السبت، 11 يوليو، 2009

سى لطفى



اخر الابداعات الصحفيه لعميد الكفته العربيه ( احمد موشى )

( شعارنا الكفته مش بالكيلو , بالمتر , زى زمان )

قال ايه خير اللهم اجعله خير .......
طب وانا احكيلكم ليه
ما اعكنن عليكم واخليكوا تقروا بنفسكم

لالا اوعوا تجروا , امسك الواد اللى بيزوغ هناك دة

اغلقوا الابواااااااااااب

كله هيقرا


يلا ياجماعه , هى شكه مسمار....قصدى دبوس

هه , يلا شلّهى ,,,,,,


من ايام وقوع الحادث الاليم بتاع مقتل الراجل الجواهرجى بتاع الزيتون فى مايو اللى فات هو واربعه معاة فى المحل , ورجال القمل بيعملوا بكل جد واجتهاد فى كشف خيوط الجريمه وتم اكتشاف عدة خيوط بالفعل , ( 3 فتل حمر ودوبارة سودة ) ولكن رجال القمل ( بذكاوتهم المعروفه ) رفضوا الاستجابه للاستفزازات الاعلاميه المتكررة واسقاطاتها على فشلهم فى القبض على الجناة لمنع قطع الخيوط ( اهاااااااااااا بقى الموضوع كدة , طب والنبى ياجماعه بطلوا كلام بقى عن موضوع الحسين , هما اكيد عندهم برضوا كام حبل بس ساكتين , اتكتموا بقى خليهم يتكلموا , مين عارف , مش بعيد تطلع جماعه ابو سياف هى اللى فجرت المكان , هه , اسكتوا يلا , كله هسسسس ) ...

شوفوا بقى الرجاله ( اعضاء التنظيم ) كانوا بيعملوا ايه :
- داوئر الكترونيه للتفجير باستخدام الاشعه تحت الحمراء , ياسلاااااااااام
- تطوير مؤقتات زمنيه الكترونيا , ياسييييييييييييدى
- دوائر تفجير عن بعد باستخدام الهواتف المحموله , بركاااااااااتك ياسويرس , اقولكوا فكرة حلوة , الغوا المحمول .
- استخدام مخلفات اسلحه سابقه بمناطق صحراويه , مدافع وكنابل ودبدابات وسواريخ , كدة يعنى ....
- تهريب اجهزة جى بى اس , يالهوى , وكمان عاوزين يحددوا مكانهم ؟؟!! ايه الفُجر دة , خياااااانه , خووونه .
شوفوا بقى دى كمان :
- كانوا بيتراسلوا بعناصر مرتبطه بتنظيم القاعدة , بسم الله ماشاء الله , هييييييييييه وبعديييييييييين ؟؟؟؟
- ابتكار اساليب جديدة لتفخيخ السيارات لمساندة المقاومه العراقيه , الا قولولى ياجماعه , هو الفتح قبل التسليك ولا التسليك قبل الفتح ؟؟؟ نياااااااااااااااااااااااهاهاهاهاهاهاةةةةةةةةةةة .
- فتح قنوات وترع ومجارى اتصال مع تنظيم جيش الجهاد الفلسطينى , واخدين بالكم , اكتب اى حاجه بس المهم تقول كلمه الفلسطينى فى الاخر , عسل ياخوااااااااااااااااااااااااااااااتى .

تعالوا نشوف مع بعض المجرمين الاوغاد كانوا عاوزين يعملوا ايه ومخططين لايه :
- استهداف سفن اجنبيه وضربها اثناء مرورها بقناة السويس , ياسلام سلم القِدرة بتتكلم , طب ياناصح منك له لما تفبركوا حاجه ابقوا فبركوا حاجه معقوله , استهداف سفينه مرة واحدة !!! , طب كنتوا قولوا بقى انهم عندهم قواذف طوربيد كمان , علشان الطبخه تبقى مسبوكه ...
- ضرب وتفجير خطوط انابيب البترول , هو كل واحد اليومين دول عايز يضرب انابيب البترول , هو مافيش فى البلد دى الا البترول ولا ايه , لالا ياجماعه الا البترول , اة , بعدين الغاز يغلى ونلوص احنا فى الفواتير اخر الشهر , طب ياناصح منك له فيه بدو بيكسروا المواسير بأجنه وشاكوش , يعنى اظن مش محتاجين الفيلم دة كله , جتها نيله اللى عايزة خلف ....

