الاثنين، 28 سبتمبر، 2009

احييييييييييييييييييييييييييييييييه


بقى هيه دى بقى الست الوظ اللى عادل مأمون كان فالق دماغنا بيها فى الفيلم ؟؟؟

واللى كان حسين رياض بيبص عليها من خرم الباب وهيا بتغير هدومها ؟؟؟؟


احيييييييييييه يابلد ....

لأ .... احترام لأ ....لاااااااااااااااا



موقفين حصلولى النهاردة ونا راجع من السفر ,
اول موقف كان عند مدخل اسكندريه
من عند الساحل الشمالى كدة
راكب العربيه فى امان الله , الاقى فجأة امين شرطه رمى نفسه قدام العربيه
اووووووووووووووووووووووقااااااااااااااااااااااااااااااففففففففف
انا بصراحه اتخضيت , قلت يكونوش عرفوا بتهريبه المخدرات اللى انا عاملها ؟
بس عرفوا ازاى ؟؟؟؟
اصل مافيش حد يعرف الموضوع دة غير ابو دقشوم والدفاس ....
يكونوش وزوا عليا الحكومه ؟؟؟
مش ممكز
وبعدين انا معنديش مخدرات اصلا
وكمان انا معرفش ناس بالاسماء دى !!!
ايه اللى انا بقوله دة ؟
والاقيلك خمسين صدادة وحاجز اتحطوا فى الطريق فى لمح البصر !
طب ياعم الامين ما كنت تتنيل على عينك وتشاور والسواق هيقف لوحدة
لازم ترمى نفسك قدام العربيه يعنى ؟؟؟
وبعدين يرجعوا يعيطوا ويقولولك مات شهيد الواجب
ايه التخلف دة ؟

سالت جوز العساكر اللى قدامى عن سعادة البيه اللى هيشرفنا بطلعته البهيه .
- قالولى , الكابير
الكبير ؟؟؟؟
طب هو عزت حنفى ايه اللى جابه اسكندريه ؟
- لا لا , الكبير يعنى الراجل الكبير
كبير العزبه .
- قلتلهم اةةةةةةةةةةةةةة
- شيخ الغفر يعنى ؟
لا ياباشا , صاحب العزبه كلها .

اضرب بعينى قدام الاقى جيب زرقا واقفه بعرض الطريق .
قلت ااااااااااااااااة , دخلنا فى اللون الازرق , يبقى اكيد عوكل او حد من اهل بيته .
وجرى الامين على الناحيه التانيه ووقف انتباة فى نص الطريق بالظبط .
واخدين بالكوا , فى نص الطريق التانى , من غير اى اشارات او حواجز او عواكس , ولا حتى حط قدامه قالب طوب , يعنى اى واحد اعمى من حبايبنا الحلوين بتوع الاجرة ولا النقل ممكن يفرمه وهو ماشى فى لحظه تجلى ,
هى لحظه , بيهش فيها دبانه من على وشه او بيهرش فى عينه ولا حتى بيولع سيجارة ..!!!!!

العساكر قالوا للسواق اللى معايا , احنا هنعمل معاك واجب , هنفتح الحواجز فى الخباثه وانت عدى ودوس .
الراجل صدق وكان فعلا عاوز يعدى وياخد حبيب القلب بالحضن ( بالعربيه طبعا ) .

يااااااااااااااااااااااااااااااااااااااااااة
رجالتك بتوع الداخليه بيحبوك قوى ياريس
وشعبك كمان ,,, بيموووووووت فيك .

طبعا انا لما لاقيت الحوار هيقلب جد , قلتله اعععععععععععقل يامجنون , قالى منا ياباشا مرضالهمش الاذيه برضه .
قلتله لا ياسيدى هما مش هيتأذوا , شايف الكركدن اللى واقف انتباة هناك فى نص الطريق دة , وشاورتله على خرتيت لابس افرول غامق وباريه احمر فى ازرق وواقف انتباة فى نص الطريق
قالى ماله ؟
قلتله دة بقى معاة رشاش محترم , حاجه تملى العين كدة , هتخطى انت متر زيادة هيعملك انت ونا والعربيه مصفه , قاموا العساكر ضاحكين وقالوله : واحنا كمان هنقول مالناش دعوة , هو اللى خبط الحواجز ودخل ..
, الاقى 3 عربيات من المرسيدس السود اياهم معديين بعرض الطريق .
واضح انه مش عوكل , علشان عوكل لما بيعدى بياخد وراة 80 عربيه وهليكوبترين وخمس دبابات وقطر اسبانى .

تقريبا ممكن يكون نوفل او علوة , او حتى ماما , وممكن تكون العربيه اساسا فاضيه , رايحه تمون مثلا ولا حاجه , الله اعلم .
احلى حاجه ان القصه دى ماخدتش اكتر من ربع ساعه ,
اة ,
ربع ساعه بس ....

والحمد لله انهم كانوا بس معديين بعرض الطريق , قاطعينه يعنى , علشان لو كانوا واخدين الطريق بالطول , كان زمانى بايت هناك لدلوقتى ,
اة هفرش مرتبه وانزل انام على اى دبشه جنب القطط والكلاب .
الحمد لله , قدر ولطف .......
_________________

تانى موقف كان ونا راكب عربيه اجرة وكانت فى محافظه البحيرة .
لجنه مروريه فيها عميد و3 مقدمين ورتب تانيه صغيرة , دا غير الامنا والعساكر .
وقفوا العربيه .
رخصتك ( دا الظابط بيقول للسواق )
- هههههههههه معلش ياباشا , الظاهر انى نسيتها فى البيت !!!!
طب رخصه العربيه
- هههههههههه معلش ياباشا , الظاهر انى نسيتها فى جيب البنطلون !!!
طب بطاقتك طيب
- هههههههههههه معلش ياباشا , الظاهر انى نسيتها فى جيب الجاكته !!!!
طب اى حاجه .
- ههههههههههع هع هع هع , معلش ياباشا , الظاهر انى نسيت المحفسه فى البيت , اعدى بس ونا راجع اجيبهوملك معايا !!!!!!!!!!!!

طبعا بعد الردود اللذيذة ( للشخص ) اللى كان سايق العربيه , منا هقول عليه شخص لانى اساسا معرفش ان كان سواق ولا ايه بالظبط , اخدوا العربيه ونزلوا الركاب , ونا منهم طبعا .
قلت بسسسسسسسسسسس , هيقبحوا فى الكلام , وهنشتغل بقى فى شغل بطاقتك يااااض وجاى منين ورايح فين ومقاس جزمتك كام والهبل دة .
قمت حاطط ايدى على زناد الحته العوزى اللى مكمرها فى الشنطه , واخدت وضع الاستعداد لاطلاق النار فورا وبدون اى تمردد .
بس ملاقيتش اى حاجه من اللى فى دماغى خالص !!!!
الناس كانوا فى منتهى الذوق ,
اتفضلوا ياحضرات اقعدوا جوة لغايه لما نوقفلكوا عربيه تكملوا فيها ( دا هما اللى بيقولوا ) .
والاقيلكوا واحد من الركاب اللى كانوا معانا ( شكله متواضع خالص يعنى مش بيه ولا مهم ولا حاجه ) الاقيلكوا دة عمال يزعق :
مخلاص ياباشا , فيها ايه يعنى , ما الراجل قالكوا هيجيبلكوا الرخص وهو رااااجع , الله بقى , ايه الشغل دة ؟؟
- معلش يااستاذ , يعنى واحد زى دة لما نسيبه امال يبقى لازمه اللجنه ايه بقى ؟ ( دا العميد بيقول )
مالناش حنا دعوة , هو ذنبنا ايه نترمى الرميه دى يعنى ؟
- رميه ايه ياجماعه , احنا معاكوا اهو ومش هنسيبكم الا لما نركبكم مواصله تانيه .
قام صاحبنا لما لقى الناس ذوق ومحترمين , قام سايق فيها اكتر وهاجم على العميد :
انت مسئول توفرلنا مواصله تانيه , انت اللى رامينا هنا , والراجل السواق غلبان وعلى باب الله , وانتوا بتبهدلونا , وانت ملزم بمش عارف ايه , واحملك مسئوليه مش عارف ايه !!!
الراجل الصراحه كان مستفز جدا جدا جدا , وانا استغربت من احترام العميد واسلوب ردة الكويس على الراجل , انا بصراحه لو مطرحه , كنت هديله باللى فى رجلى . ( اقل واجب الصراحه ) .
المشهد بقى اشبه بمشهد مسرحيه الهمجى , لما جه لمحمد صبحى الراجل القصير بتاع ( متقدرششششششش ) ...

المشكله ان العميد دة لو كان قليل الادب من الاول ورزع الاخ دة واحد عباسى محترم على قفاة ( والعميد دة بسم الله ما شاء الله , حيطه ), كان احترم نفسه من الاول وضربله تعظيم سلام .

والله العظيم شعب نمرود وواخد على المعامله الوسخه ..........

فضينا المولد دة بصعوبه , والراجل وقفلنا اتوبيس مكيف وركبنا الحمد لله , بس انا مهانش عليا اركب الا لما اخد بخاطر الناس واشكرهم على اسلوبهم الكويس ووقفتهم فى الطريق فى الحر والجو المقرف دة ( كنا عز الضهر ) .
الناس استغربت من شكرى ليهم ومردوش عليا غير برد واحد :
على ايه ياباشا , دا شغلنا ....

