الجمعة، 17 يوليو، 2009

غسيل وسخ !!





طالعت منذ عدة ايام خبرا باعتداء مجموعه طلبه سعوديون على استاذ جامعه ومعيدان بها , كانوا يشكلون احدى لجان المراقبه لامتحانات احد الجامعات الخاصه على ما اعتقد , الطلبه كانوا بيحاولوا يغشوا كالعادة ولما اعترض المراقب تجمع عليه الطلبه وضربوة هو وزمايله , اة والله ضربوة وشتموة وقالوا له : ساقتلك , سأسجنك فى بلدك يامصرى !!!!

وبعد تدخل القيادات تم ( تهدئه ) الطلبه واعادتهم الى اللجنه واكمالهم للامتحان كان شيئا لم يكن , كما رفض البيه الكبير الغاء امتحاناتهم بل وامر المراقبين المعتدى عليهم بعدم تحرير محضر بالواقعه وهددهم ان قاموا بذلك , وهذا من باب ( الحرص على صفو العلاقات بين مصر والسعوديه وعدم تعكيرها ) على حد قول البيه صاحب ( المحل ) ....

وبعدها بيوم واحد قرات خبر مماثل عن اعتداء طالب كويتى على استاذ جامعه تقريبا .

طبعا من المؤكد ان اخبار عدوان السادة ( بهوات النفط ) اصبحت شىء عادى فى بلدنا بل ومعروف ولا يثير اى استغراب او استنكار , فسرعان ما تتدخل الجهات المختصه ووزارة الداخليه نفسها ان كان فى الامر جريمه وتقف فى صف الاخ ( البيه ) وتجبر المعتدى عليه على التنازل , او حتى وأن وصل الامر ( لتهريبه ) خلسه الى وطنه !!

من لا يذكر حادث البيه القطرى الذى اطاح بالبشر فى طريق المطار , وساومت الحكومه المصريه الحكومه القطريه على اطلاق سراحه مقابل ان يقوم القطريون ( بتحجيم قناة الجزيرة ولم لسانها اللى عاوز قطعه ) !!!

ومن لا يعرف الامير تركى واعتدائاته هو وزوجته بل وحرسه وكلابه ايضا على المصريين فى الفنادق والشوارع , وهو ما تكرر عشرات المرات , مع ان الاخ تركى عندما خطر بباله ممارسه ساديته فى اوروبا وامريكا سرعان ما رفعت ضدة قضايا ونالته احكام بالسجن والغرامات الضخمه , حتى انه اصبح ممنوعا من دخول بعض الدول ويتحايل على دخول البعض الاخر بجواز سفر دبلوماسى من العيار التقيل استخرجه من احد دويلات امريكا الوسطى ( والمتخصصه فى بيع اسمها لمن يريد ) مقابل مبلغ ضخم !!!!!

والاخ الاخر الذى قتل الفتاة وقطعها اربا والقى بها فى صندوق القمامه , وسافر بامان وسلام الى وطنه ( علشان ابوة راجل تقيل وعلى علاقه بالاسرة الحاكمه ) والموضوع سكت فجأة وخرست كل الجرائد اللى كان لسنها مافيش اطول منه !!!!!

باختصار , لانى لو تابعت هذة النوعيه من الجرائم فمش هنخلص النهاردة , الكلام دة فكرنى بحادثه ( وموقعه ) شهيرة , دارت احداثها على شبكه الانترنت من حوالى سنتين , وحبيت اذكرها لانها هتوضح الصورة وتوصل الفكرة اللى عايز اقولها بوضوح ....

تبدأ الاحداث بفكرة ( تطوير الاداء الحكومى الوهمى ) اللى برعت فيه حكومه ( نضيف ) بيه , واللى تمثل فى انك كوزير , تروح تعمل كام اعلان اهبل فى التلفزيون , وبكدة تبقى الوزارة اتطورت وميت فل وعشرة , وبما ان الناس مش متعودة على النوع دة من الاعلانات , فبيعتقد البعض ان دى بدايه موجه من اهتمام المسؤلين بوزاراتهم وبيستبشروا خير , الا ان كل دة بيكون مجرد وهم ..