شوفوا بقى المظبوطات , اللى هى الاحراز يعنى :
- طبنجه براوننج 9 مللى
ههههههههه , هيعملوا تنظيم ارهابى بطبنجه , يابلاش والله , طب على كدة بقى انا ممكن اعمل مافيا دوليه ببندقيه كلاشينكوف , طيب ياجماعه , انا من هذا المزنق اعلن عن قيام تنظيم التكفير الكافر , وعن انشاء الجناح العسكرى للتنظيم بقوة عدد واحد فرد خرطوش روسى , لاغير .
- عدد من الدوائر الالكترونيه والاجهزة الكهربائيه المتداوله بالاسواق , اة وربنا هما قايلينها كدة ( المتداوله بالاسواق ) , يعنى كدة حاجه لزوم ميشن ايمبوسيبل , فاكرينها ؟؟؟ , ايوة بتاع اخترنا لك زمااااان , هذا الجهاز سوف يتفرقع تلقائيا بعد عشر ثوانى , تشششش ..
طيب ياجماعه بقى , كل واحد يخلى باله من نفسه , يعنى ولا مؤاخذة اللى عندة واليعاذ بالله تكييف او خلاط او غساله او تلفزيون يداريه قوام , مين عارف , ولاد الحلال مخلوش لولاد الحرام حاجه ...
- 9 بدل غطس كانت ستستخدم فى استهداف السفن الاجنبيه .
ههههههههههههههههههههههههههههههههههههههىىىىىىىىىىىى
ههههههههههه هههههههههههههه هههههههههههههههههههههههههىىىىىىىىىىىىىىى
جامدة دى موت
هيستهدفوا السفن ببدل غطس
اى حد بياخد كورس غطس فى شرم ولا حاجه يولع فى البدل اللى عندة بسرعه
والناس اللى شغاله فى بيع بدل الغطس , خدوا بالكوا , هيكبسوا عليكم ويطلعوا عينكم زى ما عملوا مع اصحاب ورش الحدادة فى رفح , انا قلتلكم اهو , وقد اجعص من هجص ....
فكرونى بيحيى الفخرانى فى الفيلم , ارهاب بالمايوة ؟!! هاعمل لكوا ارهاب بالمايووووووووة ؟؟؟؟

شوفوا بقى جهات التمويل :
سرقه محل الدهب بتاع الزيتون اولا علشان يعملوا فتنه طائفيه , قال يعنى الفتنه مش موجودة اصلا !!! , وعلشان يمولوا انشطتهم , ههههههههههه , فكرة برضه ....
- الاستعداد لسرقه صيدليات , هما بتوع الصيدليات كمان بيتاجروا فى الدهب ولا ايه ؟؟؟ ولا يكونش علشان يسرقوا كام شريط ترامادول ولا حاجه , ايون ماهو الصيدلانيين دول بيكسبوا على قلبهم قد كدة , اةةةة قد كدةةةةةة .
- مغافله رجال الشرطه فى الشوارع وسرقه اسلحتهم , اة زى العسكرى النايم اللى كنت حاطط صورته فى الجنب دة .
تزوير الاوراق الماليه باستخدام طابعه ليزر , نووووووووو كومنت
طيب نراجع مع بعض الاحراز تانى :
- 9 بدل غطس
- اجهزة كهربائيه متداوله بالاسواق
- طبنجه براوننج
- طابعه ليزر
يابلاش
اى حد ياجماعه عندة الحاجات دى ممكن يعمل تنظيم محترم قد الدنيا
وبالنوسبه يعنى للطبنجه , مش مهم , ممكن مسدس صوت , برضه يقضى الغرض ....
انا عن نفسى هعمل التنظيم بتاعى بكيسين بمب وقزازتين بيبس ولبانه وطاسه وغطا حله وعصايه غليه ....


