهات تطلع عن قسوة الهندى ودمويته واعتداؤة على البيض المسالمين وسلخه للرؤس ( مع ان الموضوع دة بالاساس اسلوب اوروبى بحت ) ..
فبالتالى كان لابد من القضاء على الرجل الاحمر الشرير الوحش , يلا , خلى القارة تنضف بقى , ووالله احنا ماقصرنا معاة , ياما حاولنا ننصرة ونحضرة ونخليه ييجى يشتغل عبد عندنا , بس تقول ايه بقى , مش وش نعمه .
وبدات حمله التطهير العرقى بالابادة احيانا والحرب البيولوجيه احيانا والتهجير احيانا الى ان تم القضاء على الهنود الحمر ...
هنا ابتدت ملامح العقيدة الامريكيه والمحور الفكرى للامبراطوريه دى فى التشكل ...

تانى كدة من الاول
اول حاجه احنا بننشر التحضر والتمدين وبنعمر الارض ,
بعد شويه جه الدجال الاكبر جورج وسو.....اقصد واشنطن وافتكس فكرة الاستقلال , طب استقلال مين وعن مين ياجعر انت ؟؟؟!!!!!
اذا كنت انت بالاساس محتل , يبقى استقلال ايه يامنيل على عينك ؟؟؟
والناس بلعتها وخاضت حروب ( من اجل استقلال الوطن ) ..
هنا بدات الفكرة فى الظهور , الا وهى خلق عدو مشترك حتى يتجمع الكل ضدة , وبما ان امريكا مساحات شاسعه ومصالح متضاربه ومكانتش لسه موحدة اساسا , فبالتالى اصبحت الافتكاسه دى فكرة قويه لخلق تيار ( وطنى ) وهمى يجمع كل الامريكان حوله , على الرغم من تضارب مصالحهم ....

وبعد كدة زى ما قلت رجعنا لفكرة الحضارة والتمدين اللى تم ممارستها مع الهنود واللى اتقلبت بجعلهم عدو , ودة علشان نلم الناس مرة تانيه بالطبع ....

نستنتج من كدة ان الوضع الغريب والنشأة الاغرب للبلد المسخ دى جعلتها غير قادرة على النمو ولا حتى الاستمرار بدون وجود عدو تحاربه , وان لم يوجد فلابد من خلق عدو وهمى ومحاربته ....
لان الامريكان معندهمش عقيدة ولا ليهم مله تحركهم ولا لهم هدف ولا غايه , فالعقيدة الدينيه لا تصلح لتشكيل محور فكرى ليهم , وبرضه النظريه العنصريه متنفعش معاهم لسبب بسيط جدا , وهو انها كانت شغاله بالفعل زمان , انما فى الوقت الحالى الزنوج اخدوا حقهم تالت ومتلت ووصلوا لاعلى المناصب , وكمان البلد كلها زى ماقلت كوكتيل لاتينيين على افارقه على صفر على بيض وحاجه اخر اردغانه ....

طيب بقيت المادة , ولكن دى لا تصلح محور يحرك دوله , اينعم هى محور يحرك الافراد ويسوق الاقتصاد والمجتمع والساسه ايضا , بس انا بتكلم عن فكرة , ايديا , حاجه معنويه , نشتغل بعض بيها ونضحك بيها على الشعب .....