بدات الاعلانات دى بالسلسله المشهورة ( نورت مصر ) واللى بدات كالعادة بالاهرامات وابو الهول , ثم تقتق ذهن البيه ( القوّاد ) اللى عامل الاعلان ان الاهرامات وابو الهول معادوش يأكلوا عيش , ومافيش احسن من السياحه الخليجى ياجدع , هى دى اللى بتفتح البيوت وتأكل عيش , وانهارت الاعلانات عن جمال مصر وحلاوة مصر و وراك مصر ودبابيس مصر وصدور مصر ومزز مصر ومقدرتهم ( الفائقه ) على امتاع و( ارخاء ) اعصاب مشايخ الخليج اثناء قضائهم فترة ( الاستجمام ) الصيفى فى شارع الهرم والشقق المفروشه و ( كورنيش التحرير ) , وط.....قصدى ابتسامه مصر متتنسييييييييش !!!

يبدو ان الاعلان دة اثار ( اعجاب ) بعض فرق الراب الشبابيه , والتى انتشرت مؤخرا وبكثافه فى العالم العربى , الفريق دة فريق سعودى يطلق على نفسه اسم ( وكر العصفور ) , وسرعان ما قاموا بالرد على الاعلان ( المحترم ) باغنيه ( اكثر احتراما ) سموها بنفس الاسم ( نورت مصر ) ..

وانا مضطر اسفا لنقل الاغنيه بالنص , علشان اوريها للناس اللى محضروش القصه دى وميعرفوش حاجه عنها , واسف مرة تانيه على بذائه الالفاظ , لانه من الضرورى فعلا انكم تسمعوا الكلام دة .
الاغنيه عبارة عن خطاب للشعب المصرى بوجه عام تتخلله ردور من افراد ( على انهم مصريين يعنى ) علشان كدة انا هنقل الكلام باللون الاحمر اما كلام المصريين هنقله باللون الاخضر :

ازيك يابااااشا
مافيش حاجه حلوة كدة ياباشا ؟؟

يلعن ابوكم ياشحاتين ياولاد الكلب

شحاتين شحاتين
حراميه نصابين
نشالين معروفين
بلطجيه معرصين
مهما طلعتوا فلاحين
او صعايدة معفنين
يا ( ابو سرة ) على مين
لا تقولى غلبانين

استعدوا يابهايم
استعدوا للشتايم
يازباله العرب
يابو سرة وعلى وعوض
دا الموضوع لو كان بيدى راح امسحكم من الكون
او ادعسكم واحد واحد لو كنتوا ميتين مليون

ادعس على المصرى
وادعس على الاهرامات
وادعس عليك يابو الهول
وادعس على الرقاصات
واشخ فى النيل واخليكم تشربوة
واللى يقولى اى كلمه راح العن له ابوة

الحمير فرحانين باللى فى شارع الهرم
اسمه شارع الوساخه , مافيه واحد محترم

طول ما انت فى مصر يعنى الغرزة غرزتك
نسرقك ننهبك بعد اذن حضرتك

المصرى زى الكلب ينضرب عالقفا
محشوم ياكلب , على الاقل فيه وفا
الكلب ياكلاب صار احسن منكم
حراميه وشحاتين وبنفسى اهينكم

يامصرى ياعبيط يامدمن الفسيخ
علشان الجنيه يفسخلك تفسيخ
الحل الوحيد للتخلص من اى مصرى
تمنع عنه الفول والطعميه والكشرى

حتى النيل ياولاد الكلب
اتنجس وطلعت له ريحه
والمصيبه بتشربوا منه
يامصارى يافضيحه

يابيه ...يابيه
بتشتم مصر ليه ؟؟؟

اخرس ياكلب
اخرس انت يابن الايه
اسب اللى ابغاة
واعطيه بالجزمه القديمه
وخصوصا ابو سرة اللى ماله اى قيمه
اللى ماله اى كرامه واللى اوسخ مالبهيمه
اللى يستاهل ضرب الشبشب واللى يستاهل الشتيمه

وطموح اى مصرى انه يشتغل سمسار
او يشتغل بلطجى او جرسون فى البار

وحياتك يابيه انا عايزة فلوس

اتلموا ياغجر ياشويه تيوس

المصرى ابو سرة مايساوى عندى ريال
تعطيه بالنعال او يتجلد بالعقال
او تعطيه بالشلوت او تتفل عليه
او تعطيه بالمشعاب وغصب عنه يقولك بيه

