السبت، 18 يوليو، 2009

عندما يصبح ابو شادوف اعلاميا ً !!!


تحديث :
- هذا البوست ليس دفاعا عن القمنى ( برجاء اعادة قراءة العنوان ) ..
- تمت كتابه هذا البوست قبل ان اعرف القمنى او اطلع على اى من افكارة ( كما هو واضح , وكما ذكرت اكثر من مرة ) .
- لست من متابعى قناة ( المجانين ) وامثالها من قنوات ( الصرف ) الفضائى , ولا يشرفنى ان اكون منهم , ودخولى عليها كان بمحض الصدفه ( السيئه ) ...
- الرجاء تعاطى بعض الحبوب المهدئه قبل قراءة البوست , كما ارجو ان يتم الاطلاع عليه برويه واكماله للنهايه .
- ارجو ايضا ( ان مكانش فيها رخامه ) قراءة التعليقات وردى عليها قبل الشروع فى التعليق .
- مازلت ملتزم بكل ماقلته فى البوست ولم اتراجع عن حرف منه ...

قاعد فى امان الله من شويه بتابع الجزيرة , خلصت فبقلب كدة فى الكام قناة الغريبه اللى بعدها دول , لقيت قناة اسمها ( الفراعين ),
فراعين ؟؟؟؟
ينعل ابو الشوفونيه فى الارض ,
المهم انا كنت برضه خبطت فى القناة دى بالصدفه اول ما فتحت , وبعد خمس دقايق هرشت انها قناة بتاع فرقعه ,
المهز ,
لقيت واحد اسمه الدكتور سيد القمنى , الراجل دة انا معرفوش , ولا اعرف آرائه , بس واضح انه عامل كام كتاب , مدايقين بعض مشايخ الازهر , وبعض مشايخ ( السبوبه ) ,
فوجئت بمذيعه غريبه الشكل اسمها ( سوزان ) لاويه بوزها شبرين وحاطه رجل على رجل وضاربه رجلها فى وش الضيف وبتبصله بمنتهى القرف والاشمئناط , وناقص شويه وترَجّع فى وشه , الظاهر انه حصل مشادة كلاميه بينها وبينه , وانها اتنحررت ودخلت فيه شمال فلما رد عليها عملت الشويتين دول , الهانم اصلا مش عاوزة تكلمه وبتتجاهله والاخ المذيع التانى داخل ( وسيط ) بينهم هما الاتنين !!!!!!!

وبعدين سييييييييييل من المكالمات , كله عمال يشتم , وكل شويه تلاقى واحد طالع يقول انا احيكى ياسوزان , انا اهنيكى ياسوزان ....
وتلاقى اللى داخل يشتم ويقول انت المفروض يسموك سيد ( القمىء ) , يقوم المذيع قاطع المكالمه ( طبعا بعد ما الاخ المتصل يخلص شتيمه , لازم يخلص شتيمه الاول وبعدين نبقى نقطع المكالمه ) ويبدو ان الاخ المذيع مش مكتفى بكدة , فيقوم معلى صووووته ويقول :
نحن لا نقبل ابداااااااااااا ان حد يقول الدكتور سيد القمىىىىىىىىىىىىىىىء
عيب نقول الدكتور سيد القمىىىىىىىىىىىىىىىىىىىء
انت ميصحش يتقالك الدكتور سيد القمىىىىىىىىىىىىىىىىىىىىء

وتلاقى دكتور ازهرى محترم داخل يتريق ويطول لسانه , الراجل الضيف قاله هات نقط اناقشك فيها , ايد كلامك دة بشىء من كتبى , عرفنى وقولى انت قلت دى فى الكتاب الفلانى فى الصفحه الفلانيه , يقوم الشيخ الازهرى ميردش , وعلشان يدارى على خيبته يقوم فاتح فى الشتيمه , وانت مش عارف ايه وهتترمى فى مزبله التاريخ !!!!!!!!!!

الوحيد اللى كان محترم هو فضيله الشيخ عبد الفتاح عساكر اللى اتكلم فى منتهى الاحترام , والراجل اصلا له مواقفه قبل كدة , انا فاكر الاسم طشاش الصراحه , بس متذكر انى عرفت له مواقف محترمه كتير , قال ان اللى بيحصل دة تهريج وميصحش , وان المفروض الناس اللى مش عاجبها كلام سيد القمنى دى تعمل كتاب تقول فيه انه قال كذا فى الكتاب الفلانى فى الصفحه الفلانيه ودة غلط لان قال الله كذا وقال الرسول كذا , وانه مستعد لو قدموله الكتاب دة انه ينشرة على حسابه ..
الراجل بصراحه اتكلم بمنتهى العقل والمنطق ويبدو ان كلامه معجبش الهانم المذيعه المحترمه فقفلت الخط ...
يعنى لما يكون شيخ ودكتور وعالم , تقوم تيجى مِعزة زى دى تقفل الخط علشان كلامه مش عاجبها ؟؟!!!!!

