الأربعاء، 2 فبراير 2011

قبل فوات الاوان


اسمعونى كويس
احنا فى مرحله فى منتهى الخطر
الوضع اصبح كالتالى
فى اقاليم فى مصر تم تحييدها وشن حرب دعائيه عليها علشان الناس تدخل بيوتها ومينزلوش يتظاهروا
اشاعات عن سرقه البيوت وخطف الاطفال والتطعيمات الفاسدة
كلها اشاعات مغلوطه بتشكل عمليه استخباراتيه ضخمه لتحييد سكان الاقاليم تدريجيا ثم اقناعهم بان استمرار الثورة هو السبب فى وقف الحال اللى البلد فيه دلوقتى .
ونجحوا فى كدة الى حد ما فى اوساط البسطاء
الصعيد يعتبر نوعا ما تحت سيطرة النظام لوجود عائلات مسلحه تسليح كبير تدين بالتبعيه للنظام ودول نجحوا لحد ما فى تجميد حركه الثورة فى الصعيد
سيناء نوعا ما تحت السيطرة
يبقى عصب الموضوع واخر قلعه , الا وهى ميدان التحرير
مبارك عارف كويس انه لو نجح فى صرف من فى ميدان التحرير فكل شىء هينتهى تماما فى باقى الاقاليم وهترجع البلد لسيطرته التااااامه .
اللى بيحصل دلوقتى حرب دعائيه
جهاز الامن القومى مش حيادى
مش حيادى
الجهاز دة بيخدم مبارك بكل ما يمتلك من قوة
القوات المسلحه مش حياديه
جميع قادة الجيش يدينون بولاء مطلق لمبارك
صغار الظباط والجنود يكرهون مبارك وقادة الجيش
لاااااااااااااااااااااااازم الوضع يتحرك
لانه لو فضل على هذا الشكل الثورة هتتصفى قبل يوم الجمعه
مش كويس ان الجيش يكون حيادى
وهو اصلا مش حيادى
الجيش , او بمعنى ادق قيادة الجيش بتمسك العصايه من النص
بتقف بثقلها وراء مبارك وبتساعدة وفى نفس الوقت عاوزين يحافظوا على صورتهم قدام الشعب
قيادة الجيش بتصطاد فى الميه العكرة , وهما اصلا جزء من النظام يسرى عليهم ما يسرى عليه من فساد بشع
من الغباء اننا نعتقد ان مؤسسه الجيش نضيفه
النظام وقادة الجيش عارفين ان صغار الضباط والجنود بيكرهوهم
وولائهم للنظام مشكوك فيه
يعنى النظام خايف انه يدى اوامر للجيش انه يواجه الشعب
لان اللى هيحصل فى اللحظه دى ان القوات فى الشارع هتتمرد على قادتها وعلى مبارك , وبكدة هيكون الموضوع اتحسم
اللى بيسعى اليه النظام انه يحط الجيش قدام المتظاهرين ( كفزاعه ) علشان الناس تخاف
ويخليهم فى حاله شك جزئى من رد فعل الجيش لو الناس صعدت الموقف
وخلال فترة الشلل ( اللى احنا فيها دلوقتى دى ) بتحصل حرب دعائيه على اعلى مستوى
تهدف لسحب الناس تدريجيا من الميدان وتصفيه الثورة بشكل هادىء
التحرير دلوقتى فيه كذا فئه
الشباب الناشط اللى قام بالثورة وبدأها ودول لا خوف عليهم لأنهم فاهمين اللعبه كويس
الشباب اللى مالوش فى السياسه اصلا ودول دخلوا على الخط من يوم الجمعه
الناس المهمشه والتعبانه من الاوضاع ودول دخلوا برضه على الخط يوم الجمعه
الفئه الوسخه , فئه كلاب السكك , المنتفعين الرمم بتوع احزاب المعارصه , ودول لما اتفاجئوا بنجاح التحرك حبوا يركبوا الموجه علشان ياخدوا اكبر قدر من الفايدة
الناشطين مافيش خوف عليهم
الشباب اللى مالوش فى السياسه , بالفعل بيتضحك عليهم دلوقتى
فيه اراء بتدعى ان مبارك لو مشى دلوقتى البلد هتخش فى حاله فوضى
وهيحصل مدابح
ومحدش هيقدر يلم الاوضاع
كما انه مافيش حد على الساحه حاليا قادر على انتشال مصر من الفوضى
وان الناس فى البيوت بدأت تمتعض من استمرار الثورة لأن مصالحهم واقفه ( راجع العزف على وتر عودة الحياة الطبيعيه فى خطاب الجيش الاخير )
الفكر الفاسد دة بيفهم الشباب انه حتى لو مبارك رجع هيكون الشعب هو مالك زمام السيطرة ولو فكر يلعب بديله الشعب هيقدر يخلعه بسهوله .
دا كله غلط
مبارك لو رجع هيوطد سلطته بشكل اكبر
وهيصفى كل من جاهر بمعارضته فى الايام دى , سواء اخلاقيا او حتى جسديا .
مبارك كداب
كدااااااااااااااااااااااااااااااااااااااااااااااااااااااااااااااااب
واقسم بالله العظيم
الراجل دة لو قعد تانى لهتشوفوا ايام اسوأ من اسوأ كوابيسكم
اى ثورة ليها خساير
لازم يكون فيه خساير
منتهى الغباء انك تعتقد ان مبارك يرجع تانى ويفضل خاضع للشعب ,
منتهى الغباء ان الشعب يعتقد انه هيتمكن من ابتزاز النظام ( اصلاحيا ) خلال فترة بقاء مبارك .
منتهى الغباء ان الشعب يعتقد ان اللى حصل الكام يوم اللى فاتوا ممكن يتكرر تانى بسهوله
صعب جدا جدا جدا انك تقدر تحشد الشعب تانى بالشكل اللى حصل خلال الكام يوم اللى فاتوا
مش هتقدروا
اللى حصل دة فلته تاريخيه وفرصه لا تتكرر
هبه ربانيه
لو ضيعتوها
ربنا هيعاقبنا اشد العقاب
وهندفع التمن غاااااااااااااااااااااااااااااااااااااااااااالى جداااااااااا
امريكا مرعوبه من ردود فعل الشعب وبدأت تضغط عليه علشان يمشى فورا
هو بيحاول يقنعهم يدوله فرصه وانه هينجح دعائيا فى تصفيه الثورة واستعادة وضعه القديم
احنا داخلين على كارثه
الثورة بتتصفى
فكرة الانتظار ليوم الجمعه للتصعيد فكرة مشكوك فيها
لان النظام مش اهبل
هيعمل على تصفيه الثورة قبل يوم الجمعه
الاعداد اللى فى التحرير دى لو قلت عن كدة الموضوع هيبوظ
لازم مبارك بيراوغ الشعب , وبيستخدم تكنيك النفس الطويل
بيزهق الناس وبيجهدهم وبيستهلكهم , علشان يرضوا بعد كدة بالتنازلات الشكليه اللى هو بيقدمها دى
لازم يحصل حراك النهارة
لازم الكل يطلع على ماسبيرو
كدة هنجبر الجيش انه يتحيز لجهه من الاتنين
اما النظام واما الشعب
اللى معاكوا فى الميدان هيتحيزوا اليكم
وهيتمردوا على قادتهم
وهينتهى الموضوع النهاردة على الاكثر
ارجوكم
ارجوكم
متقعوش فى السقطه التاريخيه دة
مش عاوزين نكون عاااااار
ونندم حيث لا ينفع الندم..