الأربعاء، 17 يونيو، 2009

سؤال برىء

هو ليه رغيف العيش فى بعض مدن مصر المقروصه حلو وزى الفل وابيض وزى القشطه ويتاكل اكل , تمام زى البنت اللى بحبها , بينما فى باقى مصر المحروثه اسود وناشف ومحروق وبيطلع من الفرن مكرمش ومقلحف وطعمه اسغفر الله العظيم يارب الفراخ فى العشه تقرف تاكله .....
ليه ها......ليه ؟؟؟؟؟؟


وليه ايام مكانت الناس بتقتل بعضها فى طوابير العيش فى بعض مناطق مصر المعزيه , كانت فيه مناطق تانيه ( زى ابن سندر مثلا ) كان منصوب فيها كشك عيش كل خمسين متر على الجنبين , وكمان مكتوب عليهم ارقام تليفونات لشكاوى الجمهور لو مثلا وش الموزع معجبش الزبون يقوم هافه شكوة علطول !!!!
ليه ها.......ليه ؟؟؟؟؟؟

كان معكم مراسلكم حكشه ابو شمندورة من جولته المكوكيه اللى مازالت مستمرة ببواكى الزريبه.......اقصد بمدن الجمهوريه