فبالتالى اصبح لا يوجد غير نظريه العدو الوهمى , دة خط العمل الثابت اللى جميع الساسه الامريكان ماشيين عليه من اول الالمان العنصريين المجرمين اللى هنخلص العالم منهم ومن شرورهم , مرورا بالشيوعيه المجرمه المخربه , اللى احنا كامريكان بالطبع بنحاربها نيابه عن العالم .
واثناء حرب الشيوعيه حصلت حروب فرعيه كتير احب اذكر منها حرب فيتنام باعتبارها محفورة فى الوجدان الامريكى ...
وكان اسلوب المقاومه الفيتناميه الدموى له اثر بالغ على انخفاض الروح المعنويه للجنود الامريكان والحاق الهزائم بهم وايضا تعالى الاصوات الامريكيه التى نادت بوقف الحرب .
احيانا فى الحروب بتكون الدمويه ضرورة لابد منها , وكل الكلام بتاع اتفاقيه جينيف لاسرى الحرب كلام فارغ لا ولم ولن يطبق على ارض الواقع لانه عمليا من المستحيل تطبيقه , وارقى الاكاديميات العسكريه فى العالم بتدرس الاسر النفسى لاستخدام السلاح الابيض فى الحروب بشكل مخيف واثرة على العدو , وكل الجيوش وعلى وجه الخصوص القوات الخاصه بتدرب على السلاح الابيض واستخدامه بشكل مؤذى للغايه , كوسيله ( لهت ) العدو .
واذكر عدة صور رايتها مع ظباط شاركوا فى حرب اكتوبر وموجودة مع ابنائهم كانت تشمل على عمليات حرق للطيارين اليهود وقطع لرؤسهم ( الموضوع دة عادى على فكرة فى الحروب وسيبكم من شغل الافلام والكلام الفاكس بتاع الاتفاقيات ) .....
الصورة دى اتكررت اكتر من مرة بعد كدة وظهرت بوضوح فى العراق
اولا انا مستاء جدا من الكليبات دى وتعبت منها نفسيا
ثانيا اعتقد ان هناك منها ما هو من تدبير الامريكان نفسهم ( وخصوصا الكليب الاول بتاع المدنى الامريكى ) .
الا انه لابد من ان اسال عدة اسئله
اولا الناس دى كان ممكن تنقتل من غير ما تتصور فى كليب , وحتى لو اتصورت كان ممكن تتقتل برصاصه ويخلص الموضوع , امال اشمعنى الذبح بالذات ؟؟؟؟
الفكرة فى التاثير النفسى السلبى على العسكريين والمدنيين على حد سواء , اتذكر حتى الان مدى الرعب والهلع اللى ظهر على وجوة احد الجنود الامريكان ( وكان زنجيا وضخما ومفتول العضلات ) عندما كان يقف على سطح سفينته الحربيه المارة عبر القناة فى اتجاهها للقواعد الامريكيه فى الخليج تمهيدا لانضمامها لباقى القوات فى العراق .
حينها اشرت اليه بيدى من على الضفه فيما معناة انه سيذبح هناك , فتحسس رقبته فى رعب واختفى داخل السفينه .
وهنلاحظ برضه ان الاصوات الامريكيه اللى اخذت تنادى بالانسحاب من العراق لم نسمعها الا حينما بدأت قوافل النعوش فى التدفق على الموانى الامريكيه ..

يعنى الامريكان بوجه عام ميهمهمش ان جيوشهم تحرق وتدمر وتحتل , يهمهم بس حاجتين , الرفاهيه داخل بلدهم والمستوى الخدمى والضرايب , واى حاجه خارج امريكا متهمهمش الا اذا حسوا انها بالفعل هتاثر على الحاجات اللى قلتها قبل كدة دى .

الشعب الامريكى اهبل جدا ومن اكثر الشعوب جهلا بما هو خارج بلادة , ودة سببه الرفاهيه الزايدة اللى بتوفرها له حكومته , بجوار ثقافه التسطيح والهطل اللى الاعلام بيقدمها له , دا غير المواد الاعلاميه المغلوطه اللى بتصورله العالم كله على انه ملىء بالغيلان والاشرار اللى عاوزين يلتهموا امريكا النونو , ودة يظهر بوضوح فى الافلام الامريكيه , وبالتالى اصبح مافيش حل غير اننا نترك الدفه للقادة الشجعان عديمى الرحمه حتى يمعنوا قتلا فى ( الغيلان ) الهمج ويريحونا من شرورهم ...
ايام حرب فيتنام اوهم القادة الامريكان شعبهم انهم لابد وان يضربوا الفيتناميين بكل عنف والا هييجوا فى قواربهم ( الخشبيه ) وسيحتلون نيويورك !!!!!!!!!
بالذمه شوفتوا هطل كدة ؟؟؟
لا والالذ ان الناس صدقت ...

الشعب الامريكى عندة فوبيا , فوبيا الاخر , ودى نتيجه الاعداء الوهميين اللى القادة بيصنعوهم عمال على بطال , اعتقد ان ربنا لو كرم طالبان فى يوم ووصلوا للسواحل الامريكيه , بمجرد اقترابهم فقط هيموت نص الشعب الامريكى بسكته قلبيه بينما سيصاب النصف الباقى بالصرع .........
كان فيه واحد بهيم فى الخمسينيات اسمه مكارثى ( ابقوا فكرونى اكتب عنه بوست بعد كدة علشان قصته بجد لذيذة ) الراجل دة كان سياسى تافه ومعندوش حاجه يحارب بيها اعداؤة فاضطر انه يتبلى على اى حد يعارضه بانه عميل للشيوعيين , ولما لقى الناس بتصدق ساق فيها واتهم اكبر رموز فى البلد , واصبح مكارثى الرجل الذى يخشاة جميع سياسيى وقادة الولايات !!!
مكارثى من كتر ما اشتغل الناس وعملها بى بى فى دماغها كان عند الامريكان هاجس انهم وهما نايمين بالليل هيطلعلهم شيوعى من تحت السرير ( دا بجد على فكرة ) .....