مصر منورة

بفلوسى ياوسخين

مصر منورة

بفلوسى ياشحاتين

المصرى والبهيمه فى الطبايع مشتركين
تعطيهم بالكرباج وتلاقيهم ساكتين

هروح الخليج واشتغل سباك
هبعت فلوس كتير من هناك

اتفو عليك يابو سرة يابلطجى
خليك ياشحات انت مقامك عربجى

العين ياكلاب ماتعلى عن الحاجب
احنا الاسود ياحلو وانتم ارانب
فى النهايه ياوسخين يا اوسخ مافى الكون
راح تبقوا شحاتين , سلمولى على فرعون


مصر....
البيت بيتك
وايدنا فى جيبك
وحاسب على الكحل اللى فى عينك
حنسرقك , حنسرقك

______

اما ختام الاغنيه فمافيش داعى لذكرة
:D

وطبعا سرعان ما اعلن ( شباب الراب ) المصرى حاله الطوارىء , واعلنوا رفع رايه الجهاد الانترنتاوى , ضد وكر العصفور ( عدو الاسلام ) وبالطبع جه الرد من العيار ( الاثقل ) ..

انا مش هنقل الاغنيه المصريه , اولا علشان مطولش البوست اكتر من ماهو طويل , ثانيا لانها مينفعش تنكتب اصلا .
انما انا متاكد ان اى واحد فيكم مسمعهاش , هيكون عارف برضه ايه اللى ممكن يتقال فيها , فكروا كدة ...

ها ؟؟

صح

مظبوط

- من باب الهجوم :
ان اصلكوا بدو ورعاع ورعاة غنم وكنتوا فقرا والبترول هو اللى عملكم ..
انكوا عبيد ودلاديل للامريكان .
انكوا متخلفين عقليا ومعاتيه .
اتهام شامل لكل نسوان المملكه ( بالدعارة ) ومن السهل جدا دعمه بالكليبات الفاضحه اللى مغرقه المنتديات الخليجيه ..
وبالطبع دة معاة اتهام شامل لكل رجال المملكه ( بالقوادة ) والضعف الجنسى !!!!

- من باب الدفاع :
كالعادة ,
احنا احفاد الفراعنه و ( كان ) عندنا حضااااارة عظيييييمه , والاهرامات وابو الهول وخوفو ورمسيس وسقنن رع , وباقى الاسطوانات المشروخه اللى اطفالنا بيحفظوها من ابتدائى , بتاع اول لما حد يسالك ويقولك مين اول من اكتشف اى حاجه , تقوم ترد بالفم المليان وتقوله : طبعا الفراعنه ..
وبما ان الشىء بالشىء يذكر , فقد تباهى الشباب المذكور ب ( الفحوله الجنسيه ) للصعيدى المصرى اللى مشيب كل نسوان الخليج العربى , وبركاتك ياعم امون كمب !!!!!!!!!!!

ها ؟

هل فيه حاجه انا قلتها مكنتوش متوقعينها ..

اعتقد ان كلكم توقعتوا الكلام دة , واغلب المصريين كانوا هيردوا نفس الردود دى ..

طيب
اللى حصل دة عبارة عن ( نشر غسيل وسخ ) او بمعنى ادق , اشبه بمشادة كلاميه حادة وعلنيه بين اتنين من المومسات فى حارة شعبيه , ومااسخن من سيدى الا ستى !
بالله عليكم
اقروا كلام الاغنيه دة كويس
هل فيه حاجه غلط ؟؟
هل فيه حاجه مش موجودة فينا دلوقت ؟؟
ومش عاوز حد يتنحرر ويقولى لا دول اقليه , والاغلبيه نضيفه
لا
الاغلبيه مش نضيفه

احنا شعب تغلب على معظمه الصفات دى :

الشحاته
لاننا فعلا شعب شحات .
كلنا بلا استثناء شحاتين .
اللى بياكل من المعونه شحات .
واللى بيبوس رجل المسؤل ولا حتى عوكل نفسه علشان يتعطف ويتكرم وينظر له بنظرة رضا ويرميله شويه عضم كل سنه اول مايو , دة ما هو الا شحات ..