دا مش مشهد فى فيلم عربى من الافلام اياها , دى حاجه انا شفتها بعينى فعلا , ودة بيورينا وجه اخر لوزارة الداخليه , مع الاسف كتير مننا , او كلنا منعرفوش , بسبب الاشكال الوسخه اللى بتظهر فى الصورة علطول فى الوزارة , وبتدينا فكرة وحشه وبتشوشر على القله المحترمه دى .
فكرنى بامناء شرطه اتعاملت معاهم وكانوا فى منتهى منتهى الادب والاخلاق ( مع الناس كلها مش معايا انا بس ) .
فاكر لغايه دلوقت مشهد امين شرطه قاعد على كرسى فى منشيه البكرى ( عند حبيب قلبنا كلنا ) وكان حاطط رجل على رجل , وكل ما حد يعدى من قدامه يقوم منزل رجله , بقول حد مش قصدى ظابط ولا دياولو , لا اى مواطن عادى , حاجه بسيطه وممكن كتير ميلاحظوهاش , بس بجد بتسيب تاثير كبير ومعنى اكبر .

طبعا انا مش هقول على اسم العميد ولا على مكان اللجنه , علشان انا متاكد انى لو قلت عليهم , هياخدوا جزا
D:

فيه ناس لسه محترمه فى الداخليه , فيه ناس يادوب مستورة ومرتبها بيقضيها بالعافيه وعايشه بالحلال .
الحمد لله
لسه فيه خير فى مصر

وبما انى شخص متشائم دايما فى المدونه ومتعهد توريد سلبيات واستاذ متفرغ فى فن الانتقاد ,
لاقيت من الواجب ومن حق الناس دى عليا انى اتكلم عنهم واشكرهم , بالظبط زى ما بهاجم الناس الوحشه وبنتقدهم .

شكرا يارجاله
ومعلش انا عارف انكوا تعبانين وطافحين الكوته فى الوزارة دى , وغيركم واكلها والعه وهو اللى بيظهر فى الصورة ,
بس معلش
صبرا جميلا والله المستعان
مسيرها تروق وتحلى
بس انتوا اصبروا واثبتوا

اثبتوا يارجاله

بس خلاص ........


ملحوسه اولى : اسمها لجنه وليس كمين ....

ملحوسه تانيه : الصورة اللى فوق دى ليا ونا كبير , طبعا لابس طرحه زى اغلبيه الشعب المصرى دلوقت , اما الصورة اللى فى البروفايل دى فليا وانا صغير ( قبل ما اتوب واتحجب والبس الطرحه ) ....

الأربعاء، 16 سبتمبر، 2009

عالمااااااشى .....



عالماشى
( ON THE RUN ) يعنى
خخخخخخخخخخخخخخ , بضحّك معااااااااااااااااكووووووووا ,

البوست دة عالماشى , يعنى عالسريع , حيث انى ماشى النهاردة بقى , هعمله باذن الله زى اول بوست كتبته فى رمضان , بمعنى انى هتكلم عن اكتر من موضوع , يعنى دة عبارة عن تجميعه بوستات ,
واللى ما يشترى يتفرج ,,,

- الفطار :

قام اليوم مِفَتّى البتنجان فى جماهيريه الاته المحلوله , فضيله الشيخ كباكه الكفتجى , باظهار احد المنشورات القديمه التى كتبت على جلد الغزال فى صدر الاسلام , وتظهر فيها فتوى تبيح افطار كل من يقوم بمهمه وطنيه عظيمه من اجل وطن وامته واصحابه والمجتمع والناس .
ولما كان منتخبنا الوطنى مقبلا على القيام بعمل بطولى عظييييييم سوف يغير مستكبل الامه , جمعاء , جمعاااااااااء ,جمعااااااااااااااااااااااااااء .
ولما كان ذلك يتطلب منهم مجهودا بطوليا وتسليحا عاليا وتدريبا دمويا فتاكا فى مواجهه اعتى جيوش الكفر والالحاد الرونديه .
فان ذلك يعنى بالدرورة وجووووووووووووب افطار كل اللعيبه فى نهار اليوم الموعود , كما يجوز لهم الافطار فى الايام الاربعه عشر السابقه له والاربعه عشر التاليه لها ( جوازا ) , بينما حذر نيافته من تجاوز تلك المدة المقررة , فهو اثم وجرم عظيييييييييييييييم .

انتهى نص الخبر .......

بصوا ياجماعه ,
- لما اكون انا راجل كفتجى وضلالى واحد اعوان سلطان جائر .
- ولما اكون منيل على عينى وكل يومين اقول كلمه وارجع الحسها تانى .
- ولما اكون جبان وخواف ورعديد , اخشى على الكرسى ولا اخشى عضب الله .
- ولما اكون مجرد طرطور وخيال مأته , وموظف عمومى كل همه مرتب اخر الشهر .

-- يبقى اتنيل على عينى فى الارف اللى انا غرقان فيه ,

-- واتنيل على عينى فى ام نوادى الليونز والروتارى المهببه ( مستودعات خناشير ماما الشهيرة بامنا الغوله ) , اللى انا كل يوم والتانى اتنطط فيها واقول فتاوى هبله وعبيطه زيى , وملهاش اى معنى ,
( بتفكرنى بفتاوى الراجل بتاع ( فيه قولان ) اللى حكيتها فى قصص ابو شادوف ) .

-- يبقى اتلهى واحط عينى فى الارض واتكتم خالص , لان اللى زيى سكوتهم راحه للامه , لغايه لما ربنا يأذن واترمى فى داهيه واتحط فى مزبله التاريخ وييجى الاطفال بعد ميه سنه يدرسوا فى ابتدائى انه كان زمان شيخ مدهول على عينه اسمه فلان , وكلهم يبصوا لصورته بقرف اشمئزاز .

مش اقعد زى شيخ الحارة , وكل يومين تلاته اقوم هابد كرسى فى الكلوب , علشان اخد جرعه التهزيق اللى وحشتنى كتيييييييير كتيير كتير .
ومش اروح افتى فتاوى هبله وخايبه زيى , يعنى ايه جواز افطار اللعيبه فى رمضان ؟
من امتى الكورة بقت واجب وطنى ولا انسانى ؟
ومين اداك الحق تساوى بين لعيب الكورة , والمجاهد اللى على خط النار ؟؟
الله يلعن ابو الكورة اللى كلت عقول الناس ....

يعنى لو انا مش محترم نفسى وسنى الكبير ودقنى البيضا ومنصبى ( ودا اكيد ) يبقى على الاقل احترم ام العمه اللى انا حاططها فوق رج....اقصد راسى .

مش كدة برضه ولا ايه ؟؟؟؟؟

________________________________

النغمات ( الاسلاميه ) :

موضه نزلت رمضان بقوة السنادى , قال ايه خير اللهم اجعله خير , ليله وقفه رمضان , الواد كابونجا والواد بوعرنجه وهما قاعدين فى الغرزة قاموا ماسحين كل النغمات اياها بتاع :
- حط النقط على الحروف
- بالراحه لما ...بالراحه قوى
- الصراحه راحع ياعينى وانت مبتعرفش
- كفى ناااااااااااااااااااافسك
- واوا اححححححححححح
- انت كلبك قاسى ... قوى قوىىىى
- انا شارب سوجارة بنى

ونزلوا بدل منها نغمات ( اسلاميه ) تمشيا مع روح الشهر الكريم !!!!!!!!!!!!

الاقى واحد مقابلنى وبيقولى ايه رايك فى النغمه دى , ويقوم مشغل لى دعاء للشيخ الشعراوى الله يرحمه على الخلفيه الموسيقيه لمسلسل المال والبنون !!!!!!!!!!!!!!!!!!!!!!!!!!!!!!!!!!!!!!!!!!

وانغمه تانيه لشويه عيال صوتها مسرسع بتقول كدة :
سلاااااااااااااااااااااااااة الناااااااااااااااابى يانول الناااااااااااااااااااااااااااااابى !!!!!!!!!!!!!!!!!!!!

واحد تانى عمال يزر زميله فى الشغل عند المدير ويقول عنه كلام محصلش , وفجأة تلاقى موبايله بيرن بنغمه عبارة عن دعاء بيقول : اللهم ارزقنا القناعه !!!!!!!!
ياسلااااااااااااااااااااااااااااااام ,,,,
اللهم قوى ايمانك ياشيخ ...

ايه العبط اللى بقينا فيه دة ؟

اللى بيحصل دة مقدرش اطلق عليه غير مصطلحين مالهمش تالت :
- ازدواجيه بشعه ومستفزة .
- ابتزال فاااااااااااااااقع قوى .
قرف
قرف
قرف

يعنى خلاص
معادش فيه ذرة عقل ؟؟!!!!

لما تلاقى انسان بهيم وغبى وفااااااسق , نازل غيبه ونميمه وبهتان فى الناس , وبطنه مش بتبطل اكل سحت ورشاوى , وبعدين تلاقيه ماسك المصحف وبيخلص فى الخاتمه ( السادسه ) ولما يعرف انك لسه مختمتش القرأن يديك موشح فى الاخلاق والتدين والمؤمن ( الحق ) .

..........A7A

بجد يعنى
معلش اصلى مش قادر ما اقولهاش .
جتنا نيله
جتنا ستيييييييييييييين نيله ...
جتها نيله اللى عاوزة خلف على رأى ايمان .

بيفكرنى بحاجه فى علم النفس اسمها ( الحيل الدفاعيه ) بيعملها العقل الباطن لا اراديا لما يكون عليه ضغط بشع , علشان يتخلص من الضغط دة .
من ضمن الحيل الدفاعيه الهبل اللى احنا بنعمله دة ,
احنا مضيعين دينا , وعايشين فى جاهليه حقيقيه لا مجازيه , اسوأ ميه مرة من جاهليه قريش قبل الاسلام .
واحنا عارفين كدة كويس
وبما اننا كسالى
وجبنا وسلبيين
فبالتالى معندناش ( الرغبه ) وانا بقول الرغبه وليس القدرة ,
معندناش الرغبه فى اصلاح ما فسد .
وبما اننا اجدع ناس تستسهل
فبالتالى اخترنا الحل الاسهل
ليه اتعب نفسى ةاقف فى وش الظلم والفساد ؟
ليه اتعب نفسى واكون كويس مع الناس واجى على نفسى علشانهم ؟
ليه اكون موظف محترم ومادخلش بيتى الا الحلال ؟

طب ما اسهل من دة كله :

اصلى الفرض بفرضه فى الجامع
واربى دقنى
واحط نغمات ( دينيه )
امسك سبحه
اكشر وقلب وشى عمال على بطال
بينما الرشوة والفساد والنميمه والبهتان والتخاذل عن الوقوف فى وجه الظلم , بل واحيانا دعمه ومساعدته
كل دة شغال على ودنه ...