بعد دش مكالمات الشتيمه , تفضل وتكرم وتعطف الاخ المذيع انه يدى الضيف وقت يدافع عن نفسه ويرد , لاحظوا ان كل دة وانا لسه معرفتش اساسا ايه الكلام اللى قاله سيد القمنى , لان البرنامج من اوله ماهو الا مجرد ( وصلات سب وقذف ) , الراجل بالفعل بدأ يتكلم اخيرا ويعرض وجهه نظرة , ماكملش دقيقه واحدة , الا الاقيلك الاخ المذيع ( السُهن ) فاشخ ضبه وبيقول ان الحلقه كدة خلصت , وبسرعه ( تِلقُف ) الميكروفون الاخت ( معزة ) وتقول انتظرونا فى الفقرة الجايه اللى هنتكلم فيها عن التعذيب خارج مصر ( دا على اساس انه مافيش تعذيب جوة مصر ) , انتظروووووووووووووونااااااااااااااا ( طب والله بتفكرنى بالوليه الحيزبون اللى كانت شغاله مع الدكتور ايفل فى فيلم اوستن باورز ....

ولاحظوا انى برضه فى النهايه مقدرتش اعرف سيد القمنى دة بيقول ايه ......

يبدو ان الاسلوب ( الوسخ ) دة اصبح هو السمه السائدة على الفضائيات المصريه ,
- دور على اى حد عامل قلق ,
-هاته فى برنامج ,
- انزل فيه شتيمه وتهزيق ,
- ادى الناس فرصتهم يشتموا هما كمان ,
- وبعدين اقفل الحلقه ومشيه , ولم بقى يازعيم المكسب من الاعلانات ....

:D


الاخ المذيع ( ابو شادوف ) ,
انا شايف بصراحه انك بضبك ( المفشوخ ) دة , واسلوبك ( السهن المسهوك ) مكانك مش هنا , انت احسنلك تروح تشتغل فى وزارة ( الخوارجيه ) , مع ابو الغيظ وحسام غبى , صدقنى هناك احسنلك ...

الاخت المذيعه ( ام شادوف ) المشمأنطه دائما ,
ينعل ابو اللى عملك مذيعه , انتى بقى , تروحى عدل على المجلس القومى للمراة , هتعملى شغل هااااااااااايل , ببوزك ابو شبرين دة , مع طقم الخناشير ومُرضعات قلاوون اللى هناك .....

المذيع دة لازم يكون شخص حيادى , مثقف , دارس الموضوع اللى هيتكلم فيه كويس , بشوش , متحكم فى اعصابه , قوى الشخصيه وبيقدر يسيطر على الجلسه ( يسيطر على النظام , مش يسيطر يقعد يتكلم هو ) , بيدى فرصه لكل الاطراف تقول وجهه نظرها بنظام وبشكل متحضر ....
كام واحد بقى فى مصر كدة ؟؟؟؟؟؟؟؟؟؟؟؟؟؟؟؟؟؟؟؟؟؟؟

الدكتور عبد الفتاح عساكر , اشكرك واحييك على احترامك وعلمك , ربنا يكرمك يارب , وتانى مرة متصغرش نفسك مع ناس ( ارزقيه ) زى دول ....

الدكتور التانى ( بتاع ريد بووول يعطيك جوانح ) اللى اتصل علشان يشتم , يا اخ , يا ( دكطوووور ) ياازهرىىىى , طول عمر الدين الاسلامى عبر تاريخه بتطلع ناس وتقول اراء غريبه , بل ومرفوضه احيانا , الا انها كان بيتم استيعابها , عارف ليه ؟ لان الدين الاسلامى قائم على العقل , فلما تدافع عنه تدافع بالعقل , مش بالشتيمه والزعيق والمحاكم والقضايا !!!!
دة ان دل على شىء فانما يدل على فقر عقلى مزمن ..
بل نضوب عقلى مزمن ,
فلما ماشااااااااااااااااااااااااااااايخ الازهر يوصلوا للمستوى دة , مطلوب من العامه يعملوا ايه ؟؟؟؟؟

يا اخ , ياشيخ , يامحترم , احسنلك تروح تفتح الكتب وتقرا من اول وجديد , العلم مش عيب , وتتعلم ازاى تتكلم وتناقش , يااما كدا يااما احسنلك واكرملك تقلع العمه والجلابيه اللى انت لابسهم دول ( لانك هتكون عار عليهم ) وتروح تصبّع كفته .....

الاخ سيد القمنى , انا معرفش انت قلت ايه , بس كل اللى اعرفه ان محدش له سلطه يكفرك ولا يحجر على عقلك ,
من حقك تفكر ,
من حقك تقول رايك ,
من حق اللى مش عاجبه يرد عليك برضه بالعدل والمنطق , وبالاحترااااااااام ,
انت غلطان اصلا انك جيت فى برنامج زى دة ,
يلا , محدش بيتعلم ببلاش , على الله بس تكون اتعلمت ......

باقى الاخوة المتصلين ,
انتوا فعلا بتقدموا نموذج مشرف للشعب المصرى الهايص فى الهيصه , واحد بيتشتم , كلنا نشتم ,
مش مهم نعرف ليه ,
مش مهم نقرا كلام الراجل قبل ما نتكلم ,
احنا نشتم وبس ,
اةةةةةةةةةةةةةةةةةةةةة , اماااااااااااااااااااااااال , لازمن نقوم بالواجب برضه !!!!
فعلا احنا فى زمن الأمّعات ,
اتفووووووووووووووووووووو

وتوووووووووووووووبه انى العب فى قنوات الدش تانى ..

البلد دى فعلا ,
:
:
:
:
:
فعلا فعلا يعنى ,
:
:
:
:
:
:
:
:
محتاجه حقنه شرجيه ............