اما عن السرقه والنصب فحدث ولا حرج , ودول يندرج تحتهم كل بنود الغش التجارى اللى اصبحت الاساس فى مصر دلوقت , وموجودة فى كل شىء , من اول الاجهزة الكهربائيه الى الادوات المنزليه والصحيه الى الادويه الى الاغذيه , وكلللللللل حاجه , شعار المستورد دائما : استورد اردأ المنتجات - بيعها باعلى الاسعار , وكذلك شعار البيه بتاع المنتج الوطنى : صنع باردأ الخامات - علشان تكسب كتييير , ومتخافش , بتوع الرقابه وحمايه المستهلك ووزارة الصحه دول فى جيبنا الصغير , مين مش عارف قصه صاحب اشهر ماركه لانشون فى مصر واللى اتفضح من كام سنه واتعرف انه بيبيع لحمه حمير , وبما ان البيه كان ( مسنود ) و ( مشارك ) ناس تقيله , فسرعان ما اتكتم على الموضوع , بل واتنشر له تكذيب كمان , واللى يتجرا ويفتح بقة , فاتهام السب والقذف جااااهز !!!!

اما عن تهمه ( التعزيز ) فكلنا ولله الحمد اصبحنا ( معززين ) من الدرجه الاولى , من ايام مذبحه غزة , الى دورنا ( التعزيزى ) المستمر حتى الان على ( الحدود ) ..
ممكن نستثنى كل من اعتصم او حتى حاول الذهاب للحدود , اما كل من دون ذلك فهو ( معزز ) , انا عن نفسى عندى الشجاعه الادبيه انى اقول على نفسى ( معزز ) , ايوة ياجماعه , الاعتراف بالحق تفيدة ...
نكش فى الكوبليه الاولانى بس , اعتقد كفايه كدة , لانى لو نكشت باقى الاغنيه هحتاج كتاب كامل ..

بصراحه
انا شايف اننا فقدنا صفات كويسه كتييييير جدا ابتداء من فترة الستينيات , واللى زاد وغطى , هو الاعلام الفاسد اللى زرع فى عقول المصريين اوهام الشوفونيه الفارغة واننا احسن ناس واجدع ناس واذكى شعب واحلى شعب وكل حاجه كويسه , واحنا احسن من كل الناس !
لا
احنا مش احسن شعب
ولا اذكى شعب
ولا اجدع شعب
بجد
احنا مش كدة خالص
ولا حتى نص كدة
احنا بقينا شعب اقل ما يقال عنه , وانا اسف فى الكلمه , ( شعب وسخ )
او بمعنى اخر
مسخ ضخم مكون من تمانين مليون انسان , ومن باب العداله ممكن نخصم منهم عشرة مليون ( على اقصى تقدير ) ونقول انهم لسه بخير !!!
- الف شكر لوزارة ( الارشاد ) بتاع عبناصر .
- الف شكر لزكريا بيه الحجاوى ورواياته ( الحمضانه ) بتاع تفوق العرق الآرى....اسف اقصد العرق المصرى .
- الف شكر للمذيع الفاكس والمفتكس , اسطورة الكذب الاذاعى , اللى اسمه للاسف على اسمى , المذيع احمد سعيد .
- الف شكر لكل فنانين و ( اراجوزات ) الثورة المباركه , ومن تبعهم من اراجوزات الانفتاح , ومن تبعوهم واطلقوا على انفسهم القاب ( الزعيم ونجمه مصر الاولى ونجمه الجماهير وغيرهم ) وطفيليين ( المقرفين الجدد ) اللى جابوا درفها ....
- الف شكر لصاحب كامب ديفيد , اكبر شيخ منصر فى تاريخ مصر
- الف شكر لعوكل , ولرجله الثانى ( القوّاد السابق ) ..
- الف شكر للشعب المصرى اللى ساب نجيب يترمى فى فيلا زينب الوكيل , ولا اتحرك , واثبت لنجيب انه كان غلطان فى المراهنه على الشعب , واثبت للجميع ان جمال كان صح لما راهن على الجيش .
- الف شكر للشعب المصرى اللى اختار محمد على
- الف شكر للشعب المصرى الغائب الحاضر , الميت الحى , على الدوام , والدوام لله وحدة ...