-------------------


دى القصه اللى اتقالت , القصه الحقيقيه بقى محدش يعرفها الا العبد لله , وهى كما يلى :
ان الاستاذ احمد بوظه كان خارج وش الفجر من الخمارة البيئه اللى فى شارع طلعت حرب قبل محل توفيق بشاى , وكان ياعينى مش قادر يصلب طوله ومش شايف حواليه , فخبط فى مين قدااااااااااااامه ؟؟؟
خبط فى المتهم الاول ( تامر موسى ) , ودار بينهما الحوار الاتى :

احمد بوظه : مييييييييييييييييييييين ؟ سى لووووووووووطفىىىىىىىى .

تامر : سى لطفى مين ياعم ؟؟
بوظه : مش فاكرنى ياسى لوووطفىىى ؟ انا عمك شفيييييييييقه ...

تامر : ياسيدى انا مش سى لطفى انا حسونه الفطاطرى .

بوظه : كدة ياخااااااااااين , ترمينى هنا اتناااااشر سنه ؟؟

تامر : ياعم اتناشر سنه مين ؟ اذا كنت انا لسه داخل من المعبر من 4 ايام بس .

بوظه : وكمان بتنكر نفسك منى ياخاااااااااين , ياارهابى ياعمييييييييييل ...

تامر : .................

بوظه : معلش ياااااااااابنى , اصل انا عندى شعرة , سااااااااااعه تروح ........ وساعه تيييييييييييجى
سسسسسسسسك سسسسسسسسك سسسسسسسسك سسسسسسسك ( صوت صاجات )
هااااااااااااااااااااااااااااااااا , ارقص
تامر : ساعه تروح ...... وساعه تيجى

بوظه : وكنت عايز تنسف السفن فى السويس , هااااااااااااااااااا

تامر : ساعه تروح ....... وساعه تيجى

بوظه : وتنسف الهرم وجبل المقطم كمان , هاااااااااااااااااااا

تامر : ساعه تروح ......... وساعه تيجى

بوظه : وكمان بتشترى بدل غطس ياخاين ياعدو الوطن , هاااااااااااااااااا

تامر : ساعه تروح ....... وساعه تيجى

بوظه : وجايب طابعه ليزر يافاسق يازندييييييييييق , هااااااااااااااااا

تامر : ساعه تروح ....... وساعه تيجى

بوظه : وانت اللى قتلت الجواهرجى وطعنت الامريكانى وفجرت الحسين وحرقت قطر الصعيد وغرقت العبارة , هااااااااااااااااااااااااا

تامر : ساعه تروح ....... وساعه تيجى

بوظه : وانت اللى قتلت النقراشى وامين عثمان وكنت شريك خنفس بك وكمان شريك خاير بك وجان بردى الغزالى , هااااااااااااااااااااا
سسسسسسسسسسسسسسك سسسسسسسسسسسسسسسسسك سسسسسسسسسسسك سسسسسسسسسسسك

تامر : ساعه تروح ....... وساعه تيجى

بوظه : وانت اللى سميت عبد الحكيم عامر ومحمد بك الالفى , وانت اللى زريت حسن الهلالى عند سراج منير ورميته فى معتقل المغول عشرييييييين سنه , هااااااااااااااااااااااااااااا

تامر موسى : بص بقى , انا تعبت , انا دلوقت بس , مضطر اصارحك بالسر اللى خبيته عنك بقالى سبعين سنه , احمد , انا اخوك يااحمد ...

بوظه : سسسسسسسسسسك سسسسسسك سسسسك سسك


بفففففففففففففففففففففففففف



راااااااااااااااااااااااااااااااااااااااااااااااااااااااااااحت