وفجاة انهارت الشيوعيه , ودة مش بسبب شطارة الامريكان , وانما لان الفكرة الشيوعيه بالاساس فكرة فاشله وتتعارض مع المنطق والعقل , يعنى الاتحاد السوفيتى كان هينهار لا محاله سواء حاربته الولايات المتحدة ام لا .
وفجأة وجدت الولايات المتحدة نفسها بلا عدو , ولما كانت فى عز مجدها وقوتها , كان لابد من ايجاد عدو بديل باقصى سرعه لاستئناف المعركه الوهميه , ولما كان العالم تقريبا فضى وخلى من ايجاد عدو ( بحجم مناسب ) لكى تحاربه امريكا , فلم يجدوا امامهم الا الاسلام ..

ايه دة
مين الجدع اللى مربى دقنه وشكله همجى ووحش دة ؟؟؟
الله
دا كمان شايل سلاح
ووشه كشر ووحشششششششش
مين ؟؟
مجاهدين ؟؟؟
اللى احنا سلحناهم ودربناهم علشان يحاربوا الاتحاد السوفيتى
اة صحيح
دا احنا كنا ناسيين خالص
امسك ياجدع
حلّق يسعدك ....
اجمع الامريكان كلهم عندى تحت الشباك هنا
اسمع منك له له لها لها
كل امريكى يطرطق لى ودانه كويس
بصوا
شايفين الراجل اللى شكله وحش دة
ايون ابو دقن الهمجى دة
دة اسمه مووووسلم
ايون اسبلوها معايا م س ل م
دة همجى شرير
ووحش
وبيغتصب الستات
ومعتنق دين بيأمرة انه يقطع الروس والايدين ويعذب الناس اللى مش زيه
وبانه يحارب امريكا
ويحتلها
ويغتصب ستاتها ورجالتها
ويعمل فيهم حاجات وحشه
فما قولكم ادام الله فضلكم ؟؟؟

الصوت الامريكى :
ايون
دا شرير
وريحته وحشه
وشكله وحش
يعععععععععععععععععع
ومش متحضر
دا عامل زى بتوع فيتنام الشريرين اللى كانوا بيدبحوا اولادنا
اقتلوهم
رشوهم بالدىدى تى
بلا اسلام بلا قرف
خلى العالم ينضف بقى !!!!!!

وابتدت اله الحرب فى العمل من جديد , امام العدو الوهمى الجديد ( الاسلام ) .
الا انهم فى المرة دى وقعوا فى شر اعمالهم ,
ليه ؟
هتلر امبراطور القوة بذات نفسه قال انه لا يمكن محاربه الفكر والعقيدة الا بالفكر والعقيدة وان العنف يقويها ويزيدها انتشارا , واسلوب المحاربه بالقوة لا يصلح الا مع الافكار الجديدة الناشئه اما المتجذرة فى العقول فهذا الاسلوب يزيدها قوة , كما انه انتقد الحملات التبشيريه فى العالم العربى وافريقيا وقال انها بلا جدوى ودعاهم للاهتمام بالمانيا وتوعيه الالمان بدينهم بدلا من هذا ( الهراء ) اللى هما بيعملوة .
ميكافيللى بذات نفسيياته وهو من ارسى قواعد السياسه الحديثه , واصول النصب , قال مينفعش ....
سلامه فراويله قال لأ ..
عباس الضو قال لأ ...

طيب هل هناك عقيدة اكثر تجذرا فى العقول واستقرارا وانتشارا فى العالم من الاسلام ؟؟؟؟؟

يعنى من الاخر الامريكان خبطوا راسهم فى حارة سد !
واللى عمله بوش الجعر خدم بيه الاسلام خدمه عظيمه جدا ووفر على المسلمين وقت كبير واختصرة لهم فى كام سنه .
الاسلام باقى , ودة مش كلام انشا ولا عواطف , ومش هستشهد بايات قرانيه , لانى مش بخاطب المسلمين بس , انا بكلم الكل , وبما ان الكل عندهم عقل ( دا المفروض يعنى ) , فانا بخاطب العقل ...
الاسلام باقى , العلم والمنطق بيقولوا كدة , والتاريخ بيقول كدة ..