النموذج ( المسخوى ) التانى , الا وهو الشعب السعودى الشقيق , فدول بقى حكايتهم حكايه ,
مشكله السعوديه انها عاشت طول عمرها خارج نطاق الحضارة وبعيدا عن سيطرة الزمن , بمعنى انك لو شفت السعوديه فى القرن السابع عشر ( طبعا مكانش لسه فيه سعوديه , اقصد المكان نفسه يعنى ) هتلاقيها متختلفش كتير عنها ايام الامويين .
نفس الجو , مافيش اى فرق , صحرء قاحله وقبائل تعتمد على الامدادات والمساعدات الغذائيه القادمه مع موكب الحج كل عام , ومع ظهور الحركه الوهابيه وتوحيد مساحات شاسعه من اراضى الجزيرة تحت قيادتهم , وفشل السلطان العثمانى فى القضاء عليهم , فبعت لهم محمد على اللى بعت بدورة ابراهيم باشا , ومحمد على مش مجرد رجل عسكرى , لأ دا سياسى داهيه ومحنك , كان العثمانيين بيبعتوة زمان علشان يستخلص الضرائب من المدن الممتنعه عن دفعها , ودة قد ما بيحتاج قسوة وعنف , بيحتاج برضه مكر وسياسه ...
ابراهيم باشا نجح فى القضاء على جيوش الوهابيين وقبض على القادة العسكريين .

محمد على مكانش اهبل ولا عبيط علشان يكتفى بكدة , لان دى حركه فكريه فى الاساس وعلشان تقضى عليها لازم تجفف منابعها الفكريه , يعنى لو كان اكتفى بسحق جيشها كان هيلاقى الحركه جددت نفسها بعد كام سنه , فمحمد على صفى المنابع الفكريه للحركه عن طريق نفى الزعماء الدينيين والمشايخ الوهابيه , بعضهم عاش فى مصر والبعض الاخر راح استنابول , والباقين تشتتوا فى الارض , الخلاصه ان الوهابيه مُحيَت باستيكه من شبه الجزيرة .

مع تاسيس الدوله السعوديه بعد كدة كانت فيه قبائل كتير مزرجنه ورافضه الانضواء تحت رايه ال سعود , ومن هنا كان ال سعود بحاجه لدعامه فكريه لسند موقفهم السياسى , ووجدوا الحل فى بعض المشايخ ( الجهلاء والمعاتيه ) ودول بدورهم قبلوا الصفقه , ونفع واستنفع .

الكائنات دى نسبت نفسها للوهابيه مع انهم لا يعتبروا باى حال من الاحوال امتداد لفكر محمد بن عبد الوهاب ولا يمتوا اليه باى صله , نصبوا نفسهم ( اصحاب توكيل الدين الاسلامى ) على الارض , امااااااااال , مش احنا بقى مشايخ البلد اللى فيها الكعبه ؟ مش احنا اتباع الشيخ محمد عبد الوهاب ؟؟ يبقى مافيش حد بيفهم غيرنا ولا حد كلمته صح غيرنا , وكل باقى المسلمين دول لو ما اتبعوناش يبقوا اهل بدعه وكفار وزنادقه وهراطقه , خارجون عن المله , وعامه وجهلاء وغوغاء ورعااااااااع ( لاحظ التشابه بينهم وبين الكنيسه فى العصور الوسطى ) .

وبكدة نشأ التحالف بين المؤسسه الدينيه فى السعوديه وبين العائله الحاكمه , واللى زاد الطين بله طوفان المال اللى فاض فجأة فوقيهم بسبب البترول , ونقلهم مرة واحدة من سكن الخيام والبيوت المتواضعه والمشى من غير مركوب , الى السكن فى القصور وركوب العربيات ولبس الذهب , وهنا عاوز اسال سؤال :
لو واحد جاهل وسطحى التفكير , فقير لدرجه شديدة وعندة مركب نقص رهيب , لم يعتد استخدام عقله مطلقا , لو شخص بالمواصفات دى اغتنى فجأة , وانا بقول فجأة , غنى فاحش و انهالت عليه ثروة ضخمه بدون اى مجهود وبدون ما يتعب فيها , تخيلوا الشخص دة هيكون عامل ازاى ؟؟؟
- اكيد غباؤة هيزيد .
- اكيد مركب النقص اللى فيه هيظهر , لانه زمان مكانش قادر اما دلوقت فهو قادر بفلوسه يعمل اللى عايزة ويسيطر على الاخرين .
- اكيد هيبعزق فلوسه فى اتفه الاشياء لانه متعبش فيها ولانه جاهل وناقص .
- اكيد مش هيحاول يفكر حتى لانه متعود ميفكرش , ويفكر ليه ؟ ماكل حاجه بيقدر يجيبها بالفلوس !!!
- اكيد لما مصدر الثروة دى يخلص , هيرجع افقر واسوأ واغبى من الاول...