بالذمه فيه اسهل من كدة ؟؟؟؟؟؟

وامعانا فى سبك المخطط , لابد من عمل ( اسقاطات ) على خلق الله عمال على بطال , بالشكل الاتى :
- مثلا واحد مشغل موسيقى او تلفزيون فى رمضان - اتقى الله ياراجل , انت مش مسلم ؟ معندكش دم ؟ حراااااااااااااااام .

- واحد تانى شعرة ابيض من الفانله الجيل , وقد جد جد جدكوا , قاعد عمال يحكى على غرامياته ايام لما كان شباب , وعمل ايه فى البنات اللى عرفها , وناااااازل شرح بالتفصيل الممل , مستعينا بمفردات يعف الشباب نفسه عن ذكرها , وبعد لما يخلص يدى محاضرة دينيه للى حواليه علشان مصلوش الضهر فى المسجد !!!!!!!!!!!!!
وهكذا .
ولاحظ ان ( النصح ) لازم يتم بصوت عااااااااالى , وفى وسط اكبر تجمع بشرى ممكن , يعنى على رؤوس الاشهاد , علشان نفساويتنا تستريح من جوا , ايون , احنا مش وحشين , احنا زى الفل , وكلنا على المحجه البيضاء , هو فلان دة هو اللى وحش وشرير , حتى اهو , شوفوا مش حاطط نغمات اسلاميه ازاى الفاسق الزندييييق ؟؟!!!!!!

طيب

انا ومن هذا المزنق

وتماشيا مع الموجه الايمانيه ( العميقه ) السارحه فى المجتمع المصرى

فقد قررت الاتى
انى اشترى عدة صينى من ام صوت عالى ( اللى بتلتميت جنيه دى )
وانزل عليها الاغنيه بتاع فيلم فجر الاسلام , بتاع :
نحن غرابا عك .........عك .....
يلا بقى
طالما العمليه بقت ماشيه كدة .

_______________________

- فكر جدييييييييييييد :

واضح ان موجه الفكر الجديد للنظام ( الجديد ) امتدت لتصيب الشعب المصرى ,
بمعنى ,
اننا كمان بقى عندنا فكر جديد , زى فكر حكومه المغارة بالظبط ,
حتى اسمعوا كدة القصه دى :
فى احد الاحياء الشعبيه باحد مدن الاقاليم
المنظر : كشك عيش حواليه كثافه عاليه جدا من البشر فى عز الضهر , وضرب وشتيمه وحاجه اخر بتنجان .
واحد مسجل خطر عاوز يجيب عيش
,
بس مش قادر يحشر نفسه وسط الزحمه ,
وكمان محدش هيخاف منه لو طلع مطوة ولا سيف حتى لان اساسا محدش هيشوفه ولا هيسمعه وسط الزحمه دى .

يقوم يعمل ايه جناب البلطجى ؟؟؟؟؟؟

شوفوا بقى الفكر الجديد :
المعلم جاب حجر ضخم , وشالة على كتفه وعافر لغايه لما طلع بيه فوق الكشك , وراح واقف فوق شباك التوزيع , ورفع الحجر لفووووووووووق ,
وقال بعلو صوته :
انا هغمض عينى
واعد لغايه تلاته
وارمى الحجر
وماليش دعوة بقى باللى يحصل
الناس فى الاول طنشوة
- وااااااااااااحد
الناس ابتدت تقلق وتبصله , قالوا دا اكيد بيهرج
- اتنيييييييييييين
الناس ابتدت تخاف وبالفعل اخلى الناس مساحه كبيرة تحت الحجر , العمر مش بعزقه ياعم .
- تلاااااااااااته
وقام رامى الحجر !!!
وبسرعة البرق قام ناطط ورا منه على طول , فبقى هو اول واحد قدام شباك التوزيع !!!!!!!!!

ها

ايه رايكم بقى فى الفكر الجدييييييييييييييييييييييييييييييييييد ؟؟؟؟؟؟

__________________________

اعلانات الحاكوووومه :


- سكك حديد مصر :

السكه الحديد دى بتاعتك ,
معموله علشان خدمتك وراحتك
( مشهد قطر درجه تالته متكدس بالركاب بينما يشتبك اثنان من الكمساريه مع بعض الركاب ويضربوهم بالاقلام والشلاليت ) .
اووووووووووعى تفتكر ان السكه الحديد دى معموله علشان تلم فلوس ,
لاااااااااااااااااا , انت غلطان يامعلم .
السكه الحديد دى من السعب والى السعب ,
كل سحتوت بيدخلها بيتصر عليها ,
يعنى اللى جاااااااى .... على قد اللى رايح يامعلم ....
فلما حضرتك تزوغ من دفع التذكرة ( الرخيصه جدا )
طبيعى ان دخل السكه الحديد يقل تمانين فى الميه ,
طبيعى انك متلاقيش خدمات ,
طبيعى انك تلاقى الحمامات قذرة وتقرف الكلب الاعور الحزين ,
طبيعى انك تلاقى القطر من غير شباك ولا باب لاننا معندناش فلوس نجيب شبابيك وبيبان ,
طبيعى انك تلاقى القطر اوسخ من مقلب الزباله لاننا معندناش فلوس ننضفه ,
طبيعى انك تلاقى كسارى المكيف رخم وغتت ولازقلك بغرا , خصوصا لو كان باين عليك العز ولو كنت شايل شنطه كبيرة :
- عنك يابيييييييه
- متشكر
- اشيلهالك يابيه
- ياسييييييدى لأ هشيلها انا

- وطبعا لو رفعهالك بس هتلاقيه جايلك لما توصل بالسلامه وفاتحلك ايدة وبيقولك حمد الله عالسلامه !!!!
ودة طبعا لاننا معندناش فلوس ندفعله مرتب عدل , لان جنابك بتزوغ من دفع التذكرة !

طبيعى انك تلاقى الشبابيك الازاز مش باين من وراها حاجه من كتر التراب اللى لزق فيها , علشان معندناش فلوس نجيب كيس بيريل من ابو نص جنيه وورقه جرنال ننضفها بيه ,
طبيعى انك تلاقى القطر يتاخر عن معادة بالساعه والساعتين , لان مافيش عندنا فلوس نجيب ساعات للسواقين ,
طبيعى ان قطر الصعيد يولع , لانهم كانو بيزوغوا ويسطحوا فمش بنلاقى فلوس نجيب طفايات ,

من الاخر

طبيعى انك تلاقى فى سكك حريق مصر كل حاجه وسخه وقذرة , ودة بس بسببك انت , بسبب انك مواطن مهمل وشرير ومش عاوز تدفع تمن التذكرة , مش بسبب اننا مهملين ولا حراميه لاسمح الله , ولا ان البيه المدير بيقبض مليون جنيه بس ,
لوحدة دة غير الرشاوى هو والطقم اللى حواليه .

انت السبب يامواطن يامعفن
لو عاوز قطر نضيف , يبقى تتنيل على عينك وتدفع تمن التذكرة الاول .
يااما بقى تتنيل تركب ميكروباظ علشان يتقلب بيك فى السكه ويريحنا من قرفك .
جتكوا نيله مليتوا البلد ......

- الضرايب :

كل قرش انت بتدفعه فى الضرايب تانى بيرجعلك فى صورة خدمات
مشهد مجارى طافحه فى الشوارع وميه مقطوعه وناس شايلين جراكن يملوها من الترعه .
طبعا هتسئل امال المنظر دة بيحصل ليه ؟
اقولك ليه ,
علشان صغار الممولين الاوساخ اللى زيك بيتهربوا من الضرايب , وبيقدموا تقارير مضروبه .
طبعا البهوات كبار الممولين ملتزمين وبيدفعوا ضاريبهم اول باول , وعلى راسهم طبعا رجل البر والاحسان احمد بيه عزو بزو .
وبعدين يااخى انت مش عاوز تدفع ليه ؟
دول كلهم عشرين فى الميه بس !!
يعنى ربع دخلك فقط لا غير !!
وكمان انت لا هتدفع كهربا بالشىء الفلانى ( تجارى بقى ) ولا اجور للعمال , ولا صيانه ولا اى حاجه تانيه ,
يعنى فلوسك فى جيبك يابخييييييل يااييييييييييحه .....
يبقى تبطل بخل وتدفع فلوس الحاكومه بدل وا نحطوا السيخ المحمى فى صرصور ودنك ,
احنا بنقولك اهو ,
وبعدين احنا يااخى ايبينلك مطلق الحريه فى الدفتر بتاعك ,
تعمله اخضر وباستك , تعمله احمر وبوردة , تعمله ميتاليك , مافيش اى مشكله ,
شفت بقى ياجعر احنا مدلعينكوا ازاى ؟
علشان تعرفوا بس ان المعامله الحلوة متنفعش مع الاشكال اللى زيكوا ...
مشهد : مجموعه من صغار الممولين يقفون صفا واحد فيقول احدهم :
- انا باخد في المصلحه
يقول الاخر
- ونا كمان باخد فيها
فيقول الجميع :
- كلنا بنااااااااااااااخد فيها .....
تنزل الكلمه النهائيه فى الاعلان :
الضرااااااااااائب
( مصلحتك ) اولا ..........