وبما ان الامريكان لا يمكنهم التراجع عن المعركه دى , فالموضوع اصبح نهايته معروفه .
السياسه الامريكيه مختلفتش فى عهد اوباما , كما لم تختلف من قبل ولن تختلف من بعد , لان امريكا باختصار لا يمكنها العيش الا بهذا الشكل .
السياسه مختلفتش
الاسلوب هو اللى اختلف

يعنى بدل ما اقولك طلع اللى فى جيبك يابن التييييت
بقولك طلع اللى فى جيبك لو سمحت
طب فى النهايه انا بسرقك
لو انت فرحت بكلمه ( لو سمحت ) ونسيت انى اصلا بسرقك
تبقى مجنون واهبل , ملهاش حل تانى .

اوباما عايز يعمل هدنه مع العالم الاسلامى بدون مقابل , ويخلى اتجاة المجهود الرئيسى له ضد ايران وحركات المقاومه الاسلاميه فى انحاء العالم ..
ودة برضه هبل ,
لان بالاساس زمان كانت حركات المقاومه هى اللى قرفاهم فى عشيتهم , ودلوقتى برضه هما قارفين الامريكان فى عشيتهم , وزمان ودلوقت كانت ومازالت باقى الشعوب الاسلاميه قاعدة تتفرج زى خيبتها .
يعنى التحالف معاهم لن يفيدك ....
دا غير انك بالاساس بتكلم حكومات وانظمه , مش بتكلم الشعب , وشغل التلت ورقات بتاعك دة محدش هيبصله طالما انه ماقترنش بالفعل , ولن يقترن بالطبع , اخرك ان الناس الغلابه عندنا هتفرح بيك يومين وبعدين يرجعوا يسبولك انت وامريكا تانى زى زمان ....

يعنى متتوقعش ان الناس هتخرج فى العالم العربى تهتف باسمك ..
ومن باب اولى اللى قارفينك فى عيشتك برضه مش هيغيروا حاجه من فكرتهم عنك ..
بصراحه مش قادر استوعب منظر افراد من طالبان وهما طالعين من مغارات تورا بورا وبيرقصوا بالكلاشينكوف وهما بيغنوا ( شيكايوة شيكايوة اوباما دة مافيش زيوة ) اظن المنظر مش مستساغ خالص ..

وبعدين ايه الخطبه العقيمه دى اللى الواحد ميطلعش منها بكلمتين
بتفكرنى بمشهد النمساوى بيه لما جاب سنيه العمشه علشان تقول مواصفات الراجل اللى بات فى الاوتيل مع شويكار ( فؤاد المهندس ) وكل ميسألها تقوله : بين البينين
طويل ولا قصير ؟
بين البينين
تخين ولا رفيع؟
بين البينين
ابيض ولا اسود ؟
بين البينين
بشنب ولا من غير شنب ؟
بين البينين !!!!!!

لا ونا متغاظ قوى الصراحه من اللى بيقولوا عليه ولد ديبلوماسى ولعيب
دبلوماسى ايه ياخوانا ؟؟؟؟
هو العته اللى اتقال دة اسمه ديبلوماسيه ؟؟؟؟؟
فيه حد يتسئل عن رايه فى الاسلام يقول هو فيه ناس بتقول عليه حلو وناس بتقول وحش ؟؟؟؟
ياسلاااااااااااااااااااااام !!!!!

خليك بقى
اقعد حارب فى طالبان
واخبط دماغك فى جبال الهندكوش
لحد لما تنفلق
دى دماغك طبعا اللى هتتفلق
بالظبط زى بطيخه وقعت من عربيه نقل ماشيه عالصحراوى بسرعه 160
ياراجل دا الاسكندر مقدرش عليهم
هتقدر عليهم انت !!!!!!

هى هى هى هى هىىىىىىىىىىىىىىىى

امريكا خلاص
بتخرب
وانشاء الله هيكون اخر مسمار فى نعشها على ايدك ياوش الفقر انت والمستشارين المعاتيه اللى حواليك ...
مبروك مقدما
وعقبال البكارى

طيب .......
خلصت الخطبه ؟؟؟
بالسلامه يلا
يااوماما روح , امك اصطلحت ..........