فطبيعى من كل المعطيات اللى قلتها دى , انه ينتج عندنا فى الاخر ( شعب مسخوى ) بالشكل اللى احنا شايفينه دة .

طبيعى نلاقى بَقْف يطلق عليه مجازا لقب شيخ , طالع يقول ان ربنا مسخر لهم الغرب , لان الغرب بيتعب نفسه ويفكر ويخترع بينما هما بياخدوا الانتاج على الجاهز !!!

وطبيعى نلاقى حجش طالع يقول ان الغرب ( الاهبل ) بيخترع حاجات ملهاش لازمه زى سفن الفضاء , ايه الهبل دة ؟ دى حاجات مش هتفيد البشريه , المنديل الكلينكس عندة افيد !! ( دا كلام سبع البرمبه ) ..

طيبعى انك تلاقى ( جلاله الملك ) طالع يقول للناس احمدوا ربنا انه رحمكم من الاعمال الدنيا ( طبعا لان فيه غيركم بيشتغل زبال وكناس وخدام , اصل الشغل عيب , وحرااام , والحاجات دى متليقش بالمقام السعودى السامى ) .

وطبيعى نلاقى حاله بشعه من التفسخ الاجتماعى والازدواجيه الفكريه الناتجه عن ( تسلط ) المؤسسه الدينيه و ارهاب ( ميليشيات ) الامر بالمعروف والنهى عن المتلوف , وضغطها على المواطنين فى ممارسات شكليه ..

طبيعى نلاقى الدعارة والشذوذ منتشر على اعلى المستويات ( داخل البيوت طبعا ) اما الشارع فعيييييييب , لازم النقاب يتلبس ...

طبيعى تلاقى اللى بيتكلم ويقول احنا واحنا والاسلام قال وحرام وحلال , طبيعى تلاقيه فى اول سفريه لمصر ولا تايلاند ولا لاس فيجاس , عبارة عن مقامر وسكير وعربيد ( على اقل تقدير ) ...

- الاخ اللى زعلان قوى من شارع الهرم , احب افكرة ان لولا الاخوة الخلايجه كان زمانه خرب واتقفل من زمان , وان كباريهاته وعاهراته عايشين على حسهم ..

طيبعى قوى انك لما تركب طيارة جايه من السعوديه لمصر وتلاقى كل الستات لابسين اللبس الاسود بتاعهم دة , واول ما ينزلوا المطار تلاقيهم قلعوة وتكتشف انهم لابسين تحته بدايهات و ( لبس شفتشى يبين كل شى ) , وسط كرنفال من الالوان الفاقعه والاذواق الزبااااااااله ....

طبيعى انك تلاقى منافق طالع يدعو الناس للبر بالوالدين والاحسان الى الجار ويدعو الستات للنقاب , لان الحجاب دة مش كافى ( على حد قوله ) ويبتزهم دينيا بقوله ان الست المحجبه فقط ست مقصرة وان النقاب فرض !!!
بينما نلاقى نفس الكلب المنافق دة سااااااكت واخرس قدام كل الجرائم العنصريه اللى بتحصل يوميا فى السعوديه , ونلاقيه ساكت على ( الدعارة والعهر المقنن ) المنتشر هناك مع الاسف , وتلاقيه ساكت امام فساد الاسرة الحاكمه وسرقاتها اللى ملهاش حدود وصفقاتها المشبوهه بعمولاتها الضخمه , واما طغيانها وفسادها ومساندتها للكيان الصهيونى ومن معه من المنافقين العرب , بل وتلاقيه كمان بيهاجم حركات المقاومه وحماس وحزب الله وبيروج للفتن وبينفخ فى النار والشيعه راحت والشيعه جت , وكل دة علشان مش على مزاج اسيادة اللى بيوكلوة عيش .....
واحد زى دة تسميه ايه ؟؟؟
صدق اللى قال عمم على رمم ورؤس على تيوس .....

وبكدة ظهر جيل ( مشايخ عاصفه الصحراء ) اللى الوهابيه نفسها تتبرى منهم , والسلف الصالح منهم برااااااااااااء .

والفشخرة والقنعرة بالكام طرطور وشرابه الخرج اللى فاتحينلهم القنوات عالبحرى ومسميينهم مشايخ ونازلين شخاخ فى ودان الناس , وكون ان الاراضى المقدسه موجودة عندكم , هل دة يكفى لجعلكم شعب عظيم ....