- الاعلان العبقرى :

مشهد شخص يلبس ثيابا باليه ويجلس على حصيرة امام تلفزيون متهالك مستندا الى زير مياة قديم .
اعلان يقول :
انشااااااء كوبرى جديييييييييييد .
فيصيح الرجل قائلا : يوووووووووووووووة
كباااااااااااااااارى كباااااااااااااااارى , هتعمل لنا ايه الكبارى ؟؟؟
فيرد المذيع عليه قائلا :
- الكوبرى هيشغل اخوك احمد العواطلى فى بناؤة ,
- وهيطفح الكوته طول اليوم وبعدين ياخد ملاليم فى الاخر ,
- وكمان الكوبرى دة هو اللى سيادتك هتختصر الطريق من عليه بالتاكسى بتاعك فى عز الضهر علشان تنجز الوقت ,
- وهو برضه نفس الكوبرى اللى هنقفله وانت محبوس فى نصه بالظبط فى عز الضهر علشان موكب سعادة الباشا معدى ,
- وكمان هو دة الكوبرى اللى هتمشى عليه عربيات القمل المركزى علشان تروح لكم المنطقه اللى انتوا ساكنين فيها وتديكم فوق نافوخكم بالجزمه القديمه ,
- وكمااااااان هو دة الكوبرى اللى هتعدى من عليه نفس عربيه الامن المركزى بعد ما تكون قبضت عليك وانت ماشى فى وسط المظاهرة بالصدفه ورايح شغلك ,
- كماااااان هو دة بررررررررررضه الكوبرى اللى سيادتك هتقع من فوقه بعربيتك وتنزل ميه حته بسبب التصميم العبقرى للكوبرى , وبكدة هنكون مت شهيييييييييد ,
شفت بقى الكوبرى بيعمل ايه ؟؟؟؟؟

مشهد الرجل المشاهد جالسا فوق السحاب وله اجنحه بيضاء ويومىء براسه مبتسما فى رضا ....


- احسبها صح :

سي ماعين عامل على قد حاله , مرتبه سته وسبعين جنيه فى الشهر , كويس , مش وحش , وبعدين الطمع اخرته وحشه والكناعه كنظ لا يفنىىىىىىىىى ,,,
- سى ماعين بطل يلبس غيارات داخليه وبقى بيلبس هدومه على اللحم علشان يوفر تمن الغيارات , وبكدة قدر يوفر ملاليم اكتر .
- سى ماعين بطل يشترى اكل وبقى بيدور على اكله فى صناديق الزباله هو وعياله , وبكدة قدر يوفر فلوس الاكل كمان .
- سى ماعين بقى بيخرج من شغله كل يوم بدرى ساعتين ويقف قدام السيدة يشحت علشان يلم فلوس مواصلاته وبكدة قدر يوفر من مرتبه فلوس المواصلااااااااات .
- سى ماعين لغى الكهربا والميه فى بيته وركب مكانهم شموع ومشاعل ودق طلمبه فى ترنش الجيران ....
- سى ماعين استفوجأ بانه داخل عليه كذا موسم فى نفس الوقت , رمضان , العيد , العام الدراسى الجديد , سى ماعين انتهز فرصه نوم عياله بالليل ومراته وشنق نفسه فى سقف الحمام , وبكدة وفر مصاريفه خالص وضمن دخل المعاش صافى لاولادة , وكمان علمهم الاعتماد على النفس لانهم كلهم خرجوا من المدارس واشتغلوا فى ورش وبكرة هيكونوا اسطوات قد الدنيا ويلعبوا بالفلوس لعب , كما انه قلل البلد واحد ودة بيخف من الازمه السكانيه , كما ان سى ماعين كدة وفر مرتبه كله وكتبه فى وصيته علشان يسدد بيه ( ديون مصر ) .
ايييييييييييييييييييوة كدة ياسمعه
احسبها صح ................ تعيشها صححححححححححححح .


- ( قافله ) :

حصل شورت فى الوصلات باتحاد الاذاعه والفلفسيون , فخرج اعلان غريب بالشكل التالى :
عبد ربه موظف على قد حاله ,
بيزوغ من شغله بعد ما يمضى على دفترة ,
ويعطل مصالح الناس ,
ويروح يشتغل على تاكسى علشان يجيب فلوس ,
وبالليل بيفتح محل بقاله علشان يتهرب من الضرايب وميدفعهاش ,
وبكدة قدر يوفر فلوس اكتر
وكمان حاصل على شهادة دكتوراة من صفط اللبن فى استراتيجيه التزويغ من كمساريه القطر ,
وعضو فخرى بالجمعيه العامه لمكافحه التطويق ,
وبكدة وفر تمن تذكرة القطر ,
وكمان بيقطع الكراسى الجلد انتقاما من الحراميه اللى ماسكين الهيئه وبالعين فلوسها كلها فى كرشهم ,
وبكدة عبد ربه مواطن مصرى ممتاز وموفر , زى لمبه الكهربا الجديدة بالظبط ...

ايييييييييييييييييوة كدة ياعبد ربه
احسبها صح ..... تعيشها صح .

ياسااااتر ياساااااااااااااتر ..... من هرتله اعلانات الحكووووووووومه ..... ياعبد القوىىىىىىىىىىى .

__________________________

كلمه اخيرة :
بالنسبه لموضوع البوست اللى فات
وتعليقات ( انسان ) و ( انسانه ) عليه
انا لسه قارى التعليقات امبارح
ومرضيتش ارد
فضلت ان ردى يكون فى البوست الجديد نفسه
اولا وقبل كل حاجه انا نفسى غير راضى عن البوست اللى فات
وقلتها فى البوست
يعنى هو بوجه عام مش عاجبنى اصلا
تانى حاجه
وياريت ياجماعه تسمعونى كلكم
انا اساسا دخلت عالم التدوين ليه ؟
كنت عاوز اعمل حاجه اسمها :
تفاهم
تقارب
لانى لاحظت ان ناس كتييييييييير قوى اهدفها واحدة , الا انهم نازلين خبط فى بعض بسبب اختلاف وجهات النظر والاساليب .
دى حاجه استفزتنى كتير
كمان احنا مع الاسف معندناش حاجه اسمها احترام وجهه نظر الاخر
علشان كدة كنت عاوز اخلى المدونه دى ميدان تدريب عملى للموضوع دة
ليا اولا ( على اعتبار انى انسان متعصب وخلقى ضيق )
وليكوا ثانيا .

بمعنى

كان نفسى اتكلم مع كل الاراء واتحاور مع كل الافكار مهما كان اختلافى معاها ( طالما انى شايف ان الغايه النهائيه واحدة )
اتحاور بغرض التفاهم والتقارب وايجاد ارضيات مشتركه , وليس بغرض الجدال واثبات خطأ الغير .
دى كانت اهدافى
ومازالت
اينعم احيانا انا بحيد عنها وبتعصب
وكل او اغلب المدونين كدة
بس دة ان عاد فانه بعود فى النهايه الى ضغوط الحياة والخنقه الرهيبه من الحاله اللى وصلت لها البلد
علشان كدة كلنا روحنا فى مناخيرنا ومش طايقين بعض
الا اننا ( انا عن نفسى ) بعد وقت بسيط بنكون هدينا ونلم الدور تانى .
فياريت نستحمل بعض شويه ....

بالنسبه لشكوى انسانه
انتى اولا افترضتى انى رديت رد معين , وبعدين بنيتى على الافتراض دة نتايج , وتعاملتى معاها كانها امر واقع !!!

طب بالذمه ينفع كدة ؟؟؟؟؟

مين قالك انى كنت هقول دى مدونتى ونا حر فيها ؟؟؟
وبعدين انتى بتقولى من خلال خبرتك باسلوبى توقعتى انى ارد بالشكل دة !!!
واضح انك معندكيش اى خبرة باسلوبى يا انسانه
لانى بكل بساطه
مكنتش هقول كدة
والله ما كنت هقول كدة
لانى مش حر فى مدونتى
طالما بتذاع على الملأ
والا بقى كان من حقى انى اتصور ونا بستحمى وانزل صورى فى بوستات !!!!
ودة مينفعش طبعا
بس فيه نقطه
لما الضغط بيكون عالى جدا , والخلل بيكون اكثر من ان يذكر
فى الحاله دى بيكون الالتزام بمعايير اخلاقيه , بيشكل فى حد ذاته قيد تقيل على الفكرة و بيقلل من قوتها .
فلازم نتحرر من القيد دة ( بشكل جزئى بسيط وليس كلى ) ولفترة محددة , علشان نقدر نوصل اللى عاوزين نقوله .
ولو تلاحظى ان عرضى للمواضيع دى مش بيكون بشكل صريح او مكشوف , بل بالعكس , بيكون بشكل متغطى ومستتر , يعنى الشخص اللى يتخاف عليه فعلا انه يقرا كلام زى دة , لو قراة مش هيفهم حاجه , بينما اللى هيفهم ما بين السطور اعتقد ان حياؤة هيكون اغلظ من ان يخدشه كلام زى دة ..., والنوعيه الاخيرة دى تشكل اغلب الشباب والبنات فى جيلنا .

يعنى انا بلجأ للاسلوب دة مضطر , مش بغرض الاستفزاز او الابتذال زى ناس تانيه ما بتعمل , وكمان بعرضه باسلوب معقول ( على قد ما اقدر ) كما انه مش كل بوستاتى بتكون كدة , وبرضه انا فى الغالب بنبه فى اول البوست على الموضوع دة لو تلاحظى .
دى فكرتى ( باختصار شديد ) علشان مطولش البوست اكتر من كدة ....
:D

قد اكون صح وقد اكون غلط
الا انى فى النهايه مش عاوز الا الصح والخير .
تحياتى ليكى

الاخ انسان
ولو انك بتدافع عنى
بس فيه نقطه عاوز اقولهالك
واتمنى انك تتقبلها منى بصدر رحب
ومن غير زعل
اسلوبك فى الرد
كان شويه حاد
معلش ,
لو كنت خففت منه شويه كان هيكون احسن
وبرضه كنت هتوصل نفس الفكرة اللى فى دماغك
ماشى يامعلم ؟
تحياتى ليك
______________

ان شاء الله انا نويت الاعتكاف فى صومعتى الصحراويه اعتكافا اراديا فى العيد بكامله , لانى محتاج اقعد مع نفسى شويه .
دا غير انى بكرة العيد بزحمته وخنقته .
يعنى صرفت نظر عن النزول فى العيد
وبكدة مش هشوفكم تانى الا يوم 8 شوال وعليكم بخير
علشان كدة تعمدت انى اطول البوست دة قوى
علشات تفضلوا تقروا فيه طول الايام دى
نياااااااااااااهاههاهااااااااااة .

عيد سعيد ياجماعه
وكل سنه وانتوا طيبين وبالف خير وسلامه
تحياتى للجميع ...............

الخميس، 10 سبتمبر، 2009

اى كلااااااااام



فى منتصف قاعه فسيحه فى مدخل متحف جمهوريه سلاموزيا المعروفه باسم الجماهيريه العربيه الهندوسيه الاشتراكيه الاقطاعيه الارستقراطيه البروليتاريه الليبراليه الرديكاليه التقدميه الثيوقراطيه السيفونيه العظمى ,
تقبع مخطوطه ضخمه خلف زجاج مضاد للرصاص , بينما يلتف حولها ويستطلع ما فيها الكثيرون فى نهم ..

زووووووووووووم ان على الواجهه ثم المخطوطه , فيطالع فيها القارىء ما يلى :

ذات يوم , وفى احدى الجلسات الليليه المعتادة لى حيث حامت حولى سحب كثيفه من الدخان بينما ينعكس عليها ضوء القمر بشكل مهيب .
اخرجت اسطوانه قديمه وجلست كرسيى المفضل واسندت ضهرى للخلف وانطلق صوت خافت ومكتوم بشكل محبب , الاسطوانه مكتوب عليها ( دينى الرفيعه يامعود ) وهى كما يبدو من التراث الشعبى المصرى او من التراث الشامى القديم على الارجح .

المطربه تدعى ( بهيه المحلاويه ) احد اشهر عوالم مصر فى القرن التاسع عشر واوائل القرن العشرون , من اولئك الذين عاشوا حياتهم بالطول والعرض , وسكبت عليهم افخر انواع الخمور , وغمسوا ارجلهم فى الجنيهات الذهبيه , وادخلوا ( السيارة ) لمصر قبل ان يراها ( افندينا ) حيث كان مازال يركب عربته الخديويه ( الحنطور ) بينما ينطلق يعدو امامه زوج او زوجان من السياس السود مفتولى العضلات ممشوقى القوام بزيهم الابيض وارجلهم العاريه , وعصيهم اللعينه التى كثيرا ما نالت من ظهر عابر سبيل سىء الحظ ...

كما هو معتاد , فان الواقع كثيرا ما يختلف عما نسمعه , فعلى الرغم مما هو متداول من ان عوالم مصر الاوائل كن سمينات بشكل مقزز وعجائز , وان اسلوبهم فج ومبتذل للغايه , الا ان الكثيرات منهن كن ممشوقات القوام ويتقن فنون الاتيكيت والذوق كما يتقن فنون الاغواء وسلب عقول واموال عتاوله الرجال .

ارجع للوراء لاتذكر السيرة ( العطرة ) لبارعه الجمال ( كوتشوك هانم ) عالمه مصر الاولى فى عهد ابراهيم باشا وعباس الاول , وكيف استطاعت ان تسقط فى حبائلها اشهر فطاحله الفلاسفه والعلماء الاوروبيين , وكيف ذهبت بعقولهم وقادتهم الى الجنون بينما اسقطت البعض الاخر فى حبائل ( مرض مش ولابد ) , وتلك الليله الحمراء التى قضتها مع الكاتب الفرنسى جوستاف فلوبير ودوكان , وكيف رقصت لهما رقصه ( النحله ) وعنيكوا ماتشوف الا النور , بل واشاعه علاقتها بالخديوى نفسه وسليمان باشا الفرنساوى .

استرخى فى كرسيى اكثر واغمض عينى وانصت السمع لاسطوانه الحنه الحنه ياقطر الندى , محاولا استبصار مشهد لفرح فى قصور بعض عليه القوم , تستدعى فيه ( الاسطى بهيه ) على سن ورمح .

السيدات يقبعن خلف مشربيه خشبيه , وعلى الرغم من تربيتهن الراقيه الا انهن لا يجدن اى غضاضه فى الانصات لكلمات الست فى تامل وتركيز , بالرغم من معانيها الخفيه ومدلولاتها المستترة التى تصب دائما فى فكرة العلاقه الجنسيه !!!

الرجال فى السلاملك بالاسفل يظهرون التسلطن والاندماج بينما تجول فى ذهنهم افكار اخرى , تعمد اغلبهم ارتداء بناطيل ( واسعه ) فى محاوله مضنيه لستر بعض ظواهر تلك ( الافكار ) .

الافراح الفلكلوريه الشعبيه دائما ما سجلت , بدايه من ( الكوبايه ) الى الاسطوانه المعروفه , مرورا بالاسطوانه الحديثه ( 78 ) لفه ثم شريط الكاسيت ( البكرة ) والكاسيت العادى ثم السى دى وكروت الميمورى .

الا ان الجميع اعتاد تسجيل مراسم الفرح والزفه نفسها , بينما لم تكتفى هي بالزفه , بل اذاعت ما بعد الزفه ايضا
:D

نعم
اول عمل جنسى فاضح مسجل فى تاريخ البشريه كان لنا السبق فيه بلا منازع

:)

تعلو تدريجيا فى المشهد موسيقا معروفه بينما يعتلى خشبه ( المشلح ) المترب الشهير بازوكا العزبى ويحنقل بحلقومه الشلولخ قائلا :
لا ها ( يدينى ) ولا ( يودينى ) ولا فيه حاجه بينه وبينى

بينما تصدح من الخلف المطربه الشنكحاريه الشهيرة قائله :
هيليفنى ويحمينى , وينضفنى ويفلينى

فيصيح الجميع قائلون :
علشان كدة احنا اخترناااااااااااااااااااااااااااااااااااااااااة .
......
الله الله ياست بهيه يامحلاويه , ياعيييييييييييييييينى ياسى توفييييييييق , مين سى توفيق دا ؟؟؟؟

اةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة
لكم احب صوت خشخشه الاسطوانات القديمه هذا
خصوصا عندما تتجاوز المائه عام
لا ادرى لماذا يجثم امام عينى مشهد للابرة وهى تسبح بين وهاد ونجاد الاسطوانه السوداء ذات التكت الاحمر ....

____________________________________


حان وقت تغيير خلفيات المسرح استعدادا للمشهد الجديد
انهض من على الكرسى الوثير لاجلس امام شاشه الكومبيوتر على كرسى اخر ,
اغلق الانوار ولا يبقى سوى ضوء الشاشه الباهت .

اممممممممممم
اشغل All Good Things(Come To An End
للاخت نيللى ؟؟

لا لا مش طالبه دلوقتى خااااااااالص

ايييييييييييييييييييييييييييييييييييون
هى دى ,

ديدو حبيبه قلبى , هى صوتها مش امكانيات عاليه ولا حاجه ,
يعنى مش زى سيلين ولا غيرها ,
بس معرفش ,
فيه فى صوتها واسلوبها والتوزيع الموسيقى البارع اللى وراها حاجه ...بل قل حاجات بتشد الواحد يسمعها .

اخخخخخخخخخخخخخخخخخخخ
تخيلى يابت ياديدو انى قعدت سنتين بحالهم معرفش انام الا على صوتك ؟؟؟
اينعم انتى زى البرص ولا مؤاخذة وعندكيش اى ( امكانيات ) تجذب الجمهور ( المتعطش ) الغلبان اللى زى حلاتى , ايون معندكيش امكانيات ,
انا جليا.........اقصد صريح .
بس بجد بجد
اخخخخخخخخخخخخخخخخخخخخ من البوماتك اةةةةةةةةةةةةةةةةةةةةةةةةةةة
ايه دة ؟
مين الحمار اللى قال ان المغنيه لازم يكون عندها ( امكانيات ) علشان الناس تشوفها ؟؟؟!!!
....... خليها فى سرك .....

I found no peaceIn the lies that i've told
I'm only hurt by the blows that get withheld
The sharper i get cut
The harder i get held
More that i believeThat you will come to me

Without you i've been burnin' love
You're the one that i've been calling for
يالاللى يالاللى
اخ يانى
ياترى ياهلترى ياواد هتقابل اللى فى بالك فى يوم ؟؟؟
اصلى خلاص
زهقت بجد ويأست وبطلت ادور
وبعدين حتى لو لاقيتها بالمواصفات دى اللى فى دماغك , هتكون كتير عليك وهتكون مستهلهاش وهتظلمها معاك لانها هتكون اعلى منك بكتيييييييييييييير .

يعنى متربسه متربسه
دا على فرض انك عرفت تلاقيها اساسا , فى وسط نساء من نوعيه
( انت خلصت ولا لسه يابو احمد ؟ قوم بقى علشان تعبت وعايزة انام !!!!! )

اقولك
خليك كدا احسن
اما ربنا يكرمك بيها
او تقضيها مع نفسك بقى وحيد شريد فريد ...

عيش يااااااض
احلم
الاحلام ببلاش
يلا قبل ما يحتكروها هى رخرة
ارقص مع اللى تتمنى ( فى خيالك طبعا , لانك مبتعرفش ترقص اساسا ) .....
طير وعوم واجرى فشر الفرقع لوز فى غيط الدرة ,,

ولع لها شموع فى ليله مقمرة على شط البحر ( ان شاء الله كدة لما تبقى تشترى فيلا فى فينيسيا ) .

هتكون هى المخلوق الوحيد اللى متخافش منه بكرة , المخلوق الوحيد اللى هتكون معاة
على سجيتك ..................على فطرتك .....بدون اى منظرة او رسم , بدون كدب , بدون سوء فهم او هجران.