وهل تغيير لقب الملك لخادم الحرميين , واظهار انه تكرم وتعطف وتواضع باطلاقه هذا اللقب , مع انه يسىء للحرم ان شخص زى دة يكون خادم ليه , هل دة كافى لجعل الانسان محترم ؟؟؟

هل مجرد انكم تنفقوا الملايين على توسعه المسجد الحرام وتزيين اعمدته بالذهب والفضه , هل دة كافى لصرف النظر او للدفاع عن بذخكم واسرافكم وانفاقكم المليارات على ( وراك ) العاهرات , وسابقات الخيل والهجن , ورغباتكم السخيفه والعبيطه , وجعلكم مضحكه للعالم ؟؟؟

لن اقول لكم الا قول الله عز وجل : اجعلتم ساقيه الحاج وعمارة المسجد الحرام كمن آمن بالله واليوم الاخر وجاهد فى سبيل الله لا يستوون عند الله .

من الاخر
احنا بين شعبين ,

شعب اذل عقله الغنى ,
وشعب اذل يدة الفقر .

مع ملاحظه اننا بدانا نتطبع بمظاهر العته وفقدنا الحاجه الوحيدة اللى كنا بنتميز بيها , ودة يظهر بوضوح فى اعلام الكليبات والاعلانات السخيفه بتاع حل فزورة رجلك فيها كام صباع واتصل على كذا تربح بلد هديه , وموجه الافلام الاستهلاكيه اللى فاقت الحد فى سخافتها وسطحيتها , واصابت الناس بالعته والهيافه اكتر ماهما ,
يعنى حتى بعد ما كنا متعادلين , هما معاهم المال واحنا معانا العقل , اتخلينا عن العقل كمان !!!!

والبركه فى عبناصر والسادات اللى طفشوا علمائنا الافاضل واللى فضل منهم جوة البلد اتوفى , وفضيت الساحه امام مشايخ عاصفه الصحراء يدخلوا عقول المصريين و( يتبرزوا ) فيها براحتهم ..

وبقينا منسمعش دلوقت الا الشيخ ابن عثيمين وابن باز قال وابو نضارة وابو فصادة عاد !!
كأن كلامهم كلام مُنزل او قرآن لا يقبل النقاش !!!!!!!!!!!!!!

وبقينا نلاقى البنت ماشيه بمبدأ , الا وهو البس اسدال او حجاب واكون قدام الناس محترمه , انما فى السر امشى على حل شعرى واعمل اللى انا عاوزاة , مش مهم ربنا يشوفنى , المهم الناس متشوفنيش , علشان اقدر اصطاد الدغف اللى هيقع على بوزة ويتدبس فيا !!!!

يلا

عالبركه

واتلم تنتون على تنتن , الاتنين انتن وانتن .

- اسف على اسلوبى الحاد , بس بصراحه انا متغاظ جدا , ولولا ان لسه فيه ناس محترمين من الشعبين , اعتقد ان اسلوبى كان هيكون احد واسوأ من كدة بكتييييييير ....

يارب فيه ارضين وبلدين مظلومين ,
مظلومين بشعوبهم ,
يارب نضفهم ,
يارب طهرهم ,
يارب لو كنت ساكت عليهم علشان المحترم اللى فى وسطهم , فاسألك يارب انك تتوب على الكل , او تبعد الناس المحترمه على جنب , وتخسف الارض بالباقيين .
اعتقد ان وجودهم تحت الارض هيكون افضل من وجودهم على ظهرها ..

والبركه فى آل عوكل وآل ( تعوس )

حسبى الله ونعم الوكيل
حسبى الله ونعم الوكيل
حسبى الله ونعم الوكيل
- - - - - - -

ملحوظه :
- الصورة الاولى لدجال الاعلام المصرى الاول , اول من ابتكر فن الدجل الاعلامى , الخنزئور احمد سعيد , اثناء ممارسته لهوايته المفضله فى السحر والشعوذة , اثناء تحضيرة لاحد ( العفاريت الاذاعيه ) داخل الاستوديو .

- الصورة التانيه , فدى بقى للجراج ( الملكى ) السعودى , عام 1942 , من فات قديمه تاة ....

ملحوظه كمان : انا بدات اكتب فى مدونه ايام زمان , اللى عاوز تاريخ يدخلها , اللينك بتاعها فى البروفايل , ياريت كلكم تدخلوا هناك .....