اةةةةةةةةةةةةةةةةةةةةةةةةةةةةةةةة

قول ياريس متقال قووووووووووووووووول .

_________________________

موسيقى القرب ( بكسر القاف )
كثيرا ما ظبطت نفسى متيما بسماعها , واصدائها تتردد بين نجاد اسكتلند المكسوة باللون الاخضر .
مش عارف ليه انا معجب بالناس دى
ولا عليهم مارشات عسكريه انما ايه

ايه ؟

انا قلت مارشات عسكريه ؟؟
اة تصدقوا
استنوا كدة لما ابحلق فى البنورة الكريستال عصفور بتاعتى .
اة صح
انا شايف اهو
المنظر بالنهار
الشوارع شبه خاليه من المارة
حوانيت قليله مفتوحه على جانبى الطريق
تتردد من جميعها اصوات مرشات عسكريه وتلاوة قرآن !!!
ايه
مارشات سمكريه ؟
اةةةةةةةةةةةةةةةةةةةةةةة
بدات تظر تدريجيا وباستحياء انغام اغنيات غير معروفه تقول مطلعها :
طب ليه ميركبشى ؟ طب ليه ميسرقشى ؟
طب ليه مينهبشى , طب ليه ميلزقشى ؟
علشان عيالى وعيال عيالى
( طبعا علشان يضمن لاولادة الجنه , لان كلهم هيموتوا من الجوع والمرض قبل مايوصلوا سن التكليف )

الغريبه لم يعرف احد مطلقا مصدر تلك الاغنيات .
فى المقابل ظهرت اغنيات اخرى خبيثه ( كتيار معارض ) تنطلق من اماكن مجهوله بالمدن والقرى
- اغنيه الليله عيد لام كلثوم
- الراجل الندل للمطرب الشعبى محمد طه .
- اغنيه خد الشر وراح , مجهوله المؤلف .

تم اعلان ( حزق التجول )

الا انه وبمرور منتصف اليوم تجرأ بعض المواطنين على النزول للشارع , وتبعتهم جموع اخرى غفيرة , حتى احتشد الملايين فى الشوارع .
الكل صامت ,
الكل مذبهل ,
كل ينظر لزميله , لماذا لا تتحرك ( يقول فى سرة ) , بينما يرمقه الاخر بنفس النظرة !!!!!
مظاهرة النظرات !!!!!!
استمرت لعدة ساعات فى حاله من اغرب حالات الذهول الجماعى والتناحه الشعبيه فى التاريخ .

فى هذة الاثناء , كان الاخ حمبوزوا لاوى بوزة قد نجح فى فرض سيطرته الفعليه على كل الاجهزة الحساسه , كما نجح فى السيطرة على اى فكر معارض له داخل تلك الاجهزة .

فى اليوم التالت لاعتلاء سيادته العرش ,

تفتق ذهنه المجيد عن فكرة تغيير اسم الحزب الحاكم , اقتداء بسيدنا ( السادات ) عليه السلام .
فلجأ لتغييرة فاصبح اسمه : ( البنك ) الوطنى الديمقراطى , ثم اصبح ( الحزب التجارى التهليبى الدولى ) .
كما تم تغيير اسم الجمهوريه الى الجماهيريه السلاموزيه ( من سلاموووز ) نسبه الى معاهدة السلاموز الشهيرة .
وتشكل الجماهيريه احد جمهوريات المو.....اقصد الجمهوريات السلاموزيه العربيه ( جمهوريات مساهمه امريكيه ) ( ش م أ )
كما تم فرض الزى الوطنى الرسمى , وهو الطرطور الاحمر ابو كرانيش ( كدليل على المواطنه ) وقبقاب خشبى (كدلاله للتقشف والطهر )

الصنف دة باين عليه جامد
اة اسمه صدام
دة احسن من بتاع الوردة اياة
مش عارف ليه اى حاجه بتكون باسم صدام بتكون جامدة ؟؟
حتى التمر
اة ياابو الصداديم
يا مظبطنا حيا وميتا ياجامد انت .........

وكانت هذة هى تفاصيل البرديه الشهيرة التى عُثر عليها فى صحراء سلاموزستان المباركه , والتى توضح جزء من تفاصيل حياة مواطن سلاموزى فى العام الثلاثون بعد ( الاستسلام ) , المواطن يدعى ( حش - شيشون كمب ) , وهو كما يتضح , من جيل ( الاغوات الجدد ) وهو الجيل المترعرع فى ذلك الحين فى ارجاءالبلاد ............
التوقيع
الهيئه الكوميه للحفاز على الزروة الادبيه السلاموزيه ....
( ة ك ح ) .
______________
______________
البوست دة بايخ على فكرة
ومش عاجبنى
بس بدل ما امسحه
هتحفكم بيه
علشان بحبكوااااااااااااااااااااااااا ....
( وش واحد خبيث وعنيه ضيقه وبيجز على سنانه فى كلمه بحبكوااااا )
طيب
هنعمل تقييم للبوست المعفن دة
هتكون الاختيارات كالاتى :
- بوست زى الزفت
- بوست زى القطران
- مدونه اونطه , هاتوا فلوسنا
وكل واحد بيعلق ( دا للى هيعلق يعنى )
يختار واحدة من الخمسه دول
اورفوااااااااااااااااار

الجمعة، 4 سبتمبر، 2009

هيا بقت كدة ؟!


( الصورة عبارة عن سيناريو لاحد مسلسلات شهر رمضان القاااادم )
البوست دة هيكون غريب شويه ,
مش هتكلم عن موضوع معين او فكرة واحدة , لا
انا هتكلم كلام مرسل وغير مترابط ( معلش اعتبروها هلوسه صيام )
يعنى فى كام حاجه كدة استفزت اللى جابونى فى الكام يوم اللى فاتوا من رمضان , خصوصا انى كنت مقاطع التليفزيون من زمااااان , لغايه ما اتهرشت فى عقلى اليومين دول وقلت لما ادخل كدة اشوف الدنيا فيها ايه ( وعنيكم ما تشوف الا النور بقى ) ..
المهم ان كل المواقف اللى هتكلم عنها دى بتدفعنى دفعا انى ارد بكلمه واحدة ,
تسمع ولا تكتب ولا تقرأ ,
وسامحونى بجد مش هينفع اقولها علشان الصيام , كما انى قفلت القاموس دة تماما من عشر سنين ( شكلى هرجع افتحه تانى ) ..
اعتقد انكوا عرفتم كويس ايه هو المصطلح اللى عاوز اقوله ..


1- جامع السلطان حسن
جامع السلطان حسن واحد من اعرق واشهر الاثار الاسلاميه فى مصر والعالم العربى كله , واحد من اضخم وافخم المساجد المعروفه , له شهرة كبيرة وساهم فى احداث كتير فى التاريخ .
الجامع دة اتبنى بدم وعرق وفلوس الناس , السلطان حسن الله يكحمه , مكانش بيبنيه من جيب ابوة طبعا , ومسجد بالمواصفات دى ( مئذنه حاجه وتمانين متر وباب يتجاوز التلاتين متر ) كان يعتبر بمقاييس اياميها اعجاز معمارى وكانت مصاريف بنائه فلكيه .
لدرجه ان ناس كتير انتقدت السلطان بسبب بذخه فى الانفاق على المسجد دة واوشك الانتقاد انه ينقلب الى ثورة , وتصادف ان المئذنه انهارت اثناء بنائها فقتلت حوالى 300 مواطن , على حسب ما المؤرخين بيقولوا , وساعتها الناس هاجت عليه وقالت دة من غضب ربنا ( يعنى هو ربنا لما يغضب على الحاكم يموت الشعب ؟؟!! ) .

حصل بعدها طاعون مات فيه ناس كتير لدرجه ان محدش كان موجود يورث اموال اللى ماتوا , فالسلطان هبر الفلوس كلها وكمل بيها بنا الجامع ( ونعم الاخلاق والله ) .

مسجد زى دة من اشهر مساجد مصر , ادخل على كام موقع ( مش فاكرهم مع الاسف ) الاقيهم بيقولوا :
مسجد السلطان حسن هو المسجد الذى زارة الرئيس اوباما !!!!!!!!!!!!!!!!!!!!!!!!!!!!!!!!!!!

يعنى البعيد اللى كتب الكلام دة اختزل تاريخ مسجد عمرة اكتر من 700 سنه فى زيارة وش الغبرة اوباما ؟؟؟؟
طب دا اساسا يعنى المسجد دة موجود من قبل ما تكون فيه اللى اسمها امريكا دى .
ياشيخ حرام عليك ,
كفايه ذل بقى ,

ايه ميتين ام عقدة الخواجه اللى عندك دى ,

بجد بجد ..نفسى آ........ ولا بلاش .


________________


2- مسجد فى الصعيد ,
الموضوع دة من فترة على فكرة , اثناء صلاة الجمعه , والخطيب ( بتاع الاوقاف اياة ) بيخطب خطبه ذريه لولبيه ناقلها نصا من كتاب ( الخطب السلطانيه للعصور الحجريه ) وطبعا الناس كلها داخله الجامع ولا اللى رايح ياخد حقنه ,
اللى بيبص فى الساعه مستنى الخطبه تخلص ,
اللى بيلعب فى صوابع رجليه ,
اللى بيطلع حاجات من مناخيرة ولا مؤاخذة ويمسحها فى السجادة ,
اللى نااااااايم خخخخخخخخخخ فسسسسسسس ,
اللى بيعد خطه استراتيجية للجلوس فى اقرب مكان من الباب ليكون اول المغادرين ,

مولانا الامام العلامه ( كالعادة ) بيفقع خطبه عصماء عن ضرورة الابتعاد عن تكنولوبيا الغرب الملحد الكافر وانها مجرد فتن القاها علينا الغرب علشان يشوة فطرتنا البيضااااااااااااااااااااااااء .
وموضوع الحلقه ....اقصد الخطبه , كان عن هذا الجهاز الفاسد المفسد اللى ما هو الا احد الاعيب الشيطان اللعين لخراب البيوت ونشر الرذيله , فبيقول لافض فوة :
افيقوا ايها الاباء , يااااااااااامن اشتريتم لبناتكم وبنات المسلمين المحمول , وتركتم لهن الحبل على الغااااااارب , فيختلون فى غرفهم , ومعهم هذا الجهاز اللعين الموبااااايل ( من غير مِحرِم طبعا ) فيتحدثون فيه بالساعات , وانتم لا تعلمون مع من يتحدثون ....
اتدرون من يكلمووووووووووووووووون ؟
يكلمووووووووووووووون الحبييييييييييييييييييب ...
وهنا فاق كل الناس فى المسجد وضجوا قائلين فى نفس واحد :
صلى الله عليه وسلم !!!!!!!!!!!!!!!!!!
:
:
:
مش هعلق علشان عيب.............

_____________


3- ودى موجهه للبنات ,
بقالى حوالى سنتين ملاحظ انه بقى فيه ( يونيفورم ) موحد لكل بنات مصر , اللى هو البدى الابيض ابو كم اياة دة ( معرفش اسمه ايه الصراحه ) والجيب الجينز ......
هو خلاص يعنى مافيش هيئات لبس تانيه ؟

طب مش المفروض ان ( كسوة ) الصيف تختلف عن ( كسوة ) الشتا ؟؟
ولا بتوع محلات الملابس ماتوا ؟
ولا المراة المصريه قررت فجأة تريح دماغها من التفكير فى اللبس , حيث ان الموضوع معدش جايب همُه بقى ؟
ولا الاخ ماو تسى تونج بُعث حيا فى مصر المحروسه وفصَل بدله موحدة زى بتاع الصين بس على حريمى ؟؟؟

انا مش من عادتى ابص على اللى رايح ولا اللى جاى , ولا ابحلق فى البنات , اينعم انتن احرار فى اللى تلبسوة , تلبسوا ستوميك تلبسوا نقاب , تلبسوا سكيرت , دا شىء يخصكوا , بس بجد المنظر بقى خنييييييييق ..

___________________


4- عند ( المزين ) :
امبارح قلت لما اروح للمزين ...قصدى الحلاق ....يووة قصدى الكاوافير الروجالى عدم اللامؤاخذة , وقلت لما اجز الفروة خاااااااااالص علشان اريح دماغى .

تصادف ان الاخ كان فاتح الجهاز اللعين الفتين ( مشتقه من فتنه ) اللى اسمه الريسيفر واليعاذ بالله , الا انه كان فاتح قناة اسلاميه , يثاب المرء بمشاهدتها طبعا , القناة اسمها قناة الرحمه والرز واللحمه , اكيد كلكم عارفينها طبعا .

وغصب عنى اخدت شربه زيت خروع مدتها نص ساعه من الفواصل الاعلانيه السخيفه ( تقريبا مافيش اى مادة اصلا , البرنامج مدته 3 ثوانى بيحشروا وسطه خمس ساعات اعلانات ) دا غير سطحيه المادة المقدمه من الاساس .

طبعا مقدرتش اقوله اقلب القناة , لانه لو قلب ممكن يجيب قناة ( الكباريت فى اخراج العفاريت ) الشهيرة بقناة الحكمه , وانا ساعتها ممكن يجيلى سكته مخيه , وطبعا مش معقول اقوله هات مولودى او ماستيكا , لانى اساسا مبحترمهمش ....

وبما انى انسان سادى اتلذذ بتعذيب الاخرين ( زى نوارة بالظبط ) فمش هتعذب لوحدى , خدوااااااااا ( يارب نوارة تكون بتقرا , اطلع عليها شويه من اللى طلعته عليا على طول تسع شهور ) :

- الكلفتى جروب , تقدم لكم الجهاز العجيب .......اف اس 130
- الجهاز الوحيد القادر على حل مشكلات العمود الفقرى والغضروف والصداع والبرد والام المفاصل وتاكل الاسنان والسعال الديكى والتسمم الاميبى والزحار وحمى الوادى المتصدع .
- جهاز اف اح 130 , عكف على تصميمه كبار علماء جامعه بير الحمص الدوليه للعلوم والتكنوفوبيا .
- ضهرك واجعك ؟؟ ( صورة شحط بيلعب حديد بقاله 30 سنه , حاطط ايدة على ضهرة قال يعنى بيوجعه )
- مش بتعرف تنام ؟( صورة بقف عمال يتقلب على السرير )
- بتقعد قدام الكمبايوتظ كتيييير ؟ ( صورة دهل عامل نفسه بيكتب على الكيبورد بس حاطط راسه تحت ورجليه فوق ) .
- جهاز اوف اح 130 يقدم لكم الحل الامثل لكل هذة المشاكيل , فما عليكم الا ارتداء الجهاز ( صورة نفس الشحط بتاع الحديد الاولانى لابس استك بمبا مسخسخ على وسطه ) والجهاز يقوم بعمل اللازم .
- جهاز اوف اح 130هيدروماتيك , الفئه السابعه يعتمد على نظريه الاشعه الكهرومغطاطيسيه وتفاعلها مع البواسير المستعصيه , حيث يقوم بإبثاث اشعه التروفسيولولونيه زئبقيه فتاكه , تقوم بتعديل فأرات الدهر , واعادتها لمكانها تانى ( صورة واحد عمودة الفقرى كان فى رجليه , فدخل عليه نور ازرق رجع عمودة فى ضهرة تانى ( طبعا الضوء الازرق دة اللى هو الاشعاع العجيب ) مش محتاجه فقاقه يعنى ) .
- الجهاز العجيب يصلح لكل الاوقات ( صورة الجعر بتاع الحديد والبقف اللى كان نايم والواد البِلِط بتاع الكومبيوتر العيرة , كلهم لابسين الاستك العجيب وضبهم مفشوخ من الودن للودن ) .
- الجهاز العجيب , سعر الشحم سابت اينما كنت , اتصل بينا نصلك اينما كنت ( ولو كنت العجل فى بطن امه ) .
- الجهاز العجيب , كل اللى مطلوب منك , انك تكع الفلوس , و ( تلبس ) الجهاز العجيب بعد كدة .
جهاز اوف اح العجييييب ......
ياحنين عالوسط يااستك ..........

بجد بجد يعنى ,
نفسى اقولها
مش قادر اتحكم فى بقى
سقف الحلق عندى هيعمل تمرد ويطلّعها ,
اسكت
اسكت يابقى ...

___________________


4 - منك لله يامحسن
مشلشلات التلفزيون ( من الفعل شلشل َ ) السنادى جايه ( فى مستوى الطالب المتوسط ) ..
بجد مش عارف المخلوقات دى عاوزة توصل بمستوى عقليه الانسان المصرى لغايه فين ؟؟!!!
انا مقاطع التلفزيون من زمان , وكنت بقول على مسلسلات رمضان اياميها انها تافهه ,
انطسيت فى دماغى السنادى وقلت لما اشوف ايه النظام ...
بصراحه ,
مش عارف بيجيبوا التفاهه دى منين ....
بجد بجد , يستحقوا جايزة ( البوكسرالشيفون المخملى ) فى التفاهه والهيافه .
نوارة قامت بالواجب وزيادة فى الموضوع دة .
علشان كدة مش هتكلم كتير .
D:
بس هقول كام نقطه كدة , علشان نحط النقط على الحروف قبل ما نطلع سوا عالروف :

الوصفه الذريه لعمل مسلسلات الجاثوثيه :
1- شخص ( صدِغ ) للقيام بدور ظابط المخابرات المصرى , ( يستحسن ان يكون امين شرطه سابق .)
2- شخص تانى ( تختخ ) للقيام بدور ظابط المخابرات الاسرائيلى , ( يستحسن ان يكون الواد بتاع اعلانات الواد كان عندة حق عَرَفه الجااااااامع , او الواد بتاع اعلان ميلودى ( كاندى شوب ) ) .
3 - سيجارتين مارلبورو اسود متسقيين بزيت حشيش خام ( لزوم الدماغ ) ودول طبعا هيكونوا مع كاتب السيناريو .
4 - واد يجيد تمثيل دور الانسان الكَحول ( بفتح الكاف ) والكروديا ( بضم الكاف ) وكبنش ( بفتح جميع الحروف وتسكين النون والفاء ) , للقيام بدور الشاب المصرى الضحيه .
5 - تتر اسود مليان شخبطه ولااااازم يكون فيها الدواير والصليبه بتاع نشان البندقيه القناصه .
6- ميكروباس بأزاز مفيم سوبر دارك ( يستحسن يكون من غير نمر ) لزوم الركنه والتظبيط على طريق المطار فى ليالى الصيف ( الحااارة قوى ) .
7 - سماعه هيدفون بتاع كومبيوتر لزوم ( شغل التجسس )
8 - جاكيت جلد اسود ونضارة سودا ( اللى هما الزى الرسمى للناث الجواثيث ) .
...

مشلشل ابن الارندلى ( اللى مش ناوى اتابعه اكيد ) ,
ياعم يحيى , مالك ؟
انت راخر بقيت زياط وهياص ؟
طب حمادة عزو وقلنا ظاهرة , جاى تكررها تانى ؟؟؟!!!
ولا يعنى علشان تتر المشلشل عمل جماهيريه عاليه تقوموا جنابكم جايبين نانسى عجرم تت..... فى تتر المسلسل الجديد ؟؟؟
انا اللى اعرفه ان المسلسل هو اللى بيشهر التتر بتاعه .
اول مرة اسمع عن مسلسل بيعتمد على تترة فى تحقيق الجماهيريه !!!!
اسميها ايه دى ؟
هيافه ؟
ولا قصر ديل ؟
ولا خيبه الامل راكبه جمل ( على راى تيته ) ؟؟؟
وبعدين سؤال اخير
نانسى اخدت كام فى التتر دة ؟؟؟؟؟؟
طب فيه كام واحد فى مصر بيبات من غير عشا , وفيه كام واحد بيدور على اكله فى صناديق الزباله ؟؟؟
حسبى الله ونعم الوكيل .....
فعلا يعنى
اذا لم تستحى فافعل ماشئت .......
عرفتوا بقى انا ليه عاوز افتح القاموس واقولها تانى .....

روح ياشيخ

كتك وجع فى تترك ......


- الحاجه الوحيد اللى بقيت اتابعها دلوقت فى رمضان , البرنامج بتاع ( عثرة لثحتك ) بتاع الدكطور ( زكى بيوتك ) اللى بيجى قبل الفطار على القناة التانيه , بصراحه , شايفه اكثر مواد التلفزيون المصرى مصداقيه السنادى .
:D
ومحدش واخد منها حاااجه .
منك لله ياللى فى بالى ....

___________

5- الدعايه الاعلاميه اليوم
اولا وقبل كل حاجه اعتذر عن بذائه محتوى الفقرة دى , بس بجد , انا من خنقتى مش هينفع اقولها الا بالشكل دة .
فعلا اول مرة احس قد ايه الادب قيد تقيل امام سخافه الاسفاف والبجاحه .
علشان كدة , انا نويت اتخلص من القيد دة ( نسبيا ) علشان اخرج جزء من شحنه الغيظ اللى جوايا .
اللى جاى دة مش هسميه الاعلانات فى المستقبل ,
ولا الاعلانات فى الحاضر
لان دا بيحصل فعلا
ولو بشكل متغطى
لكن الاسم بيحصل متغطى
واللى النهاردة بيتعمل فى الدرا بكرة هيتعمل علانيه
وبكرة ليه
ماهو من دلوقتى اهو .....
لما تفتحوا التلفزيون فى يوم وانتوا قاعدين مع اهاليكم واطفالكم وتلاقوا الارف دة فى وشكم ,
متبقوش تتخضوا :

لبوس ( الافيونجى )
المشهد : احد احياء القاهرة فى احدى ليالى الصيف , وتحديدا يوم ( خميس ) .
نور غرفه نوم علويه يضاء ,
زوج بنهض من على السرير ويتصبب عرقا ,
زوجه ترتدى قميص نوم ( شفتشى ) وتبدو عليها ملامح الضجر والغضب .

- الزوج صاحب الكرش الضخم والشعر الكثيف ( على الاكتاف كما الغوريلا ) يجلس على حافه السرير واضعا راسه بين كفيه وتبدوا عليه ملامح الحسرة والانكسار , بينما تنهض الزوجه ( التى تبدوعليها ملامح ( الفروسيه بالقوى ) تقوم متأففه وتشعل سيجارة ( مور ) وتخرج للجلوس فى البلكونه بينما تشغل جهاز الكاسيت على اعلى درجات صوته على اغنيه ( الصراحه راحه ياعينى وانت مبتعرفش ) .
.....

مقدم الاعلان :
- تعبان ؟
- زهقان ؟
- مش عارف تعمل مسمار ؟
- هل انت ولا مؤاخذة راجل ( متنى ) ؟

( تظهر صورة صاحبنا لاوى بوزة ويومىء بالموافقه ) .

- معانا .
- لبوس الافيونجى .
- خلاصه عمل اربعين عاما , بين علماء اكبر الشركات العالميه : شركه ابو خنجر , شركه المسمار , شركه المبرد الحدادى , وشركه الطوربيد .
- لبوس الافيونجى
- الوحيد الذى اثبت صدق نظريات اينشتاين ( لكل (فعل ) رد ( فعل ) مساوى له فى المقدار و( مضاد ) له فى الاتجاة )......
- لبوس الافيونجى
- الوحيد الذى ليس له فترة عمل محددة , فهو يعمل ( طول ما انت لابسه ) .
- لبوس الافيونجى
- يرفع ( رأسك ) ( عاليا )

- لبوس الافيونجى
- متوفر بجميع الاحجام , وكل واحد ومقاسه بقى .
- لبوس الافيونجى
- من النهاردة انت مش ( قشاش )
- انت ( الاكسبريس )
- لبوس الافيونجى
- اكونتين فرقعتين لبوس فلين
- لبوس الافيونجى
- هووووووووة دة
مشهد : نور الغرفه يطفأ مرة ثانيه , بينما يضاء نور احمر فاقع .
المشهد ليل خارجى , صورة الحى باكمله من بعيد وفى المنتصف باب بلكونه شقه صاحبنا اياة .
وفجأة تصرخ الزوجه بصوت جهورى : ايييييييييييييوة كدة يابدييييييييييييع ( بديع دة اسم جوزها ) بينما تضاء جميع غرف الحى بسبب صرخه الزوجه .

تظهر فى النهايه اغنيه محمد عبد الوهاب : ياوابووووووووووووور قلى رايح على فيييييييييييين ........

- لبوس الافيونجى......
- ياوابور قولللللللى ....

_________________

كولدير المشتاقووون الى الجنه :

المشهد الاول : تظهر نتيجه قديمه عليها تاريخ عام 1965 بينما يظهر مكان قذر للغايه ( يبدو انه سجن ) بينما يقبع العديد من السجناء على اجهزة تعذيب بشعه وتسيل منهم الدماء بينما يجلس حمزة البسيونى على سفرة عشاء فاخرة ويضحك ضحكات مجلجله وسط سمفونيات من صراخ المساجين .

المشهد التانى : صورة شاهد قبر مكتوب عليه ( المغفور له ) حمزة البسيونى , مامور السجن الحربى .

المشهد الثالث : اصوات صراخ بشع وصورة السنه نيران ممتدة فى الخلفيه بينما يقول مقدم الاعلان :
- ليك واحد عزيز عليك ومات , كان مفترى وابن ستين كلب ؟
- هل انت من اعضاء الحزق الوطنى حاليا او الاتحاد الاشتراكى سابقا ؟
- هل انت عضو مجلس شعب ؟
- خايف على اخرتك ؟
- قلقان من السواد اللى مستنيك لما نفسك الخبيثه تروح للاخرة ؟
- هل انت شيطان يمشى على قدمين ؟
- هل انت رئيس تحرير جريدة ( قوميه ) ؟
يظهر رجل يرتدى بدله ايطاليه فاخرة وينزل من سيارة مرسيدس سوداء واضعا فى فمه سيجار كوبى ( من اللى بيتلف على وراك العذارى ) , مرتديا نضارة سوداء ضخمه ويومىء برأسه مظهرا علامات الاسف .

مقدم الاعلان :
- متقلقش .
- معانا هتوصل للجنه بدون مقاطعه .
- اشترى كولدير المشتاقووووووووون الى الجنه .
- اسرق
- انهب
- اقتل القتيل وامشى فى جنازته
- اعمل اللى يعجبك , فما انت الا عبد المأمور
- وسييييييييييب الباقى علينا .
- اشترى كولدير المشتاقون الى الجنه
- وحطه على باب فيلتك
- اسقى المسافر والعطشان
- تدخل الجنه حدفا بالمنجنيق
- اصلك متعرفش
- مش الراجل الكافر دخل الجنه علشان سقى كلب
- شوف انت بقى لما تسقى كل يوم ميه ولا متين ( كلب )
- كولدير سبيل المشتاقووون الى الجنه

الفئات :
- اذا كنت عضوا بالمجلس المحلى فعليك بكولدير بحنفيه واحدة
- اذا كنت عضوا بمجلس الشعب فعليك بكولدير فئه ثلاث حنفيات
- اما اذا كنت وزيرا او رجل اعمال ( من اياهم ) فننصحك بعمل محطه مياة كامله .
- اما لو كنت من العيله المالكه,
فطلبك مش عندنا ....

- كولدير المشتاقوووون الى الجنه ,
- كولديييييييييييييييرررررررررررر ,
- يأخذك الى الجنه . ..........


المشهد الاخير : صورة فيلا فخمه يقع خارجها كولدير ضخم يشرب منه عدد كبير من المواطنين مهلهلى الثياب .
يظهر صاحبنا السابق ( ابو بدله ايطالى ) لابسا ابيض فى ابيض وجالسا وسط حديقه غناء , المياة تنصب من العديد من النافورات الضخمه , بينما يجلس على كرسى فخم وتحيط به العديد من الفتيات باهرات الجمال .....


__________________



سبارتكوس عصرة واوانه :

فوجئت بحبيب قلبى , البطل القومى المناضل الاخ ( مجدى النطاط ) رئيس تخرير جريدة العميل اليوم , فوجئت بيه فى برنامج رمضانى ( سخيف ) من اياهم .
صاحبنا نازل مدح فى نفسه , وانه شخص عصامى , ومالوش حل , ومتواضع , وعقلانى , وكبير عيله ( زى واحد ) ومش عارف ايه , بينما الاخت المذيعه فاشخه ضبها عن ابتسامه بلهاء ملهاش اى معنى , وسيباة يكمل وصله النفاق الذاتى بتاعته على اقل من مهله , بل وبتجاريه فى كلامه كمان كمان .


دا فيش وتشبيه ايه دة ياخواتى ؟!!!!!!!!!!!!!

امال لو كان محضر تحرى كانوا عملوا ايه ؟


علشان محرقش دمى كتير
الاخ بيقول انه بيصحى كل يوم ويبص لنفسه فى المرايه ويقولها :


انت ولا حاجه ....


طب وعلى ايه يامعلم ,
ريح نفسك انت ,
انا اقولهالك :


- يامجدى يانطاط
يجيبوك من على الحيط
:
:
:
بشبشب ...


- يامجدى يانطاط

:

:

:
انت ولا حاجه ....




بس
كفايه كدة ...

الخميس، 3 سبتمبر، 2009

بوست جديد

مافيش بوست
هذوها خدعه
( وش واحد جاى من السفر ومطلع لسانه )

لا لا بجد
اقروا اخر تعليق على البوست